北海道爐端燒 (已結業)

日本餐選擇多多，火鍋，燒肉，燒肉，拉麵多不勝數。香港的日本餐廳到處都是，但好食的真的不是常常見。要找一間食極都吾厭更是困難，早前朋友曾經介紹過此店，第一次來試。店面不算大，星期4的夜晚已經好多人，燈籠和鋪面設計都相當日本。 今日已經準備大吃一頓。第一轉，叫了明太子雞蛋捲，牛仔骨和吉列炸蠔。先講牛仔骨，68蚊4件，牛雖然全熟，但肉質鮮嫩，只有簡單調味。絕對不輸其他店牛仔骨定食。吉列蠔，一份5件，配有2款醬汁，炸物炸粉不厚，薄薄一層，仍然好脆。咬一口蠔味十足，不會係食炸粉，內熱外脆。可能好多人認為蠔要生食先好食，但其實炸蠔確實食出蠔另一面。明太子雞蛋捲玉子，好多人都鐘意食。蛋弄得滑，入口即溶。加上明太子的香味，中間明太子份量十足，咬下去先係玉子，熱食，真係好正。燒物，人人都喜歡食。首先叫了燒小茄子，原本以為係中式茄子，原來係日本小茄子。鹽燒海老， 大蝦超大隻，不花不假，真係少少鹽已經帶出曬蝦鮮味。個人認為蝦頭真係重點，蝦頭蝦膏，從來都吾會浪費。正另外叫了燒雞翼及帆立貝。燒雞翼，我自世鐘意食。有著少少炭烤味，真係吾會食厭。帆立貝串，有4粒，只有少少黑椒及鹽，帶出鮮味。而且真係好大粒。本身以為

朋友話想食日本野上openrice search到呢間即刻打上去book位個裝修同menu上面嘅野都似去左日本居酒屋我地叫左明太子雞蛋卷，蟹肉蟹膏燒，煙肉芝士奶油意大利面同埋串燒五款明太子雞蛋卷- 明太子好足料蟹肉蟹膏燒- 燒好左上檯 帶有少少酒味 如果配埋包就一流煙肉芝士奶油意大利- 呢個麻麻地 冇乜芝士味串款五款- 係廚司發辦- 每款都好食 有露荀牛，免治雞肉，腩肉，豬肉腸同小蕃薯叫左4樣野食兩杯野飲 大約$600蚊

今日嚟到尖沙咀食日本菜，一入到去成場爆滿，超級多人喺度，可能因為呢度租貴所以空間唔太大 ，坐位相對上都比較迫 。由於朋友好鍾意食羊架就叫咗個羊架，嘅味道都唔錯，不過就有一邊燒得唔太熟，太紅啦唔敢食 。浪費左都叫咗個魚生飯，138入邊有幾款刺身，飯應該係豉油飯嚟嘅。另外都叫咗個甲羅燒，有啲係蟹膏係入邊，配飯就啱啱好啦。另外都叫咗個芝士意大利麵，有啲似卡幫拿嘅感覺，都幾特別呢個都幾推介。另外都叫咗一個叉燒拉麵煮雞蛋，呢個相對上就比較普通，湯底麻麻哋。都係叫返芝士意大利麵好啲

今日放工同朋友嚟到尖沙咀，見到呢間餐廳係OpenRice都好多好評，所以就上嚟試吓。安排左4人位比我哋，我覺得呢度嘅座位就比較偏僻。加上我嘅細佬比較肥，所以都坐得有少少唔舒服，建議大家可以坐喺中間位置唔好坐係側邊。首先叫咗兩個鮑魚，$68.1隻，鮑魚正正常常唔太鮮甜。可以選擇其他前菜。推薦佢哋嘅明太子玉子燒，玉子燒整得好似豆腐咁樣，滑脫脫，食落去好得意。明太子嘅味道同玉子都幾夾唔錯。另外都叫咗個燒羊架，味道唔錯，唔會燒得太耐，我就嫌佢等待嘅時間有少少耐啦可能因為即燒即食嘅關係。另外都叫咗一啲煮食例如拉麵魚生飯等等，面類同埋飯類就比較普通我覺得叫小食比較好啲。

今日同男朋友拍拖仔,好耐之前有朋友介紹過呢間北海道爐端燒,男朋友非常細心記得,仲諗定今日同我拍拖所以book左位.去到樓下望落去感覺好普通,估唔到上到去咁大出入,裝修環境非常之靚,好有日式風味,牆上放滿好多唔同既酒樽作裝飾,店入面仲非常整潔,好岩日本人風格,店員仲好好人,俾左一張非常清淨既枱我地,可以慢慢啖情.我平時都比較鐘意食麵,所以我就叫左呢個"豬骨拉麵煮雞蛋"真係估唔到會煮得咁好食,蛋當然係溏心,豬肉有小小肥膏,可以中和返肉實既感覺,最重要個湯底,非常非常之濃郁,濃得黎又唔會咸,真係好出色既師傅.我男朋友就同我相反,佢比較鐘意食飯,所以佢就叫左個"三文魚及三文魚籽飯"都唔輸嫁,三文魚新鮮,最小都有7-8片,三文魚籽出奇地多,岩曬我男朋友最鐘意,飯唔係普通既白飯,係用醋煮成,兩樣一齊食好似壽司一樣.小食方面就叫左個"明太子雞蛋卷"真係手工非常利害,點解可以做到軟軟既雞蛋可以包住一粒粒既明太子?一咬落去仲可以有小小蛋汁同明太子一齊流出黎,好味到飛起,真心推介.最後男朋友偷偷地叫左我最想食既"大吞拿魚腩"因為真係比較貴$198得三片,但因為真係好名貴,所以我都唔捨得,一放入口,油既甘香

尖沙咀有一個位置都比較偏僻的日本料理，就是朋友介紹才知道有這個地方。樓下不起眼，上去三樓就可以看到這個日本料理店，地方好大，裝修好有日本風，它們把枱分了一格一格，好舒服，好安靜。－三得利頂級生啤－好徵美的一杯生啤，先來一杯開開胃，爽呀。－海膽忌廉蟹肉炸薯餅－薯餅上面有一點點海膽，非常新鮮回甘，忌廉蟹肉薯餅是立刻炸的，外面脆脆的皮包住了好多好多忌廉蟹肉，有蟹味，就像在食忌廉湯裡面有蟹肉一樣。－煙肉芝士奶油意大利麵－本來男朋友想叫的時候，我有點想拒絕，什麼可能在日本料理的餐廳叫一個西式的食物？但是因為男朋友想食，就叫吧。沒想到原來好食到爆炸！！奶油超多超濃，配有芝士的香味，還有粗偏身的意大利麵，夠特別，夠好食。－藁燒稻草烤安格斯牛扒－用一片稻草把烤完的安格斯牛扒放在上面，我最愛的半生熟，紅紅的，一直流下肉汁就可以看到有多嫩有多汁，非常好食，極力推介。

是晚和同事來到北海道爐端燒，浜燒三色蟹蓋$128:入面有蟹膏，之前流行韓國蟹膏醬撈飯。我只能說用三色蟹蓋既蟹膏撈飯正百倍。羊架$58:十分香口，肉質仲好嫰滑。中吞拿魚腩$168:吞拿魚腩好肥美，果然夠新鮮﹗金目鯛一夜干$148:好香脆，加埋檸檬汁，正~三文魚及三文魚籽飯$128:魚籽大大粒，一咬就爆出香濃魚籽味。牛油醬油燒鱈白子$92:之前食過白子刺身(口感似豆腐)，今次燒鱈白子就似麵包，香濃蒜蓉味海膽刺身$108:成板海膽睇顏色真係好靚，食落creamy、好滑﹗日式飯團明太子$28:飯仲係出煙，熱熱地上枱，明太子微辣﹗小茄子燒$28:上面有木魚絲，好似會輒咁，小茄子幾juicy~廁所意想不到乾淨，女廁板一打開門就自動彈起，係﹗廁板仲係暖既，好有日本廁所FEEL，去得好舒暢﹗洗手既水好暖，真係好正﹗

今晚放工想鬆一鬆，同個同事黎左呢間係尖沙咀啲日本餐廳。一入到去，店員好禮貌咁招呼我地。店內環境都算幾乾淨。呢間日本餐廳啲菜式比較多樣化，而且有我最期待啲海膽，仲要係唔貴，咁當然要點黎試啦！由於好多都好吸引，所以唔覺意點多左。落單無耐，食物陸續黎到。先來個牛油醬油烤鱈白子，一送到黎時，有陣好香啲牛油甜味，食落有濃濃蒜味，口感似麵包，感覺第一個菜式已經唔錯。再黎就係羊架燒，黎啲時候連埋隻醬料在旁，食落都好juicy, 肉質嫩，油脂分布ok，有鹽香，非常交到貨。 跟著有蟹肉膏燒，有海水味好濃郁，膏非常滑，加埋蟹肉魚子燒過好正。然後食左三文魚親子丼，賣相非常豐富，三文魚夠厚，魚子好有咸香，口感好正，三文魚好滑。到我最期待的海膽，非常新鮮，有濃濃海水味，好creamy，超正，仲可以用紫菜包來吃，個人覺得呢個價錢絕對收貨。整體黎講，呢間日本餐廳絕對可以回頭翻食，價錢合理，食物質素高。

第一次幫襯，但真係永遠沒有下次，今天一入去便被黑面服務員帶到角落處座下，其然後便返到門口處站立，當點餐時便叫服務員，她到我們面前來便說，下一次叫人可以按鐘，跟著指一指，原來枱上面角落處有按鐘，但使唔使咁寸嘴，按鐘同叫服務員過來其實分別不大，本人第一次來，係咪唔識就要俾你串？跟著點餐後，發覺這角落實在沒有冷氣，今天外面26度，而這裏面足有30度氣溫，因此到送餐過來的時候，便對另一黑面服務員說，麻煩可否將冷氣開大一些，其馬上回答已經開到最大，跟着便走開！嘩！根本就感覺到一點冷氣都沒有，居然是這般的服務態度，真係要俾個叻佢，真係永遠沒有下次，費事受氣😡😡😡補充：食物質素真係超級一般！再加上頂級的服務，真係要比五個叻👎🏻👎🏻👎🏻👎🏻👎🏻

聽朋友講呢間日本餐廳cp值好高，今日收左工就決定黎試下佢環境好似日本既居酒屋咁，好適合一大班朋友黎食但今次我地就2個人黎，叫唔到好多野d食物都上得算快，坐左大約10分鐘就有野食明太子雞蛋卷呢個其實係玉子燒，玉子燒個蛋味好香，好滑同明太子好夾而且仲好足料呢個玉子燒真係好高質，十分推介稻草燒醬油三文魚刺身呢個似火炙三文魚，燒得岩岩好，三文魚又新鮮又肥美岩哂鐘意食三文魚既我呀三色蟹蓋 - 海膽魚子蟹肉蟹膏燒三色蟹蓋包括有海膽，魚子，蟹肉同蟹膏。全部都好新鮮，海膽都有好多個味夠哂出，全部lo埋食好正好好食，呢個係必叫!!!燒羊架呢個燒羊架都好好食，出乎意料因為佢燒到medium唔會太生唔會太熟，肉質好好，又有羊味點埋mustard食真係好好食抹茶心太軟&柚子雪糕叫左柚子雪糕先知原來心太軟都有包雪糕心太軟好濃抹茶味，唔會過甜又唔苦配埋雪糕食真心正鍾意抹茶既朋友一定要叫呢個!!!柚子雪糕應該係sorbet，柚子味超級香，又唔會酸，食完成個人透心涼，好解暑總括黎講呢間居酒屋CP值真係高，好食得黎價錢又合理超級推介

事隔年幾，再同朋友黎到呢間居酒屋，談下心、傾下計。人流依然十分多，七點半左右就差吾多爆埸啦，好在事前訂左位(˶‾᷄ ⁻̫ ‾᷅˵)！環境佈置以日式風格，播住日文歌，感覺好輕鬆。被店員安排到坐bar枱，望住師傅工作，增添一份樂趣(*≧ω≦)餐牌依舊不變，食物種類繁多，燒物、沙律、刺身等，應有盡有，對於有選擇困難症既小編，真系睇到眼花撩亂呀！以 明太子沙律(hkd$32) 作前菜，特別之處系將明太子壓縮性粒狀呈上，食落更顯爽口，既好味又開胃。三種精選刺身拼盤(hkd$178) 每次食都吾同刺身，為求選取當日最新鮮供應比客人。而今次就有三文魚、吞拿魚、油甘魚。睇下件呑拿魚幾厚身、幾肥美♪(´ε｀ )明太子牛油燒烏賊鬚(hkd$62) 聽聞呢度啲燒物好正！上次冇食好可惜呀，所以今次叫翻碟燒魷魚鬚。食落真系好鬼正，香噴噴之餘、煙韌彈牙，不過價錢略貴，如果吾系會再叫多碟o(*////▽////*)q！明太子雞蛋卷(hkd$78) 香噴噴咁送上枱，再見到啲明太子流曬出黎，只可以用三個字形客”一級棒”！記得，記得一定要趁熱食呀！芝士意大利面(hkd$128) 今次佢冇推架車仔過黎撈比我地睇啦，可能太多人，冇

朋友介紹了一家上樓的餐廳，氣氛十分溫暖，日本居酒屋的裝修和格局，很適合我們工作後去 Dap 一杯。叫了很多串燒去送酒，每件都唔錯。首先見到餐牌上有九州華味鳥系列，價錢很公道，日本的雞肉一般都沒有那種腥味，而且還是出產靚雞肉的九州，一定要試試看。雞翼串，$30雞翼燒到卜卜脆，由其是雞翼尖的部份，沒有燒燶還要十分脆口。雞翼的肉質細嫩，熟度剛好。雞皮串，$28雞皮要燒得十分十分乾身先好吃，這兒做到了。脆口之餘還有雞油香。雞肩肉，$28雞肩肉厚切，啖啖充滿肉汁。豚肉蕃茄仔豚肉是煙肉，燒過後肉香都跑到蕃茄仔了。牛舌厚切牛舌，燒製後不會乾身，好juicy。帆立貝串帆立貝大大粒，口感柔軟煙靱，吃到海鮮的鮮味。過了一個愉快晚上。

尖沙咀可以發掘下就會有唔少地方食到野，不過今次呢一間既表現都比較失望，味道沒有太吸引之處之餘，串燒肉更加係生，所以唔再去食了。同朋友都點了唔少食物，明太子雞蛋卷，明太子雞槌，串燒等等。。。食物味道都沒有吸引之處，明太子主打既菜式味道一般，就算係雞蛋卷都好，賣相還可以不過口感平平。最想提一提既係個串燒，第一次上既串燒，肉係唔熟，所以不能食，之後叫左幾次都無人理，再叫先有人理，叫佢換，不過再上既第二次串燒，肉係算勉強熟了，但配菜就全燶了。所以呢餐既感覺失望，一次不愉快既用餐體驗了。。服務方面，可能都欠缺人手所以叫侍應幾次先有人理，呢個服務對比價錢就唔值。總結服務差，串燒肉唔熟不能接受。

是日晚餐去左亞士厘道覓食餐廳採用日式居酒屋格局 牆身擺滿各式各樣嘅日本酒款式方面除咗有大量日本酒提供之外 仲有好多炸物 串燒 刺身 等等供應今次我地叫左中吞拿魚腩 $168新鮮而且冇筋 油脂分佈好好 非常鮮甜 入口即溶 明太子雞蛋卷 $78明太子鹹鮮嘅味道 再配以嫩滑蛋香 味道一流雞蛋卷整得厚滑 有口感 層次豐富串燒五款 $118串燒款式視乎當日師傅選擇而定當晚我地有三文魚腩，雞骨腸，露筍豚肉串，免冶雞肉排同埋甜薯串三文魚腩鮮甜但唔會過熟 配上檸檬食突出鮮味雞骨腸同免冶雞肉排燒得好 冇燶露筍豚肉串 露筍冇渣爽口 配埋豚肉黎食 配搭唔錯牛舌 $35/串厚切牛舌 食落爽口 好滿足北海道什菇帆立貝燒 $88原隻帆立貝切粒再配上雜菇牛油等材料黎燒味道鮮甜 材料新鮮 非常入味天婦羅盛合 $88天婦羅即叫即炸 非常脆口 天婦羅汁都係熱上 非常細心炸粉份量適中加上材料新鮮 正呀整體嚟講呢間餐廳質素屬於中上 食物質素高適合一大班朋友聚會下次會再黎！

今次同屋企人黎到呢間朋友介紹既餐廳🥰首先要讚下魷魚先！以為無乜味點知食落去都好惹味，同埋好爽口👍屋企人都讚而我本身就係個好鍾意食芝士既人，於是我地就叫左呢樣，一咬開芝士爆曬出來，熱死我😂但d芝士真係好足炸雞同埋雞軟骨都炸得幾好，出到黎係熱辣辣～因為炸嘢最緊要係新鮮炸呀，d雞都好juicy好有味加埋個明太子玉子燒，大大舊，成舊食好有滿足感，中間既明太子爆出黎咁濟好足料😍拉麵🍜都幾好，個湯濃得黎唔會話太鹹，入面既五花肉好好食呢度既職員都好好，服務態度都幾好