北海道牧場餐廳 (已結業)

早上和中同到了中環的北海道牧場餐廳吃早餐，叫了健康全餐，要我愛的炒蛋，飲凍奶茶。店員在拿錯食物幾次後，終於將餐的所有食物送上。先談多士，十分夠厚的兩片多士抹滿牛油，吃起來不太香脆（因個人愛好接近燶的多士），但幾甜和有麥香。炒蛋是半圓狀的，感覺上薄薄的蛋皮包着裏面半熟的蛋汁；下一點黑椒粉，叉開一看，蛋汁果然爆發出來，吃來很香甜，蛋味也意外地比澳牛的還要濃烈。放上厚多士吃，很令人滿足，是一個美味又豐盛的早餐。至於火腿，不提也罷，我沒有吃，也沒技巧可言，只是把它煎熟而已。凍奶茶則比澳牛的差，論茶香和奶滑都被比下去，還說用了3.6牛奶呢，真差勁。埋單三十二，在中環算是便宜的了。

七月已經知道呢間餐廳喺中環開咗分店，都想試吓....但中環新餐廳通常一開張勁多人，等到八月先黎食第一次。好彩朋友一早來等位，如果唔係，等到一點半都未有枱！午飯時間得一粒鐘，真係分秒必爭！我和朋友都各點了親子餐。叉燒通粉湯底濃，叉燒又夠淋，但通粉又唔會煮到爛哂，有o趙口。值得一讚！其他食物多士和炒蛋等都ok，但並無特別。但都唔知係人太多定係冷氣有問題，成餐晏食到汗流浹背，雖然已然向侍應反映，但她回應己將冷氣調到最大，但我們仍然很熱，感覺像坐大排檔一樣！雖然都想番轉頭再幫趁，但都係過咗夏天先好再諗啦！

七月十六日 (星期五)北海道牧場相信是近期中環人的人氣熱店我們來了又來,今日來個早餐是老公仔答應的,待我的腸胃炎治好後就來喝阿華田恐龍吃早餐還是第一回,我點了一個三寸厚蛋治餐而老公仔則點了傳統的早餐-有火腿通粉,炒蛋多士和飲品飲品方面,我當然點阿華田恐龍,老公仔想試一試有沒有朱古力恐龍這回事,所以決定點凍朱古力三寸厚蛋治真的有成三寸的蛋組成若果將麵包烘底必定更美味....吃得很飽還是吃不完,因要留肚享受我的阿華田恐龍老公仔說早餐基本上與午餐無分別,都保持水準的炒蛋用上北海道牛奶炒,很香滑通粉的湯底濃,令本來無味的通粉添了一份味覺享受...唯一就是沒有了义燒,大概就是早餐比午餐便宜的緣固罷~是時候回公司工作,喝過阿華田恐龍,特別有衝勁!!!

七月十三日 (星期二)是日我倆相約了同事們吃北海道,這店子可算是我們這個月吃得最多的店子呢!不過真是要早去,否則等到點幾才有位!我們一行五人前往The Loop,這大廈都有很多食肆呢!還未試過!今日我還抱恙,老公仔說要吃點清淡,不可以吃炒蛋和牛油,真掃興!我只可以吃多士,走牛油,和通粉!!!!!對我來說,患上腸胃炎真是生不如死呀!!!多士都鬆軟,走牛油吃都可以,我喜歡吃它的通粉,湯底很濃呢!!!!老公仔點了凍華田,發現味道如Breadtalk的美祿恐龍-即是上面滿是阿華田粉呢!!看來很美味老公仔答應我一痊癒就帶我再來喝阿華田恐龍和吃麥旋風希望我快點痊癒!

my mum and i were thinking of a place near home for lunch. having been to its causeway bay branch, i suggested going to the central branch on the eighth floor on THE LOOP. we feared about the office lunch-ers but luckily as we got there after one thirty, we could still secure seats although we had to share a long table with strangers. anyways, we quickly ordered a 'hokkaido' cha siu with sunny-side and rice set, and another set with scrambled eggs, toast and ham. we both ordered hot milk tea.the

十二點三抵達樓下，因為排隊搭電梯關係，我和同事最後入，攝係電梯門口，原來全部人都係同一個目的地，我和同事打了個眼色，電梯門打開，我和同事一個箭步攞枱，全場滿哂，只剩一張，結果唔駛等位就有得食。套餐包括叉燒湯意、牛油多士、炒蛋、火腿、餐飲。叉燒湯意配忌廉雞湯，湯底有d稀，唔算濃，但都好有味，不過湯底多咗d油；叉燒係半肥瘦，食落口feel到有肉汁牛油多士就嫌唔夠脆，好似一早烘好放係度，始終多士都係香脆正d。唔想食炒蛋，所以轉蛋白 (+$3，算抵)：應該加咗牛奶炒，好滑好香，入口會feel到有d蛋白溶係口內，正！即磨咖啡：香濃唔淡，ok

今天早上去了此餐廳當時客人並不多，我同太太order 了早餐通粉凍奶茶改抄疍白, order前同果位女侍應生講話抄疍白要少d油,之後通粉嚟先，但疍白同多士足足等咗15分鐘先嚟, 之後個份抄疍白送嚟份量算ok啦,但係好似用咗十斤油去抄咁見到都唔想食,但仲要加$3蚊我地見抄成咁都無食過就埋單 ,比錢嘅時候我太太同個似係店長嘅收銀反影點知佢無乜反應,早知唔講好過, 價錢佢又唔係平, 真係換來一吐氣, 早知去返樓下翠華好過以後都唔想再幫襯啦!!!

今日同同事一行3 人早少少出去食晏, 12:30 左右去到北海道牧場餐廳, 一去到門口已經塞滿哂人, 等左差不多20 分鐘, 叫到我張飛了, waitress 叫我等等因為執緊台, 好啦再等~ 之後我發現佢竟然叫後幾個 number 的3 人入得去, 我即刻喝住個waitress, 佢先記得我地~!! 發夢~~算啦, 入到位即刻叫野食, 我地叫左3 個餐, 同事叫左叉燒飯。點知1pm 落單, 一等就等超過45分鐘, 超耐!!!, 我地坐的位置近出餐位, 但坐到1:40pm都一直唔見有任何飯捧過出來, 侍應們都彈出彈入, 因為拿錯野食又彈返轉頭, 不停催單, 大家都好似好忙咁, 在場的客人好多都好鼓譟, 大家都趕住返工ma… 快d 啦唔該, 我見有幾個客直頭自己行埋去出餐位置催佢地tim! 最離譜的係, 出餐位的阿姐不停在pack 外賣, 大佬, 全場大部份客人都未有野食, 做左堂食先啦~!! 終於… 要等到1:50pm 先齊哂我地的餐! 其中一個同事因為趕住開會, 都要走先, 我幫佢打包個飯返去, 唉~!! 呢間餐廳, 去過一次夠了, 火~!!

六月二十五日 (星期五)上個星期的飲食雜誌介紹北海道牧場餐廳在中環開了分店,我們都試過銅鑼灣分店,但是服務一般,食品都可以今日一於去試試比較早去到,不用等位!座位宦很舒適,我們的是window seat,望望街也不錯呢!當然都是叫那個餐吧!今次我們試試加$5轉waffle:waffle奶油味,炒蛋火腿waffle真的好吃,奶油也揎得很平均,味道好!而且很鬆軟!推介!炒蛋味道就非常一般,比較油!當然我們也沒有expect太多了!义燒通粉,我們很欣賞個湯底!很濃!通粉有質感,是比較硬的,我們喜歡呢!义燒是半肥瘦,算好吃新鮮呢凍奶茶,味道不錯,奶很滑以後又多個好地方吃lunch了,不過要早點到!!!急急腳呢

見到雜誌賣所以今日特登去食lunch...估唔到都ok多人...同朋友一齊點左個蛋治同叉燒通粉...來到果時勁驚喜...同雜誌啲相一模一樣好大份...好足料份蛋治真係同個名一樣係3吋蛋...勁滑勁香...個通粉睇落就比較普通...但食落又真係幾正...尤其是啲湯...忍唔住係咁飲...仲有個跟餐既炒蛋都係勁滑...好似話呢幾樣野都係用北海道牛奶整既...仲有之前都有兩杯飲品...奶茶同出面既茶餐廳無咩分別...而華田真係勁正...上面啲粉好滿...至於服務方面, 啲野來得都幾快....waiter都幾有禮貌...有咩錢要加既都提我地...仲幫我個蛋治跟返餐所以抵啲...整體來講我覺得真係ok架!唯一唔係咁好既就係食物款式唔夠多囉...仲有係我地坐既位比較熱

不知所謂！向中環開食市， 特別午飯， 要分秒必爭。今日1：00 到， 等了20分鐘才有位（2 個人）點菜 （分別只有A， B， C 餐） WAITER 話佢新， 唔可以落單。算啦！1：25 分終於有人肯幫我落單。崔了3次有多， 1：45 有得食， 我們好好彩，因為可以食整個餐， 我們不停聽到啲人追ORDER， 有啲最終都只有等，而食唔到！一間餐廳啲服務及速度差得咁緊要， 再好食都冇用！差差差！食午飯食到火都嚟！去澳記食完反嚟都唔使咁耐!