北記咖啡奶茶

營業中

休息中

熟食中心最反映得到當區既風氣，所以去到邊都會去試試。剛好係九龍灣，就去拜訪下附近既熟食中心，牛頭角街市既熟食中心。上網睇北記出色係奶茶同豬扒，就一於試試！豬扒米配牛油多士加蛋$32蛋係流心架😋咬左啖先記得影😂豬扒米，最怕食到要用匙羹食既米粉，但佢米粉唔碎同埋滑👍🏻夠飽份量豬扒，都幾大塊。唔多肥膏但算鬆化，只有一兩塊乾乾地。整體唔錯👍🏻😏佢既辣辣油好香，夠辣，鍾意食辣必定要落。落完係咁😋正呀茶走，有茶香，唔會澀，唔鞋口🤔全部野架埋，有野飲而且冷熱飲同價。十分街坊價而且唔難食，實在難得呀😭😭😭

每次去開牛頭角做野，我都一定會黎到牛頭角街市呢度食野。呢度無冷氣、無靚裝修，但無論咩時間黎，都總係坐滿人。唔好諗住可以坐得舒舒服服，因為街坊生意就總係會大家將就下，坐迫啲。每次黎食我都一定會叫豬扒麵！呢度既豬扒煎得好香，而且唔會太乾，份量又多，真係一流。而麵方面，雖然只係用大光麵，但就煮得岩岩好。跟餐仲有蛋同多士，多士熱熱地，又香又脆，加埋牛油就係最佳配搭！加埋杯野飲，都係$32,仲要凍飲唔駛加錢，今時今日仲可以去邊搵？

雖然現時香港不少街市熟食中心都upgraded了，變得有冷氣又坐得冇咁辛苦。不過牛頭角街市熟食中心卻屬冇冷氣一族，呢個星期那裏更是熱上加熱，但忽然想起那裏的「北記咖啡奶茶」的豬扒同奶茶唔錯，在附近賣了戲票又未夠鐘，唯有忍吓熱去食番餐啦。呢間店子最出名的便是豬扒同奶茶。叫了個加埋多士煎蛋的套餐B。平心而論，蛋同多士沒甚麼特別，不吃也不可惜。主角豬扒出來了，我就要了豬扒米。果然是充滿家庭風味，豬扒肉質唔會鬆散，仍有一定咬口，調味又不過鹹（當然湯有味精啦），是阿媽的味道也。雖然天氣熱，但呢度傳聞是由瓦煲煲出來的奶茶，要喝熱才能發揮茶味。嗒落果然順滑，雖然掛杯程度一般，但喝來回甘有餘韻，不俗。呢個餐$32，算便宜了，所以環境較差都可以接受。

見到網友都讚北記的豬扒和奶茶，我住在附近當然要來試試。早上街市二樓的熟食中心，已經人頭湧湧。北記在邊緣位置，有些檯甚至是在公廁門口，但仍然坐滿食客。餐牌貼在牆上，收費沒有分時段。我選了B餐：豬扒米粉、蛋+牛油多士配熱奶茶，以熟食中心來說，$32價錢稍高。豬扒的味道確實不錯，肉質腍軟，醃得很入味。為方便客人進食，已經切開一塊塊。米粉的份量較少，兩三箸已經吃完，稍嫌不足。煎蛋非常油膩，完全是家庭式的製作。多士則烘得不錯，吃起來甘香鬆脆。我想特別說說奶茶。網友介紹，北記的奶茶以瓦煲來煮，本來想去廚房看看，不過那裏地方狹窄，走過去十分礙眼，加上人多擠迫，因此看不到是否用瓦煲來煮。不過我覺得，奶茶的味道只是一般，並不是「我杯茶」。以我那杯來說，淡奶的份量不足，茶色較濃，味道是舊式茶檔的製作。茶味算是濃郁，然而欠缺了香滑，也許不趁熱喝的話，甚至會有苦澀味。整體來說，只有豬扒可取，但以那個進食環境來說，收費實在是徧高了。

只係賣幾款麵餐，都可以坐無虛席，但因為我掛住食，同埋以為普通嘢，原本冇諗住要分享，所以冇影相。今次我叫咗豬扒麵+煎旦+多士+熱奶茶一件有骨豬扒，當然比起冇骨豬扒更有豬味啦，入味，稔身(我覺得都有用鬆肉粉，但唔算嚴重)，冇轉食出前一丁，但個普通麵同湯底都勁似出前一丁，真係估佢唔到咁正。煎旦係兩面煎，個黃剛剛熟，恰度好處。件多士真係冇得輸，烘得夠，而且好夠牛油，好香，食多件都得。奶茶就…真係好濃味好滑好香，飲得出溝咗立頓紅奶嘅份量比起其他茶記多啲啲，所以香味特別出。如果唔介意街市環境濕濕淋淋，真係要去試一試就知咩叫「滿分的麵餐」，仲有，凍飲唔使加錢，呢個餐只係$31。

今日要出外工作，中午時候來到九龍灣，好多食店可以選擇，想起熟食中心有間食店有好飲的奶茶，雖然環境麻麻，無冷氣，但好彩最近天氣涼涼地，食到唔駛咁熱咁大汗。叫左個牛扒麵，配煎蛋，多士，再加杯出名的奶茶，烘多士好香口，麵包薄薄地又脆，中間有牛油，很好食。牛扒麵牛扒煎過再放落麵，牛扒有剪成小塊，較容易食，不過有點偏韌，要慢慢食。成個餐奶茶才是重點，這裡奶茶是用瓦煲來沖，好特別，奶和茶的比例適中，瓦煲夠保溫，沖出來的奶茶相當熱，真係值得一試。同埋食飯時間都好多人來，可能都係來試一試奶茶😅

久聞瓦煲奶茶，去打波前黎食個早餐。地點都方便，九龍灣站行去10分鐘。價錢都ok，$31 冷熱同價，豬扒炸過又鬆軟，牛扒入味。個人比較喜歡牛扒。牛扒一丁，感覺上$3 轉一丁和不轉差不多。轉左麻油味香d。牛扒入味，兒時味道。至於重點的奶茶，可能叫了凍飲，味道淡左，不過茶味和奶味適中。下次都係叫熱飲！豬扒麵，豬扒炸過，又鬆軟，值得一試。炒蛋和平日食開的有分別，呢度係用煎的方式。整體$31 黎計，都ok。想舒服，坐耐少少，都係茶記果d，呢度都係速食為主。

茶記最出名就係奶茶而北記既茶係由瓦煲沖出黎茶味特別濃郁今日叫左杯茶走, 荼味濃而帶滑茶餐豬扒麵加炒蛋多士豬扒算大件又煎得好香, 但湯底太重味精麵又唔會熟到好淋, 有咬感 多士脆口, 但裡面的牛油略然過多炒蛋份量適中帶油值得一提, 辣椒油好香又夠辣, 食得辣的你一定要試下!

見好似客人多，所以試下叫左個 C餐，沙嗲牛麵，腿蛋多士，奶茶奶茶OK，偏多奶，我喜歡火腿，凍，無煎過多士用"孖脂連"扮牛油，唔好味之餘，對身體超無益沙嗲牛麵，入口重"師傅"，麵硬，要浸多陣至食到朋友們叫左A餐, B餐和常餐，無特別，豬扒雖算香，但鞋，且硬，無肉味牛扒當然有鬆肉粉。飲完柸茶，起身走，未離開熟食中心，喉已乾，勁想飲水味精唔洗錢的嗎？唔洗落到咁重手wo這餐後，我地幾個人，全日都要狂灌水或茶，到晚上喉乾都未消除得晒。一句講晒，唔只列入黑名單，係請到唔會食，見過鬼都怕怕！

經友人極力介紹下一試位於牛頭角街市內的北記！是日叫了一碗豬扒雪菜米加多士一份。朋友果然好介紹，豬扒香而入味、多士脆口、奶茶濃滑！不得不提店內辣椒油，屬不太辣而香的一種。與豬扒麵成了絕配。

牛頭角街市內仲有幾當保持住屋邨舊有風味嘅舖仔，北記係其中一間。茶餐已經跟物上帳了，不過，總算係30元慺下。豬排麵係我茶餐廳兩大之選，豬排都大塊、炸得幾香口、味道唔錯。餐配上多士煎蛋，麵包新鮮軟'林林'，比一般方包有質感，我幾鍾意。鴛鴦走，茶餐廳口味，較重奶茶味，又香又滑。

之前一篇因佔中如火如荼所以講咗先，現在這篇講番十月初，專程去了一處平時甚少去的地方，為的是一碗傳說中的牛扒豬扒雙拼麵。北記位於牛頭角街市熟食中心的角落:坐在這個角落, 不單比較空氣流通冇咁熱, 仲可以欣賞舊式熟食中心嘅廚房風味, 好有feel:傳統的大排檔熟食中心, 碩果僅存, 北記絕對值得令人回味!