匠森串燒

營業中

休息中

大閘蟹季節！梗係要食吓啦觀塘做完嘢就同阿媽嚟咗呢間串燒Crossover大閘蟹放題嘅餐廳到dinner ✨大閘蟹都肥美，多膏🤭💕大概3-4両重，重點係任食‼️我鍾意食蟹乸嘅膏，香龍軟綿綿，有甘香仲要係熱辣辣上枱！我見到有啲comment話等好耐，但係我嗰日食又唔覺喎，每人都食咗四隻～✨肉碎豆腐超好食！😘😘🥰😍外皮炸到脆卜卜，未試過食咁嘅豆腐同埋好佩服廚師可以整到，因為豆腐勁易爛！✨泰式燒魚係用鹽焗嘅煮法，本身已經有咸香😚加埋泰式辣汁，令到成件事更加鮮味✨生蠔、元貝、蝦滿滿的juice，好新鮮！😆就咁普通加蒜蓉就已經好食蝦有四隻，上面加咗椒鹽去燒，好惹味！✨茄子、韮菜、牛肉、翠玉瓜茄子一疏疏咁樣撕落嚟，好治愉韮菜唔un，無渣牛肉質素都OK，好香～📍匠森串燒觀塘成業街15-17號成運工業大廈1樓3室

我哋三個女子，一齊去食個所謂蟹放題再加串燒廚師發板，$288/位，結果係定時約每20分鐘每人派一隻蟹，我哋ok，但串燒勁少，臨尾仲要無電，仲要無同客溝通，只係我哋自己發現問嘅，連最尾嘅茄子同燒雜菜，我哋都無心機等嘞！我哋三個一般食量嘅女子都竟然唔夠飽，快快食個下場好過！點知仲被叫住要另比加一！雖然係我哋唔知要比加一，亦係我哋選擇唔等，寧願最後兩個燒茄子同燒雜菜都放棄，快快食多一場填肚，但餐廳又好意思追收！其實嘢食味道ok，蟹亦唔少膏，$288ok，但真係唔飽！唔怪得朋友話openrice咁多負評！不過已預付個set錢，無辦法唔去，當買個教訓！返嚟睇返openrice其他食評，其他早幾星期出post食客有飯食，仲有被告知出面有嘢食攞，我哋係完全唔知囉！侍應無提過！定取消埋！😮‍💨

我哋一行三條女又搵野食，正喎！又大閘蟹放題又廚師發板串燒，見個套餐餐單幾豐富，應該ok 啩....點知....我哋book左6：45pm 時段，樽裝汽水自己攞，啤酒要另外收費。坐咗一陣，職員開始上菜，首先每人一隻大閘蟹，係熱辣辣嘅，應該即蒸好，幾多膏唔錯。職員每隔十零分鐘會上另一轉大閘蟹，共食左5轉。串燒由廚師發板，但見每枱果個爐仔+兩舊點燈籠都嫌細嘅蠟燭仔，驚驚哋...但見餐單都幾多野食，心諗應該都ok啩， 點知...我哋只食左生蠔、蜆、蝦、牛肉粒、雞肉、翠玉瓜 <STOP >於是我問職員串燒係咪完啦，佢話仲有茄子 & 咩菜 （當時聽得唔清楚）唔係啩，咁少！我哋三條女食量一般，唔飽喎！我哋再等左一陣，嘩！水吧位置無左燈嘅？！廚房入面黑蚊蚊嘅？！𠵱！開始無冷氣嘅？！只見職員行嚟行去好忙，於是小妹向職員詢問先知原來電源有問題搶救中雖然說好的茄子&咩菜未到，唔知要等幾耐，就算到咗都係唔飽，決定走人。朋友訂座時已俾晒錢，我哋咪走出餐廳門囉，點知畀個職員嗌返轉頭，小姐你哋未俾曬錢，要收加一！頂！嘢食未到齊仲要收容一，條氣好唔順！總括：- 大閘蟹由職員分配，唔係放題，想食真放題唔

如果唔係放題就唔好用放題兩個字廚師發板, 冇得要求食乜嘢, 亦都冇得要求數量, 大閘蟹亦唔係放題, 每次好似補給咁中央發配, 呢種模式真係好孤寒, 好肉酸！出面擺咗兩個熱菜嘅儀器, 但係係吉嘅, 入面冇嘢嘅, 連其他食評講嘅枝豆和饅頭都冇唔係放題就唔好用放題兩個字去誤導人哋, 請研究清楚放題兩個字係點解先好用“放題”呢兩個字！搞到食嘢要chok住chok住咁樣, 冇得接住去食, 餓住等, 90分鐘入面大部分時間都係等待嘢食嘅時間, 咁樣都要每位320蚊加一, 唔會再有下次, 食到好鬼嬲

大閘蟹任食，加廚師發辦串燒全晚食咗四隻蟹，質素OK，但上得勁慢，坐多個食串燒方面淨係得咗幾串，長期嗰碟都係空嘅另一方面，全場得一張枱有嘢食，話係升級套餐，野食上唔停手，但係望返餐牌，其實係冇呢個餐，即係益自己友，呃人嚟食Openrice 價錢288，未收加入一，連埋加一三百幾，認真唔抵食喺IG見到呢間餐廳，以為好多嘢食，買套餐券嘅時候，個簡介亦都寫好多，但嚟到其實係得好少，希望大家認真睇吓呢個post ，唔好再中伏

又到左期待已久既大閘蟹季，因為openrice眾多好評而選擇左呢間餐廳，沒諗到因此貢獻出第一次劣評到放題店大家坐低第一句都係問，紙呢？呢度既店員會答你：「我們既串燒係廚師發辦架，會派落你地碟」Wow，廚師發辦，第一次發現呢個term有幾positive。現實上，兌換劵上寫既蠔啊扇貝基於「廚師發辦」既關係通通都係冇既，而且按人頭每樣一串。我今日用90分鐘時間內品嘗到以下既精選串燒：一隻青口兩串翠玉瓜（一塊瓜切半為一串一條多春魚一隻蝦一碗蜆一串雞軟骨一串牛肉（三粒一串雞肉（兩粒一舊粟米一條茄子（二人share一串韮菜（二人share平心而言，串燒質素唔差，但唔清楚係師傅能力還是控制成本問題，每樣串燒需要等待十幾分鐘。當然，「廚房發辦」本來就決定好菜式同預好人頭，師傅燒得慢呢個理由合唔合理就見仁見智喇。串燒都控制成本到咁，主角大閘蟹當然唔例外，不過兌換劵有寫到一次一隻，每12-18分鐘左右會派隻，都算係既，但派發後餘下的再分發就沒可能既，因為已經控制好每人4隻，所以到底叫唔叫得做大閘蟹放題，真係好有誤導成份。90分鐘放題大部分時間都係同朋友眼金金咁等野食上，雖然串燒質素唔錯，但唔老實既舖頭都

因為鍾意食大閘蟹，所以每年都會去試不同的大閘蟹放題！今年第一次食大閘蟹放題，對「方題」依兩個字又有新認知！同餐廳所描述我和朋友都得覺得太大出入，蟹全部都係乸一隻公蟹都冇，餐廳內文話有3-4兩🤔但真實只得最多2.5兩。其實細都唔緊要出快小小呀！放題90分鐘只出得四隻，出得非常慢！😫另外個廚師發辦串燒😂真心笑了～同出蟹的速度差不多！90分鐘5串6串？慢到全晚坐多過食～重點係依様冇，個樣又冇～附圖已經⚔️冇嘅嘢～重要個饅頭仔喺一大盤蒸到乾晒而唔係炸嘅！🥀附圖係3位加起的蟹蓋～小食一樣都冇～唯一就係汽水係任飲💁🏼‍♀️

被「大閘蟹同埋串燒放題」所吸引既我同埋你！請留意除左大閘蟹係即蒸即上 (其實係ok, 有膏，每10-12分鐘都有一隻。我地每人食左5隻）串燒係每樣一串咁上。冇得自己QR code落單想食咩就嗌咩，每枱都會由職員上，每人一串…..最後只係黎左以下呢幾樣….出面亦冇咩食物可以攞，只有饅頭同埋枝豆….可能係我誤會左佢字面意思，又可能係今日燒得比較慢 (職員都有解釋，然後比多兩隻蟹我地；亦有比我地食多三個字）….. 但真係唔夠飽😂😂😂😂😂希望大家訂餐前三思，亦希望呢篇食評幫到大家有返啲合理期望😂

話說喺IG上面見到有個Foodie嘅介紹特登嚟呢度試咗佢個放題點知係大伏嘅開始我哋本身約6:30嘅時段等咗10幾分鐘都未有任何餐牌俾我哋去到坐低直至6點9都未有嘢食我哋就問佢其實係咪會有餐牌我哋需要叫？始終都係一間放題佢就話唔係食物係由佢哋決定咁係唔係叫放題？？？亦都見到6點9嘅人到咗坐低七點開始大家都未有任何嘢可以食佢就叫我哋去出邊嘅放題區度拎嘢食佢仲好溫馨提示我哋坐到8點就要交枱而出邊嘅放題區就只有枝豆同埋饅頭同時間佢叫我哋去出邊飲品雪櫃度拎嘢飲飲住嘢先我哋就拎咗asahi啤酒坐低等咗半個鐘7點鐘終於上咗蟹同埋一個蛋撻份量嘅清酒蜆中途亦都上咗3轉蟹夾埋每人食咗3隻然後7:30上咗翠玉瓜再過多半個鐘頭終於有兩隻蝦上枱途中發現身邊所有圍住每一台都喺度鬧緊個侍應因為大家都等咗半個鐘頭都只係得兩隻蟹食然後佢再邀請我哋過去雪櫃嗰度攞嘢飲放題然後我哋再去飲多咗一支啤酒過多咗半個鐘頭，佢竟然再上菜今次上菜嘅係兩個饅頭唔知你有冇留意我一開始post嗰張相呢兩個饅頭好明顯就係出邊夾淨嘅最後佢好寬宏大量咁樣將我哋張單由8:00交枱自己提出改到8:15交枱最後仲想多咗同我手指一樣長度嘅一條魚留意番係要兩

每次只上一隻蟹， 要好勞氣先肯上兩隻😵‍💫😵‍💫好似要求佢咁！ 講好15 分鍾上一隻蟹，但起碼等30 分鍾先有！ 上串燒都唔係任食，係等師父慢慢燒，廚師發板佢幾時俾你、同俾幾多你，你唔可以要求！串燒等成20 分鍾先有得食一兩串！食完成程都唔飽，所有野都就住就住上，咁就唔可以叫任食 😵‍💫😵‍💫有任食枝豆同蒸饅頭！ 點搞呀！好不滿 😵‍💫😵‍💫😵‍💫點解可以咁少野食，又要咁多限制先有得食！我見到全場人都係到等蟹等到有啲嬲！

📣 又到食大閘蟹嘅季節啦！今次我約埋一班Mama朋友，去咗「匠森串燒」享受佢哋嘅大閘蟹任食放題，仲有廚師發辦嘅串燒🦀✨呢度嘅串燒一啲都唔Hea，超級豐富！有燒蠔🦪、燒帶子、燒海蝦，仲有送啤酒一流嘅燒雞軟骨同牛柳串燒！而且，我最愛嘅脆卜卜燒豆卜，食到我心花怒放😍！如果你鍾意辣味，呢度仲有唔同嘅七味粉、辣椒粉同孜然粉供大家自選！佢個蒜蓉燒茄子仲落勁多辣椒粉，真係一流🔥！最正嘅係，呢度仲有勁多汽水、無糖茶類，仲有藍妹Ho Garden同青島啤酒任飲🍻，飲到你心滿意足！食完大閘蟹，仲有黑糖薑茶等住我哋暖胃，真係太好啦！😋而且，唔可以唔提嘅係，佢哋嘅必食蟹黃飯！每一口都充滿濃郁嘅蟹黃，口感滑腍！😍 喺享受咗大閘蟹之後，配埋呢碗蟹黃飯，真係飽到上心口啊🤣💥 而家「匠森串燒」推出$288（原價:$320）嘅季節限定90分鐘「🦀大閘蟹放題·🍢串燒廚師發辦」，真係超值！快啲約埋你嘅朋友一齊嚟食啦！

先讚：我覺得味道係好食既但係假放題 真港式法國大餐每枱客都食到嬲，中間仲有人忍唔坐嘈「違反商品說明條例」有客就忍唔到起身走人，其實可能正係食左一隻蟹、一串韮菜因為ig 廣告 & open rice comment 所以去試下見到餐單內容 好吸引人手得4個，廚房2人樓面2人入枱前等左10分鐘限時食90分鐘，唔洗落單落野食，模式係等廚房煮好一樣野由樓面職員負責每枱派一人一件係唔會知道下一碟菜食乜30分鐘先等到一隻蟹40分鐘先等到一串韮菜之後一條茄子、一粒台灣腸、三片豬頸肉想食主食（只有蟹黃飯/花甲粉2款）但2樣都無，係完全無準備以為任食放題係無限量食、可以不斷地食野，只有汽水係任飲最後90分鐘係食左4隻蟹（無得再加，就算未夠鐘）我知職員辛苦，但你地未搞好基本配套就唔好省錢做宣傳

明白喺香港做餐飲服務業好艱難，我亦都想體諒餐廳，但真係未試過食個放題，甚至話食個飯，都可以咁唔滿足。我到離開其實都無飽過，只係一味飲汽水飲到唔餓。我哋(2個人）坐咗接近三個鐘總共食咗嘅嘢:大閘蟹x8隻燒茄子x1份蜆x2兜（每兜約6隻）蝦x4隻多春魚x2條豬頸肉x4塊雞肉x4串牛肉串x3串台灣腸x2.5條韮菜x1串翠肉瓜x2串蒸白饅頭x1首先，「大閘蟹放題」，大閘蟹唔係放題，而係頭十分鐘第一隻，12-18分鐘後第二隻，離座前15分鐘第三隻，有多先會再分發。即係最少三隻，無得order，問過附近嘅食客都係3-4隻，我哋最後都係得四隻，每隻中間等咗起碼半個鐘。最後嗰隻係喺通知我哋已經夠鐘之後大約15分鐘先到。望下其他食評，聲稱一隻接一隻，又話食咗八隻咁，唔知係餐廳越做越少定根本從來都無八隻，而且佢哋啲相都好相似。第二，「串燒廚師發辦」，每次又等半個鐘但上得每人一串一款，最後成個menu嘅廚師發辦食得九款。所謂葷食，咩咩蟹黃撈飯，無。甜品，無，通知完我哋夠鐘之後問我哋有無邊款想再食，先知有啲串燒係其他枱有但我哋無上過。問下今日係咪無甜品，waitress話係，但過多陣無啦啦上咗蒸白饅頭？？？亦

昨天830pm入座，差不到等了20分鐘也沒有東西吃,樣樣食物好似限量供應. 1030pm離開食店,我只吃了五隻微形大閘蟹,半串燒牛,半串九菜,二串燒雞及蝦,一串翠玉瓜，一份茄子.問職員有冇蟹皇飯及粉絲或其他燒物,她只回答不是時令。飲品少之有少,只供應可樂，芬達，烏龍茶，礦泉水.整間食店不知所謂,廣告食物應有盡有，到達才知什麼也沒有,十分氣憤

😋超抵食！匠森🦀大閘蟹放題每年最期待10月嘅來臨🤤就係開始食大閘蟹啦！！🦀🦀🦀🤩最近係觀塘發現呢間新開餐廳有大閘蟹放題，真係好吸引❤️食物種類都幾多🍢🦪🦐🐥🐮🍆🥬有海鮮，燒肉小食和蔬菜等等....各樣飲品都有🍻任飲啤酒汽水，仲有羅漢果茶添！今次我食呢幾款串燒包括有：燒蠔🦪、蒜蓉燒扇貝、海蝦🦐雞軟骨雞肉串、牛柳、燒豆腐、燒茄子、燒韭菜....掛住食，有好多都影唔曬呀🤭食物燒得好惹味蟹黃飯💛好香好濃郁，撈飯一流！🍚😛大閘蟹雖然唔算超大，但都好多膏😍放題上菜速度都好快⌛差唔多食完一隻就會有即蒸即食♨️新鮮熱辣辣😋食完仲有任飲薑茶🍵觀塘MTR行去好近，地點方便環境整潔👍🏻👍🏻真係幾抵食☺️