十三么車仔麵 (已結業)

見到下面有食評話有效率, 全程只係5分鐘, 但唔知係咪我黑仔, 我第一次幫襯得到完全不一樣體驗。由填紙仔到拎到隻麻雀已經5分鐘, 姐姐忙住執外賣都冇時間收單, 然後我再等咗差唔多15分鐘先拎到餐。食得車仔麵, 就係期望你出餐快, 香港打工仔邊有咁多食飯時間等出餐。而呢20分鐘入面, 有個情況不斷重複, 就係執餸位哥仔執到某一樣, 發現冇哂, 先通知返個客轉餸。乜唔係落單嗰刻已經要知道有冇貨賣咩?仲有呀哥仔, 你啲客等緊嘅時候係睇電話發緊夢, 請你大聲少少叫隻麻雀/ 號碼, 今日見到有兩隻失魂魚聽唔到你叫佢呀。食物質素係幾好, 呢個價錢係抵嘅, 希望下次幫襯有改善。

午飯時間 呢間車仔麵鋪 好多人排隊佢係用麻雀黎叫號 好搞笑四餸一麵 $50 呢個年代 算係幾抵啲餸多到食唔曬 仲要送左幾條生菜而且牛腩汁做湯底 好夠味怪不得日日都逼滿曬人啦 加油呀

#好消息 🥳 #九龍灣 又多間 #黃店 可以 #懲罰 啦🥰今次就係 #十三么車仔麵 😍😍位於 #宏開道 大渣哥嘅後面街 中國銀行地鋪嘅斜對面 果間藍色工業風門口留意返💁🏻‍♀️依家只做 #外賣自取 #不設堂食大家lunch time 可以早啲11:15前打📱what’s app 落單 之後再落嚟自取😉叫開車仔麵 可加$8 跟 #有汽涼茶 有6款任君選擇#半根半腩 果然炆到好入味好腍 #特色魷魚 唔食我辣嘅我 食到有少少辣 不過可接受#豬耳 份量好多 脆口等嚟都腍身#咖喱魚旦 呢個真心辣 魚旦夠彈牙#滷水雞翼 有兩大隻每碗都有兩條菜底🥬=====================

九龍灣工業區的餐廳選擇不多，普遍去到大商場或新式貴價西餐，今次朋友介紹外賣車仔麵，創意又多餸選擇，就去買外賣。 對比其他同區外賣店，時間控制不錯，由進去下單等待到付錢取麵，在lunch hour 人流多，都只花5分鐘左右，效率算快，而且拿著等候牌好有趣。 餐牌上，常見的車仔麵餸菜款式都有，6種麵底選擇，雞翼尖、豬皮蘿白豬紅、牛腩菜類等等，較為特別有糖心蛋、煎墨條、煎牛脷，蟹柳餅等等。 今次點了：麵類：油麵餸類：生菜、糖心蛋、香煎香脷、香煎墨條汁類：麻辣沙嗲湯 小辣 比想像中，沙嗲味較明顯，不算麻，小辣較不濃味，有興趣食辣建議選中辣大辣，而整體鹹度剛好，跟沙嗲湯相近。 糖心蛋的確唔錯，流心質地，加埋醬汁口感豐富。香煎香脷的數量多，共3至4片，而且厚身，夠大塊，口感煙韌有咬口，經過煎煮更加香。香煎墨條的口感類似墨魚丸，而且切件剛好是一口的大小，食落有爽口感覺。

九龍灣美食沙漠，Lunch去邊食乜都甘多人，所以買外賣返公司食，最快、最平又方便。十三么車仔麵應該係近年來最好既湯底正，食完吾會口渴自己填紙仔 麵類：六款 (油麵、粗麵、河粉、米粉、幼麵、米線 三餸一麵 $ 40蚊，４ 餸$48 5餸$57 餸類：有多達30款 (雞尖、雞翼、大腸、豬紅、豬皮、半根半腩、魷魚、冬菇、紅腸…) 必食推介:半根半腩、魷魚、冬菇平時出面叫呢幾個餸貴d呢間全部畫一收費，一定係大家最值得揀半根半腩非常入味，必食！汁類：腩汁已夠味。 吾想成日食飯可以去試下，$40可以食到一餐，已好抵食。

中午跟阿媽以及準備上班的細佬，在「九龍灣」「德福廣場」裡面飲完午茶之後，我在「九龍灣」工廠區裡面尋找之前未光顧過的午餐場地，結果我找到了這一間「十三么車仔麵」。由於我之前在跟阿媽飲茶的時候，已經食了少許白飯，所以就算知道「十三么車仔麵」點餐紙選項裡面沒有提供「白飯」，我也沒有介意，最後選擇了三餸包括「雞翼」、「牛腩」、「菜心」配「粗麵」，湯底選擇「滷水汁」。另一方面，我發現食客需要在「十三么車仔麵」點餐紙裡面選擇「辣度」，而且「辣度」沒有提供跟「不辣」有關的選項，我以為「十三么車仔麵」的「辣度」大極有限，選擇享用「小辣」辣度「車仔麵」應該沒有問題吧？結果我為我的三餸滷水汁車仔麵，選擇了享用「小辣」，結果「十三么車仔麵」廚房製作出來的「小辣滷水汁三餸車仔麵」，車仔麵的實際味道辣得有點超出我承受範圍之外。「車仔麵」「滷水」湯底裡面的所謂「小辣」實際辣味程度，根本跟「地獄」級別辣度沒有分別，湯底辣度辣得叫我的舌頭也當場辣到麻痹，嘴唇也被「車仔麵」「小辣」湯底裡面的辣味到稍為變腫。就連我本來我在午餐裡面享用的「牛腩」、「滷水雞翼」和「菜心」實際味道，也被「車仔麵」「滷水」湯底裡面的辣汁辣味浸到

喺九龍灣返工通常都係帶飯得多今日就食下外賣，聽同事介紹呢一間車仔麵一到中午就好多人排隊，今日就去試吓！1:00落到去大概等15分鐘左右，佢有好多唔同種類嘅麵款，車仔麵餸都好多款！最值得驚喜嘅嘢佢嘅湯汁有好多唔同味😋米線底，牛腩汁加香辣汁湯底😋咖喱魚蛋我就覺得冇乜味，又唔夠彈牙！煮得太淋，豬腸份量都好多！夠林身又乾淨，魷魚爽脆得來又多份量好抵食呀！下次有機會都會再食一個餐都係三餸一麵$40！😍😍😍

十三么的車仔麵成為返工嘅盼望😆😆😆足料，貨真假實，絕對係用心，良心之作😎😎😎👍🏼👍🏼👍🏼一定要為大家介紹咩餸最值得揀😋大家見到最多人揀係魷魚✨✨跟住係半根半腩兩樣都係非常入味，必食！來個特寫俾大家睇大家仲會見到香煎墨條都係好香好好味大家見到上面係滷水日本蛋留意返，如果喜歡食流心一定要叫日本糖心蛋佢會分開上包保蛋黃唔會俾湯浸熟好細心同事話豬都手好入味最重要係如果想減少澱粉質仲可以揀菜底，三餸$35🤩素菜類，冬菇都好厚好入味平日買車仔麵都會有少少菜加俾你最後一定要同大家介紹👏🏼👏🏼👏🏼👏🏼炸魚皮、炸魚皮、炸魚皮！！重要的要講三次😆係非常足料好脆粉薄，一試難忘仲要分開袋包俾你可惜上次食冇影底應承下次一定影俾大家睇！汁方面乜汁都要味道比較濃食得辣嘅可以揀麻辣大辣叫左麵，佢會俾隻麻雀你等叫一索😄午市非常長龍，如果可以早少少去買就唔駛排咁耐當然，好味先會多人排👍🏼👍🏼👍🏼👍🏼

話說係九龍灣做野食既野通常都係嗰幾類，唔係碟頭飯就係cafe，冇咩新意，最近就見到間十三么車仔麵新開，難得係九龍灣見到有新店鋪開業就當然要去試一試佢。十三么車仔麵呢個名我都有聽過但係一直都冇試過而家九龍灣都有咁就完全岩晒我，我就可以有充分理由去食新野。入到去十三么係差唔多全自助形式去點菜，係張紙到寫好要咩再交去水吧，店員會俾個麻雀你，當有食物嗰陣店員就會叫你個麻雀花式去叫你拎餐十分有趣。咁我就夠左個糖心蛋，牛脷同埋蝦卷現粗麵。先講下個煎蝦卷，佢煎到好香但係個蝦味又好突出之餘又唔會太咸，十分好食不過份量有啲小。個牛脷就係我十分推薦，好香好有牛味而且又唔會整到好硬，份量又多完全係可以食得飽。至於個糖心蛋又係可以有流心效果，整得十分精緻。