十三么

營業中

休息中

十三么的車仔麵湯底濃郁，魷魚肉質軟嫩有彈性，蘿蔔煮得入味，牛腩沒有臊味，而且豬手爽口彈牙。四款配料搭配一碗幼麵，整體口味平衡豐富，性價比高。作為一家簡約小店，能做出如此質素的車仔麵實在令人驚喜。

最近美孚同區也開了間車仔麵店。因地理位置關係，相信主要5、7期很多生意會被搶，因那邊還能堂食跟電話外賣； 3、4、8期客源則應該相對穩定。 無獨有偶，價錢跟這邊也是一樣，也是3餸一麵；雖然那邊外賣份量偏少，但堂食卻比這邊為多 （尤其近這2年13么餸愈給愈少了，有時吃完都不太飽 …） 而且工作關係常較晚起床，13么很多餸都賣光了。 變相我的選擇變很少。 （但我打從心底為他們生意好而感到開心）希望這2家店能有良性競爭，最愛車仔麵的我當然祝願店2間都長做長有。當然我還是會支持良心小店。但也希望他們能居安思危。繼續加油。

今次唔講咁多藝術感覺，直接嚟到食物嘅世界。我嘅舌頭同胃已經準備好去迎接呢一次嘅味蕾探險⛵🍜。牛筋車仔麵，喺我心目中嘅地位係無得頂嘅！咬落去牛筋嘅彈性，係咁地滑溜溜添，帶出一種嚟自深處嘅滿足感。咸香中帶甜，個湯頭真係夠哂火候，啱曬吾哩個冬天☃️。而家講下豬頸肉，佢嗰種肥而不膩嘅橫空出世，簡直係低調嘅奢華。食落口有股獨特嘅香味，嫩滑得嚟唔失嚼勁，真係令人回味無窮。至於麵條？彈牙得嚟唔會太硬，似乎喺湯汁嘅環抱下舞出幾支歡快嘅舞步，每啖都係滿足。講到佢嘅雞腎，啱哂愛好重口味嘅你我。嗰滋味，夠哂香、夠哂鮮、夠哂彈牙🤤！食到最後，每個味蕾都係一場幸福嘅慶典，令人捨唔得將碗底嘅每一滴湯汁浪費。講到底，呢啲街邊搖滾嘅美味，真係令人唔可以一次過踩住制動嘅！喺這家店嘅經歷，就好似發掘到一塊埋藏咗嘅寶藏，價值遠遠超過你進門前嘅期望。總之，呢個簡單直接嘅美食旅程，無疑係今天最正嘅事👍。

今次唔講嘢嚟到美孚十三么車仔麵食飯喇！首先啱晒小食兵嘅我，三樣配菜加上麵，感覺真係實在咁滿足🍜！選擇咗豬皮脆口嘅香酥感，加埋雞塊幾juicy，味道咁香，真係好點睛。車仔麵嘅靈魂 - 那麻辣醬汁哦，嘆口水都嚟咗～滋味辣得嚟提提神，惹味到我食指大動！飯後，要講下嗰滿滿的咖啡凍，香滑得黎綿密程度又得嚟嘅，搭埋啲小酌了，簡直係消暑解熱好拍檔🥤！轉頭再嚟食，都定眼準咗幾款新口味嘅配料，預咗要再返嚟幾轉，挖掘下嗰幾款我仲未試過嘅美味。十三么呢度真係隨隨便便都食得開心，神清氣爽，一碗車仔麵，滿足晒我嘅胃口同心情😋！

美孚其實都有唔少餐廳可以食，選擇下。車仔麵既鋪頭唔多不過呢間車仔麵係幾好食又唔錯既味道，而且價錢都算合理。3餸連野飲都唔駛50蚊，還算好吧。飲品都是盒裝或罐裝既。車仔麵就點了紅腸豬紅同雞腎。每次食呢間都會點唔同餸，今次點了呢3個因為無哂豬肚了。而且呢間咁多餸之中每個餸其實都唔錯。豬紅口感有少許彈牙唔係好林個種，自己比較喜歡。雞腎口感都算爽唔算太硬，係其他地方食過想咬爛都有難度。。紅腸薄切口感正常。腩汁ok 。總結黎講。。。呢間車仔麵間唔中都會食下，還好既味道。

同事捱介公司附近有間人氣車仔麵店“十三么”，於是是日決定拉大隊去幫襯下。午餐～～人氣十三么加底 $68總共有13款餸，有午餐肉、雞翼、魚蛋、牛舌、豬紅、豬手、豬耳、豆扑、蘿蔔、雞翼尖、蟹柳餅、土魷、墨條等，款式多，大大碗3餸車仔麵 $434餸車仔麵 $51湯底足料，可以選擇辣或唔辣，腩汁，清湯等，整體不錯

本身都系聽朋友介紹，已經食過好多次，價錢都加左幾次。湯底味濃，選配料亦好多選擇，滷水配料較為出色。   **三餸車仔麵**今次揀左牛腩、滷水雞翼、溏心蛋。牛腩淋身有咬口但唔韌，滷水雞翼超級入味，肉質好香。溏心蛋係放係雪櫃拎出黎，半流心的蛋黃簡直 perfect！揀左腩汁小辣米粉底，味道濃郁，唔算好辣，米粉吸晒湯汁，夠晒惹味。  ♥️ 私心推介 ♥️滷水豬大腸、滷水雞翼、溏心蛋、豬紅。

呢間車仔麵係美孚出曬名，人氣車仔麵店，平時lunch 都幾多人幫襯排到出門口，最鍾意叫就係春卷、豬紅、魷魚、蘿蔔、豬手、蟹柳餅呢幾樣餸輪住食，呢幾樣我自己覺得幾好食，湯底就一定要加埋腩汁同沙嗲汁，咁樣食唔辣又惹味😙

去左美孚做野，但今日只可以買個外賣快食，就去左哩間車仔麵度試吓。鋪頭做緊3餸$40蚊，我就叫咗魚蛋、魷魚同蟹柳餅，跟腩汁。本身重諗緊叫唔叫蘿蔔，但麵有跟幾條菜，所以就冇叫。魚蛋：入味同彈牙，唔似出面好多餐廳煮得太腍魷魚：都係入味同爽口，而且份量比想像中多！蟹柳餅：外皮有小煎過，厚身好味隨機選擇下，哩間十三么性價比幾高，今日好彩仔啦！餐廳：十三么地址：美孚美孚新邨吉利徑19號50B-08號鋪 Address：Shop 50B-08, 19 Glee Path, Mei Foo Sun Chuen, Mei Foo#肥誠 #肥誠搵食 #fatshinghk #instagramhk #instagramfood #food #餐廳 #香港美食 #香港餐廳 #灣仔lunch系列 #灣仔 #屯門 #美孚 #早餐 #午餐 #晚餐 #hongkong #hongkongfood #hongkongfoodie #hongkongfoodblogger #food #foodie #foodiehk #wine #winelover #winelovers #steak  #車仔麵 #美孚lunch

今日有事要去到美孚，所以就諗住你呢頭覓食一下，睇到OpenRice話呢間車仔麵唔錯，就諗住試吓不過去到叫嘅時候，就發現冇得堂食店員就叫我買外賣上去平台嗰度食，咁就試吓啦叫咗蘿蔔、冬菇、魷魚，本來想叫埋菜，但係店員會話俾你聽我哋會跟幾條菜，所以就打咗退堂鼓蘿蔔好入味，又好林，又食到蘿蔔嘅甜味，大大嚿好食魷魚喺呢度嘅強項，都係好入味，爽口至於蠔油冬菇，值得推介，炆得好入味，冬菇爽口，唔會有浸up 味雖然天氣咁熱，食到身水身汗，Stonestage但係呢個味道真係值得一試☺️

#十三么車仔麵 #sorriso_觀塘區 -聽同事講開左間新嘅黃店車仔麵，就梗係要去試下，喺德福間馬會落電梯就會見到，店面唔太顯眼，個名叫十三么，落完單比啲飛居然係食十三么嘅麻雀，我嗰陣係紅中🍜三餸一麵 $40揀左油麵、半根半腩、滷水雞翼、牛肚，我發現佢啲餸都比得幾多，我要食左啲餸先至食到麵，我嗰陣就冇分到湯，拎到返office都係熱辣辣，冇淋到☺️汁揀左腩汁+乜汁都要+小辣，其實本身係圈錯左，不過個staff要比左double腩汁再咩汁都落啲，滷水就唔係好食得出，個感覺好新鮮，但好好食#sorriso_九龍灣 #sorriso_九龍-📍 十三么車仔麵九龍灣宏開道13號景發工業中心地舖美孚美孚新邨吉利徑19號50B-08號鋪

天氣熱辣辣最好就買外賣返去嘆住冷氣咁食湯麵，如果唔係真係會食到流曬汗。朋友推介左我買呢間車仔麵，我就做步兵買上去佢到開餐。佢話假日1點鐘好多人排隊，我今日都算好彩前面都唔算好多人排緊。3餸車仔麵$38佢啲餸既種類麵算多同埋價錢劃一，叫牛筋、牛腩、豬手呢啲好抵食唔使額外加錢。我揀左豬頸肉、雞腎同埋牛筋。啲餸既份量都算多，豬頸肉好爽口同埋唔肥，而牛筋炆得好入味同埋好淋，吸曬啲滷水汁好正。而湯底味道適中，叫左少辣都幾惹味。

唔係誇張，車仔麵食過好多，因為係普通嘅食物，所以印象都不太深刻，唯一深刻嘅就係十三么。我幫趁過好多次了。首先，三餸三十九蚊，十分相宜，而且算大碗，總之如不是特別大胃王午餐就恰恰好。而家好少三餸又足料，每個餸都起碼四、五舊，蟹柳餅果d就兩塊大小合理的，絕無欺場。我今次叫了魚蛋、日本溏心蛋、蟹柳餅，幼麵，有啲餸唔係度度車仔麵都會有得食。個溏心真係幾靚，另外用一個兜分開，幾用心。麵同餸也好入味！附加幾條生菜。至於，辣醬方面，我平時食開勁辣，佢d辣椒醬未去到我極限，但唔需要極限，佢隻醬好好味，同佢個湯底勁配！佢哋應該家庭式經營，佢哋都好有禮貌。而家疫情無堂食只係外賣，但中午條人龍有時都好長。就係大概因為又好食又抵吧。

今日經過美孚某商場嘅小巷，見到有間車仔麵幾有特色，諗住一試下發現$38有三個餸連麵，最啱而家經濟環境，抗疫抗通脹價。我揀咗豬紅、豬腸同咖喱魚蛋，麵就揀咗幼麵，選咗麻辣沙嗲辣汁。回家打開車仔麵，發現仲係熱辣辣，咖喱魚蛋好入味，夠軟熟彈牙；豬腸大部份都煙韌爽口，都有六七粒；最好食都係豬紅，細細粒好彈牙好入味。講返個幼麵，普通幼麵但都幾滑；講到個湯底，麻辣沙嗲辣汁好濃味，但唔會辣到舌頭都麻痹。我最欣賞呢碗車仔麵嘅地方係每碗都一定搭幾條菜俾你，唔似得好多麵店想食菜要計多你一個餸。總括而言，美孚區內一間好有heart嘅車仔麵店👍🏻👍🏻👍🏻

有次無意中行過 ，見到就諗住試下。 自己本身都幾鍾意食車仔麵 ，都有試過好幾間， 但呢間車仔麵真係超級好食。首先，佢個魷魚真係超級入味 ，同個汁簡直就係絕配。 大細又啱啱好， 唔會好似其他鋪頭咁大得滯，啲汁會滴到周圍都係。 有時遲過三四點就冇曬， 我通常都會嗌兩份魷魚，因為真係太好食。跟住就係佢個湯， 我通常都會加啲牛腩汁同埋辣汁 ， 超正，有味得黎唔會太鹹， 次次都飲到我上癮😆。仲有呢就係佢啲麵， 軟硬度啱啱好， 好吸到湯。我每次一有機會去美孚或者附近，唔理順唔順路 我都一定去食