十三么

營業中

休息中

今日經過美孚某商場嘅小巷，見到有間車仔麵幾有特色，諗住一試下發現$38有三個餸連麵，最啱而家經濟環境，抗疫抗通脹價。我揀咗豬紅、豬腸同咖喱魚蛋，麵就揀咗幼麵，選咗麻辣沙嗲辣汁。回家打開車仔麵，發現仲係熱辣辣，咖喱魚蛋好入味，夠軟熟彈牙；豬腸大部份都煙韌爽口，都有六七粒；最好食都係豬紅，細細粒好彈牙好入味。講返個幼麵，普通幼麵但都幾滑；講到個湯底，麻辣沙嗲辣汁好濃味，但唔會辣到舌頭都麻痹。我最欣賞呢碗車仔麵嘅地方係每碗都一定搭幾條菜俾你，唔似得好多麵店想食菜要計多你一個餸。總括而言，美孚區內一間好有heart嘅車仔麵店👍🏻👍🏻👍🏻