十三少 (已結業)

放工去到十三少，一嚐酸菜魚滋味。平日行過都見到吾少人，但一直未有機會食。十三少酸菜魚酸菜魚可揀辣或不辣，仲可以揀份量。可揀份量真係幾爽。如果多人食，就可以揀份大。 普通係$238， 份量大既係$328寬粉就加$26。店員話先試湯後試魚。湯係幾鮮，不會死咸既辣，幾香，好惹味，仲有魚鮮味。魚片好滑，都幾爽口新鮮，而且魚都幾高質椒麻皮蛋揀了皮蛋，與連鎖米線店的吾同。皮蛋好香，加上麻同辣， 都幾好食蒜香荷葉蟹飯荷葉飯向來包住蒸，令個飯有荷葉清香。另外蟹有2隻，蒸既過程個味滲曬入去。加上蒜蓉，就更香。 個個蟹蓋塞滿左蒜， 食落去已好香好香。個飯真係好食。 最後食番個糖水

再次嚟到堅尼地城分店食，呢度裝修古色古香，特別有風味，而且座位好寬敞，坐得舒服😌兩個人最方便就係食套餐，有四道菜。 夏天☀️熱熱地，最啱就係食涼菜蒜泥青瓜，爽脆清甜，加上醬汁，酸酸辣辣好開胃😌主菜點咗酸菜魚🐟，一大盤滿滿嘅，上面佈滿酸菜、芝麻、菊花瓣等，望落華麗✨魚肉片細嫩爽滑，完全無骨，湯底鮮香美味，唔太辣又唔太膩；另外仲有麻婆豆腐，豆腐口感順滑，加上肉粒、辣椒、醬汁，香麻味喺舌尖徘徊😝不得不試紅糠糍粑呢款好有風味嘅甜品，外面酥脆，內裡軟糯，配上紅糖及黃豆粉，簡直絕配，滋味滿分💯

裝修非常古色古香 有格調店員恭敬有禮貌如果係兩個人黎食 一個小食 酸菜魚 一個菜 份量剛剛好椒麻皮蛋醬汁方面 冇估錯既話應該加左醋酸我黎少少麻辣 都幾特別記得每啖都撈d 蒜泥同平時食開既有d 唔同架十三少酸菜魚辣度方面可以簡選小辣今晚既主菜 魚既肉質都好鮮嫩印象中好似只係一兩片肉有魚骨店員人建議我地就咁飲一啖魚湯先酸酸甜甜幾開胃配料方面有菇片 , 萵苣片仲有白蘿蔔白蘿蔔索左湯底 好好味乾煸四季豆對我黎講有少少辣但係炒得頗野味 紅糖糍粑外面香脆入面鬆軟每啖都要店d 紅糖醬一齊食岩岩食完酸辣 真係好岩食呢個甜品唔膩得黎 又可以去左個辣味正呀

酸菜魚平時食得多，但第1次飲到咁好飲嘅魚湯！❤佢哋嘅配料都幾豐富，最鍾意嘅，仲可以食到佢嘅招牌酸菜~我哋叫咗一份酸菜魚兩個人一齊share😘再加咗啲配菜，總體而言都好滿足，酸菜魚上到嚟嘅時候，一大盤份量都幾多👍性價比算高。魚肉有幫手起到骨，所以係魚片，食起身好方便。😉最適合我呢啲鍾意食魚嘅人。魚肉夠嫩滑，搭配埋唔同嘅配菜一齊食，口感會更有提升。🥰佢哋嘅小菜都好唔錯，推薦涼拌椒麻皮蛋，晶瑩剔透，😎而且流心嘅皮蛋黃，真係好誘惑，好香。

在西環碼頭吹吹風看夕陽，望着金黃色的咸蛋黃，真是好治癒。然後來到在海旁邊的十三少酸菜魚，之前已經和朋友在九龍區試過，西環的店鋪更大，裝修古色古香很有味道。招牌十三少酸菜魚選擇了中辣酸菜魚，湯頭依然是清新順口的，魚肉份量不少，大概是每間分店都有標準，魚肉嫩嫩的，而且有很多配料，喜歡萵苣和菇類鮮味很爽口。椒麻皮蛋金黃色的皮蛋晶瑩剔透，辣椒和蒜蓉的份量很多，夠曬辣又夠惹味。乾煸四季豆四季豆夠爽身，吃起來脆脆的，加上辣味的豬肉碎，香香辣辣的，和白飯是很好的配搭。如果肉碎的份量多些就更加好。紅糖糍粑＆雪耳紅棗糖水紅糖糍粑質感煙煙韌韌的，外面香脆灑上黃豆粉，再點上紅糖，真的滋味。雪耳紅棗糖水是店員送的， 清潤又順喉。

我同老友 “飛少” 識於微時, “麥記” “茶餐廳” 乜鬼都食. 老實講, 我真係唔知佢鍾意食乜, 又或者唔食乜.🥰 “飛少” 之前推介嘅泰菜 “火山排骨” 同埋日式 “吉列炸牛排” 十分讚, 今日竟然約戰我最愛嘅水煮魚! “📖 翻查資料, “十三少” 老闆原本係會計師, 做咗四年四大會計師事務所就 “祼辭”, 創立咗 “十三少” 川菜品牌. “十三少” 係一個漫畫人物 (由著名漫畫家曹志繪製), 識飲識食, 對吃喝玩樂有要求. 有趣!🥢 餐廳設多張卡位方枱, 裝修古色古香, 令我諗起武俠小說中嘅塲景. 🌶 涼菜一: 椒麻皮蛋. 未算糖心, 但唔會實晒心, 高質. 椒味足夠, 生蒜再加強層次.🐓 涼菜二: 川式口水雞. 雞嘅質素一般, 唔夠嫩滑. 川椒味道出色, 芝麻提升到整體表現.🐟 主角: 水煮魚. 魚肉實淨滑溜, 吸收到辣椒味. 重點嚟嘞, 湯底係可以飲到嘅, 唔會太鹹太油或者太辣, 撈飯效果亦理想.🍡 糖水. 正常.😱 紅糖糍粑. 相呢? 其實冇食. 話說食完離開咗之後, “飛少” 同我講佢其實點咗 “紅糖糍粑”, 但竟然唔記得咗就埋單離開餐廳 (!)🤗 總結: 座位唔算特別

最近同阿哥大孖一期一會嘅飯局約定喺我哋都心儀已久嘅新派川菜【十三少】 【十三少】店面設計古色古香 風格特別 令人印象難忘一坐低隨即被筷子托🥢吸引住 全因筷子托🥢特意用上真正花生🥜 晚市時段餐廳提供《滋味2人套餐》$338 講緊每人都只係百零蚊就可以品嘗到 涼菜｜主菜｜小菜｜🍚配送白飯 x 2 我哋二話不說即時決定點選抵食2人套餐點好餐以後 店員隨即奉上前菜： 酥炸黃豆 炸香過嘅黃豆既香又脆 非常美味唔油膩 係會令人食唔停口🤭❣️涼菜：椒麻皮蛋 呢個涼菜充滿驚喜🤩 皮蛋色澤金黃剔透😍 食落夠彈牙同時又帶點糖心蛋嘅感覺 再配上椒麻醬汁 惹味得嚟又唔辣 水準之作 私心推介💕❣️主菜：十三少水煮魚🌶️ 水煮魚以特製大碟呈上 非常有霸氣 上菜一刻 見到火紅色嘅水煮湯底 已經即時心心眼😍 令人垂涎三尺🤤 呢個水煮湯底對我嚟講唔算太辣🌶️ 但充滿麻香 用湯底撈飯食真係夠曬滋味 鮮魚片份量十足 最重要口感夠晒嫩滑 令人一試愛上🫶 再配上大量配菜：青瓜、芽菜、粗身薯粉 薯粉食落爽滑彈牙 青瓜爽脆 口感豐富 滿載層次😋 十三少水煮魚🌶️果然係誠意之作 屬必食之選✅❣️小菜：川式口水雞🌶️ 對於兩個人嚟講

酸菜魚 5/5喂 真係好唔錯！個量好足！佢個鍋係無芽菜底 滿滿都係魚肉！ 魚肉都滑 有魚味 唔係一夾就散果種！ 個湯酸得黎有鮮味 入面有啲炸過既菇菌 口感增倍👍🏼麻辣干鍋 2/5個干鍋入面有 鮮牛肉 牛蛙 蝦球 豬手 同豬大腸 共五樣餸牛肉完全無牛味 😓 牛蛙被分屍 係搵唔到既大細😥 失敗 個蝦球爽回既 有炸衣包住 個人覺得同個鍋既味唔係好夾🤔 個豬手正常 個皮都軟𣺉既 OK. 最正係個大腸 外脆肉嫩！好很好食！無異味 可以力推😍麻椒皮蛋 5/5個樣係靚仔既 個汁調得好惹味！配飯一流。如果皮蛋係流心既話會係完美之作！口水雞 3/5一般🤔 雞既質地不過不失 個汁同個雞好似無感情既一對甘 如果配麻椒皮蛋個汁會係一絶！大盆花菜 4/5個到哂基本要有既要求 菜係爽身既 豬肉唔難既 肥瘦適中既 適味唔會話太辣太咸！入面仲有木耳絲 整體口感好好 係好食既 ☺️最後多謝ZA bank! 因為個酸菜魚係ZA bank抽到免費換拎卷送既！ 估唔到送既係2-3人份既size 價值$238! 好驚喜！ （不是廣告）

今晚收工去左堅尼地城既十三少食川菜。小食係炸黃豆，脆卜卜，好香口。椒麻皮蛋椒麻皮蛋真係同上次一樣咁好食。皮蛋應該有兩隻，切開之後擺好喺隻碟，中間就放好辣椒蓉同蒜泥，個汁加左醋，少少酸辣，一啲都唔麻，好開胃。透明蛋白超彈牙，個蛋黃又滑又香，質感好正。豬手豬手一客有10件，份量超多，熱辣辣上枱。豬手炆得超腍，骨膠原重，食完個嘴黏黏地，唔覺肥。食落帶少少辣，好好食喎。十三少酸菜魚十三少酸菜魚真係超大碟！酸菜魚嘅湯底係用魚湯整，服務員建議可以飲一啖先。連皮魚片有好多，非常滑又有鮮魚味兼冇骨。叫左少辣，辣度好啱。除左酸菜，其他配菜仲有菇片，萵苣片，同白蘿蔔片，吸左個湯都幾好食。再加上薑絲，大量白芝麻粒，辣椒，花椒，味道調得唔錯，唔會太辣或過麻。呢度酸菜魚真係好好食，魚鮮肉嫩。紅糖糍粑就算幾飽，都一定要食甜品。糍粑一客8件，伴有紅糖醬，擺盤唔錯。糍粑炸得皮脆而內煙韌，但係全不油膩，伴少少紅糖醬食有少少甜味就夠。服務員殷勤加水，又會幫手換碟。食甜品都會幫你換新碟。值得一提係呢度供應免費檸檬凍水，可以幫辣嘴降降溫。最後要多謝友人請客。

之前朋友同我推介過呢間餐廳嘅酸菜魚非常好食，今次落雨都特登嚟食，果然冇令我失望。前菜方面，我哋點左椒麻皮蛋唔係傳統黑色皮蛋，更加爽口彈牙。當然要食佢哋最出名酸菜魚，入面有多種配料，例如萵筍、雞髀菇、芽菜，魚肉質地嫩滑，色香味俱全。豬手都非常出色，滷得非常入味，而且有少少麻香辣味，好開胃，我一件接着一件食冇停過（因為豬手嘅骨膠原對女仔皮膚好好）。紅糖糍粑係炸好放上枱，糍粑口感好煙韌，同黑糖嘅甜味出奇地配搭

呢間十三少多區都有分店，之前已經bookmark咗，今日終於有機會約埋朋友一齊黎。餐廳既裝修充滿古色古香，十分特別。佢有個滋味二人套餐($338)同4 人套餐（$598）都幾抵食，有齊涼菜、主菜同小菜。椒麻皮蛋涼菜揀咗皮蛋，個椒麻醬汁好惹味，香辣帶麻，皮蛋糖心，晶瑩剔透。十三少酸菜魚主菜可揀酸菜魚或者水煮魚，我哋揀咗前者。勁大盤，金黃色嘅湯底加上雪白嫩滑嘅魚片，一上枱已經食指大動。店員介紹話個金湯係用魚去熬製，可以先飲一啖湯再食魚。湯頭非常鮮甜，鮮中帶酸辣，十分惹味。麻辣鹵豬手小食嘅豬手份量十足，而且肉質腍嫩，簡直係入口即化。豬手非常入味，睇落唔覺好辣，但食落每一口都充滿麻辣香。紅糖糍粑 (+$28)食飽又點少得甜品，加咗份糍粑，即叫即做，上枱剛剛炸起金黃色，外皮香脆，入面軟糯煙靭，仲可以點少少紅糖漿，香甜可口。。。十三少 (西環)西環堅尼地城山市街10-14號山市樓地下1-3號舖。。

今晚食飯我同朋友都好鍾意食酸菜魚，我哋食搵咁多間酸菜魚，兜兜轉轉都係去返呢間食，如果大家食酸菜魚一定要食呢間我哋都唔係好食得辣，所以叫咗個小辣，但係已經好香，好麻辣，啲魚仲要好新鮮好滑，係食過返尋味。每一次黎食酸菜魚都會連佢嘅湯都飲晒，配料酸菜、辣椒仔都唔放過，越食越開胃我哋仲叫咗一個小菜鴨血，唔好提佢咁多辣椒咁，但係其實唔辣，呢個就好似冇得揀辣度，純粹我哋兩個都真係好鍾意食鴨血，佢嘅鴨血好實淨好有咬口，係好好食。

大家好又係我銅鑼灣食神微服出巡嘅時候，今日嚟到堅尼地城，山市街。睇開我食評嘅朋友都知道，我一定要講咗泊車先，山市街屬於環頭環尾，唔同油尖旺銅鑼灣旺角，無咁嚴泊街，只要冇左人，唔係泊得好串，一般都唔搞你。咁當然如果泊雙黃，唔搞你都對唔住自己啦。總之各位師兄看着辦🙏🏻，如果成條街一部違例泊車都冇，就一定係有料到，放落去屎路一條。都係講返食評先，其實呢一間13少位置普通啲，從玄學角度，屬於高速嘅尾位煞氣重。哈哈點解無端端講玄學呢😂😂都係講返，佢呢間有炸豆小食，都貼心嘅。有自己煲嘅菊花蜜，呢個對食辣嘢清喉嚨非常之重要。唯一魚方面，要努力些少，四季豆一貫嘅功力，反而我最愛吃皮蛋，但腸胃不好，每次食都肚仔詐型，真係好好食。紅糖滋粑，一定要熱辣辣食，信我！當然呢度服務都好好，經過食唔會輸，試吓啦！

同同事去堅尼地城嘅十三少食lunch,門口好古色古香，亭台樓閣，好有特色。裏面嘅裝修都花咗唔少心機，有啲鳥籠，百子櫃等等裝飾品。我哋叫咗涼拌皮蛋、一個酸菜魚、一碟四季豆、一個水煮牛、最尾仲有紅糖糍粑做甜品。涼拌皮蛋的皮蛋好特別，從來未見過皮蛋係透明色，食落爽口，醬料夠晒惹未。酸菜魚一上菜嘅時候簡直嚇親，超級大碟，啲魚肉質好滑，有魚味，夠晒多酸菜，我哋叫咗小辣但係都不減佢嘅風味。我個人比較鍾意水煮牛，夠晒香麻，入邊仲有大豆芽菜係我嘅至愛。四季豆有肉碎一齊炒，就咁食又得，送飯又得。食完呢啲嘢已經好飽，但係見到隔籬枱食紅糖糍粑賣相好吸引，我哋都叫咗一碟，絕對冇後悔，好飽都食得落。

🐟十三少 (西環)喺堅尼地城一間後生仔打理嘅中菜館🍚，佢哋嘅酸菜魚同水煮魚都好出名，夜晚食完仲可以去行下海旁添😙。🐟十三少酸菜魚酸菜魚一上枱已經香氣撲鼻👃🏻，除咗啲酸菜同香料好足之外，啲魚肉都好新鮮👍🏻，用上加洲鱸魚🐟，湯非常鮮甜，亦都可以自選辣度添🌶。🍲麻婆豆腐非常有驚喜嘅菜式😽，豆腐口感嫩滑🤤，唔會無咩味，連埋肉碎辣辣哋甜甜哋，用嚟撈飯一流🤩。🥔涼拌土豆絲食落去非常爽口，味道令人開胃，蒜味都好濃🧄，可以接受嘅開胃前菜🥒。🧈紅糖糍粑一共有8舊，份量都好足🤣，面頭灑咗黃豆粉，配埋紅糖漿🍯，好好食而且非常煙韌😋。