十二味熱辣火鍋莊

營業中

休息中

十二味之前就食過幾次，今次第一次就去到位於西環嘅十二味熱辣火鍋莊，入到去店舖內空間比較大所以坐得好舒服，店員介紹我哋食鴛鴦鍋椰子雞同埋Q版熊貓牛油鍋，黎到既時候見到好大隻熊貓好得意，湯底嚟到嘅時候已經聞到好香嘅辣味同埋椰子味最後配料叫左鴨血 鵝腸，萵筍，豆皮，凍豆腐 ，寬粉，鮮腐足同辣味鮮牛肉有幾樣係必食推介，辣牛肉食落有麻麻嘅味道同埋肉質鮮甜，鵝腸爽滑，凍豆腐一咬啲湯汁必哂出黎，雞件好滑配合埋特製嘅醬汁，最後飲埋蜜瓜鮮奶，一個完美既晚餐。

今日嚟西環十二味熱辣火鍋莊打邊爐，知佢有啲特色湯底，我哋就叫咗椰子雞同埋酸菜魚黎做鴛鴦火鍋湯底。 首先講吓酸菜魚湯底，調味好多，味道豐富，魚片大片而且又滑又冇骨。另外一邊嘅椰子雞，本身湯底已經有好多配料，越滾越清甜，而雞係另上，隻雞都幾大隻，而且夠滑，非常不錯成晚真係飲咗好多碗湯，正配料方面我哋嗌左海蝦，夠鮮甜加拿大黑豚肉，非常厚身，食落成塊豬扒咁仲有萵筍同埋時蔬拼盤，索曬啲湯底味，一流最後叫咗個紅糖糍粑，外脆內軟，又係必食

天氣最近都變幻莫測，今日又凍凍地夜晚。決定打個邊爐，滾滾下四川口味的火鍋係近年香港大熱，好多人都會返上大陸食。今日我就決定試下香港的手勢。傍晚黎到，被安排於門口位置，我就幾中意坐d通風位，唔怕吸哂d邊爐味😂menu 分2張，有一張係食邊爐，一張係食d香辣炒鍋。但本身就係衝著邊爐而黎，所以今次食邊爐先。下次再試香鍋。湯底選擇多，我就選擇左椰子🥥雞鍋半隻，加番茄薯仔湯椰子雞湯好有椰味，肉質滑，唔係普通的bb雞仔😂🔸生猛海蝦 $78🔸野菜拼盆 $58🔸蟹柳 $48🔸加拿大豬🐷$78海蝦非常生鮮，有7隻串好左，方便熟左就食得。蝦質彈牙，夠大隻野菜拼盆以油麥菜做主，放落椰子湯底，非常一流。吸收左椰子的香味加拿大豬，爽口，肥瘦適中，食落不會太柴夠肉味

每次乘車經過西環十二味熱辣火鍋莊，都被外面的裝修吸引著。 但總沒有機會去試，前兩天跟同事談起，原來他們試過並推介它的深圳椰子雞鍋。 聽著也使我立刻想去試，即打電話給媽媽約一起去嚐椰子雞鍋。 這火鍋店從外面看以為是一間長長窄窄的店，入到裏面原來頗為寬闊。 而且裝修也內外一致，整間餐廳都掛滿紅燈籠，令人有喜慶的感覺 原來火鍋湯底可選半窩，我們選擇深圳椰子雞鍋併澳門豬骨濃湯鍋。一般的火鍋湯料都是浸在鍋裏，但這個椰子雞窩的雞卻是另上，整碟有半隻之多以$158的價錢來說，可謂非常超值。 湯底內有紅蘿蔔 丶山竹 丶馬蹄 丶椰子 丶粟米 。 另外叫了的豬骨鍋裏面有很多豬骨丶粟米丶紅棗丶杞子及白蘿蔔等等豐富配料。 深圳椰子雞鍋的湯底十分清甜，帶有濃濃椰子味。 另外澳門豬骨濃湯鍋雖然只售$48，但湯底也一樣香濃好味。 火鍋店的其他配料不算貴，但食材也十分新鮮。 我們也叫了脆鯇魚片，口感脆脆帶鮮甜。菜單內有烤羊肉串，這是母親的至愛。 立刻叫了一份有三串，送上來的時候表層灑上很多孜然粉，味道非常可口。我們叫那碟生猛海蝦，一份有七隻，每隻肉質新鮮彈牙。點了一些火鍋配料豬肉餃和萵筍，美味

又到咗Happy Friday，兩小口再次岀動遠征覓食🤞🏻先前睇雜誌介紹，西環嘅十二味有一鍋兩食。因為自從喺上海食過酸菜魚之後，發覺連平時唔食魚嘅我都開始慢慢愛上左。最大原因一定係因為冇骨，而且經過調味之後，魚肉唔腥不特止，啖啖肉非常軟滑。由於男友未食過酸菜魚，怕佢接受唔到，一鍋兩食就啱曬我地😎一去到好full下，好彩我地有訂枱，order咗半椰子雞鍋同酸菜魚鍋各半客。再加d配菜同必食嘅紅糖糍粑，已經令我地捧住個肚走🤣酸菜魚鍋，酸菜同湯底嘅味道好夾，唔算油膩，魚肉雖然切得夠薄，但唔會話一夾即散，食落細滑，不帶半點腥酸，最重要係全餐都無食到有骨😻。拎黎淥冰豆腐好味到不得了，盡吸曬湯汁嘅精華☺️椰子雞鍋湯底清甜，味道香濃嘅程度男友覺得係用椰青水煲成👍🏻放埋隻雞落去一齊煲，忍唔住係開動之前裝咗碗湯嚟飲返碗。椰子肉起初爽脆有椰香，食到後期就香滑滋潤，雙重口感🥥。清甜嘅湯底用黎淥菜就更加帶岀蔬菜本身嘅甜味，令呢一餐頓時變得有營健康🥗甜品方面🥠記得第一次食紅糖糍粑係响深圳麻辣火鍋食到嘅，看似簡單嘅食材但係喺製作上都頗花功夫。呢道四川傳統小吃，用上糯米、黃豆粉配黑糖漿食，外面脆口，內裡軟糯Q彈，關鍵在

今天一家子出去吃飯，有人說要請吃火鍋，不過要去這家，因為她想試店裡裝修風格以木和紅燈籠為主，和其他十二味分店相比更樸實。深圳椰子雞鍋（$248）材料挺足的，雞肉很多，還有紅棗、茅根、馬蹄等等。牛柏葉（$58）口感爽脆，下面還墊了冰塊保鮮。鮮海帶（$28）份量挺多的，性價比高，海帶味重，海帶結比普通海帶口感好。鮮餓腸（$68）餓腸還連有脂肪，所以吃起來比較香，但不是很爽脆。墨魚滑（$68）：墨魚味挺香的，還有小小顆的墨魚粒。南非魷魚鬚（$48）：不算很大條，很快熟。爽脆黃喉（$88）：口感爽脆，火鍋必點！時蔬拼盤（$58）內蒙羊肉卷（$78）羊肉薄，快熟，羊騷味不重。加拿大黑豚肉（$78）意料之外的嫩，吃過很多豚肉片煮完都是柴的，這個還不錯，肉味也足。手切牛舌片（$88）份量不多，煮完更少，味道不錯，但性價比不算高。響鈴卷（$38）正常的響鈴。空運草原黑毛肚（$68）口感和牛柏葉一樣，但是這個沒有漂白過，二選一的話就點黑毛肚吧。

天氣涼涼地，令人成日都想打邊爐❄️❄️，所以今日就決定黎呢間餐廳打個邊爐，暖下身😋😋本身正係諗住食椰子雞🥥🐥，但黎到發現可以叫半鍋，叫我地就決定叫半鍋椰子雞，半鍋酸菜魚試一試😋😋椰子雞一上枱已經o曬咀，半隻已經勁大碟雞！食極都仲有😍😍湯底入面仲加左椰子肉、紅羅白、馬蹄、紅棗、栗米同埋茅根，都幾足料😋😋酸菜魚湯底酸酸辣辣🐟🌶，令人愈食愈想食，魚亦都係無骨，岩曬懶人😍😍湯底除左酸菜、薑仲有少量菇，索曬啲汁都幾正👍🏻👍🏻火把牛肉$48/6🐄🐄呢個牛肉係卷起黎燒，而入面就加入左黃黃地色既辣椒🌶️，都幾得意，而牛肉上面就加左適量既孜然粉，令到串燒更香😋😋燒牛舌$48/3🐄🐄呢個燒牛舌份量都幾多，每串都有3舊，即係total有成9舊，而上面同樣加上左孜然粉同啲辣粉，令到好惹味😂😂甜品方面就叫左碗冰粉，賣相都幾靚，份量都足嫁，而入面除左加入冰粉，仲有提子乾、桂花，令到口感豐富左好多欲望酸梅，呢杯飲品真係超級大杯，係用啤酒杯裝既，飲落酸酸甜甜，超級解渴👍🏻👍🏻

今天星期三，是家庭日，所以我們四個人又外出用餐啦。最近天氣轉冷，所以就挑了家火鍋店。這家店在西環開了也有好一陣子，每次經過都想試試看，今天終於如願啦。門口有標語：沒有什麼是一頓火鍋解決不了的，如果有，那就兩頓。裝修以熊貓和紅燈籠為主，十分中國風。店裡的調料選擇不算多，但是基本的都有，還有罐裝的麻油。深圳椰子雞鍋（$248）因為媽媽不吃辣，所以鍋底就選了椰子雞，沒想到的是，雞居然有兩大盤，上來的之後嚇到了，這也太多了吧。手切牛舌片（$88）：牛舌是薄切，很快就熟了。加拿大黑豚肉（$78）：豚肉很大片，捲起來了，變色看到沒有粉色即起，吃起來還算嫩，滿足感十足。內蒙羊肉卷（$78）：羊肉厚度中等，羊騷味不重，肉質也可以。空運草原黑毛肚（$68）毛肚口感爽脆，吸附湯汁，火鍋必備。時蔬拼盤（$58）蔬菜份量大，種類有三四種，不錯。響鈴卷（$38）味道正常，可點。墨魚滑（$68）墨魚滑塑成心型，兜是仿竹筒。不知不覺就點了一桌子的東西啦，還有很多在小推車上。

雖然而家係下午，但天氣凍幾時都想食火鍋，行行下街就發現咗有一間12味火鍋鋪頭，呢排12味開到成行成市、周圍都有，咁就諗住去試吓啦。入到去就見到一啲好中式裝修設計，座位亦都好闊落，坐低後店員為我地介紹湯底，佢有啲好有新意嘅湯底，例如係熊貓嘅牛油麻辣湯底，不過始終都係下午所以我哋唔想食麻辣，於是就叫咗個深圳椰子雞嘅湯底。除此之外仲叫咗黑豚肉、肥牛、墨魚滑、毛肚。個湯一上，真係好有驚喜，我哋完全估唔到係比成隻雞我哋㗎 ！未將雞放落湯底之前，我哋都試吓湯底先，味道係一陣陣清香嘅椰子味，就好似飲緊椰子水咁樣，好鮮甜。隻雞都啖啖肉㗎，要分兩盤先至裝得晒成隻雞，食落口雞肉係好滑，值得一讚。個湯底仲有其他配料，例如竹笙、粟米、椰子肉、竹蔗茅根等等之類。其他點嘅主菜都好好味，例如肥牛同黑豚肉個樣望落去已經覺得好好味，食落去都係一樣咁好味，佢啲肉唔算切得好薄，但係食落去完全唔會覺得靱，亦都好有肉味。墨魚滑整到好似心形咁，好有心思，食落口真係有一粒粒嘅墨魚咁樣，唔係麵粉。最後就係我最鍾意食嘅毛肚，大大塊咁放落去煮，幾秒就食得，爽口又美味，真係食過返尋味。總括嚟講呢一餐真係食得好飽，因為我哋叫咗個椰子雞湯底係

我們兩小口都沒有飯局所以今次由我想一間飯店。我地今次食既呢一間十二味是有特式火鍋。佢有個招牌牛油熊貓湯底，我地叫左半鍋呢個同埋半鍋椰子雞湯底。我地叫左唔少落火鍋既野食，我地覺得蝦滑同肥牛唔錯。之後仲叫左串燒牛肉同埋燒茄子，呢兩串都好好食，拍得住大陸出名個啲。個熊貓用牛油制，好有特色，等到佢溶哂我地先開始落野。個熊貓湯好有牛油味同埋會愈煲愈辣，所以去到尾段我淨係用椰子雞個邊。椰子雞湯底好多椰子肉係入面，所以好有椰子味，而個雞會分開上，你想落幾多先落。之後我地叫左杯豆漿同melon milk。豆漿味道還好。melon milk分量太少了。總括來講都唔錯 不過價錢有啲太高姐。

身邊朋友都熱愛吃火鍋，今次兩人小聚去了這家十二味熱辣火鍋莊。熊貓、木桌、大紅色的燈籠，店內充斥著中國色設計，環境相當不錯。火鍋湯底有好多選擇，款式都幾特別，普通火鍋店未必食到。大部分湯底都有得選擇半鍋或者全鍋，可以一次過試兩種湯底。今次分別揀了深圳椰子雞鍋和Q版熊貓牛油火鍋。熊貓🐼型狀出現在火鍋上，十分可愛。加熱後熊貓會慢慢溶入湯底中。紅色湯底一望就知辣，喜愛這種辣而不麻的辣度，辣味在口中過了一陣子就會慢慢減退，辣度屬中級程度。椰子雞湯比較下味道較清，湯底不太濃味，反而食到椰子清香味，不油膩，淥蔬菜或響鈴卷我比較喜歡這個。選擇椰子雞湯底會跟一碟雞，雞肉好嫩滑，而且份量非常多，當天同朋友兩個食，差點兒食不完，好彩火鍋配料點了不多。加這些調料，雞味會更出更濃👍🏼。這裡的火鍋配料整體份量都多，而且新鮮。鯇魚片味道鮮甜，口感爽脆。蝦滑用新鮮蝦打製，口感結實。這裡供應的烏冬是我喜愛的冰烏冬😍，麵質煙韌彈牙。豬肉餃都同樣令人食指大動。豬肉預先被醃製，所以餃子本身經已味道濃郁。經加熱後豬肉肉汁仍然保留在餃子皮內，好食。豆漿糖份不多，健康👍🏼。

西環自從地鐵通車，愈來愈多小店被發掘，亦好多有名的食店開分店，今次友人帶小編黎到呢間主打正宗重慶火鍋--十二味熱辣火鍋莊一於挑戰下有幾辣先店內椅子桌子都係採用古桐木，亦掛上好多紅燈籠，帶有濃濃的中國古典氣息位置都坐得幾寬敞，大約坐到40-50人出邊會有個調味區--有辣椒料, 蔥花, 生蒜粒, 豉油同鹽，款式唔算多，不過就有好似內地火鍋店咁有罐小香油，岩哂解辣之用同保護腸胃溫馨提示，每人要$8醬油費同$10茶芥費今次就叫左鴛鴦鍋，分別係深圳椰子雞煲同Q版熊貓牛油火鍋一上枱就比個可愛既小熊貓吸引住，呢個小熊貓其實係用牛油製的，座下係紅彤彤既炒香辣椒膏配料，店員加入高湯後，熊貓慢慢溶入火鍋內就變成正宗重慶火鍋呢個湯底真係麻, 辣, 香到位，色香味俱全，嗜辣既小編當然食得津入味，辣味以麻為主，後勁較厲害，辣得好過癮椰子雞煲真係好足料，湯底內有好多椰子肉, 杞子, 粟米, 紅蘿蔔同馬蹄，材料吸哂椰子湯底精華一滾起後記得飲返碗先，飲落十分鮮甜同椰子香，真材實料附加半隻走地雞都十分足料同新鮮雞件好香雞味且唔太肥，食落仲會吸哂椰子香味，滾後仲可以加青檸同沙姜當味料點而且好欣賞雞件係會分開上，唔怕愈滾愈

天氣凍最好就係食返個麻辣火鍋，今日就想約咗幾位朋友打邊爐。一開始侍應安排左我哋坐左一個角落頭，其實都幾迫，因為我哋連擺袋嘅地方都冇，手踭亦都會撞到隔離枱嘅人。好在後尾佢將我哋轉左另一張比較大嘅枱，所以可以坐得鬆動好多。不過呢度開個冷氣好大好凍，可能因為麻辣火鍋比較大氣味，但真係好凍。另一樣野係呢度好似比較多大陸人嗰個香港人🤔講返個火鍋先，今日我哋就點左招牌熊貓麻辣湯底拼椰子雞。坦白講，雖然隻熊貓好得意，不過其實全部都係油，所以食落去好油，成個湯底都超級辣，我要飲住豆漿先可以食落去，而個椰子雞湯底無乜味，所以overall我會覺得d湯底係好睇唔特別好食。至於食物，選擇唔算多，但好奇怪地好多野都要叫拼盤唔可以散叫，好似我鍾意食娃娃菜，但一定要叫蔬菜拼盤唔可以單點🤨 叫火鍋又唔可以點香鍋d餸。唯一抵讚係個牛都幾好食又幾抵食。Overall我覺得唔太差，價錢中挺，不過再想食麻辣火鍋我未必會諗起呢間。

重臨十二味，沒有令人失望。到處都是熊貓🐼的擺設，應該是川菜為主。煱底點了椰子雞+酸菜魚，椰子清潤；酸辣魚味道適中，魚很嫩滑。整體食材新鮮、性價比可以！ 不可不吃的是這裡的糍粑，即炸即上，上面加上一層黃豆粉，有點似吃日本的蕨餅，我們共叫了兩碟。

之前食過十二味ge 酸菜魚好得！😋e排見到西環有呢間十二味辣火鍋莊, 專登離試菜式水準！😎入到去，有不少熊貓擺設、紅燈籠等，感覺好有特色！叫左一個雙併鍋，椰子雞鍋同熊貓牛油火鍋，價錢係兩個半鍋價錢加埋。椰子雞鍋好香甜濃郁椰子味，加埋啲配料紅棗、杞子、粟米，同埋半隻雞，味道越嚟越香濃，好好飲！朋友叫咗個熊貓牛肉火鍋，好多香辣嘅材料，香、辣、麻味道出眾，點呢個湯，一定要帶定包紙巾！手切牛頸脊，雪花分布均勻，牛味濃。墨魚滑彈牙。美國桶蠔，頭兩隻又大又鮮，尾兩隻size與鮮度一般。最後落埋啲豆皮、淮山、同埋寬粉，吸收埋湯嘅精華！總括而言，湯底質素高👍🏻，食物材料新鮮，份量ok，可以一試！P.S. 見好多客人叫香辣鍋撈酙料，下次試試！