十二味貴陽牛肉粉 (已結業)

早幾日唔覺意係奧海城三期地下發現一間我無唸過香港會有得食呢樣菜式的食店！！就係------貴陽牛肉粉！！！！以前曾經同屋企人去過貴州旅遊時有食過，很中我口味！既然比我係香港見到此牛肉粉，當然要立馬衝入去試一試！首先店內裝潢想不到的很亮麗整潔，而且店外仲有露天座位，唔講會以為係西餐廳或者Cafe XD~ 座位都很寬敞舒適，跟一般的米線店不同~~而且餐廳仲每枱都提供一盒紙巾，對要食又熱又辣米線的客人黎講，完全是細心的準備。餐廳menu很簡單，菜式一目了然，主打當然就係牛肉粉(有湯有涼拌選擇), 另外仲有幾款當地菜式小食及甜品飲料。我點了經典牛肉粉，有兩款可以揀，清燉牛肉/紅燒牛肉，我選擇了不辣清燉牛肉，賣相清淡女士們一定鐘意！牛肉粉的份量對女生來說是十分足夠的，如果是胃口較大的男生，可能要加底先夠~先試了一下湯，有很濃郁牛骨味，飲左大半碗都唔口喝，證明無落味精~~每碗的牛肉亦不少~ d牛肉燉到林一林, 十分美味！同真正係貴陽食的牛肉一樣味！每枱其實都有一set調味料，麻/辣/酸/咸樣樣齊，對於唔食得辣既我，落少少麻刺激下都非常過癮~~~餐廳的豆漿亦夠香濃又唔過甜，解辣之餘飲得舒服~初嘗試有

去完奧海城行街，行到攰就當然又係搵野食時間喇，今日本身想翻屋企食，但係就俾餐廳的一張標籤吸引左，餐廳係一間貴州風味嘅舖頭，所以就入左黎試下。清燉牛肉面餐廳走嘅係平民嘅路，不同的食物價錢都唔會太貴，就好似呢清燉牛肉面，份量十足價錢都只係40蚊，真係抵到喊架，牛肉夠份量，又夠晒惹味，真係好驚喜架。蒜泥白肉蒜泥白肉上枱嘅時候已經聞到香味，夠晒蒜蓉味嘅同時唔會太咸，入口都算惹味，用黎做拌麵嘅小食就岩晒下次都要再黎先得

今日放工約咗朋友敘舊去奧海城一間新餐廳食飯，餐廳叫做十二味貴陽牛肉粉！朋友話想坐室外因為呢排天氣都唔錯幾舒服。好，講返食物先，我叫左一個清燉牛肉粉，味道都唔錯，而且食得出個湯底唔似出面食嗰啲味精湯底咁，應該係廚房師傅都用左唔少心機時間同啲原材料去整出嚟嘅，湯底食得出有牛骨嘅味道，湯底唔算太濃，配上米線食都唔係一個唔錯嘅配搭。而且枱面都有唔同嘅調味料可以自由配搭例如有一啲麻粉辣粉等，方便調教自己個人嘅口味，另外牛肉味道都唔錯有牛肉味而且肉身都幾滑口！另外我仲同朋友夾左幾個小食，其中紅油木耳最為突出，紅油木耳酸酸地又有少少辣食完幾開胃仲有我哋叫咗個手撕雞，都唔錯有少少辣，而且手撕雞食落都幾有口感唔會去一嚿嚿咁樣有時想約幾個朋友敘舊傾吓計其實都可以去返呢度食嘢因為室外個環境幾舒服幾好挫

今日中午放飯見到公司附近了多左間新野，見咁岩經過見到就走左入去試下。一入去咁有人走，唔洗等都已經有得坐。 紅燒牛肉卷粉(辣)根據餐廳職員講呢度卷粉係貴州嘅風味粉，我都係第一次食，口感真係唔錯嘅，配合埋個辣湯底，同埋足量嘅牛肉都真係幾惹味。而牛肉入口夠晒嫩，一啲都唔老，成碗粉就一人嘅份量絕對夠，食完實會飽肚。拍青瓜拍青瓜入口要夠晒清涼又夠晒蒜味，份量亦都足料，不過我個人覺得可以冰涼啲，令青瓜肉食落可以更舒暢，話明涼菜緊係涼啲先好食架嘛。一個人食又唔貴又夠飽，搵日再黎試其他野先

今日中午放飯係openrice見到奧海城開左間新野，咁岩行過見到就走左入去試下。一入去可能我地放飯都比較遲，所以唔洗等都已經有位。清燉牛肉粉根據餐廳職員講呢度粉比一般威到嘅要粗，我地係一啲貴州嘅風味煮法，牛肉入口夠晒嫩滑，一啲都唔會乾，仲好多肉汁，而且粉嘅份量都夠，果然夠晒飽肚一啲都無花假。蒜泥白肉豬肉入口要夠滑，雖然有小小肥，不過辣味十足，份量亦都ok唔會太小，不過我個人覺得可以辣啲，令豬肉食落可以更惹味。一個人食二樣野食到飽晒，真係好滿足，絕對值得再黎食

一個人的晚餐＠十二味貴陽牛肉粉 放工後約了買家在奧運站交收，順路買點東西再食少少東西就回去，一個人實在難以搵食，隨意看看openrice 發現就在三期地下開了間賣貴陽牛肉粉的餐廳，便走過去看看 晚上８點左右，餐廳坐滿客人，餐廳是半自助形式。先下單然後就等服務員送上食物！ 我一個人和另外二位女生搭桌便等食了～這裡非常有趣，客人好多都是說普通話和英文的客人，應該都是來打工的國內專才或者是住在附近的生意人， 雖然我不知道正宗貴陽牛肉粉是什麼樣，我心想這裡的食物應該都是非常地道，才會吸引他們來食飯，一解鄉愁 放滿特式香料和醬油 麻辣手撕雞 ＄３８ 完全無骨，食起來啖啖肉，口感很好，味道有少少辣，我覺得再辣一點會更滋味！入面有點青瓜絲，食起來帶點爽脆口感，稍嫌上面加得太多油，但整體也不錯 紅燒牛肉麵＄５２，我建議愛辣的要點中辣以上，味道非常有趣，帶點牛肉鮮味，又有點麻，有點辣，而且又有一點香料的香氣，上面又有一點酸菜，令湯頭帶點酸又不會搶走湯底的鮮味。至於牛肉，有點似牛腩，是很腍的那種，食起來一點肥肉也沒有，但口感又不會似食廋肉。至於麵條，我覺得有點太腍，而份量方面，一個女生岩岩好

奧海城開左新食肆，好辣的我當然要來試試。坐底睇睇menu, 立刻決定了貴陽辣雞粉（圖片太吸引了）。剛點完單，不用2分鐘，店員已親切地端上面，賣相不錯。先試了雞，應該有炸過非常可口，湯下了不少麻辣香料，加上芫茜中和，麻辣得很惹味。而雞和面的份量都很多，價錢值！下次可考慮少油，會較健康。加$10有野飲，點了豆漿。

通常集團式商場食肆既選擇通常都唔多，難得有間新食肆喺奧海城開幕，所以襯着今日屋企唔煮飯決定落去幫襯支持吓！根據餐廳所講，呢度既牛肉粉發源於貴陽花溪地區，係貴州既一道特色小吃，用上等黃牛、精製米粉同埋多髓牛骨熬成鮮濃原湯，再加上爽滑既蒸汽米粉，一碗熱辣辣、色香味俱全既牛肉粉就躍然呈現喇！「麻」既花椒同埋「辣」辣椒感覺唔算太辣，放落牛肉粉之後開胃惹味得黎又唔會太過濃烈！「醋」同埋「醬油」我覺得反而又點劃蛇添足，即使唔落都已經夠晒味道，不過見到好多「普通話朋友」都有跟足佢建議既方法調味，唔通呢D先至係正宗食法？全家福牛肉粉 ($108)：同出面既酸辣粉有D唔同，呢度既牛肉粉味道比較偏重「麻」，「辣」既感覺相對冇咁強烈。配料方面認真足料，滷水蛋、牛𦟌、牛肚、豆腐等通通都有齊，份量以超過一百蚊一碗既價位黎講絕對交足功課！湯方面非常特別，可能因為用上100公斤既豬筒骨同牛筒骨熬300碗湯，所以能夠完全謝絕濃湯味精，抵得辣既朋友可以試下飲晒成碗架！憑着半個場都係國內朋友呢個point，直覺話俾我知呢度既貴陽牛肉粉應該十分正宗，想試authentic貴陽風味既朋友千企唔好錯過呀！

自從離佐職，轉佐工之後，都好少再過黎奧運站，因為呢個居真係可以說是「自成一國」。除了在這附近居住的居民，在附近工作的工人外，外區的市民也應該很少會踏足此區。今日放工揸著車唔知去邊度食晚飯好，走著走著，突然便想起這個奧海城商場，有得泊車，人流唔多，容易搵食，便決定了。看著水牌，連鎖式大型餐廳，個人不是太like，始終大型制作，會少了一份心機，少了一份創新，最後，比我揀到呢間牛肉粉！名字時特別的，十二味貴陽牛肉粉，和我之前吃過的烤魚名字一樣，未知是否同一集團，但我也沒有深究，最緊要味道好。餐廳不算很大，有室內有室外，我大約7:30到達，餐廳已經9成滿，在這地段，人流之多是我始料不及的，但也可以作為餐廳質素的肯定？因為天氣由冷突然轉熱，在室外吃牛肉粉恐怕會令我吃不消，所以最好還是選擇室內的位置。看著枱上的餐牌，很快我們便揀選完成了，牛肉麵，是必吃的，小食，也想吃，再來一杯飲品吧！揀選好後，走去收銀處落order，噢，原來有套餐，套餐包的，和我所想點的，不謀而合，當然要套餐啦，足足便宜了數十元，算是賺了！調味料分為麻、辣、酸、咸，第一次看見餐廳以此適別，簡單易明。落好單，付了賬，便拿著自己的號

在銅鑼灣做出了名堂的這所牛肉粉麵店，剛啱殺到來九龍區開分店。對我等九龍人來說這絕對是一個好消息....而且店子的位置就在奧海城三期的地下，個人可是頗常出現於此地的。若要心血來潮想嗒番一碗的話，也算非常便利呢....牆上一大段文字介紹店之由來以及所謂貴陽牛肉粉之大概及吃法。雖像有點煞有介事似的但倒不覺唐突的....小弟年紀越大越不能食辣，故此餐牌上的辣東西是注定要與自己絕緣了。看應似是店自慢的經典牛肉粉可以選擇不辣的清燉牛肉，這實合晒我的口味了....呷一口湯，清得來下失牛骨香及甜，油份基本上是蠻少的；牛肉部份都是以展位為主，咬進口淰軟得可以。其中有一兩件還是帶少許筋藏著咬勁煙齦，很不錯；麵初嚐時以為它有點偏軟，但咬將下去卻能感受到丁點的Q彈的咬口。蔥與莞莤份量對我來講是剛剛好，特別是後者，若然再多一點的話我就受不了....喵到了檯旁放著的調味架甚特別，驅使了我下了點醋以及花椒進湯內。湯的酸與麻頓時令舌頭提供了多種層次的口感變化，又是另有一功....光只吃牛肉好像太單調，加了一小碟所謂冬季限定的脆哨下去。一看之下原來是炸得帶點焦焦的豬油渣.....脆卜卜而油香豐盈的它，滲在麵湯內食固然不

幾鐘意去奧海城，唔算太多人既商場，亦有唔少商店食店，今日黎見到新開左間牛肉粉wor，有室外同室內有辣有唔辣，任君選擇調味料一睇就知邊樣係咩，唔會搞錯呢度好似快餐店咁，自己出去收銀處買野食，跟住就會俾個牌你番埋位等野食黎啦，我地今日叫左個兩情雙悅雙人套餐（$185），哈哈～個名夠晒sweet有兩個小食、兩碗牛肉麵、兩款飲品，乜都有，岩晒貪心的我麻辣手撕雞份量都唔少，大家記得叫小辣呀，我地叫左普通辣，辣到飛起～我地同店員反映，店員好細心幫我地拎番去廚房整一整，出番黎個辣度就岩岩好啦 手拍黃瓜呢個辣度岩岩好，辣油幾香，只要黃瓜夠新鮮呢道菜都好難出問題既清燉牛肉粉湯底寫明唔用味精同唔會用隔夜湯，用上豬筒骨同牛筒骨淆製而成，講到咁犀利，令我好期待佢個湯，我一路食麵，一路飲左半碗湯，一點都唔口渴，証明了真係無味精另外，麵質亦不錯，配上燉到已經淋晒既牛肉，高水準之作加麵底（$10）老公驚唔夠飽，另外加左個麵底，我鐘意佢另上，唔會直接加落本身碗麵度都唔知d麵有無多到100%純椰青水唔係得汽水揀實在好感動，因為本小姐係唔飲汽水的，呢個牌子椰青水平時都有飲開，唔會陌生原來呢間十二味同我上次食烤魚係用一集團

今次黎到奧運站食貴陽風味，對於貴陽係以食辣為主，我當也來試一試！裡面既員工全都是內地人，但當然會廣東話，不過度黎親買野食既人好自然地說普通話！餐廳仲有露天位置，好大架！旁邊仲係酒吧！好似外國feel！十二味貴陽既英文名，奇怪地！咁中式既野起左英文名！其實店內買既野比較簡單，只有6樣野！都係我地一般認識到貴陽會食到既野！仲有，小食可以叫架！種類仲多D!起收銀區落左單俾錢先！紅噹噹辣汁浸住既茄子！其實個茄子既白色部分吸收曬辣味！少許辣，普通啦！手撕雞就口感豐富D有青瓜夾雜住，有芝麻粒都幾香！貴陽風味其實真不離不開辣油！ 涼麵才是重點，因為見個麵咁簡單材料，所以先叫兩個小食撈一撈！麵質好食，雖硬但好彈口！仲要吸到個辣油味！個辣會比起小食的更辣一點，我都食到流左少少鼻水！份量都幾好下！兩個小女生叫黎食，share下小菜，經濟又實惠！

今由得閒，由旺角行左去大角咀搵食， 行到奧海城出面，就見到呢間之前只係銅鑼灣出現的美食店鋪～入到去諗住搵位坐低慢慢睇， 點知俾人趕返出黎。 原來係因為要先買左野食先有得入內等候～～睇過.....都係主打麻辣美食， 嗯～左選右選，最後選左涼麵，牛肉麵同手撕雞。牛肉麵肉質夠火候，麵底都唔錯！涼麵主打但沒有貴陽必須的味道。 但迎合返香港人口味，有心意！Post 相時間！！！

今日係大角咀打完波係大角咀周圍行，諗住搵下野食，跟住突然見到呢間新開嘅餐廳，今日咁岩見到佢有就做優惠就走左入去試下。一入去我地都比較好彩，咁岩有食客離開所以唔洗等都已經有位。麻辣口水雞雞肉入口都算滑身，唔會太乾太粗糙，而且真係夠晒麻，仲要夠晒涼身，一啲都無花假。辣子雞涼拌粉(加底)加左底之後份量真係超級足，打完波最重要嘅一點係填肚，粉入口要夠滑，而且辣味十足，雞肉份量亦都好足唔會太小，不過如果再涼一點就更好了。二個人黎到食到飽晒，真係好滿足，超值得下次再黎

听闻牛肉粉在奥运开了新店，昨天晚上终于和朋友一起去吃了。新店的装修感觉很惊喜，风格清新舒适，比起老店来更宽敞明亮。照例点了最爱的清汤牛肉粉，走麻，加卤蛋加豆干，满满一大碗吃光光😄。oops🙈🙈总是等到吃完了才觉得吃太多⋯⋯新品玫瑰冰粉也很爽口，吃完熱騰騰的牛肉粉，來一口冰粉，完美～