十二味 (搵食市集)

營業中

休息中

我真係好鍾意食四川菜，呢度嘅菜都好大份，叫咗個水煮魚，炒藕片，土豆絲，拌麵等等水煮魚真係一款好受歡迎嘅川菜，魚肉鮮嫩，湯底辣得剛好，食落去好過癮！通常會用豆芽、白菜等蔬菜一齊煮，吸收咗湯汁嘅味道，真係好好味。辣椒油淋上去，香氣四溢，食一口就忍唔住想再來一口！無論係冬天定係夏天，水煮魚都係一個好選擇，特別係同朋友一齊分享，大家圍住一鍋，邊食邊傾計。

今日同我朋友食呢個晚餐，完全係好油膩，酸菜魚，魚份量好少，酸菜一大碗，水煮魚好油，起碼都放左一大半油去煮野食。真系發覺越做越差。又貴，又唔好食，價錢真系變得越來越離譜，但係唔好食。

大圍十二味好方便，大圍火車站一出過條馬路就到，今日特地訂位，帶老人家嚟試吓食酸菜魚，但唔知點解明明撳咗有訂座優惠，但到店時又冇顯示到個優惠！好彩店舖經理好好人👍🏼最後都有俾個優惠俾我，而過程中啲姐姐都好好人好客氣，都冇因為我哋攞優惠而唔耐煩！店面好大，空間感十足，我哋今日點咗酸菜魚加寬粉（小辣），同乾煸四季豆（唔辣），老人家話第一次食酸菜魚都覺得幾好食魚片好滑，酸酸辣辣好好味😋話下次想再食呢間。

大圍站出口過條馬路就見到搵食市集入面有十二味 ，要上一層樓梯，😑 如果係老人家 ，腳唔方便 就未必 適合 行樓梯 。我哋兩個大人一個小朋友，星期六午飯時段大約一點鐘去到，唔使等位， 接待嘅阿姐叫我哋坐低 ， 頭頂係出風位 😅有啲無奈，餐廳用咗上一手嘅裝修，以灰色 黑色為主 有啲昏暗 food court feel。一坐低睇下餐牌，可以用qr code落單，lunch around 70-80蚊，連 一盒維他檸檬茶 ，其他 種類嘅 嘢飲係要另外加錢 ，我哋嗌咗一個 set 酸菜魚 配飯+ 一盒檸檬茶$73 ，另外 散嗌 蔥油拌麵 $38，乾炒四季豆 $68，同埋一杯梳打水 。酸菜魚 可以揀 辣度，我揀咗中辣 ，其餘兩碟餸菜也可以揀 "少鹽" & ‘’少油" ， 哩方便 真係值得一讚，幾細心。 餸嚟到，份量真係算大 ，相信兩個大人share一碟都夠食， 味道ok ，酸菜勁多，魚肉都ok多， 蔥油伴麵感覺上係一扎乾蔥再加一啲豉油炒埋一堆，冇乜特別賣點 ，乾炒四季豆加上啲肉鬆炒，炒得幾 惹味 ， 三樣餸菜 都有同一個特點 ! 😵‍💫好油膩 ! 食咗一大半就覺得 頂住個胃 ，因為之前喺app點餐

我最鍾意十二味嘅超抵食lunch set 大部分就係一個飯再加一個菜 仲有杯嘢飲🤤🤤真係窮人恩物😍😍<川香回鍋肉 🥘> 💲68有包一支飲品 豬肉嘅肥瘦適中 蓮藕都好脆好好食🤤 叫左中辣 都唔會好辣 調味好餸飯 不知不覺就會食完成碗飯🥰<牛肉麻辣香鍋 🌶️>💲71 都係包咗一支飲品 呢個我嗌咗小辣 牛肉份量好多 薯仔沾滿香料 好惹味🤤 我個人非常鍾意香鍋 不過夜晚超級貴🥲 所以午餐食真係非常抵🥰📍十二味香港各區

呢幾年見十二味開到周圍都係，終於搵到機會試一試因為兩個人，其實食得唔太多，今次就試試招牌香鍋，涼拌土豆絲，同埋叫咗兩杯飲品解辣🤣飲品首先嚟咗，慾望酸梅，超大杯，28蚊，好抵飲。另外一杯係桂花冰釀，淡淡嘅桂花味，入邊有少少類似酒釀嘅味道，都幾特別，不過份量就唔太多涼拌土豆絲，食落都幾爽脆，不過因為涼拌關係，所以薯仔味唔會太重招牌香鍋，份量超大份，我哋揀咗五款配菜，午餐肉，雞翼，美國肥牛，鮮腐竹，寬粉，因為今次係第一次食，所以我哋叫咗小辣，但係其實都算幾辣🤣好彩叫咗飲品，可惜餐廳未有酒牌，如果想飲酒，要自己落街買🥹午餐肉有少少似長城牌，入面有少少肉碎絲，幾好食👍雞翼，係單骨雞翼，之前見OpenRice有人推介，所以試吓，味道都唔錯美國肥牛，最初頭以為會好多肥膏同埋好薄好碎，點知上枱見到一塊塊超多肉，比平時嘅肥牛厚身，食落去好滿足，非常推介😋鮮腐竹，都幾索辣汁，幾好食寬粉，煙煙韌韌，索辣汁一流👍下次再嚟食，可能揀多個配菜，唔再叫其他嘢🤣因為份量都非常之多，好滿足😋

在香港食得最多的川菜就是十二味了！每次一想吃酸菜魚，想吃川菜第一個想到的就是十二味🐟必點招牌酸菜魚（加粉條好好味）我全港最爱嘅酸菜鱼，辣度從不辣到超辣都可以選擇，酸味正好，魚肉嫩滑沒有骨頭。非常推薦的一道！一定要點！🌶️麻辣香锅可以自由選擇自己喜欢食嘅食材，我最鍾意牛肉麻辣香鍋。flavors都好丰富！正正正！中午有午市套餐，一人食超抵！地址：十二味 (搵食市集) (大围)大围村南道45-47号搵食市集1楼11号舖

十二味有好多分店，味道同價錢合理，難怪總有一間在附近。呢間酸菜魚比較高質，魚肉新鮮而且就算外賣的份量都好多，配菜同酸菜一D都不吝嗇。叫酸菜魚必加粉條先正，吸曬味食落好過癮川香回鍋肉同紅糖糍粑都好味，回鍋肉就比較辣。如果口癢想食辣野同酸菜魚，外賣呢間真係無得輸。質量有保證，叫左幾次都味道依然。

大圍 📌十二味我係一個唔好辣嘢嘅人， 所以對於辣嘅嘢都冇話特别好鍾情，但係豬隊友有一日提議食十二味之後，我真係對佢嘅酸菜魚念念不忘，净係呢個月已經食咗三次嘞 😆 ❤️ 人見人愛酸菜魚 ( 小辣 ) + 寬粉 $28喜歡十二味嘅酸菜魚滑捋捋，又大塊，我自己呢就最鍾意酸菜魚入面加入萵筍同埋菇片，令成件事昇華咗 💫 而寬粉亦都好有口感 ~ 我個豬隊友就最鍾意食喇 😋 由於酸菜魚係越浸越辣， 所以一上枱我就會將🌶️ 夾走先，怕辣嘅朋友可以效法 😎🔥 經典香辣鍋 (辣🌶️) $38 / 秘製醬香鍋 (唔辣) $38對於我呢個唔係太食得辣嘅人嚟講， 香辣鍋🌶️ 都唔惹小，而最近一次食，我就試揀咗唔辣 即 [ 秘製醬香鍋 ] 加 [ 麻 ] ，本身都有擔心 [ 唔辣 ] 會唔會冇咁好食，之但係 [ 秘製醬香煱 ] 加 [ 麻 ] 係另一個層次嘅好味道 😋常點配菜 包括: ▪️ 雞翼 $38 ( 必揀 真心好食 ) ▫️ 木耳 $28 ( 有口感 )▪️ 蓮藕 $28 ( 爽脆 )▫️午餐肉 $48 ( 必揀 )▪️ 鹵水肥腸 $48 ( 必揀 推介 ) 🧡 熱情果梳打 $28熱情果梳打內有粒粒熱情果籽，好fresh

酸菜魚 大大盤～如果唔係好大食，一盤都夠晒食！味道係唔錯，不過略嫌唔夠熱，酸菜亦都太多！乾鍋夠鑊氣，夠熱！不過如果要order最少五個餸～兩個人食嘅話，食完就食唔到酸菜魚🤭整體係惹味，好食！

呢間十二味全港都好多分店，但一次都未食過，今次去試大圍分店。叫左個皮蛋，味道正正常常，但我覺得譚仔好食d🫢試一次好了！清炒萵筍絲，份量都幾多，幾爽口。杯柚子茶好大杯🤣🤣🤣第一次食小龍蝦，小龍蝦味道幾好，不過自己就唔係好鐘意個辣汁，覺得好油咁。酸菜魚d魚都幾滑，同埋勁多酸菜，但自己就覺得唔係咁好食（可能口味唔岩），試一次好了。但朋友覺得幾好食(⁎⁍̴̛ᴗ⁍̴̛⁎)黯然銷魂炒飯炒得唔夠乾身，味道唔錯的👍整體黎講都唔差，但個口味唔係我最鐘意食。

大圍站對出間十二味今日lunch去咗大圍間十二味食飯，我地叫左幾樣午市套餐，去十二味必叫酸菜魚、雞翼麻辣香鍋，另外武隆尖椒雞都炒得唔錯，麻婆豆腐就普普通通。整體來講5分滿星🌟4星🌟🌟🌟🌟

嗌外賣自取 點左份水煮牛肉，同埋一個麻婆豆腐同埋一個飯，但係俾漏左個飯都唔知點食😭啲嘢全部都咁咸 下次拎之前要睇清楚 畢竟個飯都要$12🥲不過食物味道係唔錯呢個手指公👍🏼

本人喜歡食辣，自十二味開張到而家，無論堂食定係外賣自取，都叫咗好多次了，眼見而家嘅外賣自取嘅份量越來越少，香鍋而家要求叫五個餸先可以整香鍋，每樣少少，加買就好貴了。真心覺得抵呀！

今日中午去咗十二味大圍店食嘢，order咗一個全素麻辣香鍋，啱啱食就發覺雲耳爛嗮，份菜都唔系干身，好似粘埋一起嘅感覺，向店員詢問後，店員話就系咁樣，但系之前在石門店食同樣嘅嘢都唔係咁樣，明顯係店入面食材唔新鮮，而且唔承認，下次都唔會再食。