十二味 (荃灣千色匯I)

營業中

休息中

今晚收工去同個frd去左荃灣間十二味食dinner, 叫左個二人餐，都算幾抵食下，有兩個小食青瓜同雲耳，酸酸地夠開胃，跟住有個土豆絲加個毛血旺，平時比較少食呢類川菜，幾刺激，食完仲有兩碗冰粉解下辣～成個餐都係兩舊水咁上下，爽呀！

我有時會去荃灣十二味食午餐，因為覺得午餐幾抵又大碟。最近兩次去食午餐就細碟咗好多。都諗住少啲嚟食。上次就趕時間諗住求其食間快脆走。上菜前先上咗前菜木耳，小碟邊上有扁咗嘅曱甴。我同男友都好眼利一睇就睇到，同似係店長嘅人講。佢靜靜地攞走再換過一碟。感覺冇誠意，可能諗住好正常啦。正常嘅係應該一眼就望到唔係奉上嚟，我睇唔到廚房啫，點知個廚房點煮嘢。佢可能當小一兩個客冇所謂啦。而家生意都靜好多咁樣開食肆好唔識做。我哋諗住以後唔會再嚟。

第一次食晚市既十二味味道辣得來好惹味有分中大小辣本人比較食得辣，所以嗌咗中辣水煮魚可以再叫員工另加粉同鴨血，萵筍田雞配韭菜好正🫢🫢員工服務都好好但係飲品就比較唔適合我飲

<麻辣香鍋>我最鍾意十二味嘅麻辣香鍋，辣味濃烈香麻，真係辣得心癢癢口發麻！土豆、牛肉同寬粉入味，吸收咗湯底嘅精華，每一口都充滿滿足感。雞翼炸得香脆多汁，配上辣香湯底更加美味。食完仲想再來一碗，實在太過癮啦！🔥 料多味美，加上好食嘅寬粉同炸雞翼，真係一頓豐盛嘅餐點。食完之後仲會覺得舌頭麻麻地，但就係咁先夠味啦！食得過癮，心情都好起來🤤不過價錢都唔算好平，最後買單應該都2百幾，間唔中試下都算幾好👌

今日和朋友諗唔到食咩，咁啱見到呢間嘢，記得佢幾出名，周圍都有，所以就入去試下。我就想食酸菜肥牛麵，喺門口睇menu已經睇定左，點知入到去先話冇曬。喺門口等左五分鐘都冇人serve我地，咁都算。咁我就轉過第二樣，叫左個雞翼乾鍋。到左之後，啲肉睇落都唔太似雞翼，咁我就叫左個店員黎問，佢好肯定咁同我講話係雞翼。食左幾啖之後真係覺得唔係好對路，啲肉好榎歰歰，肉又少，真係唔似雞翼。但係我趕時間，最後都唯有食左佢。但我本人係討厭食田雞嘅。真係好嬲，唔該店員唔好自己做錯野仲當人白癡咁呃😡😡😡😡😡

鍾意食辣嘢🌶️嘅朋友真係唔好錯過呢間餐廳嘅午市套餐，套餐冇加一服務費亦免費包咗一盒紙包檸檬茶，有需要當然亦可以加錢轉其他嘢飲，選擇都唔少㗎😳 午市仲可以打去book定位，好方便一大班人食👍🏻下面就簡單介紹吓我食過嘅菜色😆👇🏻 「酸菜魚」：勁足料，魚嘅份量都幾多，酸菜酸度剛好又爽脆，而且仲可以揀少油添～ 「川香回鍋肉」：唔食得辣嘅人可以揀唔辣，都幾惹味，而且一份勁多腩肉片，好滿足～ 「宮保雞丁」：麻麻辣辣再帶點甜，個味道幾特別～ 「酸豆角炒肉末」：酸酸辣辣，送飯一流～

放工去食十二味，經OR訂咗位，唔駛等即時入座。每人點一個餐，開心share：田雞麻辣香鍋（小辣小油），盒裝檸檬茶，配白飯$58。主角田雞份量不少，仲要有大大隻田雞髀，伴菜有士豆條、蓮藕片、大荳、雲耳、粟米粒，大量的辣椒，非常惹味。酸菜魚（唔辣小辣），盒裝檸檬茶，白飯$73。雖然要唔辣，但係都好好味，大大片魚肉，肉質嫩滑，最重要係唔腥，冇骨，配上酸菜、芫茜、萵筍、雞髀菇等同煮，開胃又清新。荃灣千色分店，星期六日假期都有午市套餐，超讚👍🏻。店內座位舒適，今天雖然是坐4人搭枱，但是會有透明隔板分隔，不會覺得狹窄。

週末放工後在附近找地方午餐， 搵間冇乜人， 唔使等位，可以好快可以開餐。天氣 潮濕，食D辛辣菜，去刺激下味蕾。叫左二份午餐，酸菜魚米線，同埋辣子田雞跟白飯。份量對減肥既女性就是會多左D，但好在係可以減飯， 咁就唔使浪費食物辣度都可以選擇， 免費跟一包檸檬茶，但係唔凍，自己諗喇。 加錢可以order其他飲品。辣炒田雞 中度辣跟白飯，啱啲喜歡食辣D朋友，麻辣，田雞有DD鞋口，酸菜魚米線小辣， 但都唔少少辣， 唔食得辣，叫少少辣，夠酸，又夠夠麻辣，正。 魚肉唔腥，無骨， 配菜好多， 配搭啱啱好。總括來講， 可以列入，再幫襯範圍， 但味精一定多，因為食完好口渴

當天去到7:30， 好在book左枱先有位, 見外面已經要等位, 店員好快已經安排入座. 因為唔太肚餓, 所以以只叫左酸菜魚+寬粉, 大概15分鐘來到, 酸菜魚雖然叫左走辣, 但D魚都好夠味, 酸度好夠, 同埋D魚完全冇骨碎. 試過去深圳某間店食, 因為太多碎骨好難入口, 呢一間真係唔錯, 值得再幫襯！ openrice訂枱仲有75折, 折完只係$240， 好抵食～

同事喜歡食川菜，於是就選了這一間跟同事晚餐，之前試過旺角分店食物水準相當高，服務態度又好好，今次係第一次黎荃灣分店，星期五晚接近滿座幸運地有訂位，同事先到冇諗過服務員有在點餐QR code紙上寫了reminder 我哋訂座正價有75折😃，五個人聚餐點了土豪版酸菜魚 + 粉條，極品麻婆豆腐，川式口水雞，乾煸四季豆，水煮牛肉，宮保雞丁，蔥油拌麵 ，紅糖糍粑，食物味道出乎意料嘅好，相當有水準，幾個服務員態度幾好又熱情完全冇問題👍，整體用餐感覺良好，個人嚟講可以再嚟。

🎉To celebrate my mom’s birthday with a large group of people, we decided to indulge in some authentic Chinese cuisine. Among the many dishes we tried, I would like to highlight a few. The crawfish surprised me with its strong Chinese medicinal aroma and juicy meat, leaving a lasting impression. The Dried Hot Pot was cooked to perfection, making it irresistible and difficult to stop eating. Additionally, I was pleasantly surprised by the deliciousness of the brown sugar rice cake. Overall, the di

家人想食辣嘢就諗起呢間十二味之前只係買過外賣第一次堂食涼拌土豆絲（小辣）土豆絲爽脆小辣啱啱好萵筍絲超級大碟完全冇諗過咁大😂清清地唔錯尖椒皮蛋（中辣）中辣唔算好辣要咗少少汁來撈飯好好食😋😂雪花牛肉豆腐煲呢個同想像中有少少唔同，芡汁比較多不過味道都唔錯又係好適合撈飯最底滿滿一層滑溜豆腐牛肉份量都唔少藤椒魚配寬粉我地叫左正常份量都好大碟仲有個土豪版更大份魚既份量好多食極都仲有👍🏻配料有金菇同萵筍絲紅糖糍粑外脆內軟做得好好食到飽飽既一餐仲食唔晒要take away🙈滿足😋

油麻地街市旁邊，隱藏咗間小店，門口排咗半條街，排隊時間都值得!🤤 店內走懷舊風，木椅子鋪張，濃濃香港味夾雜住廚房嘅熱鬧氣氛。一入口，我就點咗份牛腩麵，啱啱好嘅燉軟度，牛腩嘅味道足，即刻融化喺我嘅口中。麵條勁彈牙，湯底鮮甜得嚟唔鹹膩，飲完一碗湯都唔會口渴，真係嘆為觀止！跟住試咗豬潤腸粉，真係絲滑得黎又食得出豬肉嘅鮮味，每一啖都似幻滑過喉嚨，直頭得意滿桌。至於脆炸雞，就正中下懷，啤酒嘅最佳拍檔。炸到金黃香脆，肉質又鮮嫩，蘸上特製椒鹽，呀媽呀！好食到爆燈啦！最後，今次食完，成晚都心心念念嗰碗牛腩，同嗰滑嘅腸粉。呢間小店咁樣定價，食物質素卻驚為天人，絕對係搵食嘅好地方。下次黎，一定仲要再戰三次！👍🍜🥢

去開荃灣，想食辣而好難諗食咩，最終都係返左去有質素保證既十二味🤣香港都算係一間好出名既川菜，好多區都有分店，舖面幾大，坐位舒服👍🏻經典酸菜魚、香鍋、熱炒涼菜都有，時令大閘蟹同小龍蝦都有🤤先食涼菜，川式口水雞，小辣，辣味好惹味，個辣醬就係正🙌🏻雞肉有啫喱添，好好味口感幾好😆份量都多，開始食辣野即刻想啤啤佢，好爽❣️極品麻婆豆腐，賣相唔錯，一食驚喜😳真係估唔到咁好味，比平時食既消除酸味，味道幾特別，豆腐超滑，成個菜式超夾好好味😋川香回鍋肉，超大碟上枱好香，韮菜青椒炒得好好味，肉片仲要半煎炸咁既口感，相當唔錯既川味小菜🍲好好味既川味小炒同#口水雞，麻婆豆腐一試愛上，十二味就係質素保證，而仲要服務非常貼心🫶🏻性價比好高既一餐😆

天氣涼咗就會想食吓辣嘢暖吓個身十二味嘅午餐對比起晚餐散嗌係性價比高的今日嗌咗藤椒魚 去過第間十二味係無呢道菜的唔知係咪荃灣千色店先有佢味道好夠 不過預咗食完都幾頸渴藤椒味食落去又香又麻啲魚片都煮得啱啱好好滑嘅入面仲有米線 份量好夠只係嗌咗少油都係會比較油Lunch set仲會有埋紙包檸檬茶