影片
更多
2022-12-15
159 瀏覽
呢幾日天氣溫度急降，仲要落住毛毛雨，荃灣搵嘢食，為咗保持身體溫暖，梗係要食辣暖下胃，但係又唔想咁熱氣，就揀酸菜魚，去咗千色匯的十二味。中國紅的裝修，充滿中國傳統文化特色，最鍾意佢嘅小熊貓，係中國嘅國寶，超級可愛。坐低先嚟一杯熱的柚子蜜暖暖個胃，唔太甜幾好。今天主菜：人見人愛酸菜魚：十二味有得揀少咸少油，啱晒對味道咸度油度有要求嘅人士同比較健康嘅朋友。今日揀咗少辣，酸辣味好balance，又唔會太油膩，湯底直程可以配白飯一齊食，好下飯，一次過可以食到一大碗飯！魚肉睇得出佢顏色白雪雪係幾新鮮，而且份量十足，對比平時一般食嘅酸菜魚佢呢間嘅又唔會太多骨，配菜都算好多，特別係啲酸菜，以我同同行朋友兩個都係好鍾意食酸菜嘅人嚟講，全程搏命由頭食到尾啲酸菜，但最後都係食唔晒，食淨咗好多選材，反映佢嘅酸菜份量真係超級多，我地兩個人都覺得酸菜魚湯再加一啖白飯，絕配。另外點左武隆尖椒雞：呢款菜式都可以話係我哋食川菜必點嘅菜式之一，而佢哋嘅水準真係keep得唔錯，有時候出出面食可能吵得唔夠乾身唔夠火候，咁食落去比較濕濕地，個人覺得如果呢款菜式炒得唔夠乾身嘅話唔夠香口，但係佢哋呢一間爆香得好夠乾身痛保留到雞肉嘅
中國紅的裝修，充滿中國傳統文化特色，最鍾意佢嘅小熊貓，係中國嘅國寶，超級可愛。坐低先嚟一杯熱的柚子蜜暖暖個胃，唔太甜幾好。
今天主菜：
人見人愛酸菜魚：十二味有得揀少咸少油，啱晒對味道咸度油度有要求嘅人士同比較健康嘅朋友。今日揀咗少辣，酸辣味好balance，又唔會太油膩，湯底直程可以配白飯一齊食，好下飯，一次過可以食到一大碗飯！魚肉睇得出佢顏色白雪雪係幾新鮮，而且份量十足，對比平時一般食嘅酸菜魚佢呢間嘅又唔會太多骨，配菜都算好多，特別係啲酸菜，以我同同行朋友兩個都係好鍾意食酸菜嘅人嚟講，全程搏命由頭食到尾啲酸菜，但最後都係食唔晒，食淨咗好多選材，反映佢嘅酸菜份量真係超級多，我地兩個人都覺得酸菜魚湯再加一啖白飯，絕配。
另外點左武隆尖椒雞：呢款菜式都可以話係我哋食川菜必點嘅菜式之一，而佢哋嘅水準真係keep得唔錯，有時候出出面食可能吵得唔夠乾身唔夠火候，咁食落去比較濕濕地，個人覺得如果呢款菜式炒得唔夠乾身嘅話唔夠香口，但係佢哋呢一間爆香得好夠乾身痛保留到雞肉嘅香滑同事帶出有鑊氣嘅感覺，辣度啱啱好，蓮藕辣椒脆卜卜，新鮮。雞肉都滑，炒得好乾身又夠香。
張貼
