十二味 (裕民坊YM²)

營業中

休息中

愛吃酸菜魚的你～必定要嚟十二味試吓😆麻，辣，酸，三味齊哂！十二味嘅酸菜魚更多出一份鮮同香～人見人愛酸菜魚係呢到嘅主打菜式，“鮮”係嚟自軟滑爽口嘅魚塊魚肉切到晶瑩剔透，厚度適中，入口自然有爽脆嘅口感😗配料十足嘅湯底，未食都已經聞到香氣🍲配上魚塊同粉條，非常入味～酸菜魚嘅分量足夠2人食用，份量✅！雖然睇上去辣椒好多，但食落其實都算可接受範圍但如果嫌辣度唔夠，仲可以挑戰大辣加麻！食住辣嘢飲埋啤酒汽水，一個字“爽”啊🤪呢到嘅川味口水雞亦都做得唔錯，雞肉嫩滑又無雪味，厚厚嘅紅油但唔算辣，啖啖雞肉配以十足麻辣同埋辣椒香味，層次非常豐富。食辣野，當然都要嗌翻飲品搭埋，先夠爽架嘛☺️☺️☺️

今晚相約朋友食辣野，大家都是因為這酸菜魚而前來。一入門口，也有幾多人在等位，但不用等太耐就可以入場食。一入到店入，地下感覺油淰淰，有點不乾淨。店入用二維碼點餐，我們叫了標準酸菜魚，炒薯絲，皮蛋，炒乾鍋及甜品（忘記了名字）。酸菜魚，炒薯絲份量很大盤，食到最尾也食唔曬。酸菜魚的味道也很喜歡，魚肉很滑，入面的寬粉是很出色，朋友連湯也飲了一點。炒薯絲為偏向酸味，辣味不太出，但我喜歡。最後那甜品，是煩似炸年糕，上面有糖粉配以焦糖，我自己認為唔掂焦糖也很好味了！

曾經食過其他川菜，他們的酸菜魚份量也很少， 可以叫嘢食嗰陣我哋就expect佢嘅份量好小，於是叫左好多菜。。。。【酸菜魚】喺餐牌度有一個係土豪酸菜魚寫住適合三至四人食， 我哋叫呢個係普通版， 但已經覺得超級多！ 味道剛好， 酸菜分量很多但不會太酸， 魚肉也很嫩，整體味道一致很好吃！【水煮牛肉】水煮牛肉相當辣和麻， 有幾件牛肉很韌，牛肉質素普通。若果酸菜魚和水煮牛二選一，必選酸菜魚！【 霸王七椒蝦】一眼見到擺盤就覺得相當辣，事實上也是很麻很辣，此菜色用七辣椒炸和炒出來，蝦被麵團包住炸的脆脆的，但麵團依然很吸辣味，平時在譚仔食3小食完件都頂唔住個麻，朋友拆左個麵團淨食蝦，蝦都有麻辣味！呢樣值得一讚，因為相當入味，喜歡麻辣的朋友可以一試！【紅糖糍粑】 糍粑煙韌， 不黏口！糍粑沾紅糖和黃豆粉一起食，真的很好食！【 燒椒皮蛋】辣油味道不夠豐富， 吃下口感覺只有純粹的辣，欠缺辣香氣，相比之下，反而會鍾意米線店的皮蛋。【幺妹兒冰粉】實在有點太糖了，冰粉偏硬又大件，個人不太喜歡。【柚子茶】為左解辣而叫的，叫左3杯之後，職員過黎同我地confirm係咪要3杯，上飲品時終於明點解，因為好大杯。。。。雖然咁

嗌咗干扁四季豆，豬大腸and拌麵。。。之前朋友介紹話呢間嘢ok，所以嚟試下！講真，除咗個麵ok之外，真係唔覺其餘兩個餸有乜好食囉😒干扁四季豆炒得唔夠干又唔咸唔辣！豬大腸咧就炸到變成薯片咁脆。。。兩個餸啲份量係夠曬足料嘅！不過可惜就係味道真係夠晒麻麻地囉！其次，明知啲枱咁細張，點解仲要用咁大隻碟裝餸呢？😅😅😅😅我諗下次唔會再去囉！。。。。。。。。。。。。。。。。。。。。。。。。。。。。。。🤦‍♀️

剛剛去完觀塘做嘢同同事仔食完飯lunch先再返公司, 即刻諗起十二味嘅酸菜魚, 知道佢有午餐而且價錢非常親民👍🏻一坐低即刻叫人見人愛🐟酸菜魚🥰因為同事仔唔食得好🌶，所以我哋今次叫咗小辣🌶一諗到午餐都可以食酸菜魚🐟🥢 正🥰係今天嘅。。小確幸 🍀魚片份量都唔少而且都係滑捋捋冇骨， 而且有萵筍， 有少少美中不足嘅就係冇寬粉， 如果有埋寬粉簡直係完美😅另外叫咗🐮牛肉香鍋牛肉🐮當然唔少得，而且又唔少配菜大豆芽， 🥔薯仔片同爽脆蓮藕片最有驚喜就係加8蚊嘅 百香果梳打好大杯，好抵，cp值高

呢個酸菜肥牛麵58蚊，非常大碗，幾抵食。我會推薦佢，原因係隻辣夠四川feel，雖然就唔算話十分辣。我平時食開辣，對辣嘅食物都有啲要求，尤其偏好四川菜成都果種麻香加重辣椒味。而佢呢隻辣就正正做到呢一點，夠四川，仲有啲醋味👍🏻。另一值得我欣賞嘅地方，係有芫荽，好開心。如果唔啱芫荽嘅朋友可以透過qr code 點餐時走芫荽。又一值得欣賞地方是酸菜沒有喧賓奪主。我最怕有d地方d酸菜dish 太多酸菜，又酸又撓住曬d麵。d麵粗粗白色的，好吸味👍🏻。唯一係，如果煮熱d更開心。餐牌上只有一個麵餐，偏好食麵者可謂沒有選擇。

裕民坊開咗一段時間嘅十二味，一直都想試好耐🤩🤩今日終於有機會去食！！酸菜魚- 出面好多都係用龍利柳，呢度唔係！好加分！辣子雞：好香口好惹味土豆絲：爽口一啖接一啖總括嚟講都唔錯，下次嚟再試其他😆

之前來過兩次 兩次都係吃酸菜魚🐟這次同唔鍾意吃魚的朋友過來吃 轉個口味 叫麻辣香鍋😁🌶️經典香辣鍋🌶️鍋底$38 最少要加5個配菜我們加左👉🏻美國肥牛$52 👉🏻滷水肥腸$38👉🏻娃娃菜$28 👉🏻蓮藕片$28 👉🏻萵筍$28冇諗過香鍋原來會好吃過酸菜魚👍👍好大一鍋 材料真係落得好足 一啲都唔小氣肥牛好入味 娃娃菜都好入味 蓮藕同萵筍又脆又好吃😋兩個人 一個香鍋 一個蔥油拌麵 一個紅糖糍粑 兩杯熱情果蘇打已經飽袋不能再飽下次再來吃十二味 應該都係會選擇香鍋

由於本身都鍾意食辣，所以就試吓食依間。特別佢係裕民坊新開，所以更加有興趣試下。當日午餐叫左個酸菜魚同川式口水雞飯。酸菜魚確實不錯，雖然唔算太辣，但味道唔會太鹹。魚肉亦非常滑溜，口感不錯。而且，份量都算大，唔會只有幾塊魚肉。每片魚肉都非常大片，完全可以滿足到我。😊至於個口水雞就感覺麻麻了，無諗過個口水雞係有啲凍，雞肉唔係好滑，所以沒有食晒成碟。餐廳環境尚可，算闊落，唔會太迫。另外，佢哋係用QR CODE點餐，夠方便。

十二味的分店越開越多，之前食過尖沙咀晚市。個人覺得佢嘅辣煮得唔錯，午市套餐有飯有小菜，仲配埋飲品，抵食好多。今次叫咗酸菜魚同雞翼麻辣香鍋，雞翼切開咗單骨，大約有六件左右，配料比較多，但我個人都鍾意食芽菜，蓮藕，所以覺得份量都ok，都幾入味。酸菜魚味道唔算太入味，但起碼唔會好油膩。午餐來講，算OK抵食有下次嘅打算

放工想到新開的裕民坊行下，見到有十二味便決定嘗試。8點半左右來到，不用等位，環境不錯我們都喜歡食四川菜，今次試乾煱，因為辣的口味到處都有，我們試了秘製醬汁！注意喔，叫乾煱一定要叫5種餸，唔辣好送飯，但食到最尾略嫌過鹹，一定要配飯，不然真係太鹹啦。這秘製醬汁，應該以豆瓣醬為主。餸菜選擇都多，如果有雞肉就更好。另外，還叫了一個乾伴麵，份量比想像中少，但味道不錯，沒有很驚艷，但合格。整體而言，不過不失，會再次光顧，但未到驚艷的水平。

回想起疫情前每個星期都會北上食酸菜魚，唔食唔安樂。加上當年香港可以食酸菜魚既地方少之又少，所以我同朋友山長水遠都要去食😎好消息啦喂～依家觀塘裕民坊YM2新開左間食酸菜魚既餐廳✅十二味！餐廳除左出名既酸菜魚食，仲有川香回鍋肉（p.s.有多款自選配搭）、口水雞、麻辣小龍蝦同水煮牛肉等等。種類選擇繁多，梗有一款岩食😆人見人愛酸菜魚加粉條傳統酸菜魚既材料基本上都有，例如：酸菜、泡辣紅青椒、花椒、生薑等等。特別表揚個粉條真係一絕👍🏻口感十足！食酸菜魚一定要加粉條丫各位😆川式口水雞今次我叫左小辣，但覺得下次可以叫中辣試下。雞雞好嫩滑，川味調教得好好👍🏻食完又想再夾多一嚿雞食食酸菜魚梗係要有支生津解渴既飲品啦～爽總括嚟講，呢間係一間好頂癮既川菜店，地點就腳又方便，一收工就可以同同事去食。正～

Lunch時間黎食返個十二味先😋全場爆滿要拎飛等一陣，等咗一陣都好快就可以入坐。川菜想食好耐啦，今次要中辣🤣🤣飲品叫左椰青水同埋桂花冰釀😋解下辣🤭川式口水雞（中辣）辣度啱啱好又唔會好鹹，份量都好多👍唔會好多骨唔會好瘦😋川香回鍋肉（小辣）回鍋肉平時出街食係會超肥嘅但係佢而個又唔會🤭辣辣地加埋爽口嘅蓮藕片一齊食一啲都唔油👍水煮牛肉（中辣）麻麻辣辣既水煮牛肉😋牛肉嘅份量比想像中嘅多同埋肉質好嫩👍Lunch最抵食，仲有大量嘅芽菜👍👍👍

鍾意食辣嘅你千祈唔好錯過！！！一食便上癮！觀塘新起嘅裕民坊開咗一間十二味見媽媽都好鍾意食辣就趁中秋節帶佢去試下依間我哋叫咗個二至四人嘅份量酸菜魚+薯粉啲魚唔腥👍平時唔食魚嘅我都會鍾意食，好入味 佢個酸辣都好過癮就算你唔食辣嘅都可以試吓！建議一定要加埋薯粉食因為啲薯粉好入味！！之後再嗌左個辣子雞，份量多，2個人食都仲可以打包，兩樣都大大碟，而且價錢有冇特別好貴！🙈 中秋節佢哋比較忙不過都仲好好禮貌！🤭我哋坐到九點幾都唔會趕你走，仲叫你慢慢坐！！！

位置唔係好顯眼，係平台位置，要專登出商場先見到。餐廳係用手機scan QR code落單，join會員都幾抵，有份酸菜魚同其他優惠，仲可以即時有9折。武隆尖椒雞 $98好大碟份量頗多，上檯個下都「哇」左聲，可以揀唔同辣度，一共有3種辣度分別係小辣、中辣同大辣🌶🌶🌶，我就揀左小辣，應付到尼個辣度，唔辣唔麻，蓮藕口感爽甜，食到停唔到口。燒椒皮蛋🌶 $48同雞肉一樣揀左小辣，隻碟都係咁大🤣，皮蛋透透地幾彈，葱油拌麵 $38麵都幾彈牙，醬汁甜甜地，乾蒜絲好香，油份適中唔會太肥膩。