十八座狗仔粉 (已結業)

今晚我又小食當晚餐，返到屋企附近經過此店買來食下，店舖位於大街轉角位好顯眼，店內環境昏晚我望到都唔想入去坐，都係外賣算。買左火鴨翅、黑白炸丸和魚肉燒賣，而狗仔粉我住望張相見啲粉幾油膩唔所以唔食。火鴨翅 ($30)同一般碗仔翅味道有點分別，湯底無咁油無咁漿口味無咁重，有好多好幼的肉絲和好爽的木耳絲，食到小片鴨肉碎無咩無特別，食唔到有仿翅粉絲狀物體，感覺欠啲口感，整體味道不錯食完唔口乾。魚肉燒賣 ($12)燒賣有7粒，味道一般無咩魚肉味，都係豉油味搭夠。黑白炸丸 ($18)香菇貢丸及墨魚丸各兩粒價錢略貴，香菇貢丸好香咬落有肉汁；墨魚丸味道口感也毫不遜色，都係好香丸內仲有墨魚粒，好彈牙好有咬口，細啖細啖品嚐好美味。

十八座狗仔粉 聽呢個名就多 食就第一次2個人坐低 望望餐牌 選擇係極少 望左好耐勉勉強強簡左3款 -下鴨脾 狗仔粉 同 小食魚皮餃下鴨脾配少少碗仔翅 已經係最好食既一款 肉多汁比較滑 其他2款係非常普通 狗仔粉無麥味 要配辣菜莆（因為夠辣 先覺得碗粉有d味）魚皮餃醬汁味比餃更濃 食完只有醬味觀塘分店 店舖比較細 坐位都幾逼 環境衛生麻麻 食食下已經有幾隻細蚊芝飛泥飛去 快快食完就走 雖然價錢係平 但種種環境 食物因素 下次都未必會簡距 一個人食都好牽強 更加唔適合同朋友泥

中女獨食難肥日誌 好久以前一個人夜深在旺角，凌晨時分飢腸轆轆，忽然發現十八座狗仔粉凌晨營業！一吃印象深刻超辣菜脯惹味非常，及後知道觀塘開了分店，獨食不知道吃什麼好時有個方便快捷惹味之選招牌火鴨翅 細$22此火鴨翅與一般碗仔翅味道不同，首先用的不是粉絲是素翅，店家宣傳品寫著由四隻燒鴨煲足六小時秘製，未能查證真偽，只覺湯底味濃料足，啖啖有肉絲木耳絲加上一大羹任添的超辣菜脯調味，又辣又過癮，細碗都不細了，吃畢都有飽肚感黑白炸丸 $16四種丸包括黑椒牛丸、豬肉丸、香菇貢丸及墨魚丸各一粒，落單即炸要等五分鐘，炸起上碟粒粒脹卜卜，已經小心翼翼咬開還是熱辣到跳舞，店員落單會問要不要辣，要了小辣惹味過癮，最喜歡吃牛丸

十八座狗仔粉來了官塘～～～🐶掃街的文化真係久違了的活動！🐶今次去到呢間十八座狗仔粉，食返啲街頭小食🐶🐟💬：大雜燴！（細：$28 大：$38）🐶包括豬腸，豬皮，豬肚，白蘿蔔🐽佢會問你要唔要辣🌶🌶🐽如果你食譚仔係食十小辣🌶就食小辣好了🐽🐟📝：2/10🌶不過就真係幾香！蘿蔔都甜，無渣，但太淋🌶下次都係試返佢的👑皇牌狗仔粉

有一段時間好鍾意食狗仔粉，就成日都會去旺角嗰間分店度食今日經過觀塘，見到原來觀塘都有分店， 咁一個人都入去食個lunch叫咗一個細雜,因為我唔食豬皮所以就走豬皮當然黎呢度又點可以吾食我最鍾意嘅狗仔粉呢,所以叫咗一個細嘅狗仔粉狗仔粉好快黎到， 同我喺旺角食嘅好唔一樣， 呢度有一種好水嘅感覺， 食落同旺角嘅真係有啲唔一樣， 旺角嘅湯底會奶色啲， 呢度就透明嘅我食曬碗狗仔粉都仲未黎細雜。。。 吹單吹咗兩次先黎。。。。 成間舖嘅客人吾多過十個， 樓面就有三個。。。。 佢哋成日掛住吹水， 仲聽到佢哋喺度話煲緊粥畀自己食。。。。 但我碗細雜由落單到嚟。。。用左20分鐘。。。。。🙄🙄🙄細雜就同旺角食差吾多， 但啲蘿蔔唔夠淋，有啲硬觀塘嘅服務態度有啲差，應該以後都唔會再嚟幫襯

今日經過觀塘，去咗試呢間十八座狗仔粉，點咗馳名狗仔粉加油渣同鮮味魚皮餃，d粗面幾有口感幾好味，湯底唔太濃，如果食得辣嘅朋友可以試下加辣菜脯，個魚皮餃食落冇乜特別，佢哋仲有其他馳名菜，同埋唔同地方都有分店，下次經過再試下

某個晚上來到觀塘，食了傳說中的十八座狗仔粉。狗仔粉，又名粉仔，其實只是麵粉加上「下欄嘢」煮成的小吃，雖然如此，也不代表隨隨便便弄就好食。狗仔粉可能煮得很久，吃起來又腍又糊，完全沒咬口。就像是煮了一天的上海粗麵，切碎便當成狗仔粉拿出來賣了。湯底淡，味道單調，味精重，主要靠自己添加的菜脯調味。枱上兩款菜脯分辣和不辣，全部任添，辣菜脯惹味，但不夠爽口。豬油渣要另外加錢（+$3），沒特別。吃完整碗狗仔粉，頓時覺得很油膩。恕我實在不懂欣賞。

成日經過呢頭都見到呢間嘢，都想入去試下，今日 終於試左， 叫咗個大嘅狗仔粉 一個細 雜錦一個翅滾鴨髀， 佢幅相見到就係 隻鴨肶浸曬落成碗翅度， 出到來就得隻濕笠笠嘅鴨髀， 原來佢滾完啲翅淨係畀隻鴨髀你， 咁你幅相就唔好誤導人呀， 我知道係咁點會叫嚟食呀， 一隻幫煲仔翅出原味嘅鴨髀點值30蚊呀 係冇次㗎喎， 原本諗住係有埋翅㗎嘛， 一隻輔助佢煲翅嘅味道嘅鸭髀我點會叫來食呀， 呢啲咁嘅奸商 只此一次

今日經過位於觀塘既「十八座狗仔粉」，門面紅紅黃黃橙色的，好sharp，經過都會望幾眼。行行下，決定要試下新野。之前一直都無試過，今次終於可以黎試下咩係狗仔粉。見佢甘sharp又甘多名人過黎同老闆影相，緊係入去試下係咪真係甘出色啦。入到去又試下佢既狗仔粉啦。上台啦，佢既狗仔粉味道真係唔錯。睇得出都足料。狗仔粉既口感軟軟的，再配埋佢既濃濃湯汁同配料。仲有自家制辣菜圃任加，鍾意食辣既，加少少都已經好野味，生色不少。

行完街突然口痕想食狗仔粉，之前同friend食過深水埗間十八座狗仔粉，一直都好回味。宜家官塘開左間分店都仲未食過，所以就親今日食下可能因為係新開，所以呢間環境好似好過深水埗果間分店一樣有比原味菜蒲同勁辣菜蒲比客人任加料我叫左個細狗仔粉，22蚊。大既要29蚊，我諗如果要當正餐食，就要叫大碗既份量先會夠食。我中意個湯底，落左冬菇，所以好鮮味配埋滑滑既狗仔粉食，好正。菜蒲好開胃加左少量勁辣菜蒲已經好夠辣。

依家食粉仔嘅舖頭唔多，十八座狗仔粉之前都有聽過不過就未試過，觀塘分店開咗好幾個月，今日就終於去試吓 😀以前90年代，食碗粉仔6蚊，依家細嘅都要$22蚊🙈，香港通脹加幅實在太誇張 🙈！不過個粉仔的確係可以起不少過往嘅快樂時光 🌈講返正題先，個粉仔味道尚可，但略嫌配料不足，一碗粉裏面只有幾粒虾米及幾片超薄冬菇片。個辣魚蛋($12)呢，個賣點係彈！！但只不過係好細粒嘅普通魚蛋！一啲都唔彈，不過個辣汁不錯 🙂再後加咗個細碗仔翅(素翅嚟嘅！！拒殺鯊魚！！)($22)，佢話用火鴨做湯底嘅，味係夠，但除咗木耳絲同絲之外，都係冇乜配料。😍 最抵讚係，佢哋冇用即棄膠餐具於堂食 😍是次合共消費$56

十八座狗仔粉🤔，個招牌名甘特別嘅，甘岩見肚餓，就食你，睇下你咩東東？細碗$22，大碗$29，皆因未食過，怕中伏，都係叫細碗隱陣。雖然話細碗，不過都唔細，份量都合乎價錢。至於味道都非常唔錯，好重豬油香味，菜脯都好夠脆好夠入味，除批之外，有少量冬菇片同豬油渣。D粉就有D似烏冬，粗粗的，不過就係一少條一少條，終於都明白點解叫狗仔粉，因為佢D粉嘅長度好似狗仔條尾甘，短短的，一少條。狗仔粉確實係唔錯嘅街頭小吃👍🏻！

好耐之前同朋友係佐敦飲完野， 食過果邊嘢宵夜-十八座狗仔粉今日甘岩經過觀塘見開左間分店，決定入去一試招牌成名作，18座狗仔粉，食左個細既size，22蚊碗，依個粉係要配埋辣既菜脯先食得滋味~叫細碗係因為要食埋佢既鮮味魚皮餃$12魚皮餃配上特製既千味醬，先區分到佢同一般魚皮餃既分別總括而言，水準keep到，觀塘閒日收工時間唔洗等位，讚！

說來慚愧，二十多歲還沒有吃過狗仔粉，上班每天經過這間狗仔粉，前幾天終於去試了！我們三人點了一人一份細狗仔粉，22蚊。雖然份量不大，但也很足料，黏厚質地很飽肚。狗仔粉麵條粗而厚實，湯底濃郁，很香口！加上辣菜脯，味道更提升了！另外也點了燒賣，醬油蔥花香口，也有魚肉味，好吃😋

狗仔粉是香港的特色小食 小時候我沒有吃過是有十八座狗仔粉後才開始接觸到吃了第一次便開始上癮！原味菜脯少少咸 配上很軟的狗仔粉加上濃味湯底 一試難忘好幾次加了辣味菜脯！可能我功力太低，實在辣到跳舞！除了招牌狗仔粉，還有火鴨翅！也是燒鴨味很夠，還有大量木耳絲材料非常多，也吃得出火喉足夠！最低消費是每人20元，無論是那一間分店，一進去就看到很多明星相，看來這間店都是明星熱捧！除了火鴨翅和狗仔粉，還有其他小食，秘制醬汁應該很不錯吧！