十和田壽司 (香港科學園)

營業中

休息中

趁着放假，帶小朋友踩單車，踩到科學園肚餓搵嘢食，見到間日式餐廳，全落地玻璃，景致10分開陽，而且枱與枱之間好闊落，最啱週末放空一下服務員非常細心，服務周到，主動問需唔需要兩個碗仔，值得一讚👍🏻叫咗兩個魚生飯，份量有啲嚇親，係超級大份😅 好抵食，如果同小朋友嚟，兩個人叫一個飯都已經夠食三文魚親子丼$138 三文魚好新鮮，三文魚子粒粒都好飽滿，睇相都知用料好足，咁既價錢都真性價比極高， 值得推介火炙魚生飯（秋季限定）$138用料有三文魚腩，三文魚子，左口魚，牡丹蝦，吞拿魚，油甘魚，帶子、睇見就覺得好豐富，左口魚一試難忘，入口即溶，成口油香味，大滿足整體來講，性價比極高，價錢不貴用料新鮮，絕不馬虎。

好耐冇去過科學園了，趁今日好天，同朋友去科學園行吓同踩咗一陣單車！到咗中午時間，我哋揾咗一間食日本定食，壽司嘅餐廳試一試！呢間日式餐廳喺尖沙咀都有分店，但係尖沙咀嗰間，都有幾多人排隊！ 餐牌上都幾多嘢揀，有定食，熱食，壽司，小食，手卷，軍艦等。。。呢度叫餐都係用QR code，啲嘢都上得好快！今日我哋就點咗少少壽司海膽蒸蛋牛舌定食生薑豚肉飯海膽蒸蛋嘅海膽好新鮮，好有海水味，個蒸蛋都整得好滑，好值得一試！其次係個牛舌定食，炆得好淋，好入味！紅蘿蔔都好入味！叫咗幾件壽司，佢哋係用茶漬飯用來做壽司，好好味！好正！吞拿魚魚腩壽司 - 好厚身，冇揸流攤！火灸三味壽司分別係三文魚，左口魚，吞拿魚最後，都想讚一讚呢度啲店員佢哋做嘢效率好快，而且都好有禮貌食飽飽，好滿足，繼續我哋嘅單車旅程！

今日黎左科學園食十和田日本菜😜係大學站搭巴士15分鐘就到😎用QR CODE自助落單😬餐廳座位非常寬敞而且景觀都幾靚🥰雖然今日落住毛毛雨，但好彩個天都夠清👍坐窗口位就啱晒啦‼️雜錦魚生丼🍚一上枱被滿滿既魚生飯嚇到😳多款角切魚生份量充足舖滿係佈滿蟹子既飯面上😍子因左角生仲有鮑魚粒及帶子邊等等🤪赤醋飯酸味適中😍刺身非常足料又新鮮🥰真係滿足度爆登🤩三文魚三味壽司🍣三文魚三味分別係三文魚、三文魚腩及炙燒三文魚😜我突別鍾意三文魚腩油脂滿滿🤤三文魚💖飛魚子卷😬一客六件大大件卷物😬每件卷物外圍有蟹子🥳而上面有新鮮美味既飛魚子🤩飛魚子爆開帶有海水鮮味😋唔錯喎😋

尖沙咀十和田 @towada_sushi 登陸大埔科學園水準保持高質 嚴選新鮮食材 精心製作日本料理和風裝潢配園內景色 CP值超高 難怪大排長龍科學園外賣優惠🇯🇵6款壽司便當/丼飯 $98起·🍣午市壽司套餐(配湯)食材會因季節轉換 採用自家製赤醋飯 誠意十足全部都好新鮮厚切 師傅更細心在刺身上𠝹花$108 便能一次過嚐盡多款壽司🏆午市人氣no.1油甘魚｜口感幼滑細膩 味道甘甜 充斥魚油香氣蟹膏赤蝦｜鮮爽赤蝦加上濃郁蟹膏醬 雙倍鮮味香葱吞拿魚蓉｜入口即化 剁得幼細 魚蓉多過飯赤身｜質感軟腍無筋 魚味濃厚 比想像中更好吃榮螺片｜初春榮螺當造 肉質豐腴細膩 味道鮮甜火炙粒貝｜炙燒過的粒貝好爽脆又鮮甜 有驚喜火炙三文魚｜肥美三文魚經過火炙後油脂爆滿吉列蝦卷｜口感豐富 有蟹籽的爽 炸蝦的酥脆蟹籽軍艦｜紫菜好香脆 蟹籽粒粒分明脆卜卜·🦀帆立貝松葉蟹丼(配湯/蛋)滿到瀉皇牌丼飯！一啖歎晒三種不同鮮味海產份量誇張震撼 入口鮮甜的蟹肉 厚身的帆立貝仲有晶瑩剔透的三文魚籽🟠加上秘製赤醋飯真的很滿足 附送的麵豉湯和茶碗蒸也不錯午市除提供壽司/丼飯 也有定食 烏冬等料理

幫襯過3次，次次食完都迫你交枱。大佬，食過人頭$150-160既lunch，想坐多陣都唔得👎。咩服務先？我食快餐去左M記啦。老闆要正視一下呢個問題。呢個係一間高級少少既餐廳對客人既尊重。如果你想賺多張枱，咁你不如加價啦，至少我坐得安樂唔洗俾你班職員又收野又牛咁眼咁𥄫住至於食物就中規中矩，不過$128得三件既吞拿魚🍣壽司就好唔得，有根又唔新鮮。個鰻魚飯拼刺身就好好多，都算叫做抵食，都係收$128。

又同老公進行 #和你睇樓 活動🙈用隻腳行去科學館不是夢一直好想食十和田，因為我個食神fd話好好食但尖咀人太多我怕左排隊知道科學園有分店立即不作他選即入而家我明點解食神話好食了😆因係真係好。好。食😭😭食神話，喺香港日本嘢全部可以skip除左十和田，質素同價錢成正比直頭有物超所值嘅地步有幾款食物係食神叫我必食嘅🍣三文魚三味壽司三文魚腩油脂靚到一食配wasabi，絕！另一食配薑蓉，妙！真係有另一個層次嘅「辣」火灸帶出魚油嘅香全部高質👍👍👍🍣三文魚親子丼點解可以靚到咁😭三文魚唔係切頭切尾三文魚子粒粒光澤飽滿紫蘇葉配上海鮮嘅鹹鮮赤醋飯比白醋飯冇咁酸非常特別，勁足料☺️個比例魚生&飯 差唔多係1:1好滿足，好飽添🤣🍣香蔥呑拿魚腩蓉丼必食排行榜榜首🥇日本級數嘅呑拿魚腩蓉睇到閃閃發光呢粉紅色已知高質一樣係魚生&飯一比一份量可以啖啖都食到呑拿魚腩蓉太幸福喇😭😭😭仲有幾款食神話必食不過兩個人食到以上基本上已撐爆打破香港冇好日本嘢嘅定律同埋講真唔係貴好啦，我接受尖沙咀要長期排隊嘅現實🙈科學園如果有日買得起樓我都會再嚟的

十和田科學園分店開張了，餐廳採用了日式簡單風格，座位非常闊落，而且有落地玻璃設計，整體非常寬闊，座位都很多！今日嘗試了火炙系列的飯，有意外嘅驚喜：火炙魚生丼這款飯係秋季限定的，見到材料非常豐富，有厚切火炙三文魚魚生，牡丹蝦，左口魚，吞拿魚，油甘魚，同埋三文魚籽，滿口魚香，超級滿足。材料非常新鮮而且咬落滿口魚脂！正！火炙左口魚邊丼左口魚及燥飯份量非常十足，左口魚配上酸醋飯， 甜甜的。飯上蓋上厚厚的海膽，色澤金黃，入口好鮮甜，燒過嘅左口魚肉質滑溜，入口即溶，而且有魚的脂肪油香。再配上蔥粒及紫蘇葉一齊放入口，味道非常鮮甜。下次大家經過科學園都去呢一間日本餐廳試吓日式料理！值得推介的。

位於科學園既十和田壽司，算係比較新開，今日經開沙田就入黎搵一搵朋友。傍晚時間人唔多，景觀開揚，好適合同friend 一齊慢坐慢慢嘆食物。係時候講下食物！汁煮豬軟骨定食首先講吓呢度嘅定食，會包一碗麵豉湯同茶碗蒸蛋，麵鼓湯濃郁偏鹹，有豆皮同海帶！蒸蛋最大特點係新鮮熱辣（一開始係熱到燙口），嫩滑，有鳴門卷！豬軟骨質感中挺，唔會太硬難咬同痴牙，亦唔會話太淋一pat野，味道豐富濃郁（味淋既甜味以及鹹肉香），配上白飯真係一流！長崎味噌煮牛舌定食個湯汁本身係味噌湯底，撈飯會感覺似麵豉湯，但係估唔到個牛舌加上個湯汁會咁夾！牛舌會索滿左成個湯汁，咬落去有種味噌既清香加上牛舌既滿滿肉味！推介！炸雞塊塊數大概6塊但大大塊！同外面炸雞唔同既地方係唔知點解佢可以鎖住咁大量肉汁！非常鮮嫩豐富！至於味道我個人覺得係偏濃！黑芝麻雪糕呢到既雪糕唔只係就咁一球送上，而係會附上蒟蒻同甜汁，呢個配搭都幾新鮮，而雪糕本身芝麻味都幾濃郁～

嚟到咗科學園嘅十和田壽司，揀咗佢哋嘅午餐壽司套餐同埋鰻魚套餐。餐點送上嘅速度好快，而且壽司嘅味道唔錯，尤其係三文魚同帶子，好好味㗎！其他壽司都唔錯，飯同埋黑醋調味得啱啱好，令壽司更加豐富味道。鰻魚套餐嘅鰻魚肉質豐滿，同埋米飯軟糯甜美，真係好好味呀! 不過鰻魚有啲泥味。座位方面，呢度嘅座位有啲窄，而且桌面空間唔太夠，但係餐廳環境舒適，可以看到周圍嘅美景，令人放鬆。服務員都好有禮貌同埋友善，不過有啲時候要等一陣先有得到服務啦。 總括而言，呢間餐廳嘅食物質量唔錯，價錢都算合理。座位同服務質素有啲需要改善嘅地方，但餐廳嘅環境舒適，加上周圍嘅美景，令人感到愉悅。

咁啱假期冇野，去搵個朋友食lunch，朋友係科學園返工，朋友話而家科學園都有好多間餐廳，中西日都有，好豐富！已經唔係我地昔日所諗嘅科學園lu～咁我話事就緊係食日本嘢啦，地點方面都好容易搵到，餐廳環境寬敞，基本上四面牆都用左玻璃嘅設計好透光，令到成個感覺好舒服！食物方面可以單叫亦都有丼飯亦都有午市套餐，我地兩個都叫左午市壽司套餐，份量啱啱好，而且有個麵豉湯跟埋暖笠笠🥰醋飯都同出面有分別，好開胃，魚生件件都大大件，好滋味！價錢方面開得係科學園區😂一定唔會平屬於中高價錢，不過質素黎講都對得住，而且員工都好Nice👍🏻

科學園區內嘅食店唔算多，但亦可以揾到高質嘅食店！呢間就係其中一間高質嘅日本餐廳。餐廳十分寬敞，再加上有好多落地玻璃，望出外面的景緻用膳，好悠閑寫意🙂今次第一次試呢度嘅「雜錦魚生丼」（$128），落單不久就送到。一見到這個魚生丼，心裏「嘩」咗一聲。佢嗰啲魚籽超多，堆到好似成座山咁🗻材料十分充足，超大碗，而且好鮮味，真係貨真價實👍佢呢個餐仲跟埋一個滑蛋，同埋湯。真係食唔晒🙈另外叫咗個「吉列生蠔湯烏冬」（$88），佢啲烏冬超彈牙，吉列蠔即叫即炸，香脆熱辣辣，超正！呢個餐仲跟埋三文魚壽司，好豐富啊😋呢度嘅店員服務好好，好有禮貌，又會留意顧客有咩需要。

朋友仔係科學園返新工見呢度新開了一間日本野即刻約我食lunch見到呢間午市套餐到幾多選擇絕對可以滿足過下口癮既朋友仔😏😏午市壽司套餐(配湯）火炙左口魚邊丼 火炙牛肉湯烏冬黑松露鯛魚丼等等。。。。每台有備綠茶粉自己沖茶今日我選擇了刺身套餐👉🏻刺身拼鰻魚飯(配湯，蛋）- $128😋估唔到午餐個刺身三文魚都有返啲厚度刺身都好新鮮又大片鰻魚飯個汁都好好味鰻魚都有反咁上下大大嚿👉🏻帆立貝松葉蟹丼飯(配湯，蛋)$168大大隻帆立貝有好多蟹肉仲有d 蟹膏再有d 魚子最特別個飯底係赤醋飯👍🏻好少地方用呢樣仲有個蒸蛋 熱辣辣 好滑嘟嘟 食完都好飽就算午餐有好多人食要排隊都唔係話等好耐 幾好坐👍🏻最方便係用QR Code 落單👍🏻

平日幫人喺度食lunch，所以一到食飯時間就要排隊。餐廳好大，但係真係好多人。呢度午市有套餐有熟食、壽司、刺身飯等等。價錢合理。坐低有綠茶粉，自己加熱水。有綠茶飲。揀咗一個鰻魚飯，鰻魚大塊厚身。飯充滿燒汁味道。鰻魚飯套餐有蒸蛋。蒸蛋夠熱，仲有麵豉湯，好豐富。另外揀咗個壽司餐。壽司餐配麵豉湯。壽司有火炙三文魚，榮螺、吞拿魚蓉軍艦、蟹籽軍艦、火炙象拔蚌、吞拿魚、蝦膏赤蝦、白身魚及炸蝦卷。好耐冇食過蟹籽壽司，一小粒一小粒，充滿兒時回憶。火炙三文魚、象拔蚌都有火炙香味，象拔蚌爽口。壽司套餐壽司款式多，份量夠飽。

幾年冇去科學園 已經發展到第五期、企業廣場地下新開了間日本餐廳、趁假期來逛逛。整間餐廳用上落地玻璃、光猛通透、可以望著外面的公園景、好relax~ 點了兩件三文魚壽司$30、三文魚比想像中大塊、質素合乎預期。秋季限定丼飯 $138賣相好豐富、有三文魚、吞拿魚、油甘魚、魷魚、帶子、牡丹蝦等、全部都係厚切肥美。火炙過的三文魚和左口魚魚香更突出、另外用上赤醋飯更有心思。滑蛋吉列豬扒丼 $108丼飯定食包括麵豉湯、茶碗蒸、茶碗蒸滑蛋超滑、小朋友好喜歡食。豬扒丼夠熱、放了一會豬扒仍保持香脆。

週末想找個地方好好休息，吃好一點又健康一點，這間餐廳絕對是一個好的選擇。先講環境，落地大玻璃，看着這樣的景色進行午餐，多放鬆和療癒呀！我和朋友點了海鮮丼和超級吞拿魚腩卷一起吃。前者看價錢感覺很昂貴（$218），但當看到刺身的組合便感到超所值：肥美的大赤蝦及海膽等刺身，非常新鮮，而且他食物的份量很大很足夠！而超級吞拿魚腩卷，刺身甚至比飯還要多，而且他的飯都不是白飯，對於怕肥的女士完全可以吃得安心又放心。幸好我是在剛開門的時候光顧，離開時餐廳已滿座；最後必須一提，就是餐廳職員的服務態度都超級好。