十和田壽司 (香港科學園)

營業中

休息中

「十和田壽司」開業多年，終於係科學園開店，亦係區內唯一一間日本料理店之前已經幫襯過好幾次，水準維持到之餘，價錢合理科學園分店更好view，一望出去就係大自然【鹽漬檸檬壽司拼盤 】有驚喜,一個好fresh既Set , 有鯛魚，凡立貝，墨魚，蝶魚邊~  食既時候點小小竹炭鹽，再配搭檸檬汁，好鮮味【超上壽司拼盤】 精選12件最受歡迎既壽司，有拖羅、三文魚籽、海膽、牡丹蝦等鮮選的人氣菜式~  當中最欣賞海膽壽司,口感奶滑甘甜又濃郁另外牡丹蝦彈牙甜美整個拼盤質素好高!食完壽司，食既蒸蛋番暖暖胃滿足!

打去問有冇網上Menu，她說因冇whatsapp，叫我望吓open rice嘅相～(但唔齊喎)現場睇Menu, 俾咗錢先話外賣嘅丼係冇蒸蛋！用個QR code menu落order, 但佢話要櫃枱落，但係佢抄錯咗，要蟹柳手卷$30變成蟹膏蟹肉手卷$68，打電話追問番，佢話係我講錯咗！但個賣相係咁！食物味道新鮮, 但侍應態度係趕客。

上次食完因為真係太太太好食了，仲要夜晚食又冇乜人唔駛等位，仲有好多地方泊車，所以一定會再黎食科學園呢間，今次叫左個雜錦魚生飯同埋吞拿魚魚生飯，第一次試呢個吞拿魚，佢係吞拿魚蓉黎，唔係吞拿魚粒，再撈埋啲香蔥食真係好好味，佢啲蓉磨得好粹好有口感，仲要份量都係一樣咁多。再講雜錦魚生飯一直都係我最愛，佢啲魚生粒粒都超大粒，舖哂係飯個面到，啲魚生仲多過飯，魚生就主要係三文魚同吞拿魚，中間都夾左啲青瓜，好好味

科學園而家開咗好幾間餐廳，有次行開見到間日本野，lunch time好多人排隊，就湊熱鬧排埋一份。同友人一人一個lunch set ，我叫咗個午市壽司套餐配湯，佢就叫咗汁煮豬軟骨定食配湯及茶碗蒸。個豬軟骨份量都幾多，而且每舊肉都大大塊，幾抵食。茶碗蒸好滑溜，冬菇好惹味。個麵豉湯好飲，唔會好鹹，又足料。壽司套餐有十一件壽司，個炸蝦卷超香脆，要趁熱食。油甘魚同三文魚壽司都超肥美，又厚切。最鍾意個壽司飯，啱啱好一口，唔會太大。個吞拿魚蓉軍艦好出色，唔霉。最驚喜係個蝦壽司，上面個蝦膏醬好濃郁，好好味！

今日喺科學園接女朋友收工，科學園餐廳選擇不多，如果係晚上更加少，我同樣都過咗嚟呢間十和田食日本菜，餐廳雖然比較少人但係員工比較多服務比較好，同樣都有綠茶粉畀你沖，我覺得佢性價比之處係丼飯香蔥吞拿魚腩蓉飯👍9/10分。佢呢個性價比高。最主要分量其次新鮮度亦都比較新鮮！十分好送飯，同埋佢呢度用嘅都係醋飯唔會係普通白飯推薦粒粒魚生飯👍9/10分。魚生新鮮而且分量非常多可以睇睇相片的，食完係必定飽的，再加上佢嘅芥末係真嘅芥末。唔會太辣的燒雞泡魚干👍9/10分小食方面同樣出色，雞泡魚幹燒得啱啱好，而且加埋沙律醬更加配搭

火灸左口魚邊丼 ❤成條魚油脂豐富最肥美既位置，火灸過後，一黎到散發陣陣魚油香氣，第一啖直情油香散哂出黎，魚肉肉質細嫩，多脂夠甘香味道更豐富，仲配埋鮮甜既海膽，呢個價錢都唔算貴，份量都好足料，米飯滲哂魚油香氣，又香又好食~👅三文魚親子丼❤ 三文魚籽食起黎一D海水腥味都冇亦唔死鹹仲帶少少甜味，融入三文魚既油脂和鮮甜魚味，赤飯撈埋一齊食，魚脂鮮香味同紫蘇清香，鮮味十足，唔落醬油都好夠味，水準仍然~🥰兩個set lunch, 都會送:味噌湯 同 茶碗蒸 😎 茶碗蒸我最愛，口感細滑，食起黎份外鮮甜。🤪

今日到科學園領取物品，順便來個午餐。11時見到企業廣場的「十和田」剛剛開始營業，來個早午餐吧。先嘆一杯綠茶，喜歡這裏可自己調校自己喜歡的濃淡，飲完又可再來一杯。「帆立貝松葉蟹丼」午市套餐配味噌湯及蒸蛋。一客滿滿蟹肉的丼送上，松葉蟹蟹腳肉鋪滿赤醋飯面，更有厚度，蟹肉入口清甜，吃多多也不會膩再配上北海道帆立貝刺身，刺身新鮮肥美，入口嫩滑，加入紫蘇葉同吃另有一番風味，還有脆卜卜的三文魚子啊，一啖有多種口感。日式風味「茶碗蒸」有淡淡的冬菇香味，裏面還有鳴門卷，蟹柳，入口滑嫩，不錯啊。

今日同樣都係黎左科學園接女朋友，第二次食呢間十和田餐廳，餐廳環境好，坐得舒服食得舒服今次食下其他菜！叫左雞泡魚乾，雜錦魚生飯和香蔥吞拿魚腩飯雞泡魚乾:9/10分呢個小食做得好好，燒到非常乾食落去好脆，而且可以鎖住味道加上點上沙律醬，更加搭配雜錦魚生飯:8/10分，魚生都係比較新鮮的份量夠哂多唔會唔夠食的，飯都唔會太齋，會有醬油係上面香蔥吞拿魚腩飯:9/10分呢個的魚生用既都係腩位唔會太瘦，好好送飯，加上魚生豉油，味道更上一層樓！

今日收工男朋友係沙田車我入去科學園，上次係中環搭900有啲耐，所以今次決定坐鐵去到沙田佢車我，去到6點9左右。去到科學園，十和田個地點都幾易搵，我地2個叫左2個魚生飯，我就叫左吞拿魚溶飯，佢就叫左火焰魚生飯，2個都好好味。上面魚生啲料真係好足，食一碗已經夠飽，但因為見佢啲小食好吸引，就追加叫多左個蟹子沙律，呢個入面有埋蟹子同蟹肉，配有生菜比你夾住黎食，啲料一啲都唔少。餐廳仲有免費綠茶粉提供，可以自己沖黎飲

同是八月生日，一齊食餐好是常識吧！至於食乜，唔洗諗，大家都話要食十和田首先因為鍾意科學園（情意結冇得解）二嚟十和田真係全香港CP值至高嘅日本菜佢哋嘅三文魚蓉丼係必食！必食呀🔥生日嘛，今日就貪心少少叫丼飯三食三食有齊以下：三文魚蓉唔洗講，靚到震嘅粉紅色上面少少蔥少少芝麻加少少wasabi豉油真係perfect池海膽丼唔怕老實講出面嘅海膽我少食但十和田呢個唔苦唔澀真係好好食蟹膏蟹肉丼咁樣食直頭係霸氣外露豐富到不得了，多到滿瀉嘅份量！三樣嘢加加埋埋其實都幾多飯佢哋用赤醋米，啲飯嘅顏色係深色啲同埋冇白醋陣酸味我覺得幾好食，但下次要叫少飯（因為兩公婆減緊碳水）三文魚壽司三味鍾意食三文魚嘅話呢個我真心推介三件都極之肥美，冇得輸！三食係分別係三文魚+wasabi火炙三文魚三文魚+薑（但我走左薑🙏）食完三色丼太好味嘅關係加單叫左個蟹膏沙律同海膽茶碗蒸個蟹膏沙律係咁樣🤣大碗到直頭係奢侈級別🤣用生菜包住食好爽，有助減低罪惡感海膽茶碗蒸熱辣辣個蛋同個海膽都滑一滑🤤太幸福了！係今日唯一嘅熱食人頭約$200高質，同放題係兩個level係貴精不貴多之選（但講真佢份量不少的！）

🔮海膽茶碗蒸  茶碗蒸可以說是我最愛的日本前菜,海膽鮮甜,蒸蛋滑溜,蛋香十足 🔮鯛魚湯   呈奶白色的鯛魚湯,入口滿滿甜魚湯味,微微的膠質感有種很滋補健康的感覺呀 🔮三色丼  始終做完運動又唔敢食太多,為免過度吸收吖嘛,所以我哋就點咗呢個三色丼來share。三色丼分別有,海膽丼，吞拿魚腩蓉丼，蟹膏配長腳蟹肉丼, 魚生海鮮的份量比想像中多,特別是吞拿魚腩蓉整到成個小山丘咁,刺身魚腩蓉和米飯的份量可以話係一比一,一啖飯一啖魚蓉,淡淡的魚脂香,真的很鮮味呀！海膽刺身鮮甜得很,入口即溶,新鮮滋味；蟹膏和長腳蟹肉也確實鮮甜無比,還有餐廳的是用赤醋飯,非常鮮香又更健康。其實呢個三色丼整體份量也不少,好在我地share,兩個人剛剛飽 🔮牡丹蝦壽司  特登叫咗一隻牡丹蝦壽司,日本直送,刺身蝦肉非常新鮮,色澤亮麗,大大隻新鮮又鮮甜 🔸️喜歡這裏有綠茶粉,可以比客人按自己嘅喜好來沖綠茶,我一向喜歡較濃的味道,加了三小匙,濃郁醇厚的綠茶香,恰好可以中和魚油的膩口感覺

週未嚟到馬尿水海旁逛逛、踏下單車，再去科學園揾餐廳食午餐。今次揀咗環境幽靜嘅十和田壽司。之前去過尖沙咀分店，估唔到科學園都有！中午12點左右入座唔洗等位，但12點半就差不多滿座。好幸運今次被安排坐單邊角落，有90度落地大玻璃可以近賞科學園嘅園林景。一行二人叫咗超特選壽司拼盤，再加蟹棒同熟蝦壽司。拼盤本身配味噌湯同蒸蛋，湯不會太濃或太鹹，帶有鮮甜味道，蒸蛋口感滑嫩，含香菇、海鮮、魚板或山茼萵，小小一碗就有濃郁嘅鮮味。超特選壽司拼盤非常豐富，有吞拿魚、海膽、鰻魚、三文魚子、吞拿魚蓉、生蟹腳、生蝦、甜蝦壽司第等，配上一隻大蝦頭。當中有三款不同部位嘅吞拿魚壽司，有不同嘅油脂比例同分佈，三款都肉質鮮嫩，非常可口。海膽壽司上嘅海膽份量十足，入口鮮甜帶creamy口感，仲有濃濃嘅海水味！鰻魚壽司上嘅鰻魚長過手掌，肉質細緻鮮嫩，醬烤入味，好吃不過鹹，鹹中帶點微甜，愛吃鰻魚嘅朋友必點！另外單點嘅蟹棒同火炙芝士熟蝦壽司就不過不失，同樣地食材肉質都非常新鮮！不得不提，今次食壽司除要欣賞魚肉外，仲可欣賞壽司嘅米飯！米飯顏色呈淺啡，因為壽司師傅已經用醋作適當嘅調味，黏性和味道適中，不掩蓋魚肉的味道。望著園境，食

雜錦魚生丼(配湯,蛋) ❤一碗雜錦新鮮魚生丼，一次過食到多種唔同口感同鮮味，粒粒厚切魚生都食到滿足。啖啖飯都一定有魚生一齊食，份量十足!🥳三文魚親子丼(配湯,蛋)❤大量粒粒超厚切三文魚 夾埋香醇赤醋飯，好滿足~🥰當然，佢地既蒸蛋係我大愛真係好滑DODO，又香蛋味，大推!👅一個人食一碗，其實份量都真係好多，仲要有埋湯飲，黎親食LUNCH 一定捧住個肚走，所以係真係好抵食 一大班人黎食，就可以食得更多，試多d唔同既野食!

夏天一到 天氣太熱就會經常想食壽司 作為科學園少數可以食到刺身壽司的餐廳 午飯時間一定大排長龍 好彩當日只是等了十五分鐘就可以坐低 壽司套餐$108種類豐富 有11件 包括有吞拿魚 油甘魚 三文魚 象拔蚌 蟹膏赤蝦  榮螺 蟹籽 香蔥吞拿魚腩卷 三件吉列炸蝦卷 除了壽司還有味噌湯跟餐 當中以肥美油甘魚 爽口的象拔蚌同新鮮的蟹膏赤蝦比例出色 餐廳環境舒服 食物水準正正常常 不過當天用餐剛好坐了在吧檯位置 面向擺放壽司的雪櫃 而雪櫃底部明顯見到有一定數量的灰塵 令到用餐體驗扣了不少分數 希望餐廳都留意一些不顯眼地方的清潔

呢間壽司店個個食過都話正，用料新鮮食材款式份量又多，好耐之前食過一次尖沙咀嘅分店，令到我念念不忘，今次試埋科學園新店，水準依然一如既往地高🔥吞拿壽司拼盤🐟 $328一啲都唔腥兼好有厚度，壽司飯係用赤醋飯，比普通醋飯更濃郁，突出刺身嘅鮮味👍🏻海貝丼🐚 $188呢個有鮑魚、螺肉同帶子，仲有魚子做點綴，鮑魚刺身真係第一次食，食到佢本身嘅鮮味，螺肉最有驚喜，食落甜甜哋😋三文魚三味壽司🍣 $42有三款口味，一次過滿足你三個願望！分別係薑蓉、wasabi同火炙，件件都好肥美🤩