十和田總本店

營業中

休息中

午市商務二人餐 $328​🔸味噌湯 、茶碗蒸如出色的蒸蛋會吸收配料的味道、但這個只是普通蒸蛋，但蒸蛋嫩滑味噌湯配上海帶不會過鹹​🔹刺身拼盤三文魚是厚切，食落有質感、鯛魚、吞拿魚 新鮮肉感厚實 而鮮蝦很細隻、食落不彈牙​🔸海膽三文魚子吞拿魚蓉鍋巴新鮮刺身配上鬆脆可口的鍋巴有鍋巴作底 上面的刺身食時不容易散開 不過吃不出吞拿魚蓉的味道，口感相對清淡​🔹鰻魚飯飯軟不糊，鰻魚加醬汁配飯一流鰻魚沒有細骨 肉質軟滑​🔸吞拿魚蓉手卷紫菜新鮮脆口 、吞拿魚蓉與飯比例各半～但味道較清淡​所有食材新鮮 但味道較淡⋯ 以打工仔黎講價錢都進取，食lunch比夜晚更化算！​

餐廳裝修簡潔的日本風，讓人感覺輕鬆自在。只嫌枱面面積有限，幸好服務生招呼周到，會盡快清理已吃完的食物，所以以環境而言也算是很不錯地方與人共進晚餐食物方面，叫了一個海鮮丼（攞款精美，厚切吞拿、蟹籽及各款刺身都很新鮮）還配上新鮮芥辣，令食物質素提升更多。燒物也是不錯的選擇，味道不太濃，鹹味剛好，充滿燒烤味，配上一杯啤酒，很有居酒屋的風味！另外叫了一個海膽蒸蛋，果然足料，絕無戲場，海膽很新鮮和高質！餐廳食物選擇繁多，其他枱食客一般多叫刺身、燒物類食品，配以酒類，便成為一個享受高質食品及跟人談天的好地方。

今日經過尖沙咀，見到呢間日本野好靚仔，望個門面已經覺得好似幾出眾，同老公入去trytry, 發現都係走少貴路線，所以期望幾高！我地叫左好多野食，試左小食又試左啲壽司，全部都好不錯，有枝豆，雞泡魚乾、明太子沙律、芝士年糕！全部都好好食，特別係明太子沙律口感卜卜脆好爽口，好得意我同老公都第一次試！啲小食的確係有啲驚喜！而佢個壽司都冇令我哋失望，叫咗個吞拿魚三食，個拖羅超級肥美入口好Juicy, 啲油脂支晒出嚟！我哋都有嗌左火炙左口魚裙邊壽司，都好好食！兩個人食咗六百幾蚊，超級飽，本身想叫個壽喜燒火鍋，發現太飽冇叫到，下次會再嚟試！

係呢間店一次可以食到好多唔同又好味既日本野。呢排天氣凍,想食d熱野,叫左一碗牛肉烏冬同朋友share,多唔同顏色既蔬菜,湯底又好好飲,牛肉又勁多塊,仲juicy,食完已經暖暖地。叫左少少壽司,有creamy既海膽壽司,海贍仲多過飯。鰻魚壽司好厚身,個汁好正,仲燒到好軟林。鯛魚湯好入味,睇黎煮左好耐,好滿足呀!燒既蝦好香,肉質一流,燒過既蝦同平時普遍煮法既蝦好唔同。中意呢度快靚正,平平地又食到高質野。

对一个普通的内地人来说，这家店不是好选择。先说态度问题：进店之后店员直接从我们身后把点餐二维码扔在桌子上就走了；因为文化不同，菜单上有部分不理解是什么意思，问店员这是什么意思，店员言语行为很高傲，跟我讲点菜的选项这些都不用管，只看图片就行了。环境卫生，但是桌子太小了，随便上一个菜都没有地方摆第二个了。口味喜好因人而异吧。大部分食物都是生的，很不习惯，味道也不好，每个菜基本都是凉的，吃下去要下很大决心，整个过程简直是人间酷刑，吃完饭身子好冷。价格也不便宜。最后我想说：吃不惯生食的千万不要来这里吃饭。

必點大愛既分別有 鰻魚飯❤️三文魚親子丼❤️蒸蛋❤️ 時間尚早，所以黎到餐廳都有好多位選擇。今次叫既鰻魚飯，夠哂大條同肥美，醬汁既份量亦都岩岩好，而且今次既飯好夠熱！所以食起黎更加滿足。而且，今次仲有得自己落紫菜粉，原來咁樣食，更加香口惹味！！！大愛必點之選之一呀😀當然三文魚親子丼絕對係長勝將軍🤣 啖啖入口都係咁肥美，有時仲有d腩位食到，正🤣最後嚟返個滑嘟嘟嘅茶碗蒸，今日鹹味較重，但入口依然都係咁嫩滑！

火炙左口魚邊丼 ($148)左口魚經過火炙處理，令魚肉外層口感緊緻而內𥚃則保持香嫩，同時帶有丁點炙燒的焦香味。海膽，味道頗為濃郁、口感奶滑、入口即溶，鮮味繼而充斥著整個口腔。丼飯採用珍珠米，加入醬油處理，飯的乾濕、咸淡程度都恰到好處，為整體味道帶來多一重層次之餘，卻又不會奪走食材原有的鮮味。沖繩黑豚腩肉 ($42)脂肪和肉的比例恰當，同時帶有香濃的豚肉和飽滿的油脂感。燒明太子雞翼 ($48)香脆的雞翼包裹著飽滿的明太子肉餡料，充滿兩款食材獨有的油香，非常惹味。

呢晚約咗朋友係尖沙咀食飯，大家都想食日本菜，所以揀咗呢間十和田總店，地點都算就腳👍🏼Book咗禮拜四夜晚7點3，當晚我一個7點已經到咗，餐廳唔full，店員好好咁俾我自己一個提早入內😁兩個人叫咗燒雞泡魚乾、枝豆、明太子沙律、炸芝士薯蓉年糕、兩客火灸三味壽司同兩客火灸吞拿魚三味壽司，食物吃得好快，不過張枱有啲細，好快已經鋪滿晒成張枱。火灸三味壽司應該分別係左口魚、三文魚同吞拿魚，火灸左口魚好食！推介！燒雞泡魚乾都推介，唔會太乾，啱啱好！所有壽司啲壽司飯已經調好晒味, very nice! 另外如果鍾意奶味濃嘅芝士都推薦炸芝士薯蓉年糕😄今次唔肚餓所以無叫烏冬don飯之類，下次有機會都想試下😬幾鍾意餐廳擺低成個熱水煲，可以自己隨時加水沖茶。😁埋單每人三百幾蚊，尖沙咀dinner食日本野，呢個價錢算唔錯👍🏼

首先，桌子特别特别小，点的吃的都放不下；然后按照图片点的抄上寿司拼盘，别人的里面都有好大一条鱼，我们没有…不知道是不是因为我们一看就是内地游客，强烈建议游客如我们，再也不要来这家店了；再来说说味道，和上海超市里30块人民币一盒的寿司没有丝毫区别；这里花了770块港币两个人，其中70块钱是服务费；勉强值得一提的就是牛肉乌冬面吧，还算是可以吃，味道还可以。本来心情很好，兴高采烈的来吃饭，结果满是失望而归。唉唉唉

好耐冇去十和田總本店，十和田位於距離尖沙咀站只係3分鐘路程。我哋嚟嘅時候過左午餐時間，所以店內人數唔算多。今次我哋叫咗香蔥吞拿魚腩丼，配以湯同埋茶碗蒸，吞拿魚腩嘅份量超多，多到似係二人份量～粉紅色嘅吞拿魚同埋奶白色嘅魚腩比例相若，超級吸引！除此之外，仲有醒胃酸薑同埋香蔥，酸薑又脆又爽，但有少許子薑嘅辣味，又唔似老姜有渣。壽司飯有用赤醋調味，酸薑同酸蘿蔔以中和魚腩嘅肥美😝性價比好高。只可惜今日雜錦魚生丼飯售罄，以$148嘅價錢在尖沙咀區食到超大份量嘅丼飯加茶碗蒸及湯，真係抵！茶碗蒸係一貫嘅好食，調味唔會過鹹，入邊仲有冬菇及蟹柳，滑嘟嘟好好味😋傳統嘅味噌湯，高湯嘅底好鮮甜，加上少量昆布，係日本嘅傳統味道。鰻魚飯嘅厚度出乎意料，相當飽滿，配上濃稠嘅鰻魚汁，咬落好肥美，價錢亦唔貴（$118）同樣地配以茶碗蒸及味噌湯，質素頗高👍

(*˘︶˘*).。.十和田總本店:*♡超喜歡尖沙咀金馬倫道的十和田總本店用餐環境滿滿日系風格也得體, 午市簡單來吃日式定食已經好滿足。-而且午市套餐選擇都幾多元。十分推薦餐廳主打的壽司套餐,刺身色澤美美的由吞拿魚、加州卷, 到油甘魚與海鰻,再到三文魚子、海膽到吞拿魚蓉,單看賣相已經勁吸引,手握赤醋飯大小也是我喜歡的口感。-另一款我十分喜歡的是刺身拼鰻魚飯，一次過滿足兩個願望刺身厚切有睇頭。吞拿魚、三文魚腩、油甘魚腩等鰻魚飯也是棒棒的，香口燶邊。下次要再來吃這裡的招牌三色丼！-十和田總本店Towada SushiG/F, 華懋金馬倫中心42-44 Cameron Rd, Tsim Sha Tsui#尖沙咀 #金馬倫道 #日式料理 #壽司 #刺身 #鰻魚飯 #十和田總本店 #尖沙咀美食 #三色丼

今日去咗尖沙咀食壽司，食咗十和田，餐廳都好大，所以星期日都唔使等好耐位，有好多壽司師傅喺吧枱整壽司我哋叫咗個火炙壽司拼盤、超特選壽司拼盤（配湯，蛋）、間八刺身同深海池魚（一件）嗰隻壽司俾佢有三文魚吞拿魚魷魚同埋左口魚，各有特色，特別係魷魚好少有得食，夠晒彈牙，燒一燒更香！超特選壽司拼盤，有10件壽司，包括穴子、蟹腳、拖羅等，食材好新鮮！仲有海膽同三文魚子，呢個set仲包埋麵豉湯同埋茶碗蒸間八刺身，好少有；另外深海池魚都好鮮甜成餐飯好滿足！

海鮮丼 😀 一碗丼飯有7種唔同既鮮味，有海膽、帆立貝、赤蝦、油甘魚、香蔥吞拿魚腩、三文魚籽 同 玉子。滿足感十足。岩哂樣樣都試，但又食唔到咁多你，海膽甘甜，油甘魚都幾油潤甘香 赤蝦同帆立貝夠哂清甜爽口。配上用酒粕發酵既赤醋煮成既壽司飯，大大大滿足 !!!火炙牛肉湯烏冬 ❤ 牛肉嫩滑，湯底係清甜既麵豉湯，更加突出牛肉既鮮味，用大火將牛肉既油脂燒出黎，所以邊邊位好甘香，睇到有焦脆，入口軟嫩 juicy，湯底有牛肉油脂香味。配埋個烏冬，完美融合。

想食三文魚又想食壽喜燒，行過呢間就走咗入嚟試吓。食物方面，三文魚系列嘅食品係正正常常嘅。但壽喜燒就完全唔得，湯底冇乜味，啲連鎖餐廳嘅壽喜燒湯底都有味過佢。😂我知道唔可以同出面嗰啲五六百蚊嘅比，但係呢一份都要$388，烏冬都要加$60，其實都唔係平。服務態度方面就真係好「出色」，一入嚟冇比水壺我哋，但遲過我哋入座嘅客人已經有水。大概坐咗10-15分鐘，order好，野食都上咗一樣，都仲未有staff意識到冇比水我哋。我開口問，一位中年比較矮細嘅男店員就拎水壺比我哋，但就講咗句「好口渴咁喎」，當堂覺得零尊重。而且食壽喜燒嗰陣時，個火好細，湯底一直未滾，所以我哋都冇開始食，呢個男侍應就突然間走過來要關我哋個火，仲話你哋唔識嘅話我就關咗佢，如果唔係啲菜淋晒就唔好食。我明白佢係想客人食到最佳狀態嘅嘢食，但係語氣可以好啲。喺最後買單嘅時候，佢嘅態度亦都好唔友善，好大力咁樣拎張單俾我哋。如果大家想食壽喜燒嘅話，千祈唔好嚟呢間。唔想貼錢買難受嘅話，都千祈唔好嚟呢間。

食物難吃，價格貴，環境簡陋本來請朋友吃飯找了這家以為評價很好就放心 沒想到完全踩雷，覺得很丟臉請朋友吃這家。壽司不新鮮，生鮮一般般，鰻魚飯也是普普通通，飯很濕一點也沒有嚼勁。不知道為什麼會評價那麼高⋯ 感覺路邊隨便一家日式餐廳都比這家好吃。