十大碗粥麵專家

營業中

休息中

呢間10大碗真係好出名，慕名而來！趁今日經過太子，特登過嚟試吓！由於早過12點到達，人數並不多，我一個人好容易就入到去！由於係中午時間，有午市套餐，睇落去真係幾抵食！50幾蚊，包個撈麵，加埋雲吞！仲有嘢飲㖭！性價比好高！本來應該食碗雲吞麵，但見個餐咁抵食，忍唔住食咗呢個撈麵套餐，揀咗牛腩撈拼三粒雲吞！最後當然要食埋呢度好好食嘅炸兩啦！首先講吓牛腩撈麵，個柱侯牛腩汁係幾好食，不過啲牛腩嘅部位有啲麻麻哋，都比較柴！如果啲牛腩部位可以好啲就更加好啦！另外啲撈麵走鹼水做得唔錯，而且啲撈麵食得出就蛋味！呢個係出色嘅！跟住講返啲雲吞，食得出啲蝦好爽口，都係唔錯！另外個大地魚湯，有好香嘅鹹鮮味，我真係成碗飲晒！餐叫咗可樂，而且仲係樽裝添，真係幾正！跟住講返個炸兩，真係值得一提，個炸兩裏面嘅油炸鬼係即炸嘅，絕對唔係用啲擺咗好耐嘅油炸鬼！配埋個腸粉皮，個粉漿唔會好厚身，加埋一齊，又脆又腍！真係好正！下次大家嚟記得試吓！漏咗，唔記得講樣嘢，佢啲辣椒油都好正，唔係好辣嗰種，但有好多炸蒜喺入邊，而且肯定係新鮮做，真係好鬼正！

太子特別多餃子店和麵店 簡直是一級戰區見十大碗好像有很多好評就來了這裡環境比較有新式麵店的感覺 乾淨明亮每枱都有一大壺酸蘿蔔讓客人任食酸蘿蔔非常脆口  味道酸酸甜甜很開胃我忍不住一直吃🔹️ 蝦籽雲吞麵 $38麵質非常爽  有彈性卻沒有鹼水味雲吞皮薄餡靚 蝦肉爽口 蝦籽粉為整碗麵增添了香氣整體都好好吃🔹️ 炸蜆芥鯪魚球2粒 $24炸蜆芥鯪魚球是這裡熱門食物之一鯪魚球很大顆因為即叫即炸 所以很新鮮很香脆配上超級濃郁+帶有咸香的蜆芥醬 絕配下次想試試它們的腸粉😍

好耐冇食過雲吞麵啦 因為我吾係特別鍾意食 但宜間麵店 連我都返轉頭食左幾次 因為性價比高 而食物係有水準 雲吞水餃都真材實料 一般食飯黃金時段 都坐爆 甚至要等位。——————————————————————P.S 酸蘿蔔 任夾 每枱都有一大壺酸蘿蔔 比客人任夾 。佢哋嘅酸蘿蔔非常出色 酸酸甜甜 酸味調味適中 好出色。用黎襯撈麵非常夾 🍝傳統炸醬撈麵 $46麵一樣非常爽彈 再加上滿滿嘅炸醬汁 同一條條入味嘅肉絲 又吾會好油膩 撈埋麵一齊食 一流 🍤蝦籽雲吞麵 $ 38 ，蝦籽水餃麵 $40份量吾細 麵質非常彈牙 雲吞同水餃皮薄餡靚 有一大粒蝦 蝦又夠爽口 幾足料 湯底夠清香 吾會太咸 加上蝦籽粉 好香 🐟炸蜆芥鯪魚球 小$24 中$42 大$62炸鯪魚係好多人叫 鯪魚球大大粒 即時炸 炸到勁香脆 熱辣辣 沾上濃郁咸香嘅蜆芥醬 超推三式腸粉 $40三式腸粉 分別係鮮蝦 牛肉 叉燒 。雖然腸粉皮略厚 但腸粉非常足料 餡料飽滿 鮮蝦超彈牙 牛肉幾滑

今天午餐想食雲吞麵，諗起之前友人介紹十大碗，就專登搭車去食，由於未到下午茶時間，就散叫一碗蝦籽雲吞雲，加$10拼鯪魚球，上枱時已發現沒有蝦籽，以為是我誤會了蝦籽是釀入在雲吞內，或可能在湯底，因為很少我看不見，但吃了一半也找不到，問店員，第一個說廚房漏放，幫我補回，但之後廚房說雙拼是沒有蝦籽的，我說賬單是清楚寫明蝦籽雲吞麵，餐廳的餐牌及四週亦沒有寫雙拼會沒有蝦籽，廚房仍說雙拼沒有蝦籽，但我的雙拼是另外加錢的；最終我并無堅持，因為有無蝦籽對我無所謂，但賬單已寫明我購買的是蝦籽雲吞麵，但又不給我蝦籽，就是貨不對辦。其實你有規矩、有原則無問題，但要給顧客知道嘛！沒有通知，問你才說我哋係咁，同欺騙有甚麼分別！

基本上每個月都會食一次，無論係收工時間定係星期六日中午都會有人排隊，但每次大約等15分鐘就可以入店😀必食推介狀元及第粥🥰，40幾蚊有足料嘅豬雜，豬心、豬肝、豬肚、豬粉腸、豬肉片。🐷豬什是前應該少量調味，所以食起嚟個粥係好夠味，而且豬肝生熟程度啱啱好，起身唔粉少少爽口，而且豬肉片大大塊，食起嚟過足口引😋腸粉亦都係推薦，每次嚟到都一定會叫叉燒腸同蝦腸，腸粉皮夠油夠薄，配上豉油一絕🥇而且雲吞麵都係必叫，大地魚湯配上蝦子，幼面夠爽冇鹼水味，唯獨是份量少，正常一個男仔三四啖就食完一碗。總結而言，10大碗嘅粥同腸粉都係有保證，性價比高👍🏻兩個人總共叫咗五樣嘢，埋單190幾蚊，可以接受。

朋友介紹一試難忘👍🏻的確係平靚正,首選雲吞麵,雲吞不大不小，兩口食完。䴴質非常爽脆沒有鹼水味。牛腩亦夠淋，腸粉即叫即蒸，叉燒非常多粉亦很滑。地方整潔，員工亦十分好人，很讚👍🏻👍🏻👍🏻下次一定要試吓D粥同炸両😁

冇錯，放假下午茶三點都要排隊！雖然冇下午茶餐 呢期好想食雲吞，上網見到話呢間好味就試吓見到嚟食開嘅客人都好快食完一碗就走，都係嗌水餃右面！雖然我好想試佢嘅面，不過因為太多嘢都想食，所以今次放棄咗我個朋友又蠢蠢豬等唔切我喺度嗌河粉🤣🤣牛筋腩我覺得普普通通，牛筋有啲硬 牛腩都正常因為今次太肚餓冇影好多相，白灼菜心好味嘅 叫咗佢走油！鯪魚球真係幾出色，調制左好似有檸檬葉 好香因為太肚餓冇細心慢慢欣賞，不過真係唔錯唔錯！對面個婆婆食完水餃麵再嗌碗鯪魚球麵豬什正常 豬潤最好味嘅差唔多唔記得咗影任食嘅醃蘿蔔都係極力推介！ 酸酸甜甜唔會太鹹調味啱啱好

豬手水餃撈面：呢度嘅豬手撈面，豬手份量十足，口感有咬勁，好Q彈，味道亦都唔錯。特別要提嘅係豬手汁都幾濃郁，加咗落去撈麵度，真係唔錯！撈麵本身都好彈牙，而且配埋酸蘿蔔，可以解到豬手既油膩！反而水餃就一般般，無大地魚同蝦子味道比較失聲  蔥花炸兩： 呢度嘅蔥花炸兩絕對值得一試！蔥花炸兩嘅腸粉皮好薄，而且油炸鬼保持脆口，配合香蔥同蝦米。同埋我既喜好係加上大量甜醬、麻醬，再加小小豉油，增加層次。一口咬落去，外脆內軟。  【食評評分】 豬手撈面：★★★★☆ 蔥花炸兩：★★★★☆

想搵返d傳統雲吞麵 配大地魚湯底真係唔容易食到試左呢間都要排隊等位店舖細細 座位有點逼需要搭枱 雲吞麵 有原隻蝦肉 有大地魚湯底麵質爽彈 再加好多紅醋 好味炸醬麵 都一樣美味 好夠味 唔辣唔油 有水準炸綾魚球 都幾大粒 即炸需時 熱辣辣 都算軟熟抬頭仲有一大罐酸蘿蔔可自已夾取 酸甜味剛好 好味 那些年味道返晒來下次會再試下其它麵食

第一次嚟食，下午茶時間排咗九個籌先入座，蝦子餛飩麵的湯底好好味，唔會太鹹又有鮮味，鯪魚球味道好特別，好彈好正，下次會再來，不過冷氣不夠，食到出曬汗，希望可以改善一下

呢間嘢食係好食嘅，所以都一再光顧，太子分店來過三次，旺角分店一次。 今天本來想去旺角，因為旺角店大啲同服務態度好啲，但發現旺角店已結業，好想食，所以去咗太子店。點咗下午茶雲吞麵加炸鯪魚球及熱鴛鴦，還保持到質素，很好，雲吞嘅蝦爽口，麵彈牙，煙韌程剛剛好，湯好飲，炸鯪魚球夠大粒，辣椒醬好味，仲有任食醃蘿蔔。之前食過及弟粥同炸油條都超鍾意，弱，粥底好綿，油條即炸，真心覺得這間店係好食才一再幫襯，但希望服務態度好啲，親切啲，講嘢唔好硬梆梆，唔好咁串，細心啲。有時真係唔怪得啲人北上消費，希望呢間唯一嘅店唔會被淘汰，其實太子附近都有好食嘅雲吞店，所以唔係淨係好食就夠，真心希望佢哋做好啲，開多幾間分店。

雲吞麵好食！蝦同豬肉比例啱啱好，麵質爽口又有蛋香，唔會有鹼水味。大地魚湯加上蝦子，鮮上加鮮，味道好香，好鮮甜，冇味精味。試左叉燒腸粉夠滑👍🏼另外蔥花蝦米炸兩都好味，油炸鬼唔會淋曬，仲keep到好脆，口感不錯，加埋香蒽同蝦米，比平時特別同香😋整體來講性價比好高，大家經過都可以試下！

睇其他人嘅食評都狂贊呢度。上一次泊車泊喺門口，俾人抄咗牌，所以食咗一餐極貴嘅雲吞麵。被嚇怕咗一段日子。今日路經此地，竟然喺大南街有錶位，泊低架車之後，兜咗一個圈，最後尾都係揀返十大碗。 😋😋😋嗌返碗蝦子雲吞麵。非常之鮮味。特別粒雲吞，裏面嘅蝦簡直係咬落去，爽脆，有肉汁，新鮮！ 個大地魚湯，好似其他食評一樣，味道做到啱啱好，鮮甜。叫咗個炸兩，玻璃一樣嘅粉皮！嘩，超正！入邊條油炸鬼，正落超脆！加埋個甜豉油，食過之後包保冇得返轉頭！😋😋😋最後一提，一定要識喺枱上面放嗰一甖免費嘅酸蘿蔔。個蘿蔔超新鮮，隻甜酸蘿蔔，調教到味道啱啱好！唔會太酸，又唔會太甜，仲要係免費任食！超想開口問阿姐，買一甖外賣走！😘😘唯一係阿姐竟然叫我要用QR code落單，同佢講人手落，唔知佢點解佢硬係要我用QR code自己落。感覺勁煩，始終覺得，擘大把口落單最方便。😅

之前上幫襯佐敦那間出名的雲吞麵店，但奈何遊客越來越多，每次經過都大排長龍，最近網上有些關注組介紹這間雲吞麵店，昨天路經太子決定去試一試一。單看價錢已經完勝佐敦那間名店，食物上枱時的確有驚喜。一碗雲吞麵（$38）有四粒大鮮蝦雲吞，的確是皮薄餡靚，蝦肉新鮮彈牙，麵上更灑上蝦子粉，大地魚湯底上倍添香濃蝦子味味道。而店舖有免費酸蘿蔔供客人享用，的確有心思。總括而言，店舖內環境以地道小店來說也算不錯，自助下單亦十分方便，論價錢性價比亦算高，所以肯定會再來幫襯。

今日下午落咗深水埗做嘢，諗起上月外國朋友回港，說想食「十大碗」的雲吞麵，但因人太多未能試到。今次嚟，碰下運氣，結果可能因為是平日的下午，人不多，即刻搵到位。店舖乾淨企理，未食已加分。因為已經是下午茶時間，便叫了一個下午茶套餐，招牌雲吞麵加油菜，再加一杯熱奶茶。雲吞麵先上，樣子已令人驚喜，竟然灑上蝦子，令湯底更鮮味。😋😋😋雲吞包有幾隻大蝦，鮮味彈牙，滿足所有味蕾。而麵是正宗生麵，彈牙爽口。👍🏻👍🏻👍🏻白灼生菜亦有水準，爽脆鮮嫩！ 😄😄😄只是奶茶略為失色，茶味不及香濃。它始終不是茶餐廳，難以比較。整體而言，是一間性價比甚高的雲吞麵店。