影片
開飯介紹
十字冰室設計結合懷舊香港元素與摩登風格，既有傳統冰室美食外，更加入十字牌牛奶產品作食材，包括招牌冰鎮濃滑奶茶、香濃蕃茄牛尾湯通粉、火腿爆蛋菠蘿包、十字芒果木瓜牛奶麥皮，亦有新派常餐All Day Breakfast、各式自家調配特飲及甜品小食。
繼續閱讀
營業時間
今日營業
07:15 - 18:30
星期一至日
07:15 - 18:30
*(18:00 last order)
以上資料只供參考, 請與餐廳確認詳情
-
網上訂座服務暫停
相關文章
Chaan teng breakfast supremacy, and I’m not taking notes. Satay beef vermicelli so tender it’s basically giving beefy hugs. Tomato short rib macaroni? Literal comfort in a bowl—the buttery beef fat melting into that rich tomato broth? Obsessed. And don’t even get me started on the concentrated milk tea (gang rise up)—thick, creamy, life-affirming.Also?? Black truffle scrambled eggs so fluffy they could legally be classified as clouds. Slapped it on buttery toast and ascended. And shoutout to the satay beef claypot rice noodles—slurpy, saucy, and somehow staying silky without turning into sad soup noodles.Date brekkie精選，沙嗲牛肉米、蕃茄牛肋條通粉。黑松露超滑蛋，我喜歡放在牛油吐司上吃🤤砂煲沙嗲牛的米粉底久放不爛！超吸湯好夠味。蕃茄濃湯底完美平衡牛肋條的牛油脂香，搭通粉是黃金拍檔。
繼續閱讀
同朋友喺附近上完堂，去高街搵食附近都係偏貴價嘅餐廳，唯獨呢間比較平民唔少人嚟食lunch，等咗一陣位選擇比想像中多，唔係一般茶記食物有啲都幾特別，運入「十字奶」做菜式本身想試十字奶湯底海鮮湯飯🥛不過最後揀咗lunch set▶️ 鮮奶粟米汁火腿雞絲飯 ($66)白汁好creamy順滑😍有牛奶香甜甜地冇芝士反而冇咁滯同埋鹹入面唔少粟米粒🌽同粟米肉粒飯醬汁味道好唔同雞絲超淋，份量夠撈飯，不過係冇火腿既🤣揀咗白飯 (可選意粉)，飯質好食，似日本珍珠米配白汁超正！▶️ 吉列豬扒黑蒜油牛奶豚骨湯石鍋烏冬 ($78)塊炸豬扒大過手板🐷而且好薄脆同烏冬分開上，唔會浸淋烏冬用鍋上，保持溫度湯底濃厚，加入bb豆苗同香菇，帶少少青草味🌱▶️ 照燒雞扒炒滑蛋蓋飯 ($72)好靚仔！似足日本蛋包飯🐣個炒蛋濕潤，蓋過成個飯照燒雞扒厚切，啖啖肉▶️ 熱奶茶 味道正常，奶比紅茶味重☕️可自行加糖▶️ 懷舊美祿恐龍 (+$18)-好有質素嘅茶餐廳👍🏻賣相吸引，款式多又有創意佢仲有唔同口味嘅奶昔、十字牛奶特飲，有興趣可以試試🤣服務態度都好好，多人但唔會趕你仲主動俾櫈我哋放袋環境逼少少但乾淨，而且仲有插頭位性價比高，冇加一，學生仲有95折，平均$75/人大份主食包飲品，抵！
繼續閱讀
叫咗佢個招牌火腿爆蛋菠蘿包，個包係熱嘅，不過個菠蘿皮係完！全！唔脆。上到枱已經腍哂，完全唔好期望係啱啱焗好嘅脆皮，佢應該放咗一段時間。腿蛋大路，不過隻蛋係完！全！唔爆，仲要老到，係好熟好熟。佢有另一款流心蛋，可能嗰款先爆。佢呢個招牌就不建議喇～～至於佢個紅豆冰，係驚喜～ 未飲過咁濃奶味嘅紅豆冰，雖然豆偏少，不過用十字牌奶真係唔同，所以食佢嘅十字牌嘢應該唔太伏。同埋唔好坐近門口位，呢排天氣熱，人多度門常開，等如露天食咁。
繼續閱讀
主打十字奶嘅茶記鋪頭係高街📍由正街搭電梯上去再向西邊街方向行會比較輕鬆🫡睇過佢餐牌覺得早餐同下午茶比較啱食😋除咗一般茶記嘅沙嗲牛 五香肉丁🍜, 呢間多啲懷舊特色野 飲品都多款揀早餐時段除咗抵食仲比較少人11:30前要去到啦!今次食咗牛奶豬骨湯肉丁米餐, $4X就已經有埋炒蛋🍳 火腿 多士🍞仲包熱飲💯真係平過一般大型連鎖茶餐廳牛奶豬骨湯好似係個signature🥹但就比肉丁蓋過咗 下次揀過第款再試!!😜野食質素同份量嚟講都同普通茶記差唔多🤔最出色係杯奶茶呀之前都聽fd講過呢度奶茶好飲 原來真係同其他好唔同好飲好多 飲1杯真係會唔夠喉!!呢個係下午茶餐🙈叫咗咸牛肉治🥪 宜家好似好少見啦 餐飲加錢($2X)叫咗木瓜milkshake🥤唔好以為就咁一份包唔飽😂份量好夠 4塊包都好厚 set原價~$4X 都抵食杯milkshake冇乜特別 亦都唔係特別大杯 屬於偏稀 飲完成杯都唔會好漏🤔對比起都係熱奶茶穩勝💯💯😛包類係其他時段都有得散叫 但就野飲都要散叫啦🫡個人認為早餐menu最多選擇又抵 為咗杯奶茶早起係值得㗎!!🥹餐廳座位都算多 不過有啲密🙈但我非繁忙時間去 所以上餐算快 staff都幾好禮貌
繼續閱讀
十字冰室係一個香港既老牌子冰室，我一路都有去開，但就通常係去銅鑼灣嘅分店。銅鑼灣嘅十字冰室我大約兩星期都會去一次，每次都覺得好好食。今日喺正街附近經過，正值肚餓嘅中午時分，就諗住同樣嘅十字冰室應該冇問題啦就入去食啦。點知叫開平時最愛嘅XO醬公仔麵、西多，居然咁都中伏。XO醬公仔麵炒得又唔乾身，又黐埋一舊。另外幫小朋友叫咗茄醬焗意粉，呢一個應該係最容易整㗎啦。但啲意粉都可以係冇味嘅所以，連小朋友都冇食過，成碟冇掂。最後蔥油髀飯，算係可以食得入口，但都稱不上好味嘅一碟。同行嘅朋友都有同感，第一次食一間咁唔好食嘅十字冰室。
繼續閱讀