十里潮香 (已結業)

本人一向是牛丸愛者，所以經常會到不同的餐廳嘗試，綿麗的牛丸是我吃過最出色的。早前朋友介紹十里潮香給我，告訴我他們的牛丸也十分不錯，今朝經過銅鑼灣，忽然醒起，決定上去試一試。點了一個滷水鵝拼腩肉套餐，配胡椒豬肚湯，當然不少得牛丸湯滷水鵝肉質頗粗糙，而且香味不夠，但滷水咸味及色水正常，整體質素普普通通胡椒豬肚湯有意驚喜，胡椒辣味充足，湯頭香甜，豬肚爽滑，酸菜不會過鹹，味道適中，豬肚酸菜份量適中，不錯最後牛丸壓軸出埸，一咬下去，即見肉汁噴出，肉質爽口彈牙，肉丸一入囗，就嘗到濃濃的油香，咀嚼下，牛肉味亦慢慢滲出，仔細看看肉丸中的內部紋理，見到一粒粒的脂肪及根粒與牛肉混在一起，味道囗感十分出色，不下於我最愛的綿麗牛丸，伴隨著牛丸的香芹炸蒜亦能提升了它的香味。推薦！！！！

經常途經金百利都有好多姐姐執啲傳單比你，偶然見到呢間潮州館即管上去試試。午飯套餐雖然都好多款式，但係都冇乜揀到落手結果揀咗個土魷蒸肉餅，咕嚕肉，同埋呢個滷水鵝，包湯飲品另加錢。先來餐湯，有D驚喜，少有的鹹菜豬肚湯，湯料亦算足夠，因為胡椒唔夠多，又或豬肚洗得唔乾淨，湯唔夠辣之餘，有少少肚味，要扣分。蒸肉餅鹹咗少少，有啲魷魚粒，有咬口。咕嚕肉，雖然切得細粒咗啲。但係炸得香脆，同埋啲汁都幾野味，酸酸甜甜，幾好食。滷水鵝幾入味，鵝肉亦都腍滑，仲有一堆生菜喺旁邊，有菜有肉，感覺還可以試多一次。

由於不想動腦筋，所以簡單點了一份四人餐選了鹹菜胡椒豬肚湯，豬肚分量充足，湯底味道尚可套餐餸菜豐富，以四人餐為例已包括有鹽焗手撕雞，薑蔥鮑魚等.....好味！其中一下招牌菜係牛丸，所以額外追加，牛丸好大粒，好juicy, 味道好好，$78有8/9粒，價錢好合理，分量十足，值得推介！跟餐附送甘草生果，個人覺得甘草醬味道怪怪的，建議甘草醬汁可以另上...由於是潮州菜，咁點會少得食反沙芋，皮脆芋淋，略嫌賣相粗糙，有待改善。總括而言，四人餐份量豐富，餸菜味道不錯，經濟實惠，有機會會再來。

飽肚樓上打冷😝話說預左有第二場，就唔叫咁多野食喇😌只係弱弱地叫左三樣野試一試😝黎呢到就係為左個招牌牛丸湯🤤十粒牛丸，粒粒都多汁彈牙有咬口，美中不足係略為多左啲筋🙈就係痴痴地牙😂😂😂可以再攪碎多啲就好了🙈第一次食糖醋麵！估唔到咸咸既麵底加少少糖再啲啲醋反而中和左醋本身既酸味😋不過第二個美足不就係佢既麵底唔太脆👉🏻👈🏻只有一面有少脆🤣係正常的嗎？？？好想食脆脆的蠔餅😝結果一不小心又叫錯左個蠔烙😭😭😭變食半黏少脆既蠔薄撐😂下次要好好分清蠔餅同蠔烙呀真係！結果食左好多澱粉質😂好飽肚呀真係😆

飽肚樓上打冷😝話說預左有第二場，就唔叫咁多野食喇😌只係弱弱地叫左三樣野試一試😝黎呢到就係為左個招牌牛丸湯🤤十粒牛丸，粒粒都多汁彈牙有咬口，美中不足係略為多左啲筋🙈就係痴痴地牙😂😂😂可以再攪碎多啲就好了🙈第一次食糖醋麵！估唔到咸咸既麵底加少少糖再啲啲醋反而中和左醋本身既酸味😋不過第二個美足不就係佢既麵底唔太脆👉🏻👈🏻只有一面有少脆🤣係正常的嗎？？？好想食脆脆的蠔餅😝結果一不小心又叫錯左個蠔烙😭😭😭變食半黏少脆既蠔薄撐😂下次要好好分清蠔餅同蠔烙呀真係！結果食左好多澱粉質😂好飽肚呀真係😆 #銅鑼灣美食 #男朋友專屬menu #潮洲菜 #打冷

今日話說收工想食潮州菜。。。本身諗住去潮樂x到食 但天后店太逼了 所以選擇係銅鑼灣試下入到依間 <十里潮香> 都見到有幾枱客 以為ok啦點知 我叫左鹹豬肉韭菜花 — 無咩特別 正正常常脆皮咕嚕肉 — 肥豬肉比肉多 潮州炸蝦棗 — 完全唔知用咩黎形容 可能蝦肉貴 似一粒唔實在既肉丸咁潮式蠔仔粥 — 蠔仔泡飯 無咩味道 我加左成樽胡椒粉(全碗 例)但我認為唔當佢係潮州菜既話 普通放入口都ok既但點解我要專登去寫一篇食評 係因為我要提醒各位 要小心埋單果時我一共食左289蚊 我比左509 我略略聽到話找反220比我但我拎住打算落樓果時 好彩未入𨋢 覺得奇怪 點解得120既？之後我入反去問佢 一句唔好意思都冇 問都無問清楚 就比反100蚊我 我心諗 ((100蚊比反我比得咁順攤 係咪平時都係咁？我諗就算佢係侍應生都好 我諗100蚊啵 唔係10蚊 我諗佢地唔會唔數清楚就找錢掛？ ))同埋我仲想講 我見佢地menu有d套餐 包既食物其實都幾多 但我見其他枱客 不停話漏單 所以如果你地去食 記得要小心佢地比少左食物同小心埋單呀沒有下次 不好體驗

《十里潮香》有朋友話我知呢間幾抵食，仲叫我叫精選二人餐係最抵食😂即管試吓叫咗個精選二人餐A，同埋幾個小食。😋精選二人餐A有胡椒豬肚湯，滷水鵝四拼，手撕鹽焗雞，蛋角蘿蔔煲，蒸家鄉水晶球，四餸一湯。香酥春卷普寧炸豆腐三鮮水餃我覺得喺銅鑼灣黎講算價錢公道合理。如果想食平嘅話不妨考慮呢間，樣樣野都熱辣辣，而且感覺到佢係有俾心機煮嘢食，而且有啲功夫菜式值得一試。另外環境都算唔錯，地方幾闊落，亦有好多潮州嘅嘢食。👍

點了咕嚕肉，整個肉都是肥豬肉，一點瘦肉都沒有，真的是一點都沒有，整個肉都是用肥豬肉弄的，跟店員說了，她回答說咕嚕肉的肉是肥的，有一點點肥是沒有問題，可能總不可能整個都是肥豬肉吧，結果把咕嚕肉都咬了看看，真的全是肥膏。餐飲料點了熱菜蜜，整個超淡，沒有味道，就是水的味道然後有一點點綠色的飲料。朋友點了豬手飯，味道普通，是正常，也沒有到特別好吃。店員的態度真的很差，反映了食物超難吃也沒有處理，只有笑笑口然後沒有任何解釋便不了了之。

想去銅鑼灣搵一間打冷舖真係好難，灣仔都仲有一、兩間，就係銅鑼灣冇...終於比我喺OpenRice搵到依間十里潮香，今晚即刻就book咗帶女友去試試。呢間野有好多套餐，一人套餐、二人套餐都分三四種、四人套餐都有三種，仲有好多碟頭飯套餐全日供應，如果一條麻甩佬諗唔到食咩，依度都係一個好好嘅選擇，今晚叫咗食潮州嘢一定要食既蠔仔粥、滷水四并、四季豆、同埋螺頭燉翅湯先講蠔仔粥，算係中規中矩啦，同潮州打冷舖唔差很遠滷水四并，滷水蛋同豆腐就滷得唔夠耐，完全上唔到色，另外豬頭肉、滷水豬肉都算可以四季豆係我最欣賞嘅，唔係好油，肉碎亦都好多，好味螺頭燉翅湯，依個就真係比較差啲， $68感覺係湯還湯、渣還渣，女友問我係咪落咗滴滴香...飲咗幾啖，當然最後係我清埋啦

同朋友行完維園花市唔經唔覺已經係9點幾既事, 由於拎住太多野既關係所以諗住求其係地鐵站附近食少少野就返屋企, 金百利就係一個好好既選擇我地黎到都差唔多10點幾, 原來已經準備收工只係店員冇留意時間所以比左我地入去坐但係佢都好好冇趕地走, 叫我地快D落單怕廚房收工睇到呢個餐牌發現呢度原來係有點心食所以就問店員有冇點心MENU, 款式唔算好多, 但基本野佢都有, 同埋價錢都好平胡椒豬肚湯唔係好多地方有, 咁岩呢度有朋友就話想試下$88例牌, 一個湯碗既SIZE, 上菜時見到呢碗野個顏色同賣相覺得有少少伏個湯冇乜胡椒味, 但味道同嘗算可以, 咸菜同豬肚既味道都正常但相對佢既價錢就覺得唔值, 平時係酒樓食點心食果D好食少少, 價錢起碼比佢平一半我同朋友心有靈犀地都好想食炸鮮奶, 所以就叫左餡料唔算好多, 唔太甜, 但冇乜牛奶既香味金絲香芋酥同我地預期中既唔一樣, 我地估個餡料會係芋頭蓉但點知佢只係紫色既糖膠, 芋頭少到可以用無黎形容, 味道同M記既香芋批味道一樣除左以上之外, 我地仲點左個糯米雞, 味道就普普通通啦本身仲叫左個點心四拼, 可惜落漏左單呢間店既食物整體黎講合格啦, 可能我地唔應該

係銅鑼灣搵抵食晚飯真係無乜選擇🤷‍♀️，今日去到金百利發現有間主要賣潮州菜，另外會賣下d家常小菜咁，兩個人食就比較抵--------商務二人餐A $128 (平均$64/人）依個餐係銅鑼灣黎講真係幾抵食，三個餸，有菜有肉都係六十四蚊，而且全部菜式都係走清淡路線，平時食咁多濃味野，有時清清地都幾好涼瓜排骨煲依個煲材料有苦瓜（涼瓜），排骨，咸菜，浸住d湯，係偏清淡既菜式，原本無期望佢好食，因為望落好普通，😋點知有驚喜d 苦瓜食落幾易入口，唔會苦到食唔到，亦唔覺落左好多糖排骨夠淋，唔會淨係得d 骨無乜肉食，d 肉吸晒d 湯味，正咸菜，d 咸味已經落晒d 湯到，所以食落唔會好咸最正我覺得係個湯，有晒d 肉既甜味，咸菜既咸味，咸度岩岩好，我索性拎d 湯放落d 白飯到做湯飯食，😋非常好食重點係我就算咁拎黎做湯飯，食完都唔覺口渴豆醬炒時蔬依碟野又係睇落去普普通通，無諗過咁好食，豆醬同d菜食落去好夾，唔會過咸手撕鹽焗雞由於依間野同隔黎鋪傷心酸辣粉係同一個集團，所以依個手撕鹽焗雞d 味同隔黎鋪d 口水雞味道極為相似，分別只在於依到鹽焗雞係無汁食食下以為點解有咁大舊雞，原來係拎件滷水豆腐黎扮雞，但又扮得幾似

嗰日諗住去行年宵，臨時要搵下去銅鑼灣食咩好。重點係唔想食太貴，都要花啲時間搵下。竟然喺openrice搵到這個潮州店，食評大致都讚，價錢經濟過快餐店，款式又多。於是立刻透過openrice訂座!雖然已經book左位，但當日太多客，都要喺門口等2張枱。入面環境不大，枱與枱之間都幾近。其實一早已經揀好心水，坐下即時落單(樓下排隊等，間間食肆都派單張)我地叫左個「商务二人B餐」$138我有私心，想吃「胡椒豬肚湯」食潮州野，當然要叫滷水比爸爸啦! 野食好快上到! 首先係「滷水鵝雙拼」，有豆腐，豬腩肉，鵝片，鵝肉。味道唔會好濃，恰當好!胡椒豬肚湯有6至7件豬肚，好多咸菜，飲到好有胡椒味豆醬炒菜都好好食最後送上2個白飯!見到幾款潮州小食，都好想叫。但因為得2個人，試不到好多特色小食。我叫了「蝦棗拼墨魚丸」$68貪心的我，兩款都想試新鮮炸起，正到呢！蝦棗入面爽爽地，應該加了馬碲碎。我兩都覺得墨魚丸好食啲沾埋醬，甜甜地。如果叫淨「蝦棗」$68，淨「墨魚丸」$48。埋單2人$206，全日免加一一百蚊左右，喺銅鑼灣食得飽，都唔易嫁!而且，啲餸又好食，cp值好高呀！離開的時候，出面好多人等位，好旺場!

呢間餐廳食物好似屋企呀媽hea 煮咁。環境係普通餐廳feel , 星期五晚市坐不滿。第一次食蠔餅係濕的，以為自己食緊蛋餅/ 台灣的蚵仔煎。定係我見識少，其實有呢款濕蠔餅？另外點了以下幾樣都係水平之下。韮菜豬紅，無味糖醋脆麵，好大陣皂水味，吾脆蠔仔粥，勁普通，無特別反沙芋，又硬又乾川椒雞球，味道算正常，但量少胡椒豬肚湯，很咸，可分五碗煎青魚，普通煎魚總括而言，食物質素真的必須改善，價錢又不是特別平，應該不會再去

想係呢區食潮州菜，一係就高檔式，想食得經濟D，我會諗起呢間裝修走平實路線，又無限你用餐時間，係租金先導嘅呢區食店，相當難得!餐牌走一般大路嘅潮州菜，價錢大多數雙位數字另設有套餐供應，岩食嘅叫套餐就仲抵食有D餸特別想食，所以都係單點算了金牌滷水鵝片 ($88) - 指定菜式，排得整齊靚仔，以滷水豆腐墊底，多樣嘢食!鵝片厚薄適中，連帶少少皮層加脂肪，加添滑度，點少少醋汁一啖放入口，啖啖肉令人相當滿足!韮菜豬紅 ($48) - 濃味之選有呢客，豬紅唔會一夾即散，入口有少少煙韌; 連埋韮菜一齊食係好味嘅!方魚炒芥蘭 ($65) - 炒得幾翠綠，入口無渣，味道清淡，食到芥蘭味，唯減少點用油會更好!潮州糖醋麵 ($78) - 潮式心機菜之一，材料簡單但用心將麵條慢慢煎香，煎至表面香脆!上碟前已將麵好以薄餅咁分開幾份，方便進食!  食前加點砂糖及醋，甜中帶點微酸，外脆又內軟，過癮!方魚蠔仔肉碎粥 ($55) - 一碗足夠2人分享，喜歡佢滾熱辣，加點胡椒粉仲好味!"湯"底味道幾鮮甜，一碗有齊方魚蠔仔肉碎，方魚嘅硬感對蠔仔嘅軟腍，蠔仔食落無腥味，雙重口感! 食完成身暖晒!呢度全日不收加一，又無茶介費，相

約了朋友出銅鑼灣Shopping ，原來金百利廣場都有很多食市。行到5/F 發現有間「十里潮香」食潮州菜，門口擺放了餐牌看看價錢都大眾化，及全日免加一👍👍，就吃完才回家！進入店內座位擺設空間也闊落，感覺很舒服，聊天之選也是個好地方👍👍選擇困難症發作啦🤔，餐牌上選擇都是潮州風味料理爲主。於是就點了一個二人套餐＄248🥢和香酥墨魚丸小食😍😍先來《胡椒豬肚湯》🥣，食材豐富，有胡椒碎、鹹菜、豬肚，飲到有胡椒濃辣，又不蓋過本身湯味道😋😋再來《手撕鹽焗雞》🐔，分量十足，食落味道很惹味😋😋潮洲菜我必點《滷水鵝四拼》，有鵝片、紅腸、豬手、滷水蛋，啱晒我嘅口味😋😋《蛋角蘿蔔煲》，這個小菜食落清清地帶出蘿蔔爽口鮮甜😋😋又來一碟小食《香酥墨魚丸》最後來《潮汕蒸家鄉水晶球》，有不同餡料，粟米肉碎蝦米、韭菜肉碎、豆沙蓉，可以吃到多款味道😋😋是日充滿家鄉風味，很豐富的一餐😍😍