十里潮香 (已結業)

今日突然想去小時候屋企人整既潮州菜，於是今晚就同友人黎到呢間位於銅鑼灣鬧市上樓的潮州菜餐廳。餐廳不算很大，我跟友人8點上到去已經滿哂，好在有book位!餐廳還有一個小小的包房!餐廳有晚餐亦有套餐選擇，不過我今次想食既野都不在套餐中，所以最後決定散叫。鹽香烏頭魚($98)，凍烏頭已經幫忙整開，肉質都幾嫩滑，配埋附有的豆瓣醬一齊食更加提鮮。滷水四拼($88)，呢個拼盤包括了滷水鵝、豬手、紅腸、滷蛋，還有豆腐。滷水鵝有鵝片亦有連骨的鵝肉，連骨那些肉質較嫩滑，有淡淡的滷水味。豬手滷得入味，骨膠原很多。其他味道不過不失!配埋白醋一齊食更加惹味。黃金蝦棗($68)，共有6粒，外皮炸得脆香，內裡蝦肉彈牙，還有爽口的粉葛在內。配埋附有的酸甜醬食味道更出色!潮式春菜煲($58)，呢款菜式較為清清地，可以解返剛剛吃過的油膩，當中有菜心、白蘿蔔、排骨，湯底清甜，白蘿蔔也算淋淋地，唔會太硬身!潮州糖醋麵($78)，麵餅其中煎到脆卜卜，配上白糖及黑醋一齊食，口感豐富。總括黎講，餐廳食物味道不錯，如果突然想食潮州野的時候都可以再黎過!

好耐無食過潮州菜，掛住蠔餅同埋蠔仔粥，上網搵見到呢度都唔錯，又平又有我想食的食物，所以就訂左檯，等友人放學過黎食。其實都唔洗訂檯，人唔算多，以星期六晚銅鑼灣呢個地段黎講可以唔洗等位直入！天花板掛左紅燈籠，都幾別緻！而門口幅潮汕味道畫都有心思我地兩個初初坐二人位，但侍應見我地叫的食物比較多，所以安排四人位，呢方面都幾貼心！講返食物，鹵水兩拼係鵝片同腩肉，底係有豆腐！以價錢同份量黎講非常抵食！但味道就一般，鵝比較未索的曬汁的味道，有點偏淡，而腩肉就可以！欖菜四季豆本身係好惹味，係送飯的菜！但呢碟的欖菜都係淡左，食唔出個味，同埋油左少少！少左鑊氣！方魚蠔仔粥係非常的淡，肉碎、米、方魚同蠔仔幾樣的味道都好獨立，好似夾唔埋咁...蠔仔烙的樣子令我地有點疑惑係咪叫錯，個樣係蛋餅，但同其他食評甚至餐牌的樣都有落差，味道就蛋味好濃....🥺食唔到蠔仔味總括黎講呢度可以醫肚，但追求味道可能要考慮下

平時比較少食潮洲野今日想試新野 所以就選擇左依間新開既餐廳入到去已經好滿座好彩有book檯佢個menu圖文並茂叫左鹽香烏頭魚荔茸香酥鴨方魚蠔仔粥水都無得食鹵水四拼盤鹽香烏頭魚 肉質鮮嫩點埋黃豆醬更鹹香食潮洲菜其實跟既醬汁真係好重要完全可以將個食材味道帶到去另一個層次荔茸香酥鴨 一點都唔油膩個梅子醬畫龍點睛同個鴨好夾 個外皮好鬆化整得好出色方魚蠔仔粥係必試勁多勁多蠔仔！！！粒粒都好肥美好飽滿好正呀鹵水四拼盤性價比都好高勁入味又唔會食到好口渴大家鐘意食潮洲野都要黎試！

天氣開始轉涼，又想食中菜暖暖胃！放工在銅鑼灣最多餐廳的大廈「搵食」～花膠螺頭燉翅群等了20分鐘才上枱的湯應該真的是即叫即燉熱騰騰又足料又甜又少油的湯 - 完美開始！香煎蠔仔格大大份的蠔仔餅入口每一啖都有滿滿的蠔仔 蛋餅的邊煎得很香脆薑蔥鮑魚不知不覺這夜變了海鮮餐被餐牌的「十隻鮑魚」為之吸引，意想不到的是除了數量外品質也極佳！鮑魚肉炒得剛好夠爽口不會太老，薑蔥調味亦很夾我方魚炒芥蘭最後點了個菜作結，是吃得出的新鮮！

適逢表姐生日兼放假，一早起身已經換好衫準備去銅鑼灣時代廣場後面的某座大廈玩水療單車。做完運動當然肚餓 。金百利廣場有很多美味食肆，即興去了金百利廣場5樓的十里潮香。食過返尋味！分量不但 “足”，而且味道都幾好，富有中國特色。我們叫了幾個餸菜，食完都覺得好滿意。包括有碧綠川椒雞球，欖菜四季豆，土魷蒸肉餅飯，（孖寶）迷你小籠包，還有熱飲 (熱)黃皮蜜。賣單2人都是188元。表姐話相當抵食，平均94元一位。碧綠川椒雞球，68元。雞球炒到香口美味，肉質嫩滑，雞味十足，加上特製醬汁配合雞球一齊炒，未食已經聞到香味。碟旁邊還有一些炸過的綠色蔬菜類，本來以為是伴碟不能食用，怎知原來是可以吃的，哈哈。而且幾好味，有點兒像吃紫菜一樣，鬆脆可口。欖菜四季豆，65元。欖菜四季豆我就更加鍾意，四季豆經過炸後，去掉原本的草青味。另外欖菜和四季豆的配合，再加有豬肉碎粒一齊炒，令到四季豆的風味更加出眾。咬口夠 “脆”，味道惹味。土魷蒸肉餅飯，45元。這個飯餐有送（孖寶）迷你小籠包。土魷蒸肉餅飯價錢相當便宜，表姐一坐低，第一樣就是叫這個飯餐。不但有土魷蒸肉餅和白飯一碗，又有迷你小籠包6隻。無說錯，的確是六隻小籠包，平

今日去左金百利度搵野食呢棟building真係超多野食咩菜式都有我同朋友都想食潮州菜，見價錢都好大眾化餐廳既裝修都好有入屋既感覺套餐真係好抵食不過我地還是想食其他菜式，所以今次就無叫套餐方魚蠔仔粥呢個好好味蠔仔每隻都脹卜卜，完全無腥味呢個真係值得下次再過黎食方魚炒芥蘭鹵水鵝片鵝片切得好平均每塊大小都差不多，重點係鹵水鹵得好入味底下既鹵水豆腐同樣咁好味潮州糖醋麵呢個糖醋麵真係值得一讚一啲都唔油膩，而且仲係脆卜卜的，整得又夠乾身加醋再加糖一齊食簡直perfect叫左4樣野，$300都唔駛真係好抵食

探完朋友同她的BB後,我們搭小巴去銅鑼灣食飯,朋友提議食打冷,我都好想食,但天氣好凍,我唔想坐在街邊食,所以搜尋一輪後,意外地發現竟然有樓上打冷!真的太合乎我們心意了!!打冷位於銅鑼灣最中心地段,不需要走1分鐘便可到達!內裡裝修簡約,沒有浮誇的裝飾,乾淨清潔,光線充足舒適!打開餐牌,菜式選擇不少,價錢仲好親民!!我們點了一碟鹵水,一碟菜和2個晚市套餐!!<鹵水四拼> 食潮州菜不能不食鹵水拼盤!!我們點了4款包括鵝,豬手,雞蛋和紅腸!份量不少,全部都鹵得好入味,又不會好咸!鵝肉不太肥膩,豬手很軟腍,鹵水蛋和紅腸更不用多講,真係好味到不能錯過!<豆醬炒時蔬> 娃娃菜切到細細條,易食又爽口,味道清甜,加入肉碎一齊炒更鮮美,上湯混入了豆醬,不會過於清淡,真的不錯!<鮑魚手撕鹽焗雞飯> 手撕雞份量不少,肉多皮少,撕出來的肉好嫩滑,充滿香濃的雞油香,麻香和沙薑味,配上一隻新鮮又肥厚的鮑魚,十分好味!<鮑魚蠔仔肉碎粥> 其他餐廳想搵到多d蠔仔食都難,但這裡居然出現蠔仔肉碎多過粥的奇景!每粒鮑魚蠔仔都新鮮又飽滿,沒有腥味,肉碎超多,還加了

星期六在銅鑼灣四處多人，來到Sogo附近的金百利看到傳單，男友說想吃吃潮洲菜，本不抱期望，反而發現質素不俗有水準的。*********************滷水鵝片拼豬手 (8/10)來吃潮洲菜必定要嚐個滷水菜吧我們點了滷水鵝片拼豬手，十分淋及入味。荔茸香酥鴨 (8/10)荔茸即是芋頭蓉，芋香味濃，配上鴨肉肉汁和鮮味，炸得香口，十分酥化。潮洲糖醋麵 (7/10)麵身香脆可口，配上醋和甜，酸酸甜甜的。反沙芋頭 (8/10)最後來一客潮洲的傳統甜食，糖脆鬆香，本以為吃到最後會太飽，但一口接一口被我們清哂了。****************相對一般潮洲打冷，無論環境或食物也是水準以上。

聖誕節臨近, 我和妹妹又在銅鑼灣逛公司購物, 行到金百利廣場想買件 Party 戰衣, 經過電梯大堂看見好多嬸嬸在派飲食傳單, 感到有點肚餓, 揀一揀單張, 決定吃潮州菜.   十里潮香, 店名吸引.   電梯到 五 樓, 餐廳門外有彩照餐牌多張, 價錢中等.步入餐廳, 看見潮州古鄉照片, 有點懷舊濃情, 看不到潮州怒漢.餐廳 座位舒適, 整齊, 燈飾古雅,  店員招呼有禮.                    我和妹妹, 各點喜好.  先選潮州菜,    又點了粵菜甜點.荔茸香酥鴨外層炸得脆口酥香. 內裡荔芋蓉夠粉又香滑, 鴨肉已去骨, 有鴨味,  略覺有點油膩, 但可暖胃飽肚. 墨魚丸拼蝦棗即叫即炸, 上檯時熱辣辣, 蝦棗有蝦肉味, 而且口感好爽, 唔會太油, 點埋甜酸汁, 不錯. 墨魚丸也是新鮮炸起,  彈牙, 表面乾爽無油. 好食.潮州糖醋麵吃潮州菜必食, 糖醋麵, 麵身煎得金黄香脆,  做到正宗兩面黃. 配來鎮江香醋.  醋味香濃, 再加添上白砂糖,  食落內軟外脆,  酸甜香脆, 好滋味 .花膠螺頭燉翅群 燉湯用瓦盅上.  每人一 盅, 熱辣辣.足料,  有雞腳, 花膠和

友人想食潮州菜, 我們發現了銅鑼灣金百利廣場5樓有一間食潮州菜的餐廳:十里潮香。潮州菜餸菜款式都幾多選擇,應有的都有。滷水墨魚$88墨魚一片片, 十分爽口。墨魚滷水過, 都好入味, 不會過鹹。墊在墨魚下面的是潮州豆腐,豆腐軟腍,豆味都幾重。鮑魚手撕鹽焗雞飯$58鮑魚爽口,手撕鹽焗雞帶鹹香的味道,送飯不錯。反沙芋頭 $48芋頭外層加了糖來炸。芋頭內裡則軟綿。這個反沙芋頭的確外脆內軟。雖然外層是加了糖,但絶不會過甜。福果芋泥$28芋泥面上有不少白果,福果芋泥香滑,味道很好,真心好吃。真是好想吃多一碗。

麻甩系的我最喜歡就是打冷，可惜一般打冷的地方都比較亂，而且衛生情況惡劣，難道這裏乾乾淨淨，可以坐得舒舒服服一看餐牌，發現這裏的價錢實惠，毫不猶豫就點了二人套餐C因為男友不喜歡吃豬肚，所以將套餐內的胡椒豬肚湯改成紫菜扎肉雙丸湯！紫菜湯沒有任何味精，整碗喝完也不會覺得口渴！滷水四拼有鵝肉、雞蛋、雞腎、紅腸，全都十分入味，雞腎尤其出色，爽口非常！想不到這個價錢有原隻鮑魚，鹽焗雞麻香味十足，要是能加上海蜇就一流了潮式炒河火喉十足，裏面加上一些鹹肉帶出味道吃了那麼多重口味的菜色，來一個清淡一點的春菜煲中和一下作一個平衡，圓滿！這裏還沒有加一，真的是超值，看來我又多一個食堂了！

上幾個禮拜周末試左銅鑼灣呢間潮洲野，真心抵食分享一下以下食物照~好大碟糖醋麵芋頭鴨豬紅，又係好大碟煎蠔餅，非常香口同好足料點少得嗌番個炒菜健康啲滷水拼盤雖然唔係高檔食店，但勝在平平地，味道又唔錯，滿足到鍾意食中菜嘅屋企人！

今日相約好姊妹在銅鑼灣取物品，之後就一齊食下午茶。星期五條街人太多了，所以走咗黎金百利食下午茶。好姊妹想食粉麵，到了5/F 我們選了這間我之前食過的十里潮香潮州菜有下午茶，這地段算抵食。我們點了2個餐，蠔仔肉碎淮山麵及薑蔥手撕雞撈麵。（蠔仔肉碎淮山麵）好多蠔仔，肉碎味香，有幾片方魚，咸咸香香剛剛好，淮山麵好彈牙好有口感（薑蔥手撕雞撈麵）手撕雞好香滑，好濃薑蔥味，但偏向咸一點，麵是淮山麵！有送上熱茶，有加$3有熱飲或再加錢轉特飲

我爸媽都係潮州人,所以都食唔少住家菜,但有時都會出去食下GE!今次同媽媽黎左十里潮香,佢位於金百利廣場,位置好方便,價錢都好相宜對於行動唔太方便GE媽媽真係個好好GE地點眼見餐牌咁多野食,有D又好新奇,決定想食就食想叫就叫其中最欣賞GE有以下幾樣:香煎蠔仔洛蠔仔好新鮮好飽滿又多汁,所以就算炸到好脆都仲好Juicy方魚肉碎蠔仔粥R曬頭到底咩係方魚?原來係好似金華火腰咁GE魚乾,好香脆同有味GE呢個粥個味道好清甜,雖然蠔仔同蠔仔餅GE質素唔同,但湯底搭夠,依然好食重頭戲落到去湯品花膠螺頭燉豬展 & 鹹菜胡椒豬肚湯4個字,真材實料,無味精！！最後好驚喜GE係佢杯凍香黃蜜!!號稱潮州可樂,真係似,而且好好囉,又健康又有飲可樂GE快感而媽媽最愛係福果芋泥係白果+芋頭,超正GE甜品

本身想去易牙食午餐，但太早未開門，見到依間潮州餐廳幾多選擇，幾抵食，所以就決定入去試下🥢🥢佢午市套餐大多係四十幾蚊左右，加三蚊仲有熱飲☕️，加五蚊轉凍飲🥤食潮州嘢，一定要食滷水，所以我叫咗個滷水鵝肉飯🤩，朋友就叫咗一個手撕雞撈麵。個麵個分量唔係好多，對男仔黎講唔係好夠飽，味道清淡咗少少，應該幾岩女仔食🧐至於滷水鵝飯，本身以為一切就係，但等咗四個字先黎🤦🏻‍♀️啲鵝肉有啲凍，部位麻麻哋，皮上面有毛未清好，但係咁嘅價錢唔要求得咁多