十里潮香 (已結業)

很久沒有吃潮州菜，屋企人話想食蠔仔粥。 在銅鑼灣金百利商場 有一間潮州菜館， 價錢相宜而且質素唔錯。 坊間大多數潮州菜都經過改良， 傳統又地道嘅已買少見少。餐廳空間唔算太大， 不過 裝修簡潔明亮，枱與枱之間唔算太迫。睇返餐牌， 普通晚餐五十幾蚊有交易， 真不可思議樓下間茶餐廳都要六，七十蚊。 細看還有二人餐四人餐可供選擇。精選二人餐 $298我們選了二人晚餐 因為已包括所有想食的菜式。鹹菜胡椒豬肚湯 先來是胡椒豬肚湯。 胡椒味很濃郁! 呷一啖已經非常醒神， 啱曬炎炎夏日。 豬肚已經煲到好林， 仲入曬味， 鹹酸菜唔係淨係得個鹹字， 仲帶少少酸和甜， 明顯經過處理的鹹酸菜。成個湯都好有誠意。仲有自選鹵水双拼。 我們選了滷水鵝肉和滷水掌翼。 鹵水鵝肉香嫩入味， 掌翼 比較細隻， 皮肉不多但滷水甘香濃郁。 最正係底部墊有鹵水豆腐， 盡吸精华， 相當貼心。因有些潮州菜館雙併下面只有芽菜， 要食豆腐就要再另外再點選。方魚肉碎蠔仔粥期待已久嘅蠔仔粥熱辣辣上枱。 很欣賞粥底清甜唔會過度咸， 亦冇過多嘅芫茜 芹菜碎充斥著蠔仔粥， 相反吃到有真正蠔味嘅粥。 蠔仔肉份量不少， 可以話啖啖都有蠔肉。香煎蠔

呢度既菜式都幾多選擇，有經濟啲既一人餐，又有豐富啲既二人餐，任你揀！湯方面，我地揀左青水欖豬展燉湯材料豐富，有清淡地既水欖味，好潤喉。咸菜胡椒豬肚湯微胡椒辣味，豬肚好稔，好味。芥菜煲芥菜新鮮翠綠，夠稔，面頭有蝦米同腰果。個湯都可以飲埋！川味雞球雞肉嫩滑，佢個醬料有一種獨特既香味，之前未食過！好有鑊氣，乾身，惹味！好好食！價錢仲要幾平，68蚊炸凍花蟹好大只！！蟹肉好新鮮，夠實淨，已經碎晒啲殻，食落都好方便！好多蟹肉同蟹膏好鮮味！正！食潮州野點可以唔食鹵味？呢一碟鹵味有鵝腸、鵝片同鵝肝。鵝腸薄薄一片，超爽！鵝肉都係，入味，肉爽！鵝肝好稔好香！好味！炒魚麵第一次食魚麵，幾特別，長長地，又唔會斷。仲有肉絲、香芹同韮菜等。炒得好香，有鑊氣。小食叫左蒸水晶糕紅豆餃皮薄，紅豆一粒粒，但好稔，又唔會太甜！右邊係菜脯餃，咸味，菜脯爽口，有咬口。粟米餃粟米甜，晶瑩剔透。全部即蒸，熱辣辣。唔錯既一間潮菜館！會再黎！

偶然在老銅發現樓上的潮洲菜，看見風評不錯，約同家人一試一進門，感覺乾淨企理，經理還異常的帥，態度亦很好，帶著一些較年長的侍應也把出菜處理得井井有條，值得一讚。我們沒有點二人餐，因為想試試一些很久沒吃過的正宗潮洲菜。先來的是鹵水鵝片，意想不到的乾身，沒有過多油脂，入口煙韌有嚼勁，而且下面浸著鹵水的豆腐也不會過咸，不錯啊接著就是方魚炒芥蘭，方魚也就是潮州粥經常會放的大地魚切成方塊，加上爽脆的芥蘭也是不俗，但大廚預先把本來很小顆的芥蘭切塊，令賣相有不太好。蠔仔粥也是有用方魚跟肉碎調味，也是十分濃的雞湯香，可是忘了下冬菇，冬菜跟芹菜，所以賣相不夠美觀。12兩的凍蟹非常多肉，殼早已破開，盛惠$408，但潮州凍蟹一向都是這價錢，以這質素來說合格了。煎黃花魚也是十分多肉，外面的鹽也醃得剛好，不過骨也很多，大家吃時要小心。潮州翅又是另一重頭戲，超濃郁的豬油香加上金華火腿的湯底，非常的好吃，令人想越吃越多。甘草水果盤就像是一個用咸柑吉醃過的生果拼盤，咸咸甜甜的相映成趣。其實最出色的反而是最平的粿，8大元一顆，但蒸出來皮薄餡多，玉米帶點甜最好吃。芋蓉反而是很小一碗，有點不夠吃的感覺。

爸爸媽媽都係潮州人, 但由細到大媽媽煮的潮州餸菜都不多, 亦有別於外面食到的潮州菜, 今次朋友介紹呢間店名已經頗為特別的名字, 十里潮香, 六點半到, 可能時間尚早, 客人不多, 牆上貼滿一些降龍十八掌的招式, 等上菜時可以慢慢欣賞一番, 地方唔算大, 全部長枱, 適合三五知己, 潮州炒魚麵, 一上枱聞到陣陣我都唔識容易的香味, 加入少量蛋絲, 菜絲及蝦, 麵質非常彈牙, 味道不太濃, 香煎蠔仔烙, 香脆, 每啖都可以食到蠔仔, 滷水三寶有鵝片, 鵝肝及鵝腸, 夠入味, 特別鵝腸夠爽, 花膠螺頭燉豬展, 優惠價$68(原價錢98), 足料, $68可以飲到盅燉湯, 真係好抵, 桃花島黃皮蜜及佛手香黃蜜,足料味濃, 最後的驚喜係隔離枱叫了反沙芋, 一份有八件, 佢地好客氣咁話食唔哂, 請左我地食三件, 不太甜, 可能人地請, 所以特別覺得釨味道. 

行街行到攰，雖然只係六點到，但都決定去食晚飯啦，係眾多餐廳中揀左潮州菜食，入去時人唔多，但愈來愈多人啦，食飯時間就坐滿人，好彩黎得早！先先叫左兩個湯潤潤喉咸菜胡椒豬肚湯，豬肚好林，好香胡椒味，飲完成個身暖晒！花膠嚮螺豬展燉湯好多料，有雞、螺頭、大大塊花膠。有甘多料，個湯唔洗講都知好濃，好清甜，好潤。鹵水拼盤-鵝腸、鵝肝、鵝胸超正！鹵水好入味！鵝腸超爽脆！薄薄地既腸皮痴住少少肚膏，正！平時食鵝肝多數係煎，鹵水真係少食。鵝肝味好濃，好creamy既感覺，唔會腥，又幾好食喎，有另一番風味！鵝胸肉，稔得黎爽爽地，做得唔錯！鹽香元朗凍烏頭魚尾有元朗魚場既出世紙，好新鮮，好多肉，咸咸地。中意佢個豆豉醬，之前食過其他潮州菜，個醬好咸，呢個剛好，唔會太咸，點少少食，提升魚既味道！凍花蟹好好彩，我地無訂到，但有貨，二話不說就叫左！蟹好大只！肉好鮮味，爽，唔會梅晒！啖啖肉，超正！少食拼盤有芋頭粿、韮菜粿、土豆粿等，材料豐富，即叫即整，熱辣辣！好滿意呢餐！食物質素好，價錢唔貴，值得再黎！特價餐都幾抵！

今日去完書展❤️去咗一間好有特色嘅潮州店舖食粥仔!!!呢間店舖嘅名同裏面嘅裝修非常之唔同😝😝😝店內嘅環境牆壁竟然係蓋世武功😂降龍十八掌！睇嚟店主係金庸迷！雖然餐廳佈置極度出位！但係仍然非常舒適坐得非常舒服～今次我同小鮮肉老公就叫咗個二人餐貪佢乜都有啲而且夠平！一個價錢加埋318，就可以食晒餐廳招牌菜😍雖然佢話二人餐但其實我覺得三個人都夠食😝首先方魚肉碎蠔仔粥非常足料，蠔仔帶出了豐富的海鮮味道，亦令粥獨特的口感，配埋脆脆的方魚！簡直一試難忘，而且熱辣辣份量夠⋯⋯人妻同小鮮肉老公足足每人食咗滿滿的兩碗😆之後就輪到胡椒豬肚湯，豬肚非常清潔冇苦味，飲到第二三啖開始濃濃的胡椒味開始帶出。暖暖辣辣的去濕暖胃一流😎飲完成個身體都非常舒服😌好補呀⋯⋯媽媽咪阿⋯⋯然後就輪到蠔餅啦⋯⋯酥脆可口，超級多蠔仔！基本上每一啖都係蠔蠔蠔☺️⋯⋯值得一試滷水雙拼：我哋就揀咗鵝肉同鵝翼～滷水非常入味而且肉質嫩嫩的~鹹味亦非常適中☺️☺️☺️方魚炒芥蘭：呢種配搭人妻都係第一次食，傳統香港唔係炒牛肉就炒豬肉，今次終於可以試試新意思！其實方魚在潮州或者廣東是天然的添味劑，只係香港唔太流行～當脆脆的鹹香方魚乾遇上甘香鮮嫩的芥蘭！鹹甜鮮

放工跟同事去了銅鑼灣食潮州菜，唔講唔知會有間潮州菜館在金百利裏面，而且價錢只比茶餐廳貴少許，非常平民價。荔蓉香酥鴨：炸得外面酥脆，芋蓉不過太厚但夠軟腍及幼滑，再加上薄薄一層的鴨肉，這個菜式真係越來越少見。鹽香凍烏魚：烏頭是出名的元朗烏頭，不過因為現在不是食烏頭季，所以黃油不多，但肉質嫩滑有鮮味，但又不會太咸。滷水三寶：三寶滷得很入味，鵝片不太夠腍；鵝肝甘香腍滑，入口即溶；鵝腸爽脆有咬口。家鄉炒麵線：有些肉絲、芽菜及葱等配料，麵線炒得爽口，完全不糊口。五香牛展：牛展滷得入味且腍，帶點咬口。潮州紅燒翅：果然啖啖魚翅，價錢好似比較貴，但絕對超值，因為整碗都充滿魚翅，十分足料。

潮州菜比人感覺就係一大班中佬係大排檔叫幾支啤酒食滷味，但事實上潮州越來越受歡迎，而餐廳亦由大排檔轉變了走中高檔路綫。今晚同老公兩個去了銅鑼灣的十里潮香食潮州菜。雖然位處銅鑼灣但價錢卻非常大眾化，二人餐都是$298，有多款特色的潮州菜，樣樣都可以試齊。青欖燉豬展淡淡欖香，湯既清且甜，青欖有止咳化痰作用。滷水雙拼:鵝翼及豬手兩者都炆到很入味，鵝翼更是入口溶化，豬手就比較鞋。香煎蠔仔烙啖啖蠔肉及蛋香，蠔肉完全唔腥，味道一流。方魚肉碎蠔仔粥必試的食物之一，方魚香味十足，蠔肉脹卜卜，湯底既香且鮮，完全無腥味。方魚炒芥蘭切段芥蘭，以炸脆的方魚作伴菜，香口又不油膩。黃金蝦棗炸得鬆脆但裏面蝦肉不多，不夠彈牙。

潮州菜是中國南方傳統地道飲食文化之一，以選料考究、刀工精细，烹調方式多樣見稱，亦因潮汕地區鄰近沿海，其鹹鮮海產也頗知名。而潮州菜來到香港後亦逐漸演變加入了不少地道元素，此種平民化港式潮菜大眾又稱之為打冷。在銅鑼灣要覓得一所出色的地道潮州菜並不容易，而筆者最近就和家人來到金百利中心一間新開業的潮州菜用膳。店内空間不大，裝修簡約舒適，設計選用了金庸小說裡以饞嘴聞名的丐幫幫主洪七公為主題，牆上印有不少他的武功招式如神龍擺尾、飛龍在天等作裝飾，滿有新派玩味中國風，轉變了打冷店一般較街坊簡陋的形象。細閱餐牌，小店的菜式種類也頗多，從滷味湯品、前菜小炒到海鮮鮑翅、主食甜點皆有供應，另有2款優惠套餐，$600元左右已可享一個4人套餐，算甚抵食，實在豐儉由人。我們點了一個4人優惠套餐，另加了幾道傳統小菜。鹹菜胡椒豬肚湯，以胡椒、鹹酸菜和新鮮豬肚滾成靚湯，豬肚煙韌帶嚼勁，鹹酸菜鹹香爽口，湯色呈奶白狀甚濃郁，味道先是微微的鹹酸鮮甜，胡椒香不太突出，到後段胡椒味才徐徐散發開來，微微的辛辣為味蕾添上了刺激了，整體味道雖不很突出，但還算到位。青欖燉豬展，另一款老火燉湯， 湯色呈深褐色，入口甘甜，滲著淡淡青欖酸香

一直都鍾意食潮州菜，喺呢幾年多咗好多潮州餐廳，唔洗淨係得打冷選擇。喺銅鑼灣有一間超推介嘅潮州餐廳，價錢唔貴，而且性價比高，份量足之餘味道都唔錯。位於金伯利廣場樓上，唔係朋友同我嚟我都唔知佢嘅存在。上到去見到d poster,先知道原來係傷心酸辣粉旗下另一個品牌，質素都應該唔太差。餐牌價錢唔算貴，幾親民，特別當佢喺銅鑼灣呢個地區嘅時候，就更加覺得抵食！大力推介呢個二人餐，包含好多個菜式，而且價錢唔貴，相當抵食！.二人餐自選滷水雙拼-滷水鵝肉五香牛展唔會將貨就價，份量絕對唔少！牛展同鵝肉浸到軟腍，滷水味濃！肉脂均勻，厚度適中.香煎蠔仔烙蠔仔分量多，幾乎每一啖都會食到好，炸漿唔算好厚，炸到脆卜卜！.方魚肉碎蠔仔粥飽肚之選！有二人份量，肉碎有經過醃製，鹹鹹地。粥裏面都滲透肉香！方魚更加帶起左粥嘅香味，超惹味！而且粥煮到好綿，心機之作。.方魚炒芥蘭方魚嘅味道連埋芥蘭本身嘅鮮甜混和一體，爽甜香口！炒得依然保持翠綠，有少少薑汁味，唔會好油。.普寧炸豆腐 $58又一樣經典潮州菜呀！硬豆腐經過油炸，依然保持佢厚實口感。坊間好多豆腐經過油炸都會變得特別油，但係咬開豆腐，佢嘅皮係分得開，外皮有少少椒鹽味，但

銅鑼灣的金百利出名多餐廳食肆，但吃潮州菜就只此一家。餐廳以丐幫幫主洪七公為主題，牆上印有不少武功招式，例如：神龍擺尾、龍戰於野、飛龍在天.....， 活像一本武林秘笈。主餐牌除了散叫外，亦有二人、四人及六人套餐，而晚市一人套餐只是$58，包括一款主菜、是日靚湯、白飯、糖水，熱飲+$3，涷飲+$7，價錢可說是豐儉由人。滷水三寶（$138）滷水三寶有鵝片、鵝肝、鵝腸。下面放了幾片滷水豆腐。鵝片-肉質幼嫩，滷水汁的味道不會死咸，滷水香料帶出肉的香味。鵝肝-這個鵝肝是非常幼滑，入口有綿綿的口感，又沒有膩口的感覺，真是要給它一個讚。鵝腸-鵝腸大大片，入口爽脆，並帶有少許肥膏，甘香馥郁。潮州紅燒翅 （$198）魚翅多到用筷子夾起當麵吃，可以先吃一口原味魚翅，再按個人口味加入浙醋和莞茜增味。魚翅用了有蓋瓷器盛載保持溫度。方魚炒芥蘭 （$65）芥蘭斜切成片，炒得青綠的芥蕑很清爽又爽脆，亦沒有苦澀味道，時間和火喉掌控得宜。鹽香涷烏魚 （$128）烏頭用了本地元朗出產的，魚肉幼滑並帶有鹽香，近魚皮部分，更有很多黃油，令魚肉帶著魚油的香氣。另外附有一碟普寧豆醬可增添味道。試業期間，午市免加一，全日九折優惠。

銅鑼灣金百利係經濟餐廳既基地 呢個鋪之前係間經濟西式餐廳 依家搖身一變就變左一間潮州菜館 -十里潮香 本身都鐘意食潮州菜 今次當然要黎試下啦～ 細細一家店好HOMEY~ 睇下menu, 好多大路菜色(我鐘意既都有~~ ) 首先, 點左潮州紅燒翅 $198 細細一碗 但勝在好足料 正雙拼滷水豆腐五香牛展 $108 本身唔太好鵝 但卻好恨食滷水食物 幸好可點雙拼 豆腐失了點準 有啲𤓓味 但牛展卻入味十足 方魚肉碎豪仔粥 $58 用料足 蠔仔不大不小剛好 加上方魚等等材料 十分惹味～潮州沙茶牛河$68同樣有水準 沙茶味濃 牛肉亦剛好 河粉條條炒得分明不會變成一pat黃金蝦棗 $69全部菜中最期待這個 好少潮州餐館有呢味菜 呢度竟然有實在太感動!!!!凍柑桔蜜 $19x2  嘢飲上到嚟嘅時候當場驚嚇了一跳點解係黑色嘅?! 原來佢用咗平時嘅涼果切碎飲落口感十足總括黎講餐廳細細 好溫馨好似啲私房菜小店 同成班朋友黎食都唔錯~

早前sogo感謝周年慶戰況激烈，好不容易買到心水產品，但換來一身疲倦，拖著戰利品來到金百利廣場開餐。 我們沒有指定要到那家餐廳，不過，無意間發現5樓有一間吃潮州菜的餐廳，即時想起蠔仔粥及荔蓉香酥鴨。 餐廳的舖面的佔地不算很大，不過，座位挺多，空間感足，坐下後感覺舒適。 花膠螺頭燉翅群 燉湯正在進行推廣，以優惠價HK$68就可以喝到，說實，燉湯的火喉足，湯頭鮮甜，而且內裏材料豐富，包括有花膠及螺肉等，每一口都充滿肉香，非常滋潤順喉。 荔蓉香酥鴨 這個荔蓉香酥鴨絕對是必食推介，外層超級酥脆，而內層的荔蓉香滑綿軟，令人忍不住一件接一件的放進咀裏，最重要是油膩感不重，吃後不會有膩滯感。 滷水三寶 (鵝片、鵝肝、鵝腸) 這個滷水三寶同樣值得推介，滷水味濃郁，但味道不會過鹹，鵝片非常入味，肉質鮮嫩，不會過肥，鵝肝肥美，口感油潤，軟滑得帶又甘香，鵝腸口感爽彈有咬口。 方魚肉碎蠔仔粥 蠔仔粥的味道非常鮮味，蠔仔數量雖然不算很多，但size大大粒的，入口鮮甜，一點都不腥，一碗就夠兩個人分著吃。 汕頭小食拼盤 其實我們點菜時，不太知道汕頭小食拼盤是什麼，開始時還以為是炸物，但原來是煎粿。 拼盤內共有5種