千両 (MOKO新世紀廣場)

營業中

休息中

千兩呢間日本餐廳真係冇食過，今日突然屎忽痕就想試吓，結果又出奇好食喎🫣🫣🦀日本松葉蟹甲羅燒伴鍋，佢配咗個好似米通飯焦嘅嘢點住蟹膏一齊食，飯蕉唔會過窿，好脆爽口，蟹膏係超濃郁又多，食落真係啖啖蟹膏，咸度適中，絕對唔惹少😋😋🍄牛油焗雜菌，就算係一個菜佢都可以做到超正，裏面有金菇，雜菇等，雖然睇落去好似好油膩，但佢嘅牛油溶化咗之後啲精華就俾啲菇吸晒，食落去有香濃嘅牛油味之餘仲有好新鮮嘅菇味😆🐮牛肉冰見烏冬，雖然個名有個冰字，但呢款絕對係熱食，湯既清澈度可以望到碗底，但又唔會淡而冇味，反而淡淡既牛味滲落湯度，又加上烏冬既煙韌同熟度剛剛好，襯托起一片片肥瘦均勻既牛肉，牛味超濃之餘就好似入口即溶即感覺🤤🤤認真👍🏻👍🏻🦪時令活蠔-風雅 其實日本蠔我都覺得麻麻地，見難得有就試下，一見到佢個蠔係非常飽滿，好似手掌咁大，配咗個酸酸甜甜嘅汁，因為平時其他蠔會用酸辣醬，檸檬去食，但係日本好似就會用呢種醬汁，佢唔會好重鹽水味同鐵味，所以呢個就係日本蠔嘅分別，食落去鮮味出晒嚟，新鮮到暈，配埋個醬汁一流😍😍🍣灸燒紋甲墨魚配海膽醬，你會見到係有原隻嘅細墨魚，上面嘅海膽好新鮮，雖然佢唔係一片片嘅海膽嚟，但佢嘅濃度超高，

某人推介話呢間啲午餐幾抵食,又都幾好食。既然嚟到,啱啱開門,唔使排隊咁就試一下啦~百両定食有六款壽司,再加埋炸蝦,烏冬同沙律,呢個地段呢個價位都幾抵食。壽司魚生都幾新鮮,不過炸蝦就唔多脆,烏冬都幾彈牙火過不失。上便當比百両便當豐富一點,有刺身又有煎魚,仲有腐皮壽司同燒玉子。唔太喜歡魚生嘅朋友比較啱食,因為佢個煎魚都唔錯,而且熟食較多。好多人話千両好好食,我又唔係好覺。不過以呢個價錢可以喺旺角舒舒服服咁食個晏,都真係算唔錯~

生日會員2人食有半價優惠咁抵梗係要嚟擦餐勁千両一向質素算不錯率先點左個雞泡魚乾同壽司開下胃我唔記得自己一開始叫左乜第一碟壽司出現時諗極都諗唔到中間嗰個係乜我以為係呑拿魚啦但又好似無印象叫左炙燒呑拿點知原來係鰹魚！魚味都算幾重 但唔係特別好食今日的三文魚亦有少少失準反而呑拿魚幾靚 叫左幾次彩虹卷都不錯 有成5舊用牛油果配上呑拿同三文都好食後尾開始少滯 叫返啲熟食中和下清酒煮蜆幾唔錯！用酒精爐 上到枱先幫你滾 熱辣辣每粒都食得到佢陣牛油香喔！兩條友叫左廿樣嘢😂😂😂😂埋單都係400幾好抵食下次生日一定要叫多幾位朋友嚟應該更加抵食同食得豐富好多！

千兩既Lunch Set係我大愛之一😍間唔中都會去食下Lunch😋不過食飯時間長期都好多人排隊，要早小小去羅位先得今次12點左右去到，都已經幾full，但就竟然俾左個轉角位既房仔我地，完全係Private Area，好正❣🍜炙燒壽司·蕎麥麵定食（$98）因為我唔太食生既壽司，每次都會叫呢款🤣佢個menu定時定候會變，所以每次黎都好似有啲新野咁🤤呢個set都好豐富，有壽司、蒿麥麵同吉列炸物配埋杯果茶，好滿足🤗壽司好新鮮，而蒿麥麵可以揀凍／熱炸物係吉列薯餅同吉列蝦，炸皮做到好薄好香脆🥳🍣万兩定食（$118）朋友就叫左呢個壽司定食😝有十件壽司、味噌湯同沙律賣相都好新鮮好吸引👍🍣珍寶帶子壽司（$22）單叫左件帶子壽司，亦係好鮮甜😍🦀牛油果軟殼蟹壽司（$98）軟殼蟹就算包左係壽司入面都keep到好香脆🤤配埋軟熟既牛油果，係我好中意既壽司配搭😛一共有8件，唔錯🐚吉列廣島蠔（$62）平時食蠔最怕食到腥味，呢款吉列蠔就完全冇呢個問題而且吉列炸皮亦都係做到好香脆好薄皮😍同入面軟林既廣島蠔做成對比口感好正💯/😋食物質素：8/10🍽️用餐環境：8/10💰性價比：8/10👣回頭率：8/10/📌千両 (旺角)旺角

好耐冇食千兩 難得冇人排隊就試吓啦雖然都知佢係元氣貴價版 但刺身都係好食過元氣嘅平時食元氣必食辣味三文魚壽司 發現千両冇元氣咁好食 味道唔夠辣 而且三文魚都冇咁多 而且切都好碎賣相普通 紫菜偏淋三文魚壽司同帶子壽司超級新鮮牛舌唔夠厚肉 食到中間有少少鞋 整體刺身來講算新鮮嘅 但價錢可以貼地少少

來到旺角東到了MOKO下了班想食個下午茶來到千丙，於是來到吃一個下午茶叫咗一個壽司套餐內食有大約6至10件壽司，一個沙律，一碗麵豉湯，一個烏冬麵侍應的服務不太好，聽到他們經常在附近聊天和玩耍，並沒有理會客人的需求又不會主動提客人斟茶和服務幾個侍應掛住自己聊天和玩耍一間日本專業的餐廳不應該有這樣的服務不過食物的質素也算是不錯

在moko 店兩人銷費$832蚊，講真食品正常嘅，比以前只係keep到水準，冇特別大驚驚喜，但埋單真的火到嚟，在收銀處見到可以入會員可以有生日優惠及下次有折扣禁就同員工講稍等我入一下會員資料，當時那位Treey Lee 員工即時反我眼行開，真心我好有家教我冇話佢話佢任何一句仲有同佢講唔好意思，隨即佢離開收銀位，因為旺角新世紀網絡較差所以下載比較慢咁我就問佢是否可以侯家會員佢就態度語氣極差講係你可以返到去先入會員，咁我就好唔明點解當時我話入會嗰陣佢唔解釋清楚俾我知，咁我又再同佢講我要使用商場$100現金券問佢點樣可以用，佢又態度極差話唔知咁我咪自己搵搵到之後佢又話我唔俾佢按，咁我真係有少少火火地呀我問佢請問你叫咩名，佢隨即答我，我叫Terry Lee 你可以投訴我，其實我真係好唔明全程我都好有禮貌唔知點解佢咁火火亦唔解決比客人知道可以點處理我唔知佢返咩工所以我以後都唔會再幫襯，全香港唔係得佢一間都得壽司🤦🏻‍♂️🤦🏻‍♂️

每逢中午時間都見到依間餐廳人流不絕，今次見到唔太多人，就攞票去試下，但還是等了接近二十分鐘。中午lunch set都有好多唔同選擇～❀ 炙燒壽司·凍蕎麥麵定食套餐有四件火炙壽司，包括：鰻魚、帆立貝、油甘魚及三文魚，當中最喜歡鰻魚及帶子壽司～鰻魚好惹味，而帆立貝又好鮮甜。除了壽司，還包括南瓜天婦羅、田園沙律及凍蕎麥麵，非常豐富❀ 鮑魚馬糞海膽三文魚籽丼定食賣相好吸引，但份量較少。滿滿既三文魚籽鹹香味突出，海膽亦好鮮甜。定食仲有跟一大碗茶碗蒸，味道唔錯

 ⭐期間限定嘅「#職人壽司🍣」 系列，採用頂級食材包括 #大吞拿魚腩 、 #金目鯛 、 #小肌 、 #帶子 、 #牡丹蝦 、 #松葉蟹腳 等，全部都係由日本🇯🇵直送到港🤩🥳😍 記得嘆埋千両精心挑選嘅頂級清酒🍶🥰====—====—====—====—【 🍣職人壽司8點盛（$315）】🐚特大珍寶帶子🌸大吞拿魚腩配鹽麴吞拿魚蓉🦐牡丹蝦伴炙燒蝦膏🦀松葉蟹腳配白蝦🐠炙燒柚子味噌金目鯛🍯吞拿魚醬油漬伴鮟鱇魚肝🐟醋漬小肌🍳江戶前日本甜蛋（柚子風味）🍸檸檬氈酒梳打($62)🍶鳳凰美田芳純米吟釀（$115/150g)🍫🍦朱古力軟餅伴雲尼拿雪糕====—====—====—====—

好耐冇食千両， 經過見到有位就入去吃晚餐， 位於新世紀廣場的分店， 店內燈光柔和， 可能很久沒來的關係，餐牌都轉了很多新款菜式， 對龍蝦海鮮烏冬鍋$188 好有興趣， 然後再點些壽司和刺身～千両壽司拼盤(11件) $215和中吞拿魚腩刺身$120。📝中吞拿魚腩刺身🍱～顏色粉紅，脂肪比例平均， 入口即溶，非常甘香。📝龍蝦海鮮烏冬鍋🍲～ 湯底味道甜美而濃， 龍蝦鮮甜， 份量雖少但味道很好。📝千両壽司拼盤🍣～ 11款都很新鮮， 我最喜歡 鮮味十足的帆立貝壽司和肥美嫩滑的吞拿魚壽司。千両有一定的水準， 價錢屬於中價， 最重要食物新鮮有質素。😊

前排見千両壽司會員有張優惠卷就快到期，所以就用埋佢唔好哂，因為都幾抵消費 $200 減 $100，加上任何惠顧又有新年利是封送。叫咗 (C) 炙燒壽司 • 熱烏冬定食同 (F) 万両定食，之後重有張堂食清酒優惠卷可以用埋。👍🏻(C) 炙燒壽司 • 熱烏冬定食 ($98) : 覺得抵食過 (B) 百両定食，個餐多咗沙律、炸物同啲壽司高級少少 ; 炸物脆口之剩唔太多油 😋 自己本身對烏冬呢樣食品麻麻地，因為好怕有啲烏冬會發漲，勁唔鍾意個口感，不過呢度個扁烏冬就好鍾意食，口感煙韌彈牙，加上扁闊形狀更能掛湯。(F) 万両定食 ($108) : 壽司每件都有光澤，而且夠飽滿，唔錯唔錯。😋呢度嘅桃茶味道都唔錯，不過同 URBAN 比始終差啲啲 ; 清酒味道唔濃烈，而且飲起上嚟又清涼又爽，感覺幾舒服。 🧧新年利是封🧧

一年前經過千両，夜晚8點幾到，要等20幾張枱，無緣試食。今日，疫情關係，中午到，完全唔駛等位，即刻有得坐低。打開個 Menu，好多野食，好難㨂。最後，懶人一定係食便當或定食。定食有8款，都係好精彩既。最後我㨂左一個火炙壽司餐。因為入面有個炸物，望落去好似係我最鐘意食既可樂餅 😍😍個餐來到，嘩好豐富。唔知由邊樣開始食。先食左一口烏東，好味。再食一件壽司，好味，不過D飯有D太霖。再食沙律，OK啦。食到最後，食我期待既炸物！ 真係炸薯餅 👍👍好滿足。最後一定係食晒，連烏東既湯都飲埋！真心好味😋

難得早收工，7:00就去到呢間千両，唔使等位，可能真係好耐冇食壽司啦，打開Menu樣樣野都想食，今次見佢刺身拼盤做特價好抵食，尤其蝦好大隻又新鮮，其他壽司熱食都保持水準，真係一分錢一分貨，去唔到日本唯有食住千両頂住先😆

食壽司就要食靚壽司，千両用料上乘就是價錢貴了點，但一分錢一分貨也是值得的。今晚我就來到旺角 MOKO 的千両嚐一嚐。店內裝修日本風，潔淨無瑕清優舒服。🥢先來一客海膽三文魚籽壽司飯 $78美美的外觀已吸引我了！吃一口已嚐到海水味的海膽，香滑鮮甜齒頰留香實在太幸福了！🥰🥢香蒜燒鰹魚 $78來先靜岡鰹魚半點腥都沒有，是在日本食到的味道。🥢牛油果軟殼蟹卷 $46軟殼蟹炸得酥脆，一口一件食得痛快！😋🥢千両特選壽司拼盤10件 $198每一件都是鮮嫩的，厚切口感豐富滿分。👍

經過中秋節既洗禮, 連續食左好多餐和月餅，特別想食下日本菜平衡下。今晚黎左千兩, 估唔到都幾多人。 等左差唔多半個鐘先入到。 咁知係咪太耐冇黎, 覺得好似有d唔同。 可能因為第一次係千兩坐吧枱，不過就冇迴轉壽司啦。叫左壽司類: 珍寶帶子, 油甘魚腩, 火灸三文魚, 鰻魚, 火灸芝士蝦; 仲有京燒銀雪魚。唔覺唔覺, 都幾豐富, 食完都係好飽, 但好滿足。海鮮好肥美, 這係我最愛食日本菜的原因, 其他菜或冇既感覺。 仲有銀雪魚好嫩滑, 幾乎入口即溶。 好滿足, 下次同朋友再食過。