千両 (MOKO新世紀廣場)

營業中

休息中

如果你問我「中西日韓星馬泰越印意法德俄」咁多個國家嘅菜系要揀一個最鍾情嘅話，我可以義無反顧地話你知，就係「日本菜」啦！睇返自己嘅飲食相簿，幾乎佔咗八成都係日本菜囉！哈哈～記得嗰日我地出咗去港島區遊玩，去咗好多地方，夜晚搭車返番嚟旺角呢頭搵食，但係點知好多鋪頭因為疫情關係都提前關門。於是我地就上咗去Moko碰吓運氣啦。結果得返「千両」喺夜晚九點幾鐘嘅時候，仲招待緊客人入內用餐。咁我地就決定食「千両」，雖然對我嚟講係好高嘅消費。。。我地都點咗好多款式啊，有我最鍾意嘅「左口魚裙邊」、「牛油果鰻魚卷」、「牛油炒雜菌」、「天婦羅蝦卷」、「玉子燒」等等。。。全部都好大件好肥美好好食！齋睇相都已經令人「垂涎三尺」啦。。。

We came here yesterday for sushi lunch. After requesting a table for 3 (it was me, my wife and our 1 year old baby), we sat down and ordered. Then, only after we had ordered, the server asked us to sit at separate tables. I said the limit on 2 people per table dining in is exempted for people from the same families, and besides our baby is just 1. She went and got her manager. He came back and insisted we sit at separate tables.So we got up and left. Went to another restaurant that respects the

週五放一吓自己假，沒有人工的週五為咗保住份工仍然要返工。疫情下乜嘢都唔可以做，唯有食食食！來到旺角不愁冇好嘢食，反而太多以致又係選擇困難症。首先鎖定我和老公都想食日本嘢，惟下午三時呢個鐘數好些日本食肆已過咗午餐時間，而千両仍有午餐，倆便選定了這裡。坐下來餐廳環境尚算寧靜，我們點了一個壽司拼盤餐，另一個刺身飯，或者仍然是疫情期間餐廳送了兩杯日本果桃汁，入口清甜，似乎沒有加入人造糖。席間，同事仍然不斷致電給我要處理公務，似乎仍然不能安頓，食不知其味。後來索性放下電話好好享受食物，眼前所有的刺身或熟食水準也相當唔錯，尤其是刺身鮑魚、三文子和吞拿魚，惟其中兩片吞拿魚有少許根。蒸蛋方面內有兩片小冬菇和百合，做得也不錯。整體來說，這個價錢有咁多嘢食算性價比了！

千両平時也多人等位，今日早食飯，加上平日，應該無咩人，六點幾到，果然不用等位就有得食，見到佢有個刺身拼盤做緊半價，當然要叫來食，另外叫了啲熟食俾老人家食，有牛舌、烏冬，鍋物等，個稻庭手打烏冬（熱）唔抵食，好細碗要$42，個半價刺身拼盤幾正，份量幾足，幾新鮮，帶子幾大隻，個牛舌也好入味，好軟身，老人家也啱食，個日式海鮮茶壺湯幾特別，要加青檸落啲湯度，有啲泰國風，味道清甜，整體而言，味道不錯，食夠五百可以做會員，有機會會再幫襯.

雖然暫時冇得去日本🇯🇵，但都可以食下壽司當去左，下午6點係商場行行下，見到千両wor ,諗住可能會貴啲，但都唔理啦，食左先算一坐底，侍應已即刻遞上熱茶🍵、menu，見佢魚生拼盤做緊半價，梗係要試下啦，最後心大心細下點埋壽司Set & 牛肉鍋。不消一會兒，魚生已到，見到真係好驚喜，雖然做半價，但絕對冇張價就貨，魚生塊塊都係厚切，色澤均勻，一睇就知係新鮮，最驚喜係仲有拖羅，食落個下真係以為身在築地，另一樣我最like 就梗係有帶子啦，食完一件又一件，真係停唔到口食左一半，壽司拼盤已緊接上枱，又係一個字「鮮」， 真係多講無謂...最後就係牛肉鍋上枱，味道中規中矩，冇咩特別。全程最讚係侍應自動不斷refill 茶，問佢個d係咩魚生佢都答得出，服務一流，連cashier 都好有禮貌，今時今日呢種服務態度真係要加以讚賞

生日緊係會想食好d啦，咁啱想食日本野，附近又有間千両，所以就即興揀左千両黎迎接小弟大一歲後既第一餐晚餐喇見到呢個咁吸引既刺身拼盤半價，真係好難抗拒總共有8款刺身，每款有4塊。半價左既話呢個價錢真心抵食！壽司就正正常常啦～～呢個海膽都好好食！而且份量都算多～可惜旁邊既紫菜腍左呢個清酒煮蜆睇落個碗好淺但食落都幾多，隻隻都有肉呢個小弟就有d失望喇因為原本以為佢個份量會大d，真係一個鍋咁上枱，點知.......蠔都係得3隻好彩味道都唔錯，但係試一次就夠了。小弟好中意海膽同三文魚子，所以呢個就啱哂心水喇三文魚子份量都多，配埋海膽真係一流，正！

⭕️全店職員有戴口罩⭕️進店前量度體溫⭕️進店前必須以提供酒精清潔雙手⭕️提供放口罰罩的紙袋⭕️座位明顯疏遠了，連著的卡位也是隔卡位坐人假期也有提供套餐，太開心🥳好滿足😈9+29件壽司🍣和2件卷物拖羅壽司入口肥美，十分滑口蝦壽司好大隻，彈牙三文魚籽壽司，新鮮😌😌帶辣油的吞拿魚壽司出事了，辣油污染了其他壽司最好要求分開上或走辣油壽司定食，豐富的炙燒壽司拼烏冬暖肚之選壽司也全火炙，不半是熟了炸薯餅好吃😋整體分量都幾大😚

今日準時收工去新世紀廣場同好耐無見嘅朋友聚一聚，選擇幫襯「千両」，因為環境氣氛、食物質素、員工服務同價錢收費都屬水準以上。因為6:15已經到達，所以兩個人都可以獲安排坐寬闊嘅卡位，可以坐得比較舒服一啲。 已經嚟過幾次多數待應也熟口熟面，服務也算殷勤有禮，服務周到了。點了一客「豐州九點精選魚生刺身」，魚生portion 算頗大份，質素不錯，既新鮮又香甜，當中包括三文魚、鰹魚、鱲魚、帶子、牡丹蝦、赤身吞拿、鰤魚同一條大池魚，種類繁多，$368一客可算相當實惠，就算「元氣」、「板長」都未必有咁便宜。另外點了一枝$360 ，720 ml 的「八重山」燒酎，米香甜美，不辛辣也順喉，值得一讚係斟酒器好有型，亦十分有實用，曾經上淘寶大臣check 過，也要$二千多人仔。因為飲洒嘅關係硬係想食返啲熱嘢，叫咗「和牛豆腐煲」，和牛ok...但日本豆腐好重豆味！竟然比和牛重好味！哈哈！性價比高又美味的一餐。

this has been a while that didn't going to this shop la. very long time. used to be some kind of branch I always visit. so now this is the time for me to re visit. la.great start now. decor is same or very similar to the other branch and this is nice to me. getting in is little busy and not much waiters. but still ok.pick up menu and check what is so great and go in. on . this is little different from before as it I used to be as lot of food and dishes very variety . but now I my some kind of us

Weekday dinner 諗唔到食咩🤔🤔🤔🤔天氣熱唔想係室外走動😓😓唯有黎moko搵食💞💞原本諗住叫海膽壽司 但係見到呢一個海膽飯又好似好吸引，所以就叫咗佢嚟食迷你魚子海膽飯，少伏😑堅迷你真是一大啖就食曬真是圖片只供參考btw 海膽味正正常常，唔會苦另外叫左12 壽司拼盤半火炙半鲜每件壽司都有好多唔同嘅配料，搶咗本身的 鮮甜味但蟹膏 壽司 堅 鮮甜 好味👍👍👍牛肉烏冬雖然食得出唔係急凍嘅稻庭烏冬 但係都幾彈口

感恩! 又可以平日出去食野. 下午茶時間來到旺角MOKO, 想食壽司. 來到千両, 有午市套餐供應, 抵食呀! 選擇好多, 任君自選. 我地兩個人分別點了定食, 便當和活北寄貝各一. 特上便當 $138超豐富, 大滿足!除了六格便當外, 還有麵豉湯和前菜前菜是沙律底的麻醬荳腐六格便當分別係1) 燒青魚 2) 炸薯餅 – 新鮮炸, 熱熱的. 3) 刺身三色 - 新鮮好味!4) 蝦天婦羅5) 鰻魚飯6) 四小格, 有兩格是炸蝦巻, 另外分別是玉子燒和一件蕨餅萬両定食 $108壽司定食有8件壽司和2件炸蝦件定食也有前菜和麵豉湯壽司一如千両出品, 不用多說了活北寄貝刺身 $118好味的. 唔算好大隻可能太好味, 所以覺得比較少. 每個定食和便當都有跟飲品可選荔枝果茶和咖啡我地選了果茶, 濃的.

今日去咗千両食午餐，由於午餐有定食 ，而且十分豐富，價錢又合理 所以常幫襯。今次點了個炙燒壽司配綠茶冷麵定食和 壽司拼盤天婦羅配熱烏冬， 另加兩客 壽司，分別為炸蠔壽司和軟殼蟹手卷， 都十分滋味 ， 再配以餐飲咖啡作為终结，十分滿足抵食

星期日一朝早老婆話要去shopping ，咁近近地去過旺角moko，改咗名之後都冇去過，我覺得同以前冇乜分別，12:00點左右去到，行左個零鐘老婆都冇乜收穫，費事同人迫，2:00左右肚仔肚餓了，搵吓有咩好食，搵到一間連鎖壽司店，見冇乜人排隊，入去試吓佢先，首先員工有禮貌值得加分，地方寬躺，望吓Menu都有好多選擇，有選擇困難症嘅我，揀咗個咩都有嘅便當🍱來到都非常吸引，同圖片差唔多，味道只可以說是一般，魚生冇咩色澤，唔太新鮮，其他熟食又冇驚喜，價錢亦都唔平，要$138，要我用呢個價錢，出面會有更多選擇

今日放假去開旺角搵食, 走到旺角新世紀的這店, 我地坐bar枱，臨近last call, 喺服務員嚟問過我地仲要唔要點迴轉bar上的食物後, 我地話唔需要, 二話不說服務員就企喺我一尺範圍內將所有餘下在迴轉bar嘅食物掉入垃圾桶內, 喺十分鐘前我地仲喺迴轉bar上攞過壽司, 令我有食緊垃圾嘅難受感覺第二件事, 當掉哂所有迴轉bar上食物後, 服務員竟然提起手提吸塵機喺我地面前依然1尺範圍內吸迴轉bar上嘅污漕物, 而當時我倆仍然進食緊枱面嘅食物, 服務員完全無考慮到顧客仍在進餐, 其後更有另一位負責清洗迴轉bar內嘅員工拿起消毒藥水四處噴灑。。。喺呢一刻我倆立即起身唔再食未食完嘅嘢就走了, 一間走緊中上路線收得唔便嘅食府絕對無可能有這麼低級嘅嚴重錯誤, 實在令人髮指, 我絕不再會光顧這公司, 絕對失望

巨峰提子啤酒，唔好飲，有啤酒味，但同提子味道唔太夾，飲完好似藥水味； 西柚梨酒，好清，唔太甜，有啲西柚肉，幾得意！😊生蠔，唔夠爽口，但算夠肥美，唔重海水味😉芝士年糕，外表特別，味道唔錯，炸後唔太油膩，但食果陣芝士唔會有拉絲既感覺🥰牛油果軟殻卷，普通，味道唔算出眾🤨冷烏冬，有自家制的醬汁，配料有薑同蔥，但唔建議加薑落啲汁度，因為好奇怪，但醬汁本身配烏冬幾好食🤪壽司拼盤，正常，冇咩驚喜😅牡丹蝦刺身，夠肥美，算夠凍，算新鮮，蝦膏夠高😋😋