千之壽

營業中

休息中

其實幾次去呢度都係外賣，今次見有位就入去堂食。都係叫同一款。但堂食賣相實在好太多，排得好靚蟹子沙律，呢間野強項，好似唔駛錢咁，勁多蟹子。海膽刺身飯。大大件口感十足。新鮮，海膽同魚子都很不錯。這個是鮑魚刺生飯。都係食材新鮮，大大件唔小器。鮑魚彈牙，真係想獨立食十隻而且有圖有真相。排得靚都係賣點黎。

自從馬田村搬舖後，第一次幫襯。我地兩大兩細，晚上6點10分到，好彩唔使排隊，直接入座。7點後就開始排長龍啦！我地叫左壽司拼盤，蟹子沙律，拉麵，蟹柳手卷，炸蝦手卷同南瓜蕃薯天婦蘿。除左手卷同蟹子沙律食得外，其他食品都很差，壽司上的魚生完全沒法吞下，魚生雪味很重，唔新鮮，食左半舊章紅魚就忍唔住吐出來。最後只食了鰻魚壽司。南瓜蕃薯天婦蘿就炸粉又厚又唔脆。仲有叫左一碗白飯俾小朋友食，連白飯都難食過人，好似煮完再翻熱左好多次咁，總之難食啦！真係好後悔入左去，最後要去對面街B仔再食過先飽。

難得入元朗閒逛，近排又比較少食日本嘢就不如嚟呢排貼地人氣壽司呢啦平時嚟親都大排長龍可能去果日大雨到倒水咁，所以拎飛仔等幾張枱就安排到内就坐行過見到差不多每枱都叫一板海膽咁當然唔會執輸一板海膽會跟紫菜同青瓜另外加上刺身，非常抵食刺身厚切，大愛另點咗呢個壽司餐份量真係超大件，目測都見到三文魚長度係壽司飯嘅兩倍仲有我最愛嘅赤貝同島貝，非常爽口但係就嫌紫菜好似有d過氣，咬唔開另外叫咗炸雞軟骨繼續係份量好大炸得唔錯

上個星期日晚，好想食壽司🍣🍱🍙，但又唔想咁貴😌所以又再次嚟到千之壽飯堂食平價壽司🤣，依家越來越多人食，星期日嘅八點半都要等左大半個鐘先有位🚶🏼‍♀️🚶🏼🚶🏼‍♀️🚶🏼經過前幾次嘅經驗，知道呢一間野嘅食物抵食夾大件，次次都食唔晒😑，今次兩個人就order 得啱啱好!😌😌我哋今次叫咗：火炙壽司盛🔥🍣，有八件都係$96！超級抵食，最近愛上火炙壽司，所有壽司經過火燒一焼，逼出個鮮香味！誠意推介，加上本人唔係甘鍾意食三文魚刺身，始終覺得唔係咁乾淨，所以燒一燒過🔥🔥，半生熟會比較好，自我感覺安全啲！🤣🤣仲有係軟殼蟹沙律$36，已經差唔多係成隻軟殼蟹上，正！👍🏻💪🏼跟住就係北寄貝同油甘魚刺身$97，刺身雖然厚，但有啲魚腥味，冇乜太特別，只屬一般。🙈仲有三文魚籽壽司，三文魚子太鹹同埋壽司紫菜係唔脆的⋯😑而八爪魚壽司就係衰左係塊紫菜度。😅總括嚟講，呢間千之壽，仍然都係抵食夾大件平價壽之選！適合一大班人來狂食一餐！😂😂🍱🍣🎉

不久前至比個食評，好快又再黎，因為同區黎講，性價比非常高。蟹子沙律，同樣只叫份細，但已經夠四位食。所以千其咪貪心今次叫左個天婦羅蕃薯，好好食，咬落不油，蕃薯幾甜。叫左個三文魚／蝦／吞拿魚刺身。幾肥美新鮮。油甘魚肥美又大件。一件差不多係人地兩件份量，口感飽滿。海膽必叫，幾新鮮又大件，而且不乾。帶子其實是叫最普通果款，但已經肉厚又大件。這個炸豆腐，食前一定要小心，因為個心極熱，最好放一陣涼一點先，外脆內嫩滑滑的直入喉嚨，所以千其要小心熱度。炸軟殼蟹手卷，好大件。冇欺場差不多有半隻蟹。喜歡食必叫。今次再叫牛仔骨，依然味美，仲要冇上次咁肥，送飯一流。最後叫炸墨魚咀，今次有點失色，皮較硬。總括黎講，刺身類一定好過熟食。而又坦白講入得場既全部都會叫沙律同各種壽司。

是咁的~~ 食過千之壽好幾次 一直都好好奇點解咁少人講佢 咁少食評 因為呢間位於元朗嘅日本店真係好好食 而且係好抵食！不過咁要自己搵到呢間餐廳可能比較難 我都係因為女朋友仔住喺附近 佢幫襯左好多年介紹我食我先發現佢個質素真係好高今次係第一次食晚餐（之前食過好多次都係lunch）雖然冇左lunch嘅set 不過亦會有專係dinner用嘅set 我女朋友極力推薦要試一個13件壽司嘅set 價錢都唔洗200 貌似幾抵 咁除左呢個set 都散叫左d壽司同小食，燒物 一於放縱一下！日式凍豆腐 開頭以為佢有胡麻醬所以先叫 同埋呢到好出名嘅蟹子沙律實在太大兜 兩個人食唔到 所以就叫呢個小食開一開胃啦雖然冇胡麻醬，但佢獨特嘅汁 加埋蔥花 木魚碎 令到滑溜嘅豆腐味道提升左一個層次 幾樣野撈埋 唔會太咸 凍冰冰咁真係好開胃炸軟殼蟹手卷 好似20蚊？ 不過真係好好食 軟殼蟹好大件 即叫即炸 唔會凍冰冰同硬曬軚 所以咬落係外脆內軟 而且除左口感一流之外 味道都好好 係會食到蟹嘅香味證明用料好新鮮呀！不過有個要批評嘅地方就係 佢塊紫菜都幾林 相信佢d紫菜就咁擺喺廚房擺好耐 吸左空氣嘅水份 林得黎好un 幾難咬斷

咩叫性價比高呢？食物質素？價錢？野食大大件？咁我可以講，呢間野唔敢話係性價比之王，但一定唔會令人覺得蝕卓住元朗都會知，佢雖然唔係每晚爆，但星期五六日多數要等位，壽司大大件，一件大約人地兩件咁，如果搵笨實唔好味一定冇咁既熱鬧氣氛先黎個頭盤蟹子沙律我絕對提議如果只有四個人叫個細既，否則你實後悔貪心叫大，因為細既份量都唔野少碟墨魚都唔少舊唔失禮熱食黎講我就推介呢味炸墨魚咀，兩個字彈牙牛仔骨味道不錯但略飯，如配炒飯尚佳但單吃有點肥重點黎，壽司大大件又新鮮三文魚腩肥美帶子鮮吞拿魚雖不是拖羅級也很有味海膽無欺場必叫油甘魚脂肪平均羊架肉較實，味道可以火炙相當不錯將魚的肥美燒出來，建議一吃最後是刺身同樣肥美但因肥美我都係想有飯落肚

講到抵食夾大件嘅壽司刺身😋🤤😋🤤👍🏻💃🏻 ，真係非呢一間千之壽第一位！據說上星期去完佐敦「四國」食壽司🇯🇵🎌🍣🍱🍙⋯⋯但食完唔夠喉，價錢又偏貴，$50個蟹子沙律，比起呢間千之壽，真係小巫見大巫！呢度嘅孩子沙律係「四國」嘅兩陪，價錢都只係＄48，仲要平兩蚊！🤣😌所以都忍唔住今日要嚟一轉千之壽食返夠本！今日叫咗兩個午餐，幾十蚊一個午餐已經包蟹子沙律、刺生壽司同飲品！壽司大大件刺身係厚切！搞到根本食唔晒啲飯，簡直抵食夾大件！下次要再嚟食晚飯🎌🇯🇵🍙🎉😌👏🏻

Yuen long is famous for its huge varieties of food. There are restaurants, big and small operating at most of its streets.We tried this restaurant"s lunch today.Eel rice lunch set. It includes eel rice in a bowl, cucumber salad and a drink you choose.The cold milk tea is quite nice actually. The salad is just average. The eel rice is just average as well.I could say the eel is of a bit low quality. It is very thin. There are little meat and I can only taste the skin of the eel.May not return thi

平時經過e間餐廳，都係人山人海，咁今日經過e間餐廳，見到無咩人排隊，咁就入去試下啦。見到牆上有個飯叫做親子三文魚海膽飯，又唔貴，七十幾蚊，咁就試下啦。首先就黎個 麵豉湯 ，個湯都無咩特別，中規中矩咁啦。飯到左啦，飯大大碗，加少少 豉油，再加少少日本芥辣，我就急不及待試下啦，首先就試下三文魚魚生啦，魚生都唔錯，幾鮮甜，之後就試下啖飯，飯幾好味，係用日本米，到海膽啦，海膽就幾好味，好鮮甜，而三文魚子就咸左少少，之後我就好快咁食晒啦，成碗飯都真係幾好，性價比好高，難怪e度成日都咁多人啦，會再去試其他野。

一分錢一分貨，午市套餐有飲品，有刺身，味道對得著價錢。係味道同服務態度差少少。價錢大概54至70元不等。刺身有五件，三文魚有兩件。燒汁肥牛飯，正常味道。牛肉蛋飯，有點失望，是碎牛肉粒。

赤蝦刺身半客$34 有兩隻，來自阿根廷，夠晒大隻，肉質滑嫩鮮美，正過幼咪咪嘅甜蝦好多，抵食。蟹籽沙律$30 加芒果$15 超大盤，沙津醬另上真係哩咁hea，一邊撈，d 蟹籽係咁跌落枱。比例上太多青瓜絲，如果多d 蟹柳會更好。芒果好甜。牛油帆立貝$36 炸過感覺很油膩，配甜味醬料膩上加膩。吉列廣島蠔$32 吉列外層脆，裡面juicy沒有過火，正。芝士焗蠔 $36 極乾又縮曬水，芝士好硬，唔掂。雜菜味噌三文魚頭湯$40 有椰菜同菇菇，有大概半個魚頭。個湯都幾腥。鹽燒秋刀魚$30 太乾。鰻魚$14 幾厚，味道正常。海膽軍艦$20 唔係太新鮮。魚籽軍艦$20 魚籽份量足，但紫菜淋晒囉，接受唔到。三文魚腩$13 幾肥美，比連鎖壽司店厚切。總括，兩個人喪食左咁多野先$337，將貨就貨，質素算過得去，好過去食放題。

元朗有好多日式餐廳都有長尾壽司 呢間都唔例外 仲有好多其他放題食物 可以平平地偽放題佢長尾得黎仲有厚度 三文魚亦都甜 唯獨係個壽司飯有d唔夠凍 不過$11一件真係抵食啦刺身盤入面有原板既馬糞海膽同埋三文魚、魷魚、蝦刺身各兩片 海膽唔係太鮮甜 不過可以夾埋紫菜一大啖咁食係好過癮 其他刺身都好甜 特別係魷魚！而三文魚刺身亦非常厚切！蠔控見到$30有4隻蠔當然唔可以放過啦 炸得十分鬆脆 而且炸粉唔會厚 但炸完依然可以保持到入面既蠔非常juicy大隻 蠔既質素都唔錯 唔會腥又大隻 係蠔味就少d基本上檯檯都會有叫蟹籽沙律 因為真係好抵好大碗！好采叫左細咋 如果唔係咁大碗真係食唔唒呀 雖然材料只有青瓜絲同蟹柳絲 但係你睇下d蟹籽多到！！ 真係淨係食蟹籽都抵啦

再度吃午餐，想不到人更多，又是學生為主，難怪，有主食加小食及飲料，學生只需三十多元，比起餐廳頹飯性價比高得多。 三文魚手卷，大卷，幸好三文魚夠長夠厚，不致於令手卷太大，沒出現空口吃白飯的情況。三文魚厚而鮮，雖不太肥美，但作為餐前小食也算是相當不錯。不知為何紫菜黏著飯較久，便軟弱而煙韌，咬到一半分不開，難捨難離，情何以堪。咖哩吉列蝦餅豬頸肉撈烏冬 咖哩比「銀咖哩」辣，但不致於辣到流汗面紅，汁醬不夠稠，如果杰少少撈烏冬則更佳。豬頸肉五六片，薄薄的不太肥膩，少許醬油有點微咸，味道不錯。蝦餅像迷你泰式蝦餅，魚蛋般的質感，醮點咖哩汁還可。烏冬偏淋，如果煮少一會可能較彈牙。非學生也只是收費四十多，比起佳記餐廳划算得多。

馬田呢邊因為就近中學…所以愈來愈多食肆林立…見到門口咁多學生排隊等位…於是乎走走看…大大個餐牌放左係門口…係日式食品…看來都唔差吧…而且價錢相當便宜…相等於茶餐廳呢…不過地方淺窄…一定要搭枱坐…前菜小食…例牌果幾味…反卷好實淨…螺肉有7、8粒…小爪魚有3、4個…沙律醬好多…蟹籽亦唔少…一d都唔孤寒…飯睇落得一碗仔…但其實壓得好實…靖魚肉好實淨…鹽燒已經好夠味…煎得咁香脆…連唔食魚皮既我都食哂…望落去唔多似地獄…朋友話唔辣…拉麵就腍左d...豬軟骨都夠腍入味…湯底唔突出…烏冬同拉麵同樣都係過腍…蝦餅幾好味…可惜浸腍左…軟殼蟹係新鮮炸出黎…有3、4隻蟹腳…凍烏冬比湯烏冬更加爽而彈牙…撈混沉左係底既芝麻醬…甜甜地又開胃…朋友讚不絕口…雖然午餐時份要等位…但相信時間唔會好耐…因為大部份都係學生黎…趕住返學唔會久留…而且唔駛40蚊仲包埋餐飲汽水…真係超值…