千海水產海鮮火鍋放題

營業中

休息中

千海水產海鮮火鍋放題 (九龍灣)近排睇YouTube成日見到好多人去食海鮮原來香港有一間啱啱開張任食海鮮火鍋，好似係香港第一間添。屋企人最鍾意食海鮮，鍾意海鮮既今次梗係唔會錯過啦。都非常之難book位好多都full Booking ，最尾我哋都係book到平日嘅夜晚9:00，雖然呢個時段有啲夜，不過都無阻我哋任食海鮮嘅決心。所有食材都是新鮮撈上來的海鮮，包括鮑魚、基圍蝦、三點蟹、白蜆、草蝦、大頭蝦等等。除咗食材新鮮之外，我覺得呢個都係一個好好嘅體驗，因為係自己親自拎住個筲箕，去海鮮水池度自己撈你想要嘅海鮮，大大細細邊個款式任君選擇，幾好玩，好似細個喺度撈金魚。食材方面非常之新鮮，真係每一隻都郁嚟郁去，同埋唔使擔心污糟，因為你揀完海鮮，就即刻俾啲職員，佢哋就會幫你洗乾淨再送返去你嘅枱。大頭蝦好多膏，蟹都好清甜，啲蝦放落個火鍋湯底仲即刻跳起，真係鮮到十足，每一口都充滿了海洋的鮮味。除咗海鮮任食之外，其實都有好多多款款其他唔同放題，例如任食和牛，乳鴿，榴槤，西京燒等等。呢個價錢我覺得都算係真係好抵食，$300左右有得任食海鮮和牛，正👍🏻

經過海量YouTuber嘅加持，新開嘅 千海水產海鮮火鍋放題-九龍灣店 轉眼間已經變成港人嘅 #朝聖地 😉 當然 #小秘書 都唔執輸，一於試吓佢🤭 呢日人龍唔算長，加上可能係Weekday嘅關係，好好彩俾我哋攞到候補位✌🏻用餐時間只有120分鐘，要有策略喺最短嘅時間搵多啲食材返嚟慢慢嘆，當然要分工合作😉 朋友先出去揀海鮮，而我就留守負責落單、同點湯底😉 餐廳嘅主打係任食嘅 #即撈海鮮，大大個U型魚池，可以搵到 #鮑魚、#生蝦、#蟹 同各式各樣嘅貝殼食物，而且貨源都幾充足🍻 不過YouTube 片上面見到嘅原隻連殼生蠔🦪 就變成甩晒殼嘅蠔肉😅 雖然入口質素都唔差，不過就真係有啲失真囉😅 坦白講佢哋嘅食物款式係幾豐富嘅！除咗即撈海鮮，佢哋嘅 #火鍋料、#熟食、#甜品、#雪糕 同 #食品 都係任食任拎嘅🤤講返呢晚主打嘅 #海鮮火鍋，以放題嚟講，質素算係唔錯😉 洗完白白嘅大蝦🦐都仲係扎扎跳，落鍋嗰刻水花四濺、搞到我哋成班人都非常狼狽😅 大大隻嘅肉蟹🦀睇起嚟都幾吸睛，可惜放喺我哋呢班唔識煮飯嘅手上… 有啲嘥料😅 入口先發覺煮唔熟之餘，又搵唔到工具整開個蟹殼… 最後就只有得睇、無得食🤪 無限量供應

可能太好生意，開業冇耐已經要加價，明明訂位時見到晚市星期一至四係308一位，今日嚟到門口晚市見到係收318一位加一後係350一位。如果大家想排Walk in 就要留意啦，佢網上訂位晚市係分7:00同7:30兩個時間。店方嘅安排係先入7:00訂座，然後入7:30訂座，等7:30訂座入完，仲有位先會比Walk in，所以walk in 最少排半個鐘。海鮮方面都係KOL片中介紹嘅種類，但size偏細冇片入邊嗰啲咁大隻。今日食咗鮑魚同蝦同沙白，係幾新鮮，但啲沙白細細粒又冇乜味道咁，可能其他海鮮會好啲。生蠔變左冇殼既，唔係KOL介紹既半殼，個賣相差好遠。熟食方面，羊架同乳鴿幾出色，其他一般。今日眼見冇羊腩煲，但係有小龍蝦。甜品方面佢有H牌雪糕杯坐食，唔洗限人頭，呢個幾好。

近排係朋友圈傳得好火熱既~千海水產海鮮火鍋放題~，我終於食到啦。有book 位都要排隊入，1700 已經咁多人，好誇張。我目標係呢度既海鮮池，要喪撈海鮮。平時放題都係幾粒幾粒，幾隻幾隻上，我今日要成桶上，我既鍋要變成海鮮鍋。🤣😬😬點完椰子雞湯鍋底後，及不及待衝去撈海鮮海鮮。海鮮池有鮑魚、青口、三點蟹、幾款蝦、沙白、美國蜆、東風螺等等。👏撈完職員就會幫伙洗👍。大頭蝦勁多蝦膏，鮑魚彈牙，啲蜆都好新甜。食完一輪海鮮，出去自助區行下。 竟然仲有黑松露醬、煙三文魚、辣肉腸👍👍再拎啲火鍋配料，有我最愛既豆苗、皇帝菜同紫羽衣甘藍，仲有田雞同大大隻生蠔。唔好忽略啲牛都好好食，澳洲M5和牛同美國肩胛肉。成個飲品 corner，有珍奶、清酒、梅酒等等，又一櫃甜品，nice。好滿足，太多野食數唔哂。

今天去了千海水產的午市海鲜火鍋放題，之前在 App book 了枱，258 元食四小時。之後 12 月變三小時。見到這間超火红的店舖，好多人想試吓自己即撈海鮮。所以超多人，早了10 分鐘去到，但巳經要排長龍等入座。我想試龍蝦頭湯底，可惜是無提供。之後去撈海鮮，超失望，那些蝦是死的，午餐時段那些蝦已經是死的，那麼晚上會怎樣呢？我選了很久才選了些未死的蝦。所以我見到在熟食有兩盤炒大頭蝦和海蝦，這間店舖好叻將死蝦化成熟食比顧客食。可以廢物利用。而且鮑魚，海蝦，大頭蝦，都是無味的，蟹好细隻，又無肉和無鲜味，那些貝類都唔掂，無味。而熟食的乳鴿，係無味，牛舌好韌，咬唔倒。只有鵝肝多士和比目魚比較好，而且熟食唔熱的，是凍的。澳洲的 M5 和牛，竟然好差，沒有牛味。脆鲩魚片也好差，都係無味。飲品選擇都比較少，生果都唔甜，唔好食。總括這店，海鲜無鮮味，牛肉無牛肉味，熟食普通，所以食一次就够，無下次。

話佢係而家全城最紅嘅放題都不為過。喺淘大商場三期，呢間最新嘅海鮮火鍋放題，幾乎吸引全香港人嚟幫襯😂。佢主打自選海鮮任食。新鮮嘅海鮮，就擺晒喺自助撈海鮮區任揀任拎。據現場所見，除咗有三種蝦(大頭蝦、基圍蝦、草蝦)，仲有三點蟹、鮑魚、青口、花甲、蜆、東風螺等等。問題嚟了，海鮮種類雖然多，如果refill唔快，甚至缺貨，其實係冇意思。呢度好嘅地方，係會keep住補貨，無限量供應，而且都係keep到新鮮。呢度另一個好嘅地方，係職員會幫你洗乾淨啲海鮮，包括將鮑魚洗淨，將蟹切開，我哋食嘅時候都好放心。搞掂海鮮，就可以返埋位，可以揀湯底(我哋揀咗椰子雞鍋，非常鮮甜)，火鍋配料。其實自助區嘅火鍋配料已經多到好誇張，但肉類都仲可以用QR落單。以為咁就完？呢餐飯嘅精髓其實係誇張嘅嘢食。除咗火鍋，呢度仲可以任食- 鵝肝- 鰻魚- 焗蠔- 羊架- 乳鴿- 牛舌等等再加上自助區已經有小龍蝦、榴槤等特級熟食，其實已經唔會食得晒😂。咁當然係要飲嘢。原來仲誇張，一樽樽手工茶、珍珠奶茶、大量飲品喺冷凍櫃之餘，仲有手工啤酒、熱清酒、各式各樣果汁同茶…實在太誇張。仲有位食甜品？數唔到嘅雪糕同甜品櫃，楊枝甘露、巴斯克、朱古力

近期熱話香港首間即撈海鮮放題 ，即刻book位試試😂。聽講佢地最兩個月都full booking . 一到場勁多人係門口等攞枱 ，正門口有超大魚缸 內有多款海鮮❤️ 。環境光鮮 座位同自助區幾闊落。除左海鮮火鍋仲有其他放題燒烤熟食 QR落單。P.S 強烈建議食lunch時段有4小時食 時間充足 冇咁趕🦀🦐-海鮮- 當日有三點蟹，花蟹等、 大頭蝦 ，草蝦，鮑魚兩款蜆，青口 ，廣島蠔等。 撈海鮮位置幾乾淨 ,撈完海鮮 可比員工幫忙沖洗 幾整潔。海鮮好新鮮 特別係鮑魚，蝦 好生猛 肉質都好彈牙 大頭蝦更有蠔膏。蠔都好出色，幾大隻 漲卜卜👍🏻 可惜 蟹不算太大隻 但都蟹肉都鮮甜冇腥味。🐮-qr 落單食物- qr 落單 更有幾款火鍋肉類 ，質素都吾差 大大塊又有牛味 特別係澳洲M5和牛、 豚肉。熟食更有鵝肝 ，燒蠔，燒羊架，乳鴿等回本食物 選擇幾多。🍽️-自助區 -除左有勁多款火鍋料 同新鮮嘅菜外 更有冷盤 &熱盤 ：如煙三文員 火腿 黑松露醬。熱盤： 如小龍蝦，炸雞， 點心等。更有多款雪糕甜品 。

這家「千海水產」是近期最新最火的水產放題店。屬大喜屋集團旗下，所以部分食物和大喜屋、殿、牛站相同。之前在深圳吃過類似的水產餐廳，所以想比較一下香港質素如何，很期待，兩星期前叫老公提前預約。九龍灣淘大店就在donki上面。限時2小時，5:30-7:30，每位278再加一（不同時段價錢不同）雖然餐廳很大，但座位其實很擠🥲 桌子小小的，火鍋卻很大，還有一個菜盆、一個銀色小桶放海鮮、一包紙巾、一個骨盛，桌面已沒什麼空間放食物了。我們2人座很擠，3人坐4人位最舒適，4成人也會很擠。———————————————❤️熟食方面：（其實就是大喜屋那些）蒜蓉焗蠔：漏單，再下單等了很久終於來了2隻，我吃的那隻臭了🥲燒乳鴿：不錯煎鵝肝：好吃，很厚很大件，我喜歡全熟，大喜屋的太生了榴蓮：冷的，算甜，核較大燉木瓜：沒點但既然來了就試，還不錯榴蓮炸彈：我最愛😻——————————————❤️湯底方面：藥饍雞：藥味很淡，以雞湯為主——————————————自助區：有很多種類的菜，是比一般火鍋店特別的款式（西洋菜、豆苗、紅莧菜、冰菜、皇帝菜、水蓮、紫色大白菜⋯等）各種火鍋配料：水魷魚、黑柏葉、火鍋用大生蠔、雞子、田雞⋯

員工方面，海鮮區、自助區、站崗的員工都很友善而且願意幫忙。可惜負責收拾的員工非常差劣，其中一位負責收拾的男員工，居然以極惡劣的態度，多次口出惡言斥責站在通道上的多位顧客「你而家阻住哂條路」、「你阻塞交通」、「你阻住哂」x N次，即使顧客讓路後，這位員工亦不斷回頭指著客人說「你而家阻住我啊」。這位員工的態度和說話內容令人瞠目結舌，一位服務員居然會用這樣的態度對其服務對象說話，除了他本人需要思考自己是否適合服務行業，其上司也需要檢討員工培訓是否充足。否則簡直是「一顆老鼠屎壞了一鍋粥」，整間餐廳的食物質素多好，其他員工有多努力工作，也會被這類員工拖垮。環境方面，地下非常之滑，一不小心便會滑倒，老人家尤其要小心行走。建議餐廳職員需定時拖乾地板，否則顧客因餐廳不處理濕滑油膩的地面而滑倒，餐廳是需要負上責任的。食物方面，海鮮很生猛，也有很多選擇，沖洗速度快，非常新鮮。自助區的選擇也很多，尤其是蠔和墨魚，又大又厚身。甜品區的馬卡龍很快已沒有再補充，需要改善。

首間即撈海鮮火鍋店-洶大分店午市4小時火鍋，$278+1%（星期六，日）個人意見分享下食後感😅1. 即撈海鮮唔係樣樣海鮮都新鮮（只有👍🏻🦐🐚，🦀🤢🤢）2.牛肉好嚡就算滾幾秒一樣（如果鍾意食牛肉嘅人就唔好去，只有兩款牛肉選擇）3. 火鍋湯底超級咸，如果加埋店內提供湯底總咸（當日龍蝦頭湯底）4. 手機點餐種類少及外面取食物種類好少，而手機點食物係凍例如：牛舌串燒，燒蠔及比目魚及乳鴿都係凍，榴槤結冰溶雪中。5.手機點餐食物數量又送唔齊，落3件食物來1件食物。如果之前未去過內地即撈海鮮火鍋是可以試下環境方面：冷氣夠，抽風差😅食完火鍋後全身都有陣火鍋味😅😅職員服務收碟及垃圾都好快及有禮貌👍🏻

諗住訂枱打咗兩日電話冇人聽/唔通，Walk-in 去到職員話只接受預約，仲話成個11月都full晒booking,再問有咩方法/時間可以book因打電話打唔通，職員只答因為同時太多人打過去…..完。1星服務係比個職員嘅

第一次食嚐下鮮Book左1700-1900 場，去到現場的確好多人爆哂場。但真心有d 失望1） 海鮮有貝殼類（我唔知咩名），但無花甲有螺，有兩三款蝦，飽魚，青口，蟹（好細隻一睇就無咩肉所以我無拎）以上海鮮除左蟹同螺我無拎，其他食過都係無味！！！！OMG 實在令我驚訝2） 湯底叫左胡椒豬骨湯。胡椒味非常濃。其實個湯算係幾正。但唔知係咪因為咁所以海鮮更加無味，我淨係食到胡椒湯既味。完美蓋過哂所有鮮味，3）無生蠔，但有急凍蠔同急凍帆立貝拎，好厚肉大隻！不過都係果句：無味4）熟食ok! 款式唔多但係經典大喜屋水準。上菜都好快，唔會漏單5）好多店員，收碟同洗海鮮我覺得都好快。6）小心拎出面d 碗碟，我拎醬料碟果陣無發現入面仲有好多水🤢，加咗啲麻醬落去先睇到勁多水係入面🤢無辦法我實在唔想食洗碗水，唯有成兜比返個職員。7）牛肉好食既正常質素！不過我係為左海鮮而黎🙂‍↔️總結，嚐完鮮。下次都係食返大喜屋算喇P.S 用左會員優惠，埋單減左$20

昨晚星期六 無walk in排隊，第一次食。食物質數良好 食物種類一般打邊爐有的 佢地都有+上生猛海鮮 連加1 三百幾元，手機點單上菜速度算快。五點食到七點，六點半D侍應就已經叫人食快D 大部份客的爐都被人執走晒，我隔離張台個客 叫左野仲食緊 個侍應走埋去催佢食快D。我開始食甜品 被佢地清空左台上的爐 架餐唔緊要，但六點半已經收左我張咭埋單 到左我坐去到7點 等極都未等極佢地都仲未俾返張咭我。急住趕人走 埋單果個又慢，想點。依個集團所有放題餐廳都食過晒，依間六點半就收人爐趕人走的模式。講真去過一次 無下次

淘大千海水產平日$248加一 1200-1600星期六日$268加一，1200-1600建議大家裝飯團Apps做會員，新會員會有$20券或一個免費鴛鴦鍋同屋企人2/11去食，前幾日個電話打極都打唔通，好彩住得近，於是行落去舖頭訂位，要俾$500 CASH訂金,買單嗰時會退返$500 Cash俾你2/11 11:45 到達，有book 位都要排20分鐘入座，星期六日建議大家可以早啲去海鮮新鮮，鮮甜青口，大頭蝦，沙白，花甲，鮑魚，蟹，九節蝦，撈完海鮮可以交俾職員洗手機QR code Order 食品種類好少，有兩款牛肉：M5和牛&肩胛肉，牛肉好睇你彩數，同一款叫咗幾次，有啲好食有啲好瘦好嚡，仲有一款羊肉一款豬肉鵝肝唔錯，羊扒好嚡，燒蠔蒜蓉唔夠，榴槤係急凍嘅，乳鴿唔夠Juicy 同埋太多salt ,牛舌唔嫰，比目魚好滑，燒鰻魚都好食，椰汁燕窩燉木瓜ok 另外佢哋涼拌魚皮，雞腳，雖然有啲辣，但非常爽脆好食，另外酸蘿蔔，蕎頭都非常夠酸蔬菜好多款式，好新鮮，好嫩甜品細細件，都有好多款有Häagen-Dazs雪糕，係啲好少見嘅味道有公仔麵，烏冬，王子麵提供有生果，煙三文魚，黑松露醬自己畢飲品櫃有好多

Book咗位，九個人要分兩張枱，一張四個一張五個。已經提早打電話同職員講，想坐近啲兩張枱，但係佢死都唔肯應承，話啲枱好難安排。嚟到現場見到好多枱已經冇人坐。諗住同職員講聲，跟住佢安排咗兩張連number嘅枱畀我哋。但係兩張枱完全見唔到面（54, 55），完全傾唔到計。跟住仲要覺得我地好煩。又唔畀轉枱，職員（企門口個經理，金毛、男人）態度惡劣。本來搵到隔離枱可以調位，因為張單要轉，所以啲職員又覺得好麻煩，最後都冇調到。講真真係冇下次。食物質素一般，名過於實。龍蝦頭湯底沒有龍蝦味道，海鮮類別不多，沒有象拔蚌、龍蝦、魚類。在千挑萬選下，找了些海鮮給職員清洗，但最後又給他錯誤地（掉錯牌號）給了其他客人。