千福中日火鍋料理 (已結業)

星期二晚一行五人, 初次來幫襯叫左個海底椰湯底, 夠香夠滑又唔渴喉, 生蠔夠大隻夠新鮮手打雜丸拼盤就一般手打烏冬好夠滑, 值得一試有多款牛肉可揀, 當晚叫左兩碟牛脊, 夠滑唔錯另外都叫左魚生, 有甘蝦, 赤貝和三文魚推甘蝦和赤貝夠新鮮.當晚因為唔多客, 服務常算不錯, 反應夠快稍為地段唔多就腳, 不過一班朋友聚會, 環境幾靜, 一邊打邊爐一邊傾計幾好呀

成日搭車都經過漆咸道,見到呢間新開既邊爐, 睇雜誌都 ok , 就諗住 TRY 下.....個日同D FD 5個人去...一入到去..有D 諤然.D裝修好靚....無諗過打邊爐有D咁舒服既地方....因為好多地方d位都好窄,好迫咁....呢到都幾寬敞, d櫈好似梳件化咁..淨係個地方已經加分野食方面, 我地叫左個番茄薯仔牛腩湯....淨係個湯底都好多野食, 個湯好好飲...一般打邊爐都好小飲佢個湯底....係我個fd話好飲未 try 下囉...唔錯唔錯....跟住叫左牛牛...唔記得咩位..., 豚肉, 花甲, 3秒炸腐皮卷, 手打烏冬, 墨魚丸, "狗"菜餃等樣樣都好好食...特別係個牛牛..入口即溶, 花甲...新鲜,炸腐皮卷...正.....值得一讚既係湯底裡面既牛腩.....超超超淋....同埋栗米...超超超甜樣樣都好食....最後仲有甜品, 都ok....!!!本身已經係超鍾意打邊爐ga la....都試過好多間....!~!!呢間真係唔錯....雖然有 小小 貴...不過都物超所值既.....食物同環境都好好..岩哂一班 fd 去聚會......最衰無帶相機.....激死

新開張近近地黎試下,裝修好靚~走高格調! 放左d慈祥既佛像擺設~ 點心好精美,而且價錢合理! 點了蝦餃,燒賣,鳳爪,叉燒飽,牛肉腸粉(滑),咸魚雞粒炒飯(香),蜆介鯪魚球(正),咸水角,蛋散(正)......等等雖然是普通點心,但整得好味而且賣相精美~ 還有一些特別的推介點心都好好味!甜品芒果布甸同桂花糕料多而不太甜,十分美味!服務好好,店員主動(有酒店級服務水準) 可能是新店未有太多客人光顧,可以靜靜地食點心,唔似一般酒樓太噪吵! 如人多更可以預訂房間座位,下次試埋打邊爐先!!

星期四同個仔去試下依一間樓上既"酒樓"啦一入到去見到好靚既裝潢 waiter好好,好有禮貌講講食物先個叉燒包同牛腩湯河真係好好味真係想再叫多幾款試下其他野可惜個肚已經裝唔落喇唯有下次先啦不過我想講下d服務一入到去我就睇下張點心紙有咩食啦咁當我見到有d唔明想問下既時候有個大隻waiter(哈哈)就黎解答我啦佢好有禮貌 仲主動推介一d布特色既點心俾我試下但係係過程中 應該係個經理啦 肥肥地冇啦啦走埋黎 用一d好差既語氣同個staff講「你去睇番你個台喇...你走過黎做乜呀...番過去啦。」第一: 個經理根本冇可能係個客面前咁樣話個員工第二: 個staff根本就冇做錯 幫客人都唔岩咩第三: 我自己就淨係見到佢企係度 咩都唔做

今日公司突然齊人食飯，打算多人就一齊飲茶，本想行去”新星”，點知行過馬路時，經過收到一張傳單(見圖4_ $1 千福帶子餃)，就抱著半信半疑心態上去試試啦! 點知看見裝修，已經嚇了一跳, 裝修真係好靚!! 跟住我地坐低點左一堆點心(每樣一碟試試), 點知點心來時仲驚喜, 先來$1 千福帶子餃, 它那籠一件裝的帶子餃蒸籠真的很精緻, 很有突色(不過蒸籠太新, 應舊少少會更有突色)，再來 “粗麥流沙飽”, 外觀突別好有粗麥觀感，食到裏面, 真係有蛋黃溶流出來，正!!!跟住就鮮蝦菜苗餃(好大隻, 整得好靚)，XO醬蒸鳯爪(好有色澤)，山竹牛肉球，叉燒蒸腸粉(皮薄叉燒多，正!!)，香茜牛肉腸粉(同樣(皮薄牛肉多，正!!)，芝士蝦春卷 (因為叫一碟，不夠分，就叫員工幫我們切開，初時心諗應該係打橫切開每條3件，點知他們是向斜切，還幫我地放在碟上裝飾得好靚再上枱，真的直得一讚!!!!)，有機雜菌浸時蔬，瑤柱粉絲浸時蔬，桂花瑤柱炒米粉(它炒的米粉+粉絲很好味，正!!!)，馬糞海膽炒飯 (它不是用冷飯炒，初時都怕佢炒得唔夠乾身，點知一食時發現它炒得很乾身及好好味，正!!!)………..心諗, 這間餐廳不止裝

之前見雜誌介紹覺得裝修好靚..唔同部位既牛肉又好吸引, 巳經想去試.今次仲加埋張8折coupon..於是即刻call齊喪食兵團..一行10人出征尖沙咀...星期日晚市唔算太多人..經理見我地10個人..就俾咗間VIP房我地班嘩鬼....間房真係幾鬼大..仲有個小偏廳...好啦..開始講下食物先..我地叫咗一個北海道牛奶魚湯...超濃香..連加湯都係加番牛奶魚湯ga..一個生果湯底..清清甜甜..幾得意..我地呢班牛魔王先叫咗兩碟牛肩脊..嘩..超勁滑..入口即溶..依家講起都有d掛住添..跟住再加多碟櫻花牛粒..同邊位..經理話我地order咗咁多牛肉..可以叫師傅即席切俾我地睇..咁得意..咪睇下囉..師傅推住架戰車入嚟問咗我地既口味..跟住就攞咗一舊好大既牛肉出嚟切啦..感覺好新鮮..魚三角..連唔鐘意食魚既Daniel都話正..日本象拔蚌...比加拿大既甜d..雲吞..肉太多...又細咗d..食唔到有蝦...仲有鱷魚腸..,聽到都驚...佢地食完話好爽..好好o趙...雖然$330好似貴咗d...不過食完之後又好掛住d牛肉...係值得既..仲有d北海道牛奶魚湯....

是日係女朋友生日....本黎諗住搞下d驚喜俾女朋友...不過經理話搵唔到蠟燭~咁唯有放棄...但點知最後上果盤既時候...個經理上左碟切左心型既西瓜...同d staff又唱埋生日歌咁都叫有少少驚喜~食個方面我地order左個牛奶魚湯~~~個湯幾好飲...真係重奶味~湯入面d料都幾多下order左唔係好多野食..但都幾飽另外牛肉真係同出面個d唔同....佢分哂位咁....腍得黎又重牛味...幾好食d staff 都好有禮貌....但就係跟得貼得制...成日都係到睇~~幾個都係咁...行過又睇下....其實我唔知佢睇緊乜睇得出呢間野係行d高檔d客路想平就係呢間搵唔到架喇總括以言~~都幾ok~

貴到無憐, 有好多特色野但根本就叫唔落手, 特色野平均$200-$300, 普通打邊爐野$40-$80, 例如雲吞就$38/8粒, 午餐肉一碟六塊收$40, 一路食不禁一路笑, 笑自己太天真太傻, 咁貴都唔起身走, D又唔你特別好味,又冇意想不到嘅特別服務, 最慘係只得細支啤酒供應, 要$32/支, 汽水$18/支, 食個神華麻辣鍋, 本地牛, 幾碟無聊野, 埋單每人3舊幾, 大力推薦比D要洗黑錢朋友去, 食一萬幾千都...由如過眼雲煙......神華麻辣鍋 都ok辣,因為辣椒任加本地牛 just OK雲吞 太細粒午餐肉 同屋企嗰罐一樣, 冇過期雞子 全晚真係抵讚的一個Item, 好少地方有咁新鮮, $88/10粒.