千賀水產の鮮鍋道場 (已結業)

上次來過千賀水產吃午市火鍋自助餐，真的吃過番尋味，今晚一於來吃吃晚市自助餐啊！原來晚市的自助餐一樣地抵吃，除了有火鍋外，還有跟餐的海鮮盛合、象拔蚌五品刺身盛、極度尚安格斯牛小排、雙目海鮮滑，及醬爆手打薑汁貢丸。我們選了波士頓龍蝦鍋，要另加$80的，如不夠吃，仍有一張追加表，可免費追加火鍋料，及一張自費追加表。除此之外，大家也可出去自助餐區任選美食啊！有沙律、熱葷、壽司、火鍋配料、甜品、飲品........供任君選擇。要一讚龍蝦湯底，非常入味，配合蕃茄一起煲，更帶出龍蝦的鮮味，不妨一試。而海鮮拼盤品種多及鮮甜，刺身也很不錯，最喜歡是象拔蚌，十分鮮味。牛肉很稔，不會滾到很硬啊！縂括來說，海鮮刺身新鮮，食物種類齊全，飲品也多樣化，特別喜歡榴槤雪條的齒頰留香，及螺頭雞湯的足料火喉。

今日到銅鑼灣行街，朋友已經訂好枱食飯比驚喜，食火鍋放題，仲係不限時，行到去酒店門口，心感奇怪，酒店內有火鍋放題？每次到酒店都係自助餐，第一次到酒店係食火酒放題，好有新鮮感！入座後看餐牌好多湯底選擇，我們選擇了胡椒豬肚湯，但湯底比較遜色沒有胡椒味，跟住職員好快手已經上了刺身，海鮮，小牛排，魚滑，墨魚滑，薑汁貢丸 。。。嘩！唔洗諗已經有咁多美食係面前👍🏼先食刺身，不過不失還可以的跟住食個海鮮盆，海鮮新鮮，蜆及蝦好鮮甜貢丸好特別，內有皮蛋加薑汁的醬汁魚滑有小許魚腥味墨魚滑鮮甜枱上的食物差不多食完，再搵職員添加其他食品，海鮮蝦，海鮮蜆 ，貢丸，魚皮餃 。。。更多更多美食， 最喜愛每次加餐份量，由自己決定，咁樣就不用浪費太多食物，值得一讚，跟住進攻出面的美食飲品好多，有汽水機，果汁機，茶，咖啡，檸檬茶，還有四個飲品雪櫃，任君選擇蔬菜，魚蛋，響鈴 ，山竹，還有很多很多美食，壽司 ，沙律吧都有，真的應有盡有，飯後更有一個雪糕櫃 ，多種雪糕選擇， 我朋友吃了兩支好特別的黑糯米雪條，我選擇了吃大腳板6:30入座，食到9:30，真的好滿足

經常要加班，終於今個月公司目標達成了💪。上司萬歲👏慰勞我辛苦付出，約今晚去食放題😊。近近地就公司附近，選擇時代廣場後面，智選假日酒店3/F「千賀水產の鮮鍋道場」盡情享受一下啦！原來這裡可以食足6 小時嘅放題，只不＄268😬今晚可以慢慢吃啊！先來一碟有5種刺身，急不及待品嚐，入口味道鮮美好味😋，甜蝦大大隻👍店員再送來碟海鮮拼盤，鮑魚、帶子、蝦、蠔、魚、青口、蜆、樣樣有些，啱晒我啲眼闊肚窄嘅人😍再加送來安格斯牛小排🥩，係我嘅至愛😘我點了湯底是冬瓜雞白鍋，鍋中放入很多雞件提升湯底濃郁味道，蜆隻隻開口，食落鮮甜😋食完一輪海鮮，係時候食下熟食😋食到超飽，明天開始又要再努力減肥！🙈

係酒店裏面嘅餐廳打邊爐都算係第一次估唔到雖然係酒店但係價錢都幾親民火鍋放題都只係二百幾蚊一個人環境舒適寬敞 唔單止坐得舒服而且熟食 火鍋配料 飲品 甜品 都應有盡有食物擺放位置衛生度高令人食得安心 而且選擇真的超多今次嘅湯底揀咗黑蒜豬骨湯 味道香但係湯底清 非常正店員會按人頭安排首輪嘅特色食品分別有旬之海鮮盛合象拔蚌五品刺身盛極上安格斯牛小排雙目海鮮滑同埋非常有特色超推介嘅手打薑汁貢丸！同一般嘅丸非常唔同出邊肯定食唔到薑汁超濃郁實在令人回味海鮮拼盤入邊有鮑魚 大蜆 花甲 海蝦等等全部都非常鮮甜 質素非常高之後我哋仲追加左羊肉同埋肥牛係無限添食架即點即到 極滿足呢！而且肉質都好鮮嫩 絕對冇欺場

說過每星期都要食一次放題的我，上星期病了，停左一星期，哈哈~~今次幫襯銅鑼灣呢間一次過滿足哂三個願望的放題~~點解揀呢間? 1. 地點: 銅鑼灣搭車方便2. 3種吃法: 剌身, 火鍋(靚牛), 熟食, 係3樣野都夠多款同睇完OPENRICE覺得好正~3. 抵呀: 平日夜晚只係268，去到個阿姐話完來仲可以上網買票再平D!!!佢係於HOLIDAY INN的3F，尚算易搵~一出LIFT就見到~店鋪都幾闊落~枱大~坐得幾舒服!坐低唔洗傷腦筋，佢自動送上剌身，海鮮盛同靚牛(安格斯牛小排薄切)上黎，我只係揀左個波士頓龍蝦鍋(+$80)就可以好快開得餐~~呢個MENU就係無限追加的火鍋配料~但我真係眼闊肚窄~~呢度真係太太太多野食，同埋樣樣都咁啱食，我呢晚食左佢份牛肉, 海鮮, 出去拎左D菜, 同埋食左好多小食加熱盤就叫唔到火鍋配料了~~一定要黎多次先食得哂所有野，我懷疑一個大男人都未必可以一次試哂佢咁多野食呀!!!炸物幾款~~響鈴魚片任你夾~呢度係有大量BUFFET熱盤囉!!有一大條石斑、炒大蜆、炒蟹等、芝士蝦伊麵、泰式蔗蝦都有~~~其實只係熟食已經係平時去酒店食BUFFET咁多選擇了~!冷盤小

「5.5 小時任食海鮮肉類及過百類自助火鍋」首先，無限添食嘅食物只有美國肥牛、美國豬肉片、雞件、羊肉片、鯇魚片（但係冇晒，咁星期日 peak hour 做生意就唔應該咁啦，我地係7:30pm 去，唔係深宵時段）、鯇魚腩、（唔）鮮蜆肉 （仲好多沙）、（唔係）鮮海蝦、水餃、墨魚滑、鯪魚滑、蟹柳（當然係麵粉做最平果隻）、牛拍葉、魚皮餃、芝士魚皮餃和貢丸。冇架啦～ 冇刺身任食。海鮮會送一碟（按人頭計），之後要追加比錢，但係唔需要加錢，因為有沙、唔鮮甜（又未至於霉嘅）。 同樣，刺身都會送一碟，之後追加要比錢，但都係唔會追加，因為刺身唔肥美... 冇鮮味。有一兩三款 hea 做嘅壽司比你任攞。最好咪就係熟食，但係呢個係火鍋店，我要熟食就去酒樓叫小炒啦。唯一好處？可以食好耐，基本上唔需要等位，飲品款式夠多，雪糕？Ehh... 有Nestle 囉，好過冇嘅。總之，冇下次。咁嘅加錢，其他地方都做得好過佢。

今次食千賀水產の鮮鍋道場, 食材及新鮮度都好嬴了元朗店了。  可能係新開張, 所以食材非常之新鮮好好味。 龍蝦湯底打邊, 原隻大大龍蝦,  湯底好鮮甜, 濃郁.......色澤分明的肥牛, 唔等你啦, 食左先.....新鮮海產拼盤, 無得拒絕了, 一定要叫, SUPER 新解喔! 今次千賀水產の鮮鍋道場, 蝦真大大隻, 無得頂了吧......在銅鑼灣, 環境是不錯了, MENU選擇多, 基本上係食不完的了。始終在港島區, 位置及服務當然不能差了。  不過在銅鑼灣泊車真的煩惱事......最好有泊車優惠就最好的了

由千賀新開張來過數次,今年2018年是第一次來吃中午,原來已改變了,有自助餐加10蚊又有火鍋,真係多了選擇可以食多D,涼瓜牛肉啲牛肉好霖和好入味其次是凍虾估唔到啲肉好爽甜最差就係啲壽司見到都唔開胃,好似隔夜再隔夜,好心唔好攞出來擺,影響晒我D食欲

最能治愈工作壓力及疲勞的莫過於大吃一頓。今次趁有團購優惠去了銅鑼灣吃鮮鍋放題。午餐的性價比更高，食品選擇豐富，有沙律吧、蔬菜吧、甜品吧、壽司吧、而且都OK新鮮，多種湯底可以任意選擇，飲品種類繁多，啤酒更是任飲，唯一定要吃兩個小時以上才可以夠時間全部品嚐，所以緊記要預留足夠時間。如果仍嫌未夠的話，還可以優惠價錢追加特選食品。小鮮肉、大鮮肉，一片又一片送進肚子裏，大滿足啊

時間：星期六中午事件：1點未夠，放題bar 已經無咩野食。咁為有等出食物啦⋯⋯一等再等，眼見蒸雞得返頭&尾、蒸魚剩下骨位的‘肉’。根本就係極度餸頭餸尾最後為有食凍蝦&雪條。重點：當我等到差不多夠鐘（實在係無野食），諗住食埋支雪條走人。有個態度好很差的女侍應走來話，張枱過左時好耐。重要大大聲講，啲人‘唔趕’唔走嫁。自己間店無野俾人食，就唔去改善/了解，反而‘趕客’。 尼啲態度好到無朋友的員工又唔炒。如果大家想俾錢買難受，真係好值得一試。

在 FB 見到呢間酒店內火鍋店，中午 buffet 任食超平 ， post 啲相片都幾吸引，重要係 88 蚊任食…… 心中懷疑是否真架 ? 當然要有犯險精神啦 搵咗星期日試一試 ，星期六及 日 ， 每位要加 $10 ，即 $98再加一，價錢太合理啦 ，當中大部份食客應係團購 。先講地方，其實擺放食物地方較迫，人太多，較難攞食物 ， 因限時 75 分鐘 ， 所以都幾趕，食物種類是幾多 ， 前菜，熟食 ， 沙律，甜品，飲品，雪條，重有大量火鍋之配料任取 。今天我係選擇 $98 餐 ， 選一個主菜…… 其他食物任取 ， 當然可選火鍋 ， 都係選一種肉類…… 其他任食 。價錢會有些不同 ， 其實都係抵食 ，如果胃口幾好，食火鍋都 5 錯架 。其實任食已經好飽 ， 講真，質素真係 5 差……當然以這價錢論，refill 都快 。 埋單平均每位 $108 ， 去飲茶都要啦，還有就係食物選擇一定多過酒樓 。順便一提…… 炸魚皮 ， 超乎預期 ， 係新鮮炸起，食時還是暖的，幾鬆脆 ，味道剛好

位於銅鑼灣中心地帶，落座時代廣揚附近，位置優越，同時又可以行街購物又可以食到肚滿腸肥，價錢超值，多款美食任君選擇，新鮮可口，有肥美的肉類，鮮甜的海鮮，同時各式各樣甜點，甜甜蜜蜜的糖水，凍凍冰棒及雪糕不停地供應，各式其式冰凍的飲品都是多不勝數，而地方企理乾淨，環境寬大，寫意地品嚐牛肉豚肉海鮮火鍋，任飲任食其他美味的沙律、油香味美的中式及炸香的日式菜，使食客必能盡食而滿足，最後飲杯紅茶或咖啡，使人精神爽利，儘管外面天色紛暗，烏天雨下，濕度升高，人們更要盡情享受美味，歡樂趣，離別苦……就中更有增美食，惹人香氣富口福！午市火鍋自助放題，任飲任食60分鐘，牛肉，豚肉，羊肉及多款海鮮供應，沙律，中式，港式，日式菜餚都有，飲料種類繁多而服務員都到位，不停收拾餐具及增加火鍋湯底，值得讚許，價錢公道，底食之選！

見佢係食評上都幾多人讚, 咁一大班朋友就去食下啦, 6:15入到去都算多人, 到7:00枱都差不多滿, 行去座位時, 見佢有D炸物都幾得, 咁外面有好多不同嘅雪條食有D仲係韓國牌子, 飲品, 佢最好嘅係5.5小時任食, 作為一間放題平時約約得2.5小時或者多一點點, 呢間就真係好豪氣,唔使傾計得唻又食唔到, 如果以時間唻講佢大大勝出, 而且價錢都係300蚊到, 計埋地區抵到不得了! 講一講食物先我地叫加錢叫咗個龍蝦湯底同埋人參湯底, 龍蝦湯橙橙地色, 你見到會好想用唻食牛肉或菜吸哂佢嘅湯汁, 但最估唔到佢個人參湯底吸菜菜方面正好多, 另我好想食好多菜, 而食物方面佢會計你人數比番適量嘅海鮮你, 加埋有羊,牛, 豬肉,特別一點嘅丸等, 仲有盆刺身, 食完其實都差唔多飽 , 仲有7:00時段會出炒蟹, 味道好好味, 不過佢個蟹肉質有點林,刺身方面就唔太新鮮, 因為我係好鐘意食蝦, 但我食咗一隻都唔太想食多隻落去, 呢個希佢會改善, 但其餘就好好喇

今天一行十三人來了一個大聚會，選址千賀水產，皆因先前有位朋友來過幫親，覺得十分抵食，於是推介。我們全部叫了火鍋放題，價錢$98 + 10%，牛羊豬雞，可任選兩款，由於我們人多，所以可以四款都可以要齊，全部肉類爽滑，完全沒有雪味，正！其他火鍋配料及熟食，飲品及甜品，在自助區任飲任食，這個價錢來説，抵食吖

一早約好同朋友嚟食，一早就已經book好枱，點知約會前一日至知佢有團購，就打電話佢問下可唔可以改，點知，佢話可以，太好了，每人可以平多2x蚊。我地就將果2x蚊用左變左個龍蝦湯底，估唔到慳有龍蝦不過，鮮味就欠缺好彩佢包海鮮，我地放晒海鮮去煮，湯底都總算有少少鮮味，不過本人覺得用其他湯底會更好。海鮮有好多款，鮑魚大大隻，也刷得好乾淨，其他海鮮也不錯呀，估唔到團購也會比上等的海鮮，如果唔夠食仲可以再加，當然某些海鮮係要自費，可能得3個女仔，食完海鮮同刺身已經飽晒，雖然見到出面仲有好多美食，都食唔到了。