半島冰室

營業中

休息中

推薦香辣酸菜手撕雞米線酸酸地辣辣地的米線夠過癮雲吞好大隻，肉餡新鮮不過餐廳要排長龍，昨天11：30am，天空下著雨，但是不妨礙大家的熱情。除了味道不錯，相信是因為是日午餐的餐牌每天都換，抓住人們獵奇心理。我們還點了招牌豬扒飯，門口已經有大大的圖片展示，決定必須要吃。沒有失望，這是比臉還大的豬扒，豬肉多汁又彈牙，炸得剛剛好。免費配一杯熱飲（咖啡奶茶檸水檸茶）因為這家店很多顧客，所以無論是上菜還是結賬，都非常快呢

半島冰室一直都非常之爆滿，但有一日特別想食佢嘅pancake早餐，所以都唔介意等。佢一般會在門口分為兩條隊，排完第一條，會被安排到第二條。上次很可惜，下一個已經到我，佢過了早餐時間。今次以為終於可以食到pancake，奈何我們有三個人，最後還是與我的pancake擦身而過🥺🥺最後食了他的茶餐和午餐。非常之喜歡他的龍蝦湯和蝦意粉！ 午餐的牛扒也不是平時茶記的cheap cheap牛扒，性價比是高的！豬扒就略嫌鹹，不過口味因人而異。總括而言，還是會繼續幫襯的！

今日食人氣飯店外賣自取，位於炮台山的半島冰室， 真係任何時間都要排隊， 好在我地住得近， 打完電話叫外賣， 就行去攞外賣。 去到門口， 都排左約20人， 真係好犀利， 無他嘅， 咁又真係好好食。是日午餐生滾薑絲活紅蟹肉碎湯飯韓式香煎15吋特長豚肉眼配醬油溫泉蛋飯鑊仔牛柳配香煎魚柳意粉生滾薑絲活紅蟹肉碎湯飯， 呢個蟹肉醉湯飯， 真係超好食， 成隻蟹放喺外賣碗上， 湯飯超鮮甜， 蟹身多肉， 蟹味鮮甜， 勁新鮮。韓式香煎15吋特長豚肉眼配醬油溫泉蛋飯， 呢個有少少失色， 豚肉煎得較乾身， 味道尚可。鑊仔牛柳配香煎魚柳意粉， 牛柳肉嫩， 有肉汁， 配上黑椒汁，非常野味。

超人氣既冰室，一點黎到已經大排長龍。我自己一條友可以搭其他人枱都要排15分鐘。今日無龍蝦，叫左個常餐豬膶麵幾正，夠多薑絲下次可以試下頭等餐😎可以留意下佢地既social media有最update既資訊。

呢間排隊名店，以CP值見稱，價格相宜，但份量大，所以今日都排咗半個鐘頭食早餐。嗌咗個三餸公仔麵，上枱時夠晒熱，紅腸、牛肉、煎蛋，仲好豪華咁加咗個出前一丁麵，丁麵嘅硬度非常啱我，不是腍啤啤的角色，紅腸方面亦都有香煎過才放入麵度，是一大驚喜，紅腸邊脆口兼有咬口。牛肉夠嫩口，數量亦多，食得出係新鮮貨，有肉味。煎蛋邊脆口，蛋黃有流心不是全熟，飲品的阿華田，落粉亦都夠多，夠晒慷慨。睇得出廚師冇將貨就價，廉價的價錢亦食得出高價的味道，所以排幾耐都值得。

朋友屋企附近有間高質冰室，所以我地成日去幫襯，最緊要雖然係茶餐廳但都有健康嘅選擇！呢個「韓式海鮮豆腐泡菜湯烏冬」真係又健康、又好味！有大大隻蝦仁，但一啲雪味都無用嘅蜆係連殼，好鮮甜，而唔係hea你用一大堆勁有雪味嘅冷藏海鮮。其實，香港仲有好多唔起眼嘅小店，都好有心做啲高質食物食完呢碗烏冬，諗起其實大家都可以試吓係屋企煮。只要將泡菜加入任何湯底，都即時升級咗，最重要係泡菜唔肥㗎，雖然高鈉咗少少，不過最緊要食得開心

🧚🏻‍♀️因為吃貨嘉嘉係附近返工，大大話話都喺半島食咗起碼百幾次外賣🤣🤣🐒 真係超級推介👍🏻（唔好食都唔會食百幾次啦） 🥯🍝🥩無論早餐、午餐定下午茶都好好食！📍吃貨嘉嘉小貼士：記得去佢社交平台睇每日lunch餐單呀～仲有：佢地6:00就收工，唔會有晚市🪄私心推介🌞早餐： 咸牛蛋治、蕃茄排骨（豬軟骨）湯通粉、黑松露炒蛋多士、豬排🌝午餐：每隔一日有新餐單～不過龍蝦泡飯、牛西冷、冬陰公、蕃茄蛋花烏冬係最愛（一見到就會叫）🧋下午茶：流心芝士豬扒包、公司三文治、炸雞髀、炸雞翼都好鬼好味🐂呢個咸牛蛋治超級juicy,份量好足，每一啖都肯定會食到蛋同咸牛肉，一定唔會食食下變咗食包🥯🦞龍蝦泡飯係可遇不可求呀～老闆有時會入啲新鮮龍蝦返黎，加埋肉碎真係甜到爆哂燈！🍜呢到嘅冬陰公唔太辣，你係唔會諗到一間茶餐廳可以連冬陰公都調味調得咗好味🧏🏻‍♀️用料同樣十足冇呃你！去北角嘅朋友仔一定要去試試，半島冰室簡直係我嘅飯堂呀🤣🤣🧚🏻‍♀️⛑帶返個頭盔：吃貨嘉嘉好挑食，以上食評都係根據個人口味🙉

知道今日會去北角做嘢，我連午餐都唔食，就係因為要食半島冰室。皆因有住北角朋友極度推薦，話所有嘢都好好味，所以留肚諗住食餐勁。四點鐘到埗需要排隊，不過都係排第一，所以五分鐘就已經有坐。千挑萬選下我點了兩個下午茶餐，一個榴連西多士，另一個招牌潤牛麵加沙律。潤牛麵湯底偏咸，麵底係普通即食麵，牛肉勒，全個麵唯一可以讚就只有豬潤，鮮味夠滑。榴連西多士，切開西多士內裏有白色的流沙狀東西，但入口只是淡淡榴連味，味道不濃，估計是榴連醬之類，並不是榴連肉。沙律只是等閑貨色，沒什麼好說。食後有一點失望，其實都只不過一間冰室姐

炮台山CP 最高的茶餐廳。每次經開炮台山都會掛住半島…冰室。原因係佢d 份量多，味道唔差，唯獨是永遠都好多人排隊。基本上太多人排隊我都緣慳一面。睇住佢由細鋪，到裝修變大鋪，由唔多人到超多人排隊，味道仍然keep 到水準，叫值回票價。留意返佢只做日間時間，晚間佢唔開門。同埋要有心理準備係食快餐，食完要交台，人多關係。早餐同下午茶，我就覺得最高CP值。今次我食「蜜汁叉燒公仔麵配炒蛋蒜容牛油方包」最開心係佢叉燒多數都係半肥瘦叉燒而且都大件。奶茶都沖得唔錯用黑白淡奶，茶味都香濃有茶味。

入石澳前醫醫肚，黎到朋友不停encore嘅茶餐廳~ 估唔到平日2點鐘黎到都好多人排隊。下午茶選擇超多！有大大塊嘅吉列豬扒意粉、扒丹佛芝士三文治、厚多士、炸雞脾、榴蓮涼粉冰等等。仲有型男、索女、頭等、商務，四款招牌常餐~🍴下午茶 1400-1800套餐均奉送絲襪奶茶或忌廉咖啡▪️半島公司三文治 $41吐司每一塊每一面都烘得好脆！夾滿生菜、蕃茄、午餐肉、火腿、芝士、煎蛋，配埋酸酸地嘅秘製沙律醬 基本上係不敗組合。塊包仲唔會比啲餡料整到濕左腍左，香脆依然。▪️芝士煎蛋豬扒包 $32係半溶芝士呀！麵包經烘過，軟熟有咬口。雖然豬扒包望落乾乾地，但豬扒毫不乾柴，加埋煎蛋同半溶芝士，食落比想像中濕潤。略嫌芝士味唔夠突岀，但勝在夠熱！熱辣辣嘅豬扒包真心無得輸！

🤍拿，難得一早起左身，唔去食個靚早餐對唔住自己個肚啦.ˬ. 好掛住茶餐廳奶茶，幫佢影左個特寫des!!! 本身係好想食佢個茄牛通，不過今日個mood係麥皮架啦～好鍾意佢夠滑又唔係好甜‪ᯅ̈雖然話係養顏不過我就冇乜點食啲雪燕.ᐟ.ᐟ30蚊就有熱飲多士同麥皮，好耐冇食港式茶餐廳嘅朋友們可以過去嘆下，落單同食得都係2分鐘嘅事~不過朝早都真係好多人，係出面等左10分鐘‪𓂃𓈒໒꒱‪𓏸好耐冇認認真真咁食嘅早餐，大滿足dessss!!.半島冰室 (北角)北角炮台山宏安道14-28號威德閣地下2號舖

嘩。。。上個星期六去咗半島酒店，今個星期六終於黎左半島冰室 食下午茶。之前次次經過半島冰室唔係休息就係見有人龍，唔想排隊就轉左場🙈今次終於聽老闆話等一陣好快就入得，排了約15分鐘就入得去啦🤭叫了出名嘅芝士煎蛋豬扒包 $35， 果然好味。另叫了公司三文治 $44及加了粗薯條$12，味道較普通，份量十足抵食到好飽！奶茶香滑👍 最後只食了半份公司三文治，另一半要打包走，又成為我們的晚餐🤣🤭食完又逛逛睇舖😎#半島菠蘿包賣晒下次要早來食#炮台山美食 #宏安道#Cherry攻商鋪🍒#MagicCherry攻飲食🍽️#飲食情侶🍒🥰

係炮台山附近都好少可有茶記咁平，仲要咁多人排隊，除咗價錢平，食完都知質素真係唔差！！今次揀左忌廉芝士雞球意粉，個包裝都幾得意，焗完放落外賣盒，所以都唔怕熱😃個雞肉味道唔會太濃，唔會焗完就鹹左，意粉同汁都夠，洋蔥焗完都夠冧，不過就淡左dd，只係可能焗定，所以個意粉就有少少開始淋，但就夠熱夠香既37蚊加埋一杯熱飲，想加多個印尼撈麵/出前一丁都係幾蚊，再唔夠飽都唔驚😂😂難怪下午茶去到堂食會不斷排隊

經常性滿座及排隊的半島冰室，以呢個咁抵的價錢，食物質素真的很高，很用心。平時打去叫外賣，態度又非常之好，係一間有良心又好食的食店，難怪會有咁多回頭客。平時叫得最多的是下午茶，芝士煎蛋豬扒包、炸雞髀配紅豆冰及撈麵、公司三文治、煎豬扒飯等等，全部都好好食，十分推介👍🏻✅ ✅半島冰室早餐的種類很多，之前試過歐陸早餐，味道也很不錯，但就還未有機會食過傳說中的早餐蕃茄湯通心粉，據說平時早上七點前已經賣完。

Basically their everything is good or excellent so it has amassed a huge fan base, which is basically the only bad thing - queues at all times. As a result takeaway is necessary to save time - which is probably their only other issue where they still use styrofoam packaging…Can’t possibly comment on all their food items which change every two days or so, so this one is based on this menu:Set A: altho it’s not technically fried rice as advertised, still perfectly done. The egg is silky, the bbq m