半島冰廳

營業中

休息中

今朝去食早餐，點知佢又同我落錯單，講完又講都唔知自己衰咩🌚🌚，之後又漏單，等到隔離個阿婆新黎嘅都已經有三文治，我都未有，我就知死硬，佢肯定取消個多左嘅三文治，又取消埋原本嘅😮‍💨😮‍💨😮‍💨好嬲，不知所謂，仲要一句對唔住都，食到最後，先記得佢地又唔記得左俾埋杯熱檸水，我已經就走就問佢地有冇得拎走，要收2蚊囉！係唔係痴左線，就係一個外賣杯，仲要本身係佢地嘅錯，懷疑佢哋亂咁收，張電子單仲要冇記錄係外賣收錢🌚總之，服務真係好垃圾，仲要好迫，唔好再食，成肚氣！

今日收工屋企冇煮飯，所以就近近地屋企附近半島冰廳食飯,坐底睇下餐牌見到有梅菜扣肉好耐冇食,所以就叫你試下,唔知係咪新鮮煮出嚟食落口，入口有即溶感覺,同埋有菜底唔肥,同埋少油,一個人放縱下必備

經過餐廳諗住買豆豉排骨飯返屋企食, 返到屋企食咗兩啖飯, 一咬舊排骨, 點知係生既, 嚇到立刻吐出黎, 成盒飯,有一半排骨都係生, 蒸都無蒸過,又唔肯退錢,只係換盒新比你,水準超差,服務又差, 唔會有下次,超中伏

話說個日7:11落完單，等左差唔多20分鐘左右。見遲過自己入來的人都食緊，唸住叫個哥哥仔幫我睇下。點知一入去就聽到廚房鬧我：個個都趕時間㗎啦，咁趕唔好食啦。 洗錢受氣嘅事我係唔會再做😂

今日行經沙田圍，覺得餓於是入咗去呢間充滿時代感嘅冰廳。一入去坐咗响廚房附近，聽到餐廳啲職員一邊做嘢一邊高唱啲懷舊廣東話好正。講返啲野食，今日我同老公點咗份迷你下午茶乾炒牛河同一份我至愛嘅豉油雞髀+奶油多（半份）。乾炒牛河不油膩够乾爽，豉油雞髀都唔差，但奶油多就乾咗少少。價錢方面算性價比高，兩份埋單$77。

今日去行山之前要食個豐富嘅早餐所以就去咗呢度食 呢度早餐幾好可以去到1130 真係可以瞓飽先落嚟食 又唔洗趕頭趕命除咗基本嘅早餐set之外 佢仲會有每一日嘅限定早餐 配唔同味嘅出前一丁 都幾抵食呢度嘅環境都幾乾淨企理 難得茶餐廳可以keep到整潔食茶仔最緊要係杯奶茶 呢度嘅奶茶唔錯幾好飲 奶同茶嘅比例剛好

今日又來到沙角邨搵嘢食，朋友介紹呢一間半島冰廳，佢話佢成日都嚟買外賣返屋企食。今日就嚟試試入到餐廳幾surprise,啲裝修幾得意有花過心思， 估唔到而家喺屋邨嘅茶餐廳都咁有玩味睇一睇個餐牌，淨係下午茶都好多選擇，花多眼亂。不過今日就揀咗普通嘅炸雞脾，半份細多士，熱奶茶。炸雞髀新鮮炸起，味道普通，不過唔會揸到好乾，但略嫌唔係好夠味要加啲鹽，半份西多士亦都係好新鮮，正正常常，呢個價錢算係咁啦！下次要試吓佢哋其他蕃茄通粉餐先

唔想公公婆婆行咁遠叫佢哋近近地揀一間婆婆話 之前喺另外一間金x食完 要勁飲水我話食清清地 就得ga la最後就選擇左半島冰廳兩位老老都食得唔多就叫咗兩個客飯最後我包底🥲🥲 媽呀 好飽呀～先來碗 例湯～都足料煲 木瓜豬骨湯唔記得影碗飯 佢碗飯好大碗土魷蒸肉餅+豉汁蒸倉魚婆婆都buy呢間野話蒸肉餅整得幾好食 味夠條魚蒸到啱啱好熟平時街市買餸 條倉魚size都要$45以上個客飯$71 都算係咁最後埋單$144三個人來講算抵食

好耐冇食下午茶，帶個仔去學踢波，有一個鐘空檔，就同太座去Tea吓，咁啱見到呢間門面都唔錯嘅冰室，入去high吓先!見都幾多人食，應該唔錯啦，點知係超級失望，“炸雞髀”冇味，淡到要加鹽，但已經完全唔係嗰樣嘢!“紅豆冰”超甜，簡直好似直接食包砂糖咁！“咖央西多士”食唔到咖央味，如果以西多士100分滿分，只有40分!究竟其他人食嘅味道係咩我唔知，但點解會咁多人食?

尋日lunch去左呢度食，叫左個$46百搭餐，炸髀火腿炒蛋意粉配黑椒汁，炒蛋炒得都算幾滑溜，仲有啲蛋汁，唔錯！不過主菜隻雞髀就炸過龍，有d鞋口，希望可以改善一下。

認真地說：我不知自己在吃什麼。內裡掌廚的人絕對會害了餐廳，浪費了老闆的投資，要考慮一下是否換掉廚師團隊。原欲要去沙角邨冬菇亭半百年歷史老店劉萬利，飲一杯絲襪奶茶，懷念以往座在帆布底下，浪蕩不羈的豪邁。怎知它新裝了，外型味道全失，門外長長人龍，不欲等待，便轉往街市旁邊的「半島冰廳」嘗試。先要簡單說一下沙角商場的管理者多年變迭的情況。我相信有什麼樣的業主，便會催生出什麼類型的食肆，業主管理方針是能主宰食肆的經營方向。沙角邨算是一條老人邨，原是房署管理，租金平宜，區內大部分長者，消費能力不高，食肆都是民生小店。香濃絲襪奶茶一杯，報紙一份，座上一個上午，店家也不介懷，你只區區消費十幾塊錢，最重的只為主客情感，讓街坊有個聚腳店而已。但領匯十幾年前成立，重新裝修大量屋邨商場，大改圖則，亦引入現代化商場模式，大幅加租以驅逐原讓街坊打躉的小食肆，招徠形象較好也能交貴租的集團連鎖餐廳進駐。領匯把旗下所有屋邨商場分為四個級別，沙角邨發展潛力低，敬陪末席，原先是不受影響，租金尚算合理，讓小店繼續生存。但其後馬鐵建設，沙角邨商場依傍車站，領匯便動工起來，改商場封街市拆冬菇亭，一系列工程目的就為了更高租值。再後

之前襯未禁晚市堂食 見呢間餐廳開左一排 好似都多人食 就去試下佢啲鐵板啦 佢啲裝修係懷舊風黎嘅 都幾特別 同附近幾間比較下佢係套餐黎嘅 78蚊包一塊肉眼扒 可以揀黑椒汁或蒜蓉汁可以配飯/意粉/薯菜 包一杯熱嘅餐飲 揀支裝維他奶/麥精竟然唔洗加錢 個餐都包一個餐湯 當日佢餐牌寫可以揀白湯或紅湯 但落單時 個店話餐廳以後都唔會再整白湯 我心諗 好心無就改下餐牌啦 除左咁 服務大致都係普通茶餐廳咁 無咩特別不過上扒嗰下 係有啲驚喜 塊肉眼扒肯定有1.5cm厚 大半塊面咁大 我就揀左黑椒汁 佢個汁唔算濃 因而比較食得到牛扒本身嘅肉味 而且味道醃得啱啱好 無太咸 另外薯菜係粗薯條黎 都好多 如果細食嘅女仔 兩個人食一份餐都夠飽 整體比我預期中好食同抵食 如果晚市有返堂食 會考慮再幫襯

有次又來了沙角邨，再試另一間餐廳，本身看完金沙角，以為來這間半島會比較特別，但看完餐牌，思考了一會，我點了一個日式咖喱吉列雞扒飯，後來，店員端飯來，我才赫然發覺又誤墮了頹飯陷阱。店內其實有很多懷舊裝飾，例如門口好像電影院那些裝飾，舊式電話；再行進一點又有好像百子櫃一般。例湯有肉有瓜，都不算太淡，應該都沒有什麼味精。日式咖喱汁，其實即是比較淡的咖哩，也好像港式咖喱一般，吉列雞扒，即是炸雞扒，另外的配菜就只有蔬菜、蘿蔔、薯仔，連煎蛋都沒有😣以往這種學生個頹飯，只售10多$20 ，這天竟然走這麼遠來到沙角邨吃了個頹飯。😓不過，話說回來，它都不算太差，飯份量極多；咖喱汁雖然不太濃，但還算夠多，足夠送完整碟飯，但味道卻是偏淡，不太辣，亦都不覺得香濃；吉列雞扒幸好份量也不少，外皮香脆，而炸粉不算太厚，內裏的雞扒亦都不太乾旱，保留少許肉汁，因此吃上來也還是可以接受。鴛鴦走，煉奶不太多，味道不大甜，但整體喝起上來，🤔除了比較膩，好像味道欠奉，咖啡以及奶茶的味道都不太濃，因此喝來味道一般一般。🤷🏾‍♂️

因為午飯時間忙緊，所以出去食飯已經到咗下午茶時間。叫咗一個椒鹽豬扒飯，好足料，好大碟，份量有平時啲午餐咁多！豬扒算好入味，啲椒鹽都好好味，好香，送飯一流。我鍾意佢唔算真係好鹹好鹹，因為有時啲椒鹽類嘅野，會食到好口乾、口渴。由於係下午茶價錢，只係$38 ，再附送野飲，真心抵食！

依家搭馬鐵真係好方便，星期六放假就帶阿女走圍去，之前好友見到沙角街市果邊開咗間新的茶餐廳，裡面的裝潢充滿懷舊特色，所以決定入去午餐。一入到門口等位時乘機影相，由於疫情關係，大家都要量體溫才可以入內用餐~~~令我覺得疑惑係電視畫面停咗🤔🤔呢度的裝潢真係好吸引我，沒想到周末午餐倒有不少人光顧~~~阿女有卡位坐表示十分舒適~~~午餐價錢算係正常，最令阿女鍾意係可以免費選擇佢最喜歡的維他麥精飲品~~~放餐具的大杯又令我諗起那些年在家鄉用過的刷牙杯~~~阿女係用懷舊玻璃樽飲麥精，依家小學生在學校只係得紙包或罐裝飲品，想起我的小學年代還有維他汽水，懷舊地方令我有不少小時候的回憶~~~餐湯雖然上得好hea，但味道不錯，阿女表示十分喜歡好友點了午餐H的日式滑蛋雞肉飯，我個人覺得賣相唔夠吸引，但好友表示味道不俗~~~而我和阿女就點了G餐的芝士焗雙魚（吞拿魚及煙三文魚）長通粉，我主要吃吞拿魚，阿女就吃煙三文魚，個人覺得呢個幾好食，阿女表示如果多d磨菇就更好呢間店給我整體感覺不錯，值得再次光顧~~~