影片
港鐵旺角站 E2 出口, 步行約3分鐘
繼續閱讀
電話號碼
23883061
營業時間
星期一至日
17:00 - 02:00
以上資料只供參考, 請與餐廳確認詳情
呢日, 有朋友從澳洲回港, 然後一齊約左2個中學同學食晚飯~嗰2個同學, 我成10年冇見喇~ 我地要搵個靜靜地, 可以坐好耐既地方,好好地慢慢食野傾計~然後, 我揀左半島咖啡屋。呢間餐廳係多年前我有個Auntie介紹我去食的~樓上舖來, 係冇咩裝修可言嫁喇~但勝在佢d牛扒真係一試難忘! 好好食!佢本身喺街尾的~ 後來搬左先喺波鞋街街頭~我地一行4人, 因為佢地冇食過, 聽到我係咁話牛扒好食, 所以我地有3個人都叫左牛扒~有1個人就叫左羊扒來試~Dinner Set係一個主菜包一杯野飲的~但menu上有好多野飲都係要再加$~大家可以因應自己喜好去叫~我就叫左杯菠蘿沙冰(跟餐+$8)~菠蘿沙冰(跟餐+$8)冰打得夠碎~ 唔會一舊舊~飲落去真係透心涼~菠蘿味都唔錯, 好fresh!紐西蘭肉眼扒(黑椒汁) ($138)呢份係我既, 我叫左配薯菜~另外可以揀配天使麵/飯~牛扒係肉眼扒來, 有2塊~我個人中意食肉眼扒多d~肉質林d, juicy d!我叫左5成熟~ 牛扒係粉紅色的~仲有少少血水流出來, 一啖咬落去, d肉汁爆晒出來~ 真係超好味!左上: 澳洲羊架(黑椒汁) ($138)呢個係朋友食的~我冇試呀~有4舊羊架~ 聽朋友講都好食好juicy!呢間野, 價錢唔貴, 扒類高質好食!又可以坐好耐都得~ 朋友聚會就最好不過了
繼續閱讀
呢間初初係朋友介紹去係一個好好嘅傾計地方嗌咗個3成牛扒加炒底超級超級正！！！❤️後來改埋1成牛扒炒底！牛扒好軟好好食 炒底好香做咗熟客咁制日日都上去基本我介紹俾一個朋友朋友又介紹俾另一個朋友！
繼續閱讀
幫襯左呢度以經接近5年了，永遠同朋友想係旺角搵地方傾計同食飯就一定揀呢度。家庭式經營，每次嚟親都有家嘅感覺😍重點係，老闆呢5年都無加過價👍👍👍🐆🐆🐆🐆🐆🐆🐆🐆🐆🐆🐆🐆🐆🐆🐆每次必點！扒可自行選熟度，通常5成熟就岩岩好！老闆係即點即煎~🐆🐆🐆🐆🐆🐆🐆🐆🐆🐆🐆🐆🐆🐆🐆甜甜的蜜糖配埋小小辣既黑椒~~bbq風味，好正🐆🐆🐆🐆🐆🐆🐆🐆🐆🐆🐆🐆🐆🐆🐆可選辣定唔辣，解議少辣就OK la.. 老闆放指天椒都幾重手架😂好有thai風味架呢個菜！嚟左幾年，餐牌上嘅食物都差唔多食過哂，真心真係無一道係唔好食！加埋任坐呢點，好難唔成為老地方bor 😆
繼續閱讀
約左朋友一齊傾旅遊 Roadtrip 既事, 就想搵間可以坐得耐, 又有 Wifi, 環境寬敞既 Cafe 慢慢傾！其中一個朋友兩年前黎過呢間 Cafe , 覺得唔錯, 就決定試一試！！ Dinner Set 餐牌, 性價比較高既, 似乎都係 "紐西蘭肉眼扒" 或者 "澳洲羊架"最後大家都叫左 紐西蘭肉眼扒 , 共 4 份！扒餐可以配薯菜、飯或意粉, 我就當然食我至愛既薯條肉眼扒一D都唔靭, 肉質唔錯, 但係唔太夠香Dinner Set 並沒有送餐湯或餐飲, 叫飲品需另外加錢我就叫左我最愛既凍朱古力, 面頭有加 Cream & 朱古力威化棒, 賣相OK, 但朱古力味唔夠濃朋友就叫左呢杯 曲奇炒趣奶昔 , 賣相幾唔錯啊！！ 睇著好想試下！！但朋友評價普通！整體食物質素OK, 但環境些微昏暗 好處係人唔多, 地方寬敞, 職員好NICE, 仲會同你講下笑, 唔怕會比人趕走, 想坐幾耐都得！！而且每張台都好闊落, 好方便帶notebook, ipad 等慢慢傾野仲要每張台都有個拖板+兩個USB充電位, 認真周到
繼續閱讀
都係朋友帶過我嚟先識呢間半島咖啡屋，以為呢度無咩宣傳，加上位置隱蔽，識嚟嘅人應該唔多，不過到埗後都有五、六成滿。佢哋好似冇晌附近街上整易拉架，上嚟啲指示又有啲一樓一感覺，加上店名又好似有少少流流哋，如果我係平常路過嘅話，應該唔會刻意上來。事後聽聞呢度老闆兼主廚曾任職半島酒店，唔怪得店名叫半島。無咩裝修而偏向舊式，主要係卡位形式嘅高身梳化椅，唔算非常特別，不過每檯都有一定嘅私人空間，算係坐得舒服。上次坐窗邊卡位，呢次再同朋友嚟就坐另一邊較入嘅位置，雖然都係帶啲昏暗，但對比起佢哋其他位嚟講，呢邊光線會比較充足，同埋啲檯櫈亦好似比較整潔。只係飲過嘢，今次就食晚餐，定價動輒百幾蚊，不過扒類食品一般來貨都較昂貴，咁都可以理解。開初以為個餐會包餐湯之類，原來只係有主菜，飲品要另外加錢。士多啤梨藍莓刨冰，佢哋聲稱係用鮮藍莓同鮮士多啤梨打成，唔係香精貨色，碎冰打得幼細，入面混有打碎咗嘅藍莓皮同士多啤梨核，聞落莓味出，飲落無添加太多甜味，唔錯。薄荷朱古力，難以想像朋友會揀呢款，下層係凍朱古力，上層就係忌廉同薄荷糖漿，另以一支朱古力威化棒點綴，甜度頗重，朋友話普普通通。澳洲羊架配黑椒汁，羊架係用鹽等等略為調味，煎到表面焦脆，食落肉腍鬆化，無被鬆肉粉醃過頭嘅感覺，亦無太重羶味（我係嗰種食羊但怕太羶嘅人，都幾矛盾）。黑椒汁就偏甜帶少許辛辣，另伴有雜菜沙律同薯條，當日薯條唔脆，仲有啲過鹹添！紐西蘭肉眼扒配黑椒汁，朋友叫咗五成熟，肉厚但煎得唔乾身，嚼來筋位少，唔會咬極唔爛。
繼續閱讀