半島漁港/阿翁火鍋館

營業中

休息中

放工想同老媽子食餐正啲，見到半島漁港有火鍋食，平時都係去飲茶一盅兩件多，今晚試咗佢啲火鍋，驚喜十足😍火鍋放題超抵食，平日$268/人未加一，無限時任飲任食，唔哂一班人聚會❤️按人頭有新鮮海鮮，帶子、青口、蠔、大蝦等，大大隻勁吸晴，吸收埋火鍋湯底，食落好鮮甜😍火鍋叫咗鴛鴦鍋-皮蛋芫荽同埋沙嗲湯，沙嗲湯好濃郁，花生味好出，皮蛋芫荽都唔輸蝕，滋味得來又夠清香，湯底一流👍🏻極級牛頸脊超正，雪花鮮明勁靚，而且牛味濃郁，肉質軟滑，好正，一嚿接一嚿好難停😚蠔皇鮑魚扣玉掌好滋味，鮑魚好彈牙，好好味☺️配料區嘅選擇都多到滿瀉，有烏冬、各類蔬菜（菠菜、娃娃菜、生菜等等）、鵝腸、各種魚類，應有盡有，包保你食到飽，捧住個肚仔走，個人幾鍾意佢個鵝腸，食落好爽脆，超正🧡飲品都應有盡有，仲有啤酒任飲，唔飲汽水或者啤酒，茶類方面都有好多選擇🤭餐廳環境非常闊落，好似普通飲茶咁有張大圓枱，真係好啱一班朋友聚會，下次應該會再嚟😍

同屋企人一齊食飯首選一定係中菜啦～呢間半島漁翁新開都十分新淨，晚餐時間都好多人。至尊燒鵝王$1嚟到一定要食$燒鵝王🤣🔥,肉質唔會太柴!表層焦脆香酥,肉質鮮嫩多汁頭抽焗海蝦$138唔想食得太熱氣，又可以試吓焗海蝦呢個選項，呢間餐廳嘅海蝦真係超級彈牙👏豉油王鵝腸$128鵝腸做到好爽滑,配上豉油王嘅醬汁,味道更鮮甜極品乳鴿$48 乳鴿皮脆肉嫩, 鴿肉嫩滑多汁,入口好香！最後仲送桂花糕，好貼心❤️#美食 #粵式料理 #必食 #家庭聚會 #慶祝場合 #美食推介 #口感好 #值得一試

一早起身屋企人話半島d嘢好食咁就一齊去飲早茶早到即刻有卡位落單之後都好快有嘢食新鮮滾熱辣每一樣點心都好好味感覺食材都係新鮮嘅服務都好好，開茶，收嘢，都好快要醬，加水，都好快，又好笑容真係一日美好嘅開始呀早起嘅朋友可以考慮去嘆返一盅兩件仲要有早茶優惠星期一至六都適用

今晚去左油塘📍半島漁港/阿翁火鍋館食晚餐店內裝修光猛！座位闊落設有包廂～環境舒服限時優惠1 蚊小菜 ❗️三款選一簡左至尊燒鵝王1/4隻～明爐現燒！肉嫩帶油香！外皮香脆！好味道除左1蚊優惠更有多款晚市孖寶！性價比高叫左鮮鮑魚滑雞煲 併 椒香蒸龍躉🥢鮮鮑魚滑雞煲🐓原隻鮑魚厚肉彈牙配上花姑雞件！足料製作醬汁夠濃香！🥢椒香蒸龍躉 🐟椒香色彩鮮艷，龍躉件厚肉多汁！🥢蒜蓉炒時菜🫑簡左蒜蓉爆炒菜芯🔥鑊氣十足菜心爽嫩食飽更送上是日糖水陳皮紅豆沙～一口氣食到燒鵝、鮑魚雞煲、蒸龍躉、蔬菜性價比高，又好味！半島漁港/阿翁火鍋館 (油塘)📍油塘鯉魚門道80號鯉魚門廣場2樓208B號舖

今日去油塘行街，見到好耐冇試嘅半島漁港， 之前都有幫襯過灣仔分店飲茶同埋食晚飯，相當唔錯，於是又試吓😋 夜晚可以打邊爐或叫小菜，所以平日都超好生意爆晒場👍龍蝦優惠孖寶 $398+$28.8見到呢個孖寶好似好抵咁，又好想食龍蝦，於是就叫咗上湯焗西澳龍蝦伊麵加日式蜜餞燒風鱔😍龍蝦鮮甜，伊麵份量超多，四個人食都夠😂 燒鱔脆口仲有八件咁多， 真係好抵食。1蚊優惠估唔到叫咗孖寶優惠都仲可以叫一蚊優惠，我哋兩個人可以揀1/4隻燒鵝或者1/4隻極品BB豬或者半隻雞，好耐冇食乳豬所以今次揀咗極品BB豬，皮脆肉嫩冇揀錯😅依間餐廳服務真心好好，好有heart, 仲有糖水送，下次可以再嚟😍評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺半島漁港/阿翁火鍋館油塘鯉魚門道80號鯉魚門廣場2樓208B號舖📍油塘港鐵站A1出口7分鐘路程

係屋企附近既半島漁港食晚餐，咁岩推出$1優惠，海皇文昌雞🐓至尊燒鵝皇🪿同極品BB豬 🐖3選1，逢星期一至五堂食，可享有此優惠💁🏻‍♀️去開個度食飯，加一蚊多個餸都幾扺~🍴極品BB豬($1)$1黎講，份量幾充足，乳豬油脂偏重，表皮燒得幾脆👍🏻，算幾抵食😆🍴蜜味欖角骨($138)採用既部位係一字排，外層香脆👄醃得幾入味，蜜汁甜甜地，加上鹹香既欖角，幾適合送飯🍚🍴涼瓜炆海斑頭腩煲($138)海斑頭腩既份量都幾多，大大嚿，唔算好多骨，啖啖肉😋涼瓜厚薄適中👌🏻帶點爽口，配海斑頭腩幾夾~🍴啫啫通菜梗煲($108)一上枱夠哂熱辣辣🔥通菜梗爽口，用蝦米、肉碎、紅椒同薑一齊炒香，辣辣地幾惹味👅仲有糖水送

8點後入座260蚊/位都唔洗！入座送燜鮑魚鵝掌，牛頸脊，仲有四款刺身，各款任食既野食都好好味！特別係青口最主要係女部長服務態度真心好！係滿分個隻！下次一定會再黎！

鯉魚門廣場2樓半島漁港阿翁酒樓，真係不知所謂服務態度及安排十分不合理管理十分有問題，上星期四早上八點到酒樓同太太飲茶，見有張4人吉枱坐低，點知女部長話有人叫我去第二度，如是者我坐了四張吉枱，部長4次都話有人，眼見枱上只放低一張點心卡，上面什麼都沒有寫，跟住女部長帶我去一張四人枱跟其他兩個不認識的搭枱，其實如果繁忙時間真係冇所謂，明白酒樓都有難處，但嗰日平日真係冇乜人，跟住我用了45分鐘飲茶埋單走人，亦有留意嗰幾張吉枱，一路都沒有人使用，只係飲一餐茶，連續畀人趕走四次，真係有點不愉快感覺，我亦有去大本營其他酒樓飲早茶的，其他酒樓沒有這一種情況感覺十分良好，這間半島阿翁酒樓以後都不會再去，管理及服務態度十分有問題，純粹抒發自己心情，多謝各位觀看，謝謝！

俾錢受氣啦！搵位果下6位，俾左張4人枱，叫左隔離吖姐加2張椅，叫翻啲客自己拉，原話：「自己唔識拉呀，見唔到我做野呀」俾呢啲服務態度-10粒星，唔做唔好出黎做野啦！俾錢受氣，入黑名單。

平時下午茶唔知食咩好，又想飲下茶慢慢Hea。半島漁港會係一個幾唔錯嘅選擇。佢依家分店越開越多，下午茶都係$50左右就會有。可以食到佢嘅燒腩仔叉燒等等，飲埋茶又慢慢Hea都幾抵

下午茶時段點心有特價，經濟實惠又抵食，好食探外母之後喺附近搵嘢食，鯉魚門廣場裏面飲茶唔錯嘅選擇。本來街坊酒樓唔會期望太高，但係亦都交足功課。當然並唔係驚為天人，但係服務唔錯座位亦都坐得舒服。食物方面都係嗰幾樣㗎啦，其中粉果幾好。係同區之中性價比之選。晏晝就係超多人排隊，所以建議下午茶時段（下午2:00開始）比較少人。佢啲燒味瀨粉都唔錯，不過冇影。有特價點心，咁當然你亦都可以叫正價嘅任君選擇。去開呢頭一試無妨

在下午茶時段，職員指可以在裏面尋找一張無人坐的桌子坐下就可以了，當我們坐下並洗完餐具後，就有一名部長就來要求我們轉去其他桌子，並且因為在洗餐具的時候弄污糟了桌布，所以需要支付$10的清理費，並且這名部長的服務態度及語氣極差，他是用一種呼喝的方式要求我們，之後我便向經理投訴這位部長行為，但是他用一種不聞不問的態度來敷衍我們，很明顯對他們是互相扯貓尾，以及不想應付我們，令我們極其為難，因此令我們擁有一個極不愉快的用餐體驗。

貌似裝修咗冇耐又去食吓早茶，不過環境唔覺有好大改善，感覺同個商場一樣較舊，相對位於將軍澳大型商場內嗰間就靚好多。早茶冇得揀唔搭枱要同其他人迫埋張細枱，攞咗飛等位結果入到去俾人坐咗，帶位阿姐都見慣晒唯有搵其他位搭，執位時捲起半張枱布仲將上一手D鼻涕紙捲埋入去，至於點心方面⋯未至於好劣不過真係麻麻地⋯（每次過度批評都未必可以登出嚟，所以我唔知可以點形容）價格方面唔算太貴但坦白講隔離茶X殿早茶孖寶平過佢又靚過佢，總括而言相當差嘅一次飲食體驗。

嚟左呢頭返工8個月啦都絕少同同事食飯亦都好少出去食因而公司有飯而且同商場布段距離今日有朋友喺英國返嚟搵我食飯佢地介紹呢間酒樓話佢爸爸媽媽都成日去飲茶果然一試相當有水準絕對願意返轉頭再食而且啲姐姐服務都好親切好好佢地見你多嘢會好主動問我要唔要張椅或茶几放嘢又會見張枱唔夠位上菜主動幫我地安排上邊幾樣先第一道上枱嘅叉燒酥已經夠好食蜜味香濃芝麻又夠多成件熱辣辣好好味勝瓜魚片米線又係必食夏天清清地最啱個湯有勝瓜甜但又夠咸魚片唔會太滑太假

叫左5個普通小菜，埋單已經1000蚊，味道又麻麻地，性價比好低既茶樓。去其他地方食好過，冇下次。都知通脹嚴重但未至於咁既質素，差👎。下次選擇同區其他酒樓希望之後有改善。