半島漁港/阿翁火鍋館

營業中

休息中

貌似裝修咗冇耐又去食吓早茶，不過環境唔覺有好大改善，感覺同個商場一樣較舊，相對位於將軍澳大型商場內嗰間就靚好多。早茶冇得揀唔搭枱要同其他人迫埋張細枱，攞咗飛等位結果入到去俾人坐咗，帶位阿姐都見慣晒唯有搵其他位搭，執位時捲起半張枱布仲將上一手D鼻涕紙捲埋入去，至於點心方面⋯未至於好劣不過真係麻麻地⋯（每次過度批評都未必可以登出嚟，所以我唔知可以點形容）價格方面唔算太貴但坦白講隔離茶X殿早茶孖寶平過佢又靚過佢，總括而言相當差嘅一次飲食體驗。