協香麵飽西餅

營業中

休息中

到聯和墟，除了吃至愛腸粉之外，當然要战試網上瘋傳的雞髀包！看看之前的食評，原來此包已由$7加至$8~ 物價通脹啊!雖然加價了，但$8仍抵食的！豬仔包包著手掌般大的豉油髀~ 雞髀還很juicy、一點也不鞋！食一個當下午茶，夠飽了~

平時食麵包，來來去去都係個d, 悶好多時都不是剛剛出爐既，見到呢間賣雞腿包，幾得意仲要便到笑，盛惠八蚊！決定到粉嶺食左佢！有車就方便，店子內地方小小，人就多……找不到見到一個阿姐捧住盆雞腿包，漲卜卜，肥美雞腿，就叫佢拎兩個！熱呼呼！香氣四溢！先吃一口包，有芝麻在上，甜甜地，外面少許脆，不會因雞腿而濕晒！雞腿好嫩！又夠份量，下午茶一流。住粉嶺的居民有福了！

粉嶺老友啊文哥有請我哋食好嘢！粉嶺(雞比包)唔係雞尾包呀...佢話賣$8蚊一個....我話$8蚊一個雞尾包...咁貴....之後佢再講一次唔係雞尾包係雞比包呀.......佢話得粉嶺有架炸....一於試下....一買買左六個文哥話岩岩新鮮出爐最好食...真係有手掌般大...麵包請辣辣...皮帶小脆....正!雞比咬落去有驚喜....雞比肉又香又滑....$8蚊價錢..絕對超值.....你地試左味^^

30-5-2013(四）是日下午，和媽媽在碧湖花園商場內的 稻香 吃下午茶。吃罷，媽媽先行回家，而我一人則坐小巴來到聯和墟影街道相。來到聯和墟，即時想起 2011 年小儀、金剛的「街坊廚神」節目，他們介紹過 協香麵包西餅 的麵包。好！影相過後，便來這裡買個麵包吃吧！看見我兒時最喜愛吃的雞脾包，現今很少麵包舖有售賣了，立即拍下相片及買下一個。包身比雞脾來得出色，包身是熱燙燙的，估計是剛出爐不久，非常鬆軟好吃；而內裡夾著一隻大大的雞脾，輕煎過帶少許噥，啖啖都是肉，唯味道較乾身，像沒有水份的。整體味道算是不過不失，志在尋回兒時的回憶！

之前睇街坊食神介紹過協香嘅特色雞脾包, 不過之前行開聯和墟唔記得個名, 所以無試到今次黎聯和墟前做足資料蒐集, 終於有機會試下協香嘅出品喇, 街坊食神果然無介紹錯由於食完群記先黎買包, 加上有太多選擇, 本來N先生想試嘅雞脾包改為下次先試今次試左迷你菠蘿孖寶, 雞尾包&脆皮朱古力溜心包, 款款都各有特色迷你菠蘿孖寶嘅紫心蕃薯同奶皇兩種餡都好正各有千秋, 真材實料, 又唔會太甜雞尾包大大個, 餡料絕不欺場; 至於賣飛弗就係個脆皮朱古力溜心包, 朱古力皮脆卜ト, 外型有啲似墨西哥包就算我地翻叮左佢, 個朱古力溜心餡仍然識溜, 朱古力餡滑溜而味道適中麵包質地鬆軟, 餡料各有特色, 味道令人一試難忘, 越食越想食一間有heart嘅包餅店, 傳統得黎又帶點新穎, 絕對值得支持, 期待下次再幫襯

粉嶺食評備課裡,也找尋麵包店,協香食評不錯,而行經該店,確實聞到陣陣的麵包香!長途跋涉回家,也不想買太多,所以在眾精選中,揀了吞拿魚酥。回家看清楚外表,酥皮平滑,已有點奇,再吃下,出事了!!是麵粉頭,不是酥皮!可以用難食來形容!吞拿魚又少,選擇錯誤了!同事說,協香麵包好吃,尤其有一個面頭鋪滿芝麻,內裡是芝士芯,好好吃,下次要買給我吃喎……

呢間麵包鋪成日都會經過....不過咁耐都冇入過去....更加唔知入面有咁多得意麵包....朱古力流沙包難道係中式的心太軟????岩岩賣哂廣告...成間鋪都人山人海...好彩佢出包出得好快...等一兩分鐘就有...夠哂新鮮...麵包好軟身....唔錯...朱古力都好濃...不過一d都唔甜...配合得岩岩好!!!雞脾包呢間鋪真係好有創意...道理同腸仔包一樣....只不過麵包包住ge係隻雞脾...都幾抵食下...7蚊...買個雞脾都咁上下...家下仲有埋包食...岩哂小朋友...其實呢間麵包鋪仲有好多好多得意麵包...不過真係一次過食唔得到咁多...而且人氣高企真係好迫....遲下有機會先試埋其他款....

第1次食呢個蛋糕係媽媽買比我食的~~平時已經好鐘意食呢類型的蛋糕~~點知呢間有我鐘意既綠茶味!!!!!!!!!!好好味~又大件~好香的綠茶味~又唔甜~又唔會濟~雲呢拿同朱古力都試過~始終都係綠茶最好味~不過好快比人買晒,,,有時都買唔到><

住得係聯和墟 梗係揀協香~~我最鍾意食一個包~~我叫佢朱古力流沙包喇出面未必有得食近來美心好似出左但係0的流都無協香咁正協香有隻包(ps: 佢係長期放係收銀處前面個架度架)好似菠蘿包咁, 不過上面塊皮係朱古力色既~~~塊皮無紋既~~勁正！誼家唔知$5定$6如果熱食 一咬落去食熱然後0的朱古力流漿湧出黎！真係正到不停了！自從之後我去親都會買果隻包如果凍左 咪用個微波爐(最好焗爐)搞下佢, 一樣咁好食其次鍾意食係酥皮占(jam)包唔記得幾錢咯...d jam少少酸酸地 又唔會太酸以前返學都成日買~~呢種包又係好似唔係度度有得買 推介味道: 5 (爆燈>v<)環境: 4 (有0的亂, 收銀處前面個架, 如果0的人唔知 以為唔係拎黎賣 ~因為無價錢無牌)服務: 個阿姐幾nice衛生: 幾乾淨啊, 麵包店~~抵食: 咁好食去邊搵！

呢間店啲面包本身係好好味的,不過近兩年來,水準大跌,唔係話味道差左,而係每次入去都見佢焗到啲包燶晒,係師傅唔夠瞓定係個爐夠鐘呢?次次都令我失望而回

一向都覺得協香既麵包好好食，但今日食左一件怪味凍餅，真係好失望!件blueberry mousse cake d味愈食愈怪，仲有一陣"油益"味。終於畀我發覺原來問題出係餅底度!!個餅底"油淋淋"不特止仲要有"芝麻"，十足新年食既"笑口酥"同"油角"味!同我之前食既凍餅餅底好唔同....點解會咁呢......?!有無人食過同樣既凍餅呀?!總之今次對協香既印象真係大打折扣..

九月二十九日 (星期一)昨日行完米埔,再去食粉嶺四眼仔腸粉,途經此地,入口買了蜜糖蛋糕做今天的早餐蛋糕質地不錯,不過蜜糖味就好似怪了點,老公仔吃不出是蜜糖味...原來呢度好似出名波羅包和流沙包...失敬失敬...下次有機會一定要試!

個人認為依度焗既麵包基本上都好好味，只要揀中自己鍾意既口味就得。係麵包類之中，我比較鍾意蒜溶條，岩岩出爐果陣食勁正！外脆內軟！；孖寶菠蘿都係推介之一，皮脆內軟，有兩種味道，都好香，好吃！西餅亦都係值得一試，八蚊一件，普通size。藍莓芝士丶美國芝士批丶西檸芝士都係推介，絕對係一分錢兩分貨！見食評好多人都試流沙奶黃壽桃，奉勸大家唔好試喇，賣相唔好睇之餘味道都唔好！（唔知點解仲會賣？）仲有一點就係佢個廚房係長期開住門既（係因為經常要上爐？）入面既師傅係十分八卦，只要有一個稍後生既女仔買野就會不斷望出黎囉 ....

本人極喜歡吃芝士蛋糕,有天經過這裡,就買了一個美國芝士餅來試試。令我驚喜既係味道雖唔夠starbucks既blueberry cheesecake咁好味,但都唔差!而且$8就食到咁既cheesecake,實在唔錯!後來又有幾天,我買左個pizza食。真係好好味,個批係薄既,好脆!而且沙津醬多,料多..只需$5 ! 真係抵食阿!同埋唔知幾時開始,發現每次去果到,d麵包都係熱咁既好似?

2008年3月29日下午2:00 要去屯門搵朋友, 山長水遠由灣仔去到新界, 當然唔好side車錢, 一定要用盡力去搵好o野食, 先去粉嶺行一轉先◦ 由火車站坐小巴好快到聯和壚, 一落車已經望到協香, 一個箭步入去買包先◦ 點知見到包包d樣好似麻麻地, 好o下, 所以唔side錢, 唔買包包◦ 買o左:流沙奶黃壽桃–幾特別, 又唔係好甜, 可以一試, 酥皮朱古力蛋榚–好鬼難食, 個皮又唔香, 個蛋榚硬過我個頭, 又無香味, 把鬼!大蛋榚–一樣麻麻地, 完全無蛋味好失望啊! 唸住新界小店應該有驚喜或者可以搵到舊時的味道, 點知無喎!