協香麵飽西餅

營業中

休息中

LUNCH食左呢個朱古力酥皮蛋糕做LUNCH，同係美心買既拿破崙蛋糕係同一原理，協香既CHOICE多的，有原味，朱古力味同GREEN TEA，今次覺得美心既好味的，但會再嚟食綠茶味‧另外，好傷心AR，協香的凍餅大加價AR，以前係$5.5到$6，而加最便都要$8件，INFLATION! INFLATION! INFLATION!

平時食d丹麥條都係林bat bat, 痴lup lup. 協香出品既, 就算凍左都係脆架, 好味到暈.

一向都鍾意食麵包多個食飯0既我今日下午去食下午茶前路經此店，都忍不住要入去看看..最後好忍手地只買了流沙奶王壽桃、迷你雞批及芒果布甸試試..結果有點失望.. 流沙奶王壽桃即刻食都完全不流沙的...芒果布甸食落好家庭製作feel.. 味道只是一般。最ok係個雞批~~ 皮厚得黎幾鬆化~

協香既酥皮蛋糕有三種口味：原味，朱古力同綠茶味(各4蚊)蛋糕分成兩層，中間有層薄薄的甜甜的忌廉吉士酥皮厚厚地包住蛋糕，面頭灑上糖粉，大大的一件，每次食完都好滿足架今日食埋綠茶味，當中以綠茶最好味‧等我一次過講哂全部口味la原味係清旦糕，好多地方都有得賣，平平la朱古力味：最有期望，但最唔好味>※< 朱古力味唔夠濃，又唔夠甜，唔通溝味果陣落得太多水??綠茶味：真係食到綠茶味架，同另一心頭好→『奇華』既綠茶卷蛋糕($5)有得fight ar^^ 咁有茶味，配上甜甜的的忌廉吉士啱啱balance返，真係好正ar。總結：以後入到聯和墟買包都係買返綠茶味^^

因為主人與奴隸獸還要繼續搵食，（打算去食豬手牛丸麵。），所買的麵包唯有帶回家：1. 正宗菠蘿包（HK$3.5）：好神奇的菠蘿包，經過千里迢迢，揪來揪去，酥皮竟然一點兒沒有散開，但一咬之下，酥皮就散了，十分鬆化，餡料除了奶皇還有菠蘿粒，味道OK。2. 流沙奶皇壽桃包（HK$2.0）：買回家中已不再流沙，可惜。味道只是一般。

去開粉嶺，順便在此買些麵包試試。一路上香氣撲鼻，引得人食慾大增。「正宗菠蘿包」($3.5)的所謂「正宗」，其實是指包裏面有罐頭菠蘿，而且還有奶皇餡，是幾特別的配搭，酥皮反而變成配角。「朱古力蛋糕」($4)亦不是普通的蛋糕，而是有層酥皮包着，兩種口感結合出來的效果也不錯，略嫌蛋糕的朱古力味不重。「吞拿魚包」($3.5)的包皮較薄，吞拿魚餡豐富，而且似是下了些功夫，整得頗軟滑，還加了些熟蛋，為普通的吞拿魚包帶出一點變化。難得街坊小舖肯花心思創新，怪不得有那麼多好評。

吃過了美味腸粉,雖然很飽,但看見這家麵包鋪,還是忍不住進了去。找到"正宗菠蘿飽",有菠蘿粒和奶皇在飽內,麵包是放涼了,但也不錯喔!不愧為老字號。肚子滿滿的,已經再容不下其他食物了...

食左咁多年, 都唔知原來協香如此出名, 更唔知原來出名的, 是"真正"菠蘿包。作為一間家常麵包店, 協香的麵包, 算不俗的了。款式算多, 味道唔錯, 屋企翻焗後仍然好味, 重點是, 廿蚊大大袋, 夠我家六人一狗吃兩天早餐。雖然話麵包新鮮難食極有譜, 不過我吃過最好吃的麵包, 是葵涌志昌樓樓下的麵包舖的火腿蛋包。推介。

睇到咁多食家講協香既菠蘿包...可惜我食左咁多年協香既栗子旦糕都未曾試過菠蘿包, 下次一定要試試咩叫"真正"菠蘿包!!講番起,原先住上水既我,因為亞媽d fd介紹呢間野d旦糕好食先至黎買...本人都好鍾意食栗子,呢度d栗子蓉好香~忌廉亦唔會好似出面果d旦糕咁落咁多cream, 多數我地買親都要埋芒果皮面, 芒果同d栗子真係幾夾...不枉我地次次都特登走入黎聯和墟買旦糕!!

之前住粉嶺既同事提過佢屋企附近有間叫協香既麵包舖有真正既菠蘿包賣今朝佢好有心咁買左一個俾我食果然餡料係有一粒大大既菠蘿同奶皇外面個皮幾脆口又唔太甜,ok但包身質感一般而且成個袋都係油overall只屬一試無妨但專登黎買就不必喇p.s.十分多謝同事咁有心但真係好奇點解個包由同事買完到交黎我手上時個菠蘿包仍然係咁暖

從前協香令人再三回味,近排唔知班師父換晒班,一落千丈,一睇賣相已經........無興趣.以前的味道已成回憶^^;

我好鐘意食菠蘿包，所以就去試呢間的正宗菠蘿包，原來係不外如是，只係奶黃菠蘿包中加左真正的菠蘿，但又唔係好夾，所以真係一般，不試也吧！

所謂既正宗菠蘿包, 都係加央包, 真係不外如是, 食唔到有咩特別, HK3.50/ each; 不過人們的期望, 總是覺得舊式麵包店有種懷舊既feel.....

估唔到而家協香都出埋十字包. 係典型茶餐廳o個一類o既十字包. 甜味適中, 而且有蛋香味, 個人幾喜愛!

第一站先到此店,買左正宗菠蘿包$3.5,雞批$2.5,十字包$3.5亦不俗正宗菠蘿包---水準依然!正!雞批---亦不俗!細細個,酥皮頗鬆化,雞肉亦幾juicy!十字包---呢款吾系好得!太硬!