協香麵飽西餅

營業中

休息中

第一站先到此店,買左正宗菠蘿包$3.5,雞批$2.5,十字包$3.5亦不俗正宗菠蘿包---水準依然!正!雞批---亦不俗!細細個,酥皮頗鬆化,雞肉亦幾juicy!十字包---呢款吾系好得!太硬!

爸爸要去粉嶺, 被困在家瞇書o既我於是拜託佢幫我買好味麵包.本來只係叫佢買個正宗菠蘿包, 但係佢見到有個新產品-酥皮草莓占包, 就買埋佢俾我試.酥皮草莓占包呈長形, 係酥皮果占包o既變奏版-- 將裡面o既黃杏果占轉成草莓果占. 草莓果占較黃杏多左一份酸味, 食味幾討好! 至於正宗菠蘿包, 就一如以往咁好食! 值得一提o既係兩個包o既包身都非常濕軟, 即使翻焗都唔會焗乾麵包, 搣出黎o既麵包都係一絲絲! 非常高質素!

今日閒遊粉嶺大埔,專誠過黎呢度買包,買左正宗菠蘿包,酥皮果占包,鮮奶球,全部$3.5一個菠蘿包---十分正!包身煙韌,內裏吉士加菠蘿頗特別.酥皮果占包---亦吾差,酥皮幾鬆化!唯不夠牛油香及果占略甜;鮮奶球---一般貨色啦!吾覺特別好味!

有事要去粉嶺, 家姐千叮萬囑我一定要幫佢o係協香買正宗菠蘿包同鮮奶球, 漏左邊個都唔俾我返屋企咁話! 前者我食過好多次, 覺得好好味, 既然o係家姐心目中, 鮮奶球同正宗菠蘿包齊名, 咁點都要會一會佢啦!原來個鮮奶球就係一個飛碟包裡面包住雞尾餡. 新鮮熱辣出爐即刻食, 出面脆皮, 麵包軟熟, 裡面o既雞尾餡仲熱辣辣, 又鹹又甜, 梗係正啦! 不過食下食下, 又覺得個包同雞尾包無乜分別, 只係外面多左層脆皮!總括而言, 呢個包味道就好好, 不過就無乜特色, 始終係正宗菠蘿包no. 1!

有事要返舊屋, 順道黎協香買出爐麵包. 去到咁o岩"正宗菠蘿包"出爐,毫不遲疑就夾左個去俾錢. 一個有奶黃再加一塊菠蘿作內餡o既菠蘿包先至係$3.5, 真係抵到爛! 一咬落去, 菠蘿皮鬆脆香甜, 裡面暖暖o既奶黃餡甜度適中, 再加埋咬到中間一片酸甜菠蘿片, 好幸福呀!

星期日, 專登帶個朋友仔去呢間麵包舖買菠蘿包食~~我之前已經食過好幾次~ 有菠蘿做餡o既菠蘿包真係好少有, 加埋我好鍾意o既奶黃做餡, 仲有只係賣$3.5一個, 麵包+菠蘿+奶黃+平, 真係一次過滿足哂四個願望~~我之前仲試過o係3日之內食o左5個菠蘿包, 最後仲攪到喉嚨痛! 哈哈~ 為食真係冇計!o個日, 同個朋友仔入到舖頭, 已經見到有4-5個人買菠蘿包, 朋友仔見到咁o既情況, 即刻就搵個麵包夾夾兩個新鮮熱辣菠蘿包~俾完$之後, 我同佢都迫不及待食食食, 哈哈~ 真係好好味呀! 麵包鬆軟, 有好香o既麵包味, 食到個餡, 唔, 不甜不淡o既奶黃+兩大舊仲有少少汁o既菠蘿, 真係正!咁個菠蘿皮呢? 好脆好香, 整個菠蘿包每部份都好食, 總之就食到不顧儀態, 成個咀邊+下巴+衫都有菠蘿皮碎!除o左有菠蘿餡o既正宗菠蘿包外, 呢度仲有紅豆菠蘿包, 冇餡菠蘿包等等, 如果入到舖頭, 見到個麵包架上只得小包三、四隻, 我建議可以俾小小耐性等一等, 因為佢出菠蘿包都出得好快, 咁就可以食到新鮮熱辣o既包啦~

好細個媽咪就買協香菠蘿包過我食，細個既時候唔識欣賞，總要媽咪買腸仔包，唔要菠蘿包......好耐冇去聯和壚，最近同男朋友行過(佢係一個愛飽之人)，行過協香，出爐菠蘿包，我介紹佢知係粉嶺出名的，佢即刻買o左兩個o黎食......熱辣辣，金黃色，又香又脆的皮，軟綿綿的包.....不太甜....原來媽咪一早就為我選了最好的....

食左佢個果占酥皮包. 酥皮包足成個包包, 包心都軟. 但稍嫌果占唔夠美心咁足, 不過只係$3.5, 平過美心好多. 都係抵買o既!

周末朋友車我入粉嶺, 經過聯和墟帶佢見識下聯和墟之寶-- 協香菠蘿包. 佢買左一個($2)再加一個紙包蛋糕($3)即刻食, 大讚麵包鬆軟. 我都買左兩個拎返屋企孝敬媽咪. 兩個菠蘿包o係架車度, 變成另類香薰, 成架車都好香菠蘿包味!

0係五十米範圍內, 大大話話已經有五間麵包舖(連協香在內), 平至一蚊一個大大個菠蘿包(size足有正常0既1.5倍)都有但唯獨是佢, 咁多年來, 每朝早同下午茶時間都咁多人正如cathie所言, 菠蘿包係佢0既強項, 有時一出爐, 真係要同d太太們搶架...亦不時會見到有人一買就買成打幾兩打其實佢其他麵包一d都唔輸蝕架, 不過可能因為菠蘿包流量大, 幾乎幾分鐘就出一次爐, 熱辣辣0既麵包又確係十分吸引0既.另外, 過時過節, 佢亦都會出一d應節0既糕點, 例如過年時0既角仔, 煎堆, 中秋0既月餅等....全部都幾受歡迎架~ 早幾年仲有出冰皮月餅tim...質素唔會比其他連鎖式0既麵包舖差多少....可惜近幾年已經有出lu

雖然好似講得誇張左d,但係佢o係區內真係好出名嫁! 佢o既菠蘿包好得嫁! $2一個,一路都無加價,不過隨著名氣增加,個包就縮左少少...佢仲有d創意麵包嫁,例如"真正菠蘿包": 即係菠蘿包裡面有吉士再加菠蘿粒, 仲有雞脾包: 個包包住一隻滷水雞脾(而家好多地方都見到,不過初初時我淨係見到佢地有)仲有佢大大個o既雞蛋糕都好好味嫁!