南京好味 (已結業)

踩車前唔知食咩好,係openrice search到話哩間幾好食,就去一試.手撕雞飯 $25 + 蔥爆牛肉飯 $25 + 府乳炒通菜 $35 + 外賣盒 $3 + 凍檸茶 $4 = $92手撕雞好滑,係雞脾位,$25蚊黎講都算好多,而且又好味! 底果d青瓜都好味!蔥爆牛肉,牛肉用左梳打粉,不過不失啦.府乳炒通菜, 炒得好香! $35蚊份量又唔係話太多,不過好味!我覺得外賣果d飯比堂食多,雖然我未試過堂食,不過見到人地果d好似小過外賣. 連bf都食唔晒一盒飯... lol

諗咗好耐, 到底要唔要寫呢個手撕雞出嚟呢? 因為呢個手撕雞係名副其實的抵食和好食. 生怕寫了出來, 以後更早沽清, 那可慘了! 但係有好野當然要和or 的食友一齊分享下啦! 專誠到來, 都係為咗手撕雞! 嘩! 好開心, 真係大碟到吃唔完. 一個圓圓的大碟, 滿滿的舖上手撕雞, 淋上惹味的蒜蓉醋+豉油, 伴以少許紅椒絲. 雞嫩滑, 係雞脾位置, 吃起來更滑. 蘸些醬汁, soooooo good! 唔好以為咁就完啦! 吃到下面, e?! 點解硬硬地呢? 原來係有拍青瓜墊底! 太驚喜了, 拍黄瓜本身已是我所好, 但香港很少吃到好味, 地道的, 反而在這小小food court, 可以吃到如此新鮮味美的, 好幸福呀 ~25 個大洋, 還有湯/飲品, 實在價廉物美!

告訴朋友去旺角熟食中心吃飯，人家不知我去那裡？但說是朗豪坊就明白了！不過，別人可能誤會是朗豪坊內的Food Court，而實際上是隔鄰的一座酒店的一樓。這裡有若干食肆，有潮式、粵式、葡式、滬式．．．，總之就是各適其適！《南京好味》是其中之一，價錢亦便宜，像我這個手撕雞飯套餐跟白飯一大碗才不過是25元，夫復何求？手撕雞雖然不是什麼巧手小菜，但風味跟其他去骨雞不同，以前在某些北方菜館就吃過類似的雞，有一種似煙燻卻又不是，那種感覺很特別，連碟上的醬汁亦恰當，令人再三回味！

基本上、真的無預過在這裡會有好嘢食不過、有時無期待反而有驚喜！要不是某天經過、見到有人手上的“產品”似乎不錯。見反正只是二十五塊錢的交易、也不妨會它一會、結果當然是一試上癮。前後試過幾味“廚師推介”的二十五元套餐、味道都相當滿意、抄的菜式鑊氣夠、調味得宜、食得出是用了靚醬油而非平價貨、然後狂下味精的歪道！而功夫甚多的手撕雞也做的入味、挺不錯吃、是印象中在名店吃過的味道。當然說是驚天動地的味道是無可能、但以旺角區的一個孰食中心來說、有這般水平實屬驚喜、更重要是、這裡的價錢是可以日日來食！其實算起來、上址已換過多次經營者、今次這個已不知是第幾手了、就連水牌上的名字也還是上手（？）的、慶幸是如今終於有高手進場。個人推介：寫明“廚師推介”的菜式、因我相信後鑊已將最拿手的都寫了出來；另外、那處的例湯純粹人有我有、不飲非損失、還是加兩元改凍飲吧。

每個套飯都係$25,有餸有飯有野飲 我地4個人,坐44號大圓枱.肉鬆炒豆角望落去好齋好掛,但一食就好野味,因為細肉粒咸中帶辣,好香口,而豆角充滿著這個咸咸辣辣既味道. 忘記菜名的雞雞肉好嫩,醬汁果然夠濃,落左好多蒜頭,乾蔥一齊炒,味道都比較豐富,合晒我地既胃口. 水煮魚魚用一般魚柳,不是用新鮮既魚,但係我地都好接受,因為一分錢一分貨,表面已經有一層辣油,有魚柳+芽菜+草菇+辣椒仔,都有麻辣既味道,辣度算是小至中中間,越食越好味,辣既味道真係好吸引,麻就不太強. 所以最後都加左一味水煮牛肉(小菜,不是套餐),果然大碟好多呀~~~水煮牛肉辣汁跟水煮魚一樣,配料都係一樣,牛肉比較韌,但係可以接受. 這一餐又經濟又實惠,又可以滿足食辣既胃口.........^,^

叫左個福建炒飯,大大碟,份量足,但係略嫌唔夠風味,好多好似豆角既豆類,其他材料以豬肉粒為主,無乜蛋,好在個汁味道算係咁,唔會太咸又唔會太多,飯炒得唔夠乾身,所以只係一般質素…下次可以考慮試下其他野,可能會好一點…

一直想試試這裡的年糕,故點了一個三鮮湯年糕,雖名為三鮮,但因只是$25,價錢實在便宜,故不抱期望,當中有數隻蝦,蟹柳,少量雞及數條菜.不過,年糕的份量也算多,且大大片,吃過挺飽肚的,只是年糕切得不好,當中有些太薄太碎,而湯底的味道也不怎樣...不難吃,也不算好吧!另外,還點了拍黃瓜,這個就有點失望了,蒜味不足,不酸也不夠香,只是咸咸的,不過份量也真夠多,而且也未算難吃啦...這頓晚飯,算可以接受,應該再給一次機會的....有部分原因是服務仔也算不錯,小姐會主動問我坐哪,還為我送餐呢!

南京好味最近出左客飯套餐,$25包送、飯、湯、飲品,算抵食。試左咕嚕魚球飯,即製架,好番, 咕嚕汁酸咪咪,好滋味,又唔會太多或者太杰,幾好;魚肉都唔少,層皮唔厚,食一口都啖啖肉,口感豐富,不過配料只係青椒同紅椒,如果有菠蘿就更加好啦!