南京好味 (已結業)

這個旺角熟食中心一直讓我心生一個疑竇, 究竟是怎樣去的呢?首先它是隱身於朗豪坊對面的一幢叫什麼「旺角綜合中心」的政府建築物, 還要上扶手電梯 (熟食中心的下面是社署的設施), 後來才發現原來朗豪坊是有一條行人天橋直達的, 真是激壞。旺角熟食中心的頭號名食當然是農夫包, 但這天胃口沒那麼大, 想起另一檔頗有名氣的 - 南京好味!不知為何這裡會被標明「已結業」, 檔位明明好地地健在 (時為六月尾), 只不過棟了個牌出來寫著「落單請往隔離」的上海店而已。吃了最馳名的山東手撕雞客飯 ($30), 飲品本來想要上海店的豆漿的, 卻沒有無糖的豆漿供應, 只好加 $2 要杯凍檸茶走甜。落單後拿了個牌仔, 就去搵位了。一時多個場都不算太多人, 而且有冷氣, 地方又夠光猛, 幾舒服的。食物到手後, 先拍拍照, 然後發現它基本上分三層: 最底層是切條的青瓜, 跟著有手撕雞, 最頂的是切條的粉皮。最後加個用醬油、醋、蒜、辣椒等等材料調成的醬汁便成了。整個菜做得最好的, 還算那個醬汁, 雖然都頗鹹, 但也帶一點點甜味, 加上濃濃的蒜香 (這個真是觀點與角度的問題, 我吃得相當過癮, 然而之後要見人, 餐後還是

去到旺角行商場時都會去朗豪坊行，貪佢位置方便和都幾多商店，行完也多數在商場內的食肆食野，其實在朗豪坊一街之隔的旺角熟食中心有很多臥虎藏龍好食的好食店，今次我去的南京好味就是其中的一間。南京好味是在旺角熟食中心其中一間食店，位置在上海街朗豪坊的對面，朗豪酒店的旁邊，在小巴總站的上面，可以在地下上電梯到二樓或是在朗豪坊二樓的天橋直達，位置都幾方便。內裡的環境都是一般市政局的熟食中心差不多，樓層四周是食肆而中間在很多四人或是八至十人的大枱，衛生程度比一般的熟食中心清潔而裝修也都比較新淨，可能是樓齡還算是新的關係，枱與枱之間的距離比較闊，空間感也都比較大。南京好味主要是上海菜為主，但也有一些中式的小炒或是炒粉麵飯可以選擇，價錢每位大約是$20-$30可以食一個午餐的，由於是即炒的，價錢都相當便宜。平時來這裡多數是食手撕雞的，今晚就叫了一個$68的二人餐，有一個例湯，兩個飯，叫了一個黑醋骨和干煸四季豆。例湯相當之大碗，超過了兩個人的份量，比在家中用大湯碗放的湯還要大，真是童叟無欺，試一試湯的味道，今日是黃瓜煲瘦肉，飲落湯的味道比較淡，但就知道是無味精的，所以味道還可以，雖然火侯都是滾湯的水準，但

成日食門口,決定試下其他呢間之前都試過,不過冇影相冇寫食評今次同男友兩個人食68蚊2人餐兩個小菜(某D要加差價)+兩碗白飯+湯(酸辣湯/粟米羹),凍飲加7蚊,熱飲5蚊最後我地要左咕嚕雞,欖菜四季豆,因為我同男友各自想要湯酸辣湯同粟米羹,收銀話可以分開,不過比一大碗既分量少另外要凍檸茶咕嚕雞就細份左D,不過都好味,絕對唔係大舊炸粉果隻,完全冇萬年油炸味欖菜四季豆就超好味,雖然係普通野,送飯一流酸辣湯我只係偷飲就幾啖,材料豐富，酸和辣平均, 湯材料豐富入口即時將舌頭包裹著粟米羹一樣材料豐富飯都大大碗,不過檸茶比起平時茶餐廳既就細杯左DDD真係平靚正,都好飽,咁既價錢你仲想點!地方舒適程度,去得熟食中心都預左,不過好似唔係幾關呢間食店事,都講少少夏天可能人多,坐埋牆位冷氣唔係幾夠

好多人都去完食手撕雞之後寫食評話好掂好好味琴日中午我就慕名而去啦食過後覺得實在係名過其實啦並冇想像中咁好食手撕雞一碟+白飯一份+凍飲一杯=$27蚊話平唔平話貴唔貴先講份手撕雞好簡單，甜豉油+辣椒碎+蒜蓉+芫茜碎+雞(疑似有豬肉)食落真係冇乜特別，一般屋企都整得出既菜式飯冇叫少飯好似都只有好少飯...凍檸茶估唔到叫少糖佢走糖，此外，冇茶味冇檸味都唔知果杯乜黎另外朋友叫左份 咕嚕雞一樣係冇乜特別同三送飯果D一樣，但廿七蚊食得一送真係唔抵囉環境方面差、差、差！搭台情況超嚴重如果同台有人散播細菌真係中哂招OK，一試無妨，不會多去

第一次來到這個熟食中心, 一心要試手撕雞.今天星期日, 剛好一時前到逹,整個熟食中心人還未太多, 漫漫開始多人. 連此店都開始要排隊買食物了. 見到有人的外賣上海粗炒還未有時, 我後來叫的手撕雞就不用等太久. 叫了堂食少飯, 店員好細心的問我飯夠不夠吃. 例湯是青紅蘿蔔湯, 不太油, 不太喊, ok啦. 手撕雞的味道大多來自它的醬油, 不算太喊, 帶甜味的豉油, 送白飯不錯. $25 來說食物是不錯的. 但可惜地方就較污漕.下次想試它的蔥爆牛肉.

以前黎親呢度都係食近門口果間，突然想換下口味，於是上or見呢間南京都幾多人讚，而且比較平，點知真係無介紹錯。手撕雞碟內成條雞脾骨加雞脾塊皮，証明真係用成隻雞脾，份量很多。雖然擺明係冷藏，不過醬汁完全遮蓋左陣雪味，部份雞肉亦頗嫩滑。京蔥爆牛肉夠鑊氣。京蔥份量十足，滿滿的一碟。牛肉不鞋，炒得幾滑，不過無咩牛肉味。雖然成碟菜睇落閃令令，不過食落唔覺油膩。黑醋骨即叫即製，足足等了十分鐘有多，入口熱辣辣。外脆內鬆化。醬汁酸酸甜甜，送飯一流。雖然睇落個份量比較少，但由於比較濃味，足以食曬成碗飯。前後試過檸水紅豆冰同檸茶，除左檸水，其他都麻麻地。

看見openrice裡有很多關於這間食店的介紹，最緊要是平、正、快，令我很想去試一試。一到步，即點了心中目標午餐…手撕雞，飲凍奶茶，正想找個位坐下，午餐已給弄好了，真的快、快、快。當找了坐位，準備開餐時。呀!上面冷氣機滴水，趕快找了另一個位。一份大大碟的午餐，開飯了! 手撕雞的肉不夠滑，但底部的青瓜很爽，豉油甜甜的，送飯很好味!!整體上，午餐連凍飲HK$27，可以吃到這水準的午餐，很超值!!

我這等食飯又不喜歡花時間等位的人,自某年旺角熟食中心興起兩間名食店後…一直都忍住不去不去不去!主要不想等位和同人逼.呵呵.等了又等,終於,計劃到今天中午去覓食,WOW~~星期六的十一點半鐘,中心內已經有一半人吃緊飯了,大多都是西裝友或工友.雖然吉位任你選,不過全部都要搭檯.來得這裡已包容環境問題,看住檯面殘留飯粒和餸汁,以及檯底的垃圾和黑麻麻像老泥的污積…依舊照坐可也.(幸運未遇到小強同我SAY HI)因為晚上要食自助餐,所以今餐戰鬥力先掃兩間名店的’名物’.和老友分頭行事,他去南京好味買手撕雞餐,而我就去翠苑買農夫包.農夫包寫明要等15分鐘(於另一篇詳述)…所以我們先解決手撕雞餐.餐包了手撕雞一碟,飯一碟和餐湯或飲品.主角手撕雞,我稱之為”雞肉山”!!!由95%雞肉堆成的山底,山洞裡找到兩條雞脾骨和一堆拍青瓜,佔位5%.頂峰放有幾塊燒雞皮,再灑上大量乾蔥和椒絲.甚有台型!因為出於雞脾位,雞肉好嫩滑,像是女士恨不得有的白滑美肌.醬汁樣子又濃又黑似的,但味道不咸又不濃,出奇是甜甜地.濃厚的醬汁上不到雞肉去,雞肉出來的味道既沒有白切雞淡口,又沒有豉油雞的濃咸,算是…介乎兩者中間味道再偏淡吧

酸辣湯: 無上一次食咁辣,但都係一樣咁大碗~黑醋骨: 酸酸地幾易入口,不過骨多過肉....白菜仔炒牛肉: 習慣了每餐都有菜食,於是就點了這道菜~食落都不太多味精,正~我都係覺得這裡的酸辣湯最正!!!

在旺角熟食中心的眾多廉價食肆裡，最有名的除了以農夫包闖出名堂的「澳門翠苑茶餐廳」之外，便要數這間「南京好味」了。在openrice裡，這間食店比較多人提到的菜式要算是「手撕雞」和「黑醋骨」。這次來幫襯，因為只得一個人，所以沒有試「黑醋骨」，只是試了「手撕雞」。這裡的套餐與同場的其他廉價食肆一樣，價錢的確是十分抵的，與只是一街之隔的「朗豪坊」裡的大部分食店的消費實在不可同日而語。所以論到食物水準，只要不是真的十分難食，相信都會收貨。好似這次咁，自己慕名而至，一心想試試這裡的名菜「手撕雞」有否佐敦區老式京菜名店「北京酒樓」的「山東燒雞」那麼有水準，可能是希望愈大，失望愈大吧，發覺兩者實在不可能相提並論，烹調的水準著實有一段距離。不過當一想到兩者的價錢也有一段頗遠的距離後，便不覺釋然。也是的，以二十來塊錢的價錢，有湯、有飯、有餸，份量又不少，還怎麼可以苛求呢！這裡的例湯除了味道稍淡，可能溝得水多了之外，其實是ok的，起碼飲不到什麼味精味。至於手撕雞呢，最大的問題是雞肉太「鞋」，不夠嫩滑，就連雞皮也沒能給人一個嫩滑的感覺。雞肉全靠以大量蔥、蒜和糖、醬油等調味料增加味道，不過蒜味還是不夠，使整道

今次係我第四次來這個熟食中心食飯的,記得由第一次農夫包,手撕雞之後豬扒包到今次的黑醋骨,對這個熟食中心的感覺十分良好,價格低廉外~味道還很有水準,首先講下環境~環境:可以講位置一般唔算方便,地方頗大,不過時常都冇位(太多人啦,特別晚餐時間)衛生:因為人太多,所以有D亂嘅感覺,勝在清潔的人員手腳頗快捷~~合格講返今餐~要了一個黑醋骨飯餐,黑醋骨with飯+例湯total$25~十分經濟例湯:好普通的例湯,勝在冇乜味精,不過不失黑醋骨:份量一般,黑醋味頗強,酸酸地(要配飯一起食,唔係就太over啦),黑醋骨表面由一層糖包著十分脆(要襯熱食唔係凍左,d糖會變硬),因為肉用黑醋醃過,所以肉質會變軟,做成外脆內軟,口感層次一流總結:可以話很好的一餐,價廉物美,特別要說的是黑醋骨比手撕雞好食~不過份量上就手撕雞勝出~

今日本身諗住去MK既熟食中心食翠苑,(因為琴晚係OR見到有人話果度有炒銀針粉食)點知去到搵唔到呢樣野..所以轉左搵第2間野食喇~本身見到間"南京好味"個門面都冇乜期望,而且見到佢個menu有碟"上海炒年糕"~平時食上海粗炒就食得多, 變左炒年糕就未食過,加上都係$25, 仲有野飲/例湯, 咁就試左我既第1次~ 上海炒年糕　　-> 幾好味! 又唔會太鹹, 份量又夠~　　-> 不過如果d年糕可以再煎燶多少少, 再入味點點就gd (例湯) 冬瓜湯　　-> 唔錯~ 呀姐仲要"畢"得滿一滿,　　-> 個湯幾好味, 但係就鹹左少少~整體黎講, 呢間值得再試, 唔錯唔錯~

may 22, 10食完過late lunch後,仲喺好飽,所以3人來dinner,但就只叫咗2個set啫 : 1) 手撕雞餐 (hk$25)i) 例湯-味道踏實,唔會好味精水-不錯 ii) 手撕雞-呢度嘅名物-份量都不少-肉都嫩滑,但當然無嘜肉味啦-醬汁同埋中芹蔥蒜就喺呢碟嘅味道靈魂 iii) 白飯 2) 黑醋骨餐 (hk$25+$3) i) 熱檸水-叫咗我嘅例行飲品 ii) 黑醋骨-其實個肉排嘅炸功喺唔錯,又熱,表面都脆挺,肉質都算鬆-唯獨唔知點解個汁就喺帶點"嗱"/刺脷,初時錯覺以為喺辣味,但食多幾啖又唔似,莫非個醋嘅濃度太高,所以產生刺辣舌頭嘅現象? iii) 菜飯-正常* 味道無過不失,不過以店子只喺收$25,1個套餐,有咁嘅出品,真喺抵到無嘢好講,所以公道1點,不能有太高嘅要求

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^選了兩個25元的套餐 , 白飯改為菜飯加3元凍飲加2元 , 另加一碟小菜42元 , 總數恰好是100元山東手撕雞 (小菜) ( 2分)先來的是這一碟手撕雞 , 份量很多看似是從雞脾起骨取下的肉 , 因為碟中有兩條雞脾骨肉質方面不能說是嫩滑 , 是比較粗糙而偏向嚡醬汁有些少酸酸甜甜 , 有些蒜粒和香葱 , 味道一般水煮魚 (套餐) ( 2.5分)有魚 , 芽菜 , 草菇 , 東菇 , 雲耳小至中辣 , 魚塊薄而細小 , 肉質偏梅黑醋骨 (套餐) ( 3分)最後來的是這個菜 , 足足等了15分鐘因為沒有人送遞又坐得遠 , 回回來來行3/4次不過最後來的也是在3樣餸之中最好味道的一樣4大塊黑醋骨 , 熱辣辣 , 味道不錯外不是脆而是硬了一點 , 內又不是十分軟 , 骨亦不細小但整體不錯 , 朋友也說這碟較好 , 而且她說今次來旺角熟食中心比上次來吃的農夫飽滿意菜飯菜的份量少得可憐 , 我情願另加一碟青菜吃或者有得改為紅米/糙米飯就好環境街市熟食中心的環境 , 雖然裝修平

同好友一場黎到試旺角熟食中心出名既農夫包,醒起呢度既手撕雞都好評如潮,決定一試~手撕雞飯餐 大大碟手撕雞堆到好似坐山咁,賣相都幾吸引而且仲要係用滑滑雞脾肉 同埋雞皮沒有油膩膩的感覺 手撕雞肉連皮吃十分滿足~咁當然雪雞都唔期望甚麼雞有雞味 呢個價錢收貨喇 愛吃飯的好友很喜歡個汁 豉油,蒜粒,辣椒,醋等十分惹味 甜甜酸酸撈飯一流~!自己就鍾意下面墊底的拍青瓜,都幾入味醒胃嫁^^見食評話黑醋骨都唔錯,下次有機會一定要試試雖然不是什麼石破天驚的味道,但廿幾蚊呢個餐都算係誠意之作 南京好味絕對係血拼完無錢剩開飯既好地方,糧尾之選呢~