南北小廚 (已結業)

中學同學8人聚餐，見下面。呢間好抵食,又啱口味👍🏼😋😋😋，共$2500. 以下是訂了的菜單:1.肴肉2.石花菜-好罕見，好清爽好咬口。3.青瓜條-炒得好，清新，但不會太大青瓜的瓜味4.蒜泥蒸蝦-單看擺陣先看到師傅用心製作。5.巨蟹6.辣汁螺--辣汁不算很辣，很惹味，我也用這辣汁撈飯吃。7.乳香雞翼-這1個也炸炒得好吃。拌上洋蔥絲，更惹味。8. 炒蜆9.干煸4季豆-好！10.水煮牛肉--這個最辣，牛肉片有點硬，結果打包了再拌麵吃，也很滋味。11。炒篙筍12。白飯任添總體來說，碟碟也做得出色，很合胃口，會再次光顧。其實餐牌的菜式也很多特式的，價錢也很相宜，老闆娘也很健談，招呼周到，所以又是誠意推介這小店。鰂魚涌海山樓，就係攝影師影嘅大幅舊樓相得獎。

屋企兩老夜晩買左飛聽演唱會，我同老公就喺Poly訂左枱同佢地食晩飯。以前都隔中會來南北小廚，呢幾年就真係少左好多，一入到去就見到部長熟悉的笑容， 真係十年如一日。最難得係畢業N咁多年， 部長仲記得我先最窩心。招牌肉餅 － 冇得頂！！肉嫩好汁又滑，送飯一流！炸豆腐 － 皮脆豆腐心夠滑，入口即溶，好香豆腐味。黃金蝦 － 香噴噴鹹蛋味，蝦又新鮮又爽身。牛肉菜心 － 呢樣真係有驚喜！出街叫親牛肉片炒菜經常中伏，因為牛肉片成日好多粉，食入口好膠，丁點牛肉味都冇，但呢碟竟然有牛肉味之於仲好有質感，一個字正！蝦醬炒生菜 － 蝦醬份量啱啱好，成碟菜好香好爽。理工的南北小廚晩市要係職員先可以訂枱，價錢非常便宜，叫左咁多款餸再加多碟咕嚕肉，成餐埋單都係＄400左右！！

要是你是學生、校友⋯⋯⋯ 市區中經濟飯店，理大南北小廚屬實是好地方。位置、環境、價格、衞生均可以，你到過便會懂的，未到過可以一試。味道近似美心集團，但價格便宜一半。總結一試無妨，可能會帶給你驚喜。

同個舊同事都係7月生日，所以每年都會約埋一齊慶祝，今次揀咗南北小廚(理工大學嘅餐廳)，知道佢嘅小菜同素菜做得唔錯(我舊同事主要食素菜 )，而且價錢又實惠，所以就嚟試下。點咗個海鮮蝦仁羹、一個雜菌炒伊麵、一碟炒齋菜同埋炸豆腐...基本上我見每一台都有嗌呢個椒鹽炸豆腐，因為真係做得好好食，裏邊豆腐超級滑但外皮香脆！另外海鮮蝦仁羹裏邊好足料，裏面有大量蝦仁同魚肉，唔使另外落胡椒粉同鹽都好夠味，非常鮮甜！ 至於什菌炒伊麵同埋齋菜都做得好食，一來佢唔油，同時食得出食材嘅鮮味，不過係腐竹同生根有少少偏鹹...我見呢間餐廳好快就滿座，我諗係因為價錢相宜，食物質素又好有關，下次要再嚟幫襯！

因從前是理大畢業，對於南北小廚永遠是舊同學的聚腳點，因港鐵和隧巴直達，省回不少交通時間。當然你只可以期望是一般質素。大家都是打工仔，見下聚會又填飽肚子。價錢經濟抵食必是首選。雞一定需要預訂，71元整隻絕對是超值，其他小菜套餐也只是由50至58元不等。我們選了欖菜肉鬆四季豆，沙拉骨和蕃茄魚塊。每款套餐包括白飯，例湯和上湯蘿蔔作為蔬菜。由於是三個餐，湯是一窩上，蘿蔔也有一碟，沙拉骨都有五塊，味道也不錯，四季豆是家常菜，好吃。洋蔥蕃茄魚塊都很惹味。談天說地兩個多小時後再來飯後甜點，可惜選擇不多，大家都想吃甜品，只有三種選擇，蛋白杏仁茶、芒果布甸和雪耳桃膠，大家都揀了杏仁茶潤下，完來都是17 元，實在超值，可推薦，整頓晚餐每位80 元連貼士經濟實惠。

This is a great restaurant in PolyU: great food and wonderful dining environment. The steamed melon with salted vegetable is awesome, and steamed chicken is yummy. Despite the high food quality, the price is exceptionally reasonable. The staff is very proactive, and nice.

2019 仍有每日一鷄, 加左$1。聽經理講以後沒有炸子雞啦。 今日薑蔥霸皇鷄, 咸了些許。註: 每日一鷄最好預訂, 即叫未必有。金磚豆腐: 美味不過當天盛豆腐的碟過小, 差點掉出來 (以前較正常的)甜梅菜蒸勝瓜我們那盤完全失望 梅菜只隨便聚在中間 (應該每截勝瓜頂也有的呀！)味道淡然無味... 廚房師傅太忙了吧！花姿豉油炒麵: 還好(比起其他) 賣相一般, 味道尚可。還有2個菜..(忘了拍照)柚子薑芽蝦球 : 比較可取呀茄子肉鬆炆米 : 不試不可惜 這個後加炆米要追多次啊！當晚9成滿, 不過服務員只有3-4人, 忙碌忙碌, 幸好態度尚可!7人(算少我們一位) 500元有找, 算啦！另有圍餐供應: 單看菜單平又正, 試過至知

同朋友一行 6 人嚟晚餐，朋友早一晚訂檯佢哋話無得訂，我 6:30 前到問我有無訂位，我話你哋話無得訂，佢話唔係無得訂，係滿咗，咁我嬲嬲地就話你哋係滿咗就話比人知，唔係話無得訂，咁我哋可以去第二間訂位，跟住佢哋又張兩張方檯泊埋比我，咁即係有位啦…坐底第一件事梗係留隻雞啦，$71 一隻唔係唔留呀 😅😅 隻雞好滑好好味，竟然比我哋清碟。個酸辣湯就唔掂啦，唔酸唔辣咁，問佢攞支醋，點知飲晒都未到。酸菜魚有驚喜，啲湯仲好飲過酸辣湯，我飲咗 3 碗仔呀 😆😋素鴨入面無料，寡咗啲，豆腐就又比到驚喜我哋。另外香橙骨同梅菜蒸茄子係套餐，仲要漏咗單，味道一般。6個人埋單 $470，總括嚟講朋友都滿意嘅，仲話下次嚟食多次。

現在搬離紅磡，比較少會特意試到紅磡吃飯。這天有熟人帶路，有幸一嚐理工大學𥚃面的南北小廚。姑勿論質素如何，單看價錢便讓我回想起當學生的好了。朋友還特意留了一隻雞，我還心想為何吃隻雞都要預訂這麼誇張；原來這隻每日一雞是必須預訂，只是七十大洋！這天是提供上湯杞子浸雞（每日一款）皮滑肉嫩，超值之餘質素毫不馬虎！可能是浸雞的關係肉質更是鮮嫩！另外特別餐牌上的小菜套餐和炒粉麵套餐也是認真平到令人驚訝，四十九元起便有小菜、湯、飯、時菜！我們點了生炒骨、玉子豆腐小棠菜、味菜雞柳炒麵。當然不會只驚為天人的味道，但普通和朋友吃餐家常便飯，這𥚃質素不俗，環境又坐得舒適，確實不錯。餐牌上還有多種菜式，甚至一些川味小炒也有，不過就是正常價錢，所以我們還是選擇較平的套餐。這裡服務是可以的，但就比較混亂，不知落錯單還是廚房漏單，不過我們都覺得可以接受啦，也是很滿意的一餐。

唔知點解對理工有個情意結，喺度都渡過唔少時間讀書同温習，早前喺 openrice 見到呢間有人寫食評，好似平靚正咁，所以嚟開尖沙咀就嚟試試。2 個人原本想試晚餐套餐，但見佢隻雞啲相好似幾靚，又唔貴，所以。 。 。就一隻菜膽雞加碟柚子薑牙翠蝦球啦。隻雞有小小鞋，但都可以，反而碟蝦意想不到好好味，蝦肉爽口彈牙，2 個人無叫飯都食唔晒。今晚約咗朋友再去，點都要試吓個套餐先安樂 🤣🤣🤣

夜晚同老公一齊黎呢間餐廳食， 環境都幾舒適，座位寬敞，店員態度好好，好nice🙂喺餐牌上見到價錢，真係好抵食! 49蚊一個餐，有一碗飯，主菜，一碟油菜，仲有湯😍份量都ok!我地叫咗70蚊一碟雞，好大碟，味道都幾好食， 另外叫咗一個套餐:雜菌炒西蘭花，仲配埋湯，飯，加埋油菜😍😋由於我係polyu part time返學，下次返polyu時，一定會再幫襯，真係平靚正!超抵食!😍😍👍👍 值得推介嘅一間餐廳

睇演唱會，一定會到這間學院酒樓，原因好簡單 ， 方便就腳，價錢實惠，就近紅館。講番食物，質素係不過不失 , 當然不能很高要求 ，晚上除了一般可單點叫餸外 ，還有客飯提供， 有好幾款選擇 ， 我當然選擇客飯啦 ， 包括 1 餸 1 湯1 碗白飯再加上一碟油菜 ， 想講下油菜，我覺得幾抵， 因為係冇咩油，幾健康 。 餸味道係合格，湯就不是太多油，不是很重口味 。今晚 4 人食飯 ， 叫咗 3 個客飯 ，都係一般家常便飯 ， 味道不是太重 ， 另外叫了一個黃金磚……即係炸 豆腐，每次來食飯都會叫 ，豆腐外層脆口，內夠軟滑，味道剛剛好 ，飯後加上甜品才覺完美。 甜品分別叫了 1 個芒果布丁 及 2 個桃膠糖水 ，甜度不算太甜，可接受 ， 份量都足夠 ， 下次可以再試 。埋單平均每人 $66，食快餐店都差不多價錢 ， 值得推介

下班後到理工大學搵個師弟攞Notes，順便一齊食飯，他說文康樓那邊有間餐廳好好味，咁就跟佢去試下。嘩！真係平到無朋友，一個餐只是$49，有湯有菜有飯還有一個小菜，我們選擇了菠蘿咕嚕肉，先來一個湯。湯是西洋菜湯，西洋菜很多，味道亦很好，有一點點的鹹味，但感覺不到味精，算是老火湯吧！等了大概10分鐘，菠蘿咕嚕肉就到了，份量也不少呢！像是快餐店一人的份量吧，咕嚕肉肉比骨多，味道是酸酸甜甜的，菠蘿和青椒的份量是肉的一半，如果吃肉太多，可以吃吃菠蘿和青椒中和一下。剛才說過還有菜，菜是水滾菜而已，沒有半點油，吃起來又健康又好味呢！我聽師弟說星期五六日還有這裏很出名的炸子雞呢！但是我們去的是星期四，所以沒有，有點失望，下次一定要吃還記得要預訂呢！

兩個人入左南北小廚飲茶，勁平勁抵食，兩個人100 蚊都唔使，附近唔會搵到一間平過佢囉！啲野食夠熱，上菜速度都好快。蝦餃幾好，皮簿，蝦都幾大粒，奶黃包都好好食；腸粉我估即整，要等耐啲，不過一上碟真係出哂煙，熱辣辣的。甜品食左桃膠，成餐最鍾意係呢樣，有桃膠，有圓肉，雪耳，重點係唔太甜，呢個甜品值得 encore, 我個 fd 食芒果布甸，賣相就麻麻地喇😅不過一到 Lunch time 勁多人，會嘈啲囉，傾計就難啲，不過有個地方飲菜咁平咩都抵返哂啦！

今時今日，居然去飲茶，可以三十幾蚊一個人，仲食到飽一飽？南北小廚下午茶2:00後入席，大中小點一律$11，本來一睇佢個點心紙，係有啲覺得一般，因為選擇不多，大約有二十樣點心㨂，蝦鮫燒賣就要等廚房蒸好，自己出去攞但一到賣單果下，竟然一人$35！三個人叫咗成十樣野喎，真係抵，而家三十幾蚊，去茶餐廳要食到飽飽落樓都幾難，所以呢個價錢，好難唔比個like佢囉至於味道，不過不失啦，一般茶樓水準咁，唔特別好食又唔難食果隻啦