南北小廚 (已結業)

同個舊同事都係7月生日，所以每年都會約埋一齊慶祝，今次揀咗南北小廚(理工大學嘅餐廳)，知道佢嘅小菜同素菜做得唔錯(我舊同事主要食素菜 )，而且價錢又實惠，所以就嚟試下。點咗個海鮮蝦仁羹、一個雜菌炒伊麵、一碟炒齋菜同埋炸豆腐...基本上我見每一台都有嗌呢個椒鹽炸豆腐，因為真係做得好好食，裏邊豆腐超級滑但外皮香脆！另外海鮮蝦仁羹裏邊好足料，裏面有大量蝦仁同魚肉，唔使另外落胡椒粉同鹽都好夠味，非常鮮甜！ 至於什菌炒伊麵同埋齋菜都做得好食，一來佢唔油，同時食得出食材嘅鮮味，不過係腐竹同生根有少少偏鹹...我見呢間餐廳好快就滿座，我諗係因為價錢相宜，食物質素又好有關，下次要再嚟幫襯！