南北小廚

營業中

休息中

今日lunch想得食得清淡D，所以揀左餃子麵，諗住一定唔伏，點知超級失望。餃子皮厚，D餡散左出黎，湯完全冇味，D麵又腍腍地，除左左生菜係正常D，其他嘢都唔太好食。失望

話說我已經事別咗差唔多一年好在你呢間南北小廚食嘢喇，心諗仲諗住佢會有少少改善，因為見佢近排嘅人流好似多番人食，於是乎我就抱住再一次希望嘅心態去食，唔食由自可一成真係有少少把幾火，首先佢嘅餐廳環境係冇改善過嘅，特別去衛生程度，食食下飯會傳出一啲廁所嘅消毒味，而且食食下枱面會有一隻兩好細隻嘅小強定係昆蟲喺度爬嚟爬去，唔係加料掛大佬，不過有人奇怪嘅係我去咗幾次都發覺有啲熟客喺度食，我唔明有咩可以吸引到佢哋喺度食，唔通真係因為佢嘅價錢比較平？希望佢可以回復返當時既質素喇~

今次黎呢度食已經唔知係第幾次留低食評，非統計黎講，我都黎呢度食左好幾十次，好唔好食就唔講住，要特別提出既係佢個d湯面類係比較抵食，份量多同埋某啲款例如豬扒個d可以分開上台，等佢唔洗影響個豬扒既質素。不過佢樓面方面真係太小人手，繁忙時間個陣根本應付唔到，而且有時會錯單既情況出現，之所以我依然仲黎呢度食既唯一原因係呢度附近環境比較幽靜，係正海山樓附近，可以感受下昔日既排排樓既打卡位，真係好想佢會改善到d食物質素同態度

話說呢間小菜館都食左不下數十次有多，無論變化水準還是不斷變化，係咪我食得太多次嘅關係，真係依家係變左食人情味，不過綜合性價比佢呢間都算係呢區抵食嫁喇~ 今次食左個小菜同小雲吞~

又到咗食晏嘅時間~通常都會選擇呢間既~因為我覺得老闆都幾有人情味，今日天氣熱死冇乜胃口~就嗌咗個糖醋骨~等咗五分鐘左右就出菜食個幾開胃有酸有甜~，呢間嘢最大嘅賣點就係有湯送同埋白飯都係任添加既~

食咗呢間真係好多次我諗最少都有五六十次~，成個餐牌我諗我幾乎都試過曬啦不過我第一次食嘅呢個紅燒獅子頭始終係我覺得其中一個比較好食嘅菜式而且都比較地道南北方嘅名菜~相信係一般嘅中高級菜館度食呢個獅子頭應該係一個唔平嘅價錢，而家可以係一個平民嘅價錢左右食到都還可以~不錯

如果你去一間餐廳食過好多次，終於食到可以嗌到睇個餐牌都未有嘅菜式，咁你一定係好專業，或者咁樣撞到個老細好nice，今日我就同老細講唔想食豬扒麵想轉豬扒飯點知老細就幫我整個生菜食洋蔥豬扒飯~呢啲就係舊式嘅餐廳嘅應有嘅人情味呢樣嘢已經係難得~味道都係一如既往咁樣~

午餐個陣諗住呢邊沒咩抵食野 行行下海山樓 見到有間上海野 就沖去試下唔係好肚我 就叫左碗豬扒上海面問一問老闆 竟然可以豬扒同面分開上 真係幾週到 快餐黎講都算係大碗同足材料 可以再來~

（之前不小心把此食評寫錯在另一同名小店，現補上貼回在此店）中學同學8人聚餐，見下面。呢間好抵食,又啱口味👍🏼😋😋😋，共$2500. 以下是訂了的菜單:1.肴肉2.石花菜-好罕見，好清爽好咬口。3.青瓜條-炒得好，清新，但不會太大青瓜的瓜味4.蒜泥蒸蝦-單看擺陣先看到師傅用心製作。5.巨蟹6.辣汁螺--辣汁不算很辣，很惹味，我也用這辣汁撈飯吃。7.乳香雞翼-這1個也炸炒得好吃。拌上洋蔥絲，更惹味。8. 炒蜆9.干煸4季豆-好！10.水煮牛肉--這個最辣，牛肉片有點硬，結果打包了再拌麵，也很滋味。11。炒篙筍12。白飯任添總體來說，碟碟也做得出色，很合胃口，會再次光顧。其實餐牌的菜式也很多特式的，價錢也很相宜，老闆娘也很健談，招呼周到，所以又是誠意推介這小店。鰂魚涌海山樓，就係攝影師影嘅大幅舊樓相得獎。

呢間餐廳唔係開俾機械人，唔係食電油，只係呢到對開係曾經拍攝變形金剛既場地-「怪獸大廈」。淨係講環境，就知係打卡熱點先啦。呢到食過幾次架啦！講服務呢...，呢到係唔會玩客客氣氣既。我見果兩個男仔似孖仔，著便服，應該係家庭式產業，做又得唔做又得。其中一個哥仔好似幾醒目，我地8個同事點完餐, 佢急口令覆返。你可以話佢玩野，但我幾欣嘗佢既能力，呵呵。有陣時，對一間餐廳既印象唔一定只係食物既。至於食物方面，普普通通咁啦，上海菜，一碗湯，一碟餸，一碗飯。平平淡淡，又唔貴。比起啲乜乜「上海乜乜物物」，貴幾成，但又唔係好食得去邊…咁囉。但對事啫，我碟糖醋排骨呢，希望下次可以少甜同埋少酸就好啦。

今日晏就約左個好耐冇飲見舊同事公司附近食晏，去到坐低點左欖菜炒飯，水晶肉，飯仲有湯跟，味道一般般，之後有4個人黎幫襯，就聽到個老闆娘不停鬧個同事，點解唔一早安排2位、3位既坐埋一齊，留返張4人檯，搞到食緊既同等緊既都好尷尬，一直大聲鬧，結果3人既都唔好意思起身俾錢即走

這家的價錢相對附近不少店子都比較便宜。而且重點是味道也絕對不差的喔！！今次的老火例湯跟上次的不一樣~這次的是番茄薯仔湯 沒有味精的湯真的好讚啊~牛肉炒年糕($34) 今次試這個！！本來就很喜歡年糕嘛～～～這裡炒得好香好夠味。每一塊年糕、牛肉也超級惹味  但又不會鹹！牛肉也很嫩口

繼續和同事出外午飯，今次走遠了少少。而且這家也滿多人的~~ 雖然沒有飲品(要加錢)，但卻有湯~而且也頗入味是紅蘿蔔湯呢  不過因為人太多的關係，點餐到上餐會等得比較耐可能還需要催一下。我點了 - 水餃麵 ($28)湯很清~不過絕對夠味。不用加辣椒油吃也可麵條很幼身~煮得比較腍身。另外水餃的皮很厚，而且餡料十足^^ 

之前曾經在鰂魚涌工作過一段長時間，當時南北小可以講係我地嘅飯堂，原因好簡單，價錢可以用一個抵字來形容，一班同事，叫幾個小菜，白飯任裝和例湯任飲，平均每人都是三十蚊，而且小菜和例湯絕無任何味精，是住家形式小菜，比到你家的感覺。南北小廚可以用隱世食店來形容，因為它是隱藏在鰂魚涌唐樓的天井內面，普遍人根本不知道它的存在，相信有很多鰂魚涌的上班一族也未必知道。南北小廚是一間家庭形式經營的食店，內裡裝修只是企企理理，座位唔多，如果人多的話，也要坐在店外的天井位置。這天路過，當然要去南北小廚，懷緬一下當年一班同事的開心日子。點了一個菜心炒牛肉客飯，例湯照樣是真材實料，味濃，沒有味精，也沒有用水溝淡；菜心炒牛肉，牛肉份量足，牛肉是新鮮嫩滑，菜心也是新鮮爽口，唯一可惜是生粉太多了，太過湖口。埋單只係三十五蚊，除咗抵字之外，我真的無話可說。

難得同朋友聚會係太古行完街要搵啖食都真係唔易以前太古城中心同吉之島foodcourt未裝修之前都話有d平靚正野食下而家太古城個度變咗大食代,大部份野又貴又難食吉之島foodcourt夷為平地,取而代之係2,3間貴價日式料理再唔係就要行出太古城中心側邊d鋪頭, 不過個d地方每人消費都起碼6,70蚊經朋友推介到訪此店小鋪隱藏於鬧市之中,態度親切ge老闆娘,甚有住家情懷野食價錢唔貴, 16蚊有個湯面,$2x 有碟飯, $3x有個小菜+大碗飯, 每人仲有個湯送4個人,分別叫咗, 辣子雞, 糖醋排骨, 獅子頭, 豬扒炒年糕先黎辣子雞, 呢個餸同印象中ge辣子雞好唔同呢度食ge係完全唔辣, 半粒辣椒都冇出現過取而代之係一d輕輕炸過ge葉, 可能係辣椒葉?葉+雞ge配搭有d似"龍井蝦仁", 感覺同樣清新雞肉食落固然不及蝦仁爽口. 不過雞肉食落都算有雞味,而且幾"林"用少龍井蝦仁一半有多ge價錢食到差唔多ge感覺...都冇咩可以不滿啦糖醋排骨, 賣相同食落ge味都係同印象中ge有出入糖醋汁好似有點用料不足. 可能係鎮江醋落得唔夠, 色水爭緊d, 食落比較欠缺酸味, 豉油味亦變得突出糖醋汁ge"hin"