南國紅豆餅 (已結業)

聽到太安樓又有新野,放假即刻去試~響附近做完gym行到過去大約12點半,呢段時間唔多人~小店只有6款車輪餅選擇,當中2款係鹹gei,不過我依然喜歡吃甜的,所以叫左4個甜餅,可惜因為芋頭要新做,等多20分鐘一個袋袋到2件,不過無透氣位,建議大家留透氣空位,如果唔係會好快林外型上, 我覺得紅豆同吉士做得最好,keep到個圓形,至於芋頭同紫薯可能因為太多餡料,所以好快已經變形...值得一讚gei係吉士同紅豆外皮燒得剛剛好,所以放多陣外層依然好脆吉士比其他地方賣gei淺色,味道相對無咁甜,我自己幾鐘意至於另外三款爆餡料車輪餅,一切開已經見到佢gei份量係何等地多~~所以都幾抵食,麵粉部分少D嘛雖然話招牌係紅豆,但我自己就鐘意芋頭多D芋頭蓉好棉稠,裡面仲有經大粒芋頭粒,芋頭散發淡淡gei甜味,好滿足!至於紫薯其實忠於原著,真係番薯囉.所以食完好飽,可能食完芋頭,所以覺得佢唔夠人地好食紅豆就係安全選擇,整得好溶,容易入口,而且唔會好甜,簡單黎講,佢gei質素同呢個價錢成正比,口痕食2舊無問題gei~~

見到咁多負評忍唔住寫返d野平反下，食過兩次我真係覺得ok首先珍珠奶茶舖都會因為未煲得切珍珠而暫停賣一陣啦，見到有人話十點半去得返一兩個選擇..其實有冇考慮過店舖都會關門呢😪紅豆我一般吉士我唔愛，所以專程想食香芋嘅，結果夜晚撲左兩次空之後的起心肝搵左兩日12點左右去，比我試到哂香芋紫薯味其實即製真係需時，店員都會提你要等一陣，態度亦都ok親切，咪去附近珍珠奶茶舖買野飲再返黎囉。紫薯味好香，比我想像中唔錯，亦都好彩唔會太甜，一個都幾飽肚架啦。d饀根本多到爆出黎😛第二次有幸食到心水香芋😋食到有d奶味，唔知係咪加左鮮奶定奶粉，比紫薯更香更滑，12$個又新鮮熱辣我覺得係可接受嘅。

等個牛肉味餅要20mins實在不可接受，味道又不是咁好食，city super 嗰間好食好多，本人覺得名過於實，不會再買第三次，如要小吃入太安樓大把選擇，如何改善速度及食物質素會好D.

太安樓多小食店就人人都知，近月就新開左間賣紅豆餅既小店，好奇既我收工試一試佢。味道除左紅豆外，甜味既重有吉士同香芋，咸既有。。。自己睇相 話明紅豆專賣店，第一次當然係試紅豆味先，如是者等左5分鐘就有得食。(佢廚房係一般小食店既開放式，可以睇住佢點整同埋饀足5足)外觀就係比日本車輪餅細少少，但攞上手手感好軟下，一咬落去都係好軟身，唔乾身，幾好; 可惜我覺得外皮味淡，紅豆餡亦偏淡(雖然用一粒粒紅豆做饀，而且食到有紅豆既原味，不錯，就可惜我個人愛偏甜既紅豆)。簡單總括黎講，鍾意甜既會同我一樣唔滿意，口味偏淡既會覺得不錯。老老實實，宜家咁既時勢，12蚊一個紅豆餅，我覺得都算正路(始終算多饀，但可以降1至2蚊會性價比高多dd),但可惜味道不合我。

其實只有六款口味：吉士、紅豆、 芋頭、紫薯、芝士鹹牛肉薯仔同埋芝士忌廉薯仔但夜晚10點經過想買來做宵夜，點知來到得返一半選擇...(無奈) 💰甜嘅＄12💰鹹嘅＄15最後揀咗吉士味， 個皮無咩味， 唔知自己食緊咩，係靠個D甜甜地嘅餡先覺得食緊正常嘅野..而且好細件，個人認為認真唔抵食，完全無想翻炒意欲…...🧐吉士餅✨Cost💰: $12不過員工就無其他foodie講到咁差，可能反映完佢地有所收斂

近來見到各大傳媒都報道此小店，說出售的紅豆餅餡料極其多。今天有空又剛巧經過，當然要一試究竟。這次試了紅豆餅跟紫薯餅，即買即有無需等候。先食紅豆餅，餡料果然很多，一咬下去，滿滿的紅豆立刻多得從另一邊擠出去。紅豆味淡淡的，喜歡它的不太甜。外皮則脆口好食，小小一個吃得很是滿足。紫薯餅跟紅豆餅一樣，餡料多多。不同的是紫薯餅還多了些紫薯粒，更有口感。紫薯味淡但天然，非常好吃。看到menu還有鹹牛肉味道很新奇，下次經過會再試其他味

「住哪兒，厭哪兒。」小妹，最近捨近取遠，甚少出沒西灣河一帶。前些日子，食友A告知，太安樓開了一間車輪餅店。這天，心血來潮。半途下車，去一試究竟﹗ 「南國紅豆餅」位於太安樓與筲箕灣道交通位轉角角處，門口，大排長龍。看來，挺人氣的﹗ 小店招牌是紅豆餅，取名「南國紅豆餅」，相信概念是來自「紅豆生南國，春來發幾枝，願君多採擷，此物最相思」一詩。 紅豆餅，又叫「車輪餅」，小店獨沽一味，只賣六款口味的車輪餅。四款甜味，$12件，有紅豆、吉士、香芋和紫薯；兩款鹹味，$15件，芝士忌廉薯仔和芝士鹹牛肉薯仔。 車輪餅製作需時約15-20分鐘，每次可以製作40個左右的紅豆餅。只見店員忙個不停，把一個個新鮮熱辣的紅豆餅，交到客人手上。落單後，透過玻璃窗，可以看到整個紅豆餅的製作過程，挺有趣的。 小妹，要了個招牌的紅豆味$12。自家調製的蛋漿，據稱用上日本雞蛋，蛋香未見突出，餅皮內裏香軟且微微煙韌，稍嫌外層毫不香脆。紅豆餡，據稱材料選用台灣萬丹紅豆，自家製作。餡料特多，質感軟腍，起沙且帶有咬口，香而不太甜，然紅豆味未算濃郁。 回家後，飲一杯滿是愛的西瓜汁，爽爆﹗

第一日開舖我已經去左幫襯，現場有成十幾人排隊，本身想試佢嗰兩隻咸味的款式，因為無貨，所以買左紅豆餅同吉士味。紅豆餅真係勁多紅豆，紅豆味不算重，紅豆不算好大粒嘅版本，無很強烈的豆味。吉士餅嘅吉士不算多，不是新鮮打嘅味道。餅底尚算不錯，但沒有濃郁蛋香，外層也沒很脆，比起太安樓內另外一間有明顯差距。排左成30分鐘，發生小插曲前幾位有個小姐突然好大聲講野：我排左成九個字你先話我知無芝士個隻，你其實可以加個交叉寫住無，咁我唔會排咁耐啦！店員：咁你想要邊款？女士：你無應該遮住嘛！店員：。。。女士：我要鹹個兩款！店員：呢個賣哂啦，宜家淨番另外個幾隻。咁你想要邊款？女士：我要個兩款。結果，真係整到咁佢姑勿論誰對誰錯，但無得賣真係可以考慮係menu顯示出黎。

睇到有人介紹，好似好正咁，話有6隻口味，一心諗住試鹹果兩款晏晝三點幾去到好多人排隊等緊，但原來得返3款味，店員話要等15分鐘，唔緊要，照等，但發現店員手腳慢，唔憂做，又掛住傾計，啲客人想問佢嘢，想買，店員眼尾瞄了一下，繼續傾計，係要出到聲問，佢先施施然答客人，所以咁多人等，其實部分原因係因為店員手腳慢囉，仲有喎，個爐又少空間，每一次都係做得10-12個，但好多人都6個6個6個買，因買5送1，3個款都要等15分鐘，做齊6個款咪要等成個鐘？入正題，返去拎返時已經得返2款，我買既係紅豆同吉士，皮唔脆，紅豆水汪汪，仲要冇紅豆味，冇任何甜味，吉士冇香味，冇奶味，出面求其買個奶黃包仲滿足，同埋質感一pat pat等咁耐唔緊要，因香港人都慣左排隊，但店員態度散漫，唔理客人，真係好反感，就算好食我都唔會再encore,依家又難食又受氣，又哂時間，真係要寫食評請大家小心中伏！

係咪外國d餐廳一到香港都會變質？定還是呢間野本來係台灣已經係咁既味？本身滿心歡喜去食，諗住試下紫薯餅，點知去到乜都賣曬咁滯，得番兩款揀，當時係岩岩過lunch兩點幾咋喎。算啦，食佢最出名嗰個紅豆餅囉。熱辣辣出爐，size普普通通有d細，一食落去，嘩，嗰個係乜野餅黎呀？又淋又無味，至於入面d紅豆餡，似係自己屋企都整到既質素，冇乜甜味，食完會諗：唔係呀麻，咁都吹捧，唔掂到呢... 仲要收12蚊一件？只可以話太安樓咁多野食，總有劣食，失望又後悔！

去太安樓掃完街，行過見到新開，唸住去試下，見到大大舊吉士，應該幾好味呱，但食到落口，舊吉士雖然大，但裏面啲麵粉漿都未熟，出面個皮又唔脆，好似食緊生野咁！鋪頭有4個員工，做野手腳慢，不是用心做好每一件餅，真有點失望！