南小館Plus (已結業)

今日成班friends 約左去希慎廣嗰間南小館食嘢, 入到餐廳, 以為去錯西餐廳添, 布置很新潮同別緻, 一D都吾似食上海菜嘅食店, 啱晒我哋班年青人冷盆拼盤: 四喜烤麩, 馬蘭豆腐, 涼拌木耳, 糖醋排骨 ~烤麩同馬蘭豆腐好好食, 好Fresh!!黑松露炒河蝦仁~黑松露味濃郁, 蝦仁夠爽口!!風沙小黄魚~煎得好香脆!!酒香時蔬~有淡淡酒香!!大白菜肉絲炒年糕~好多入味肉絲, 年糕煙靭, 加埋多多汁一齊食, 味道配合得剛好!!上海菜肉餛飩湯~ok好味!!排骨湯麵~湯麵彈口, 排骨炸得香脆!!鮮肉小籠包~皮略嫌太厚!!招牌生煎包~都香脆好味!!甜甜拼盤~茉莉花紅豆愛玉凍, 杏仁白玉雪耳蜜瓜布丁, 椰香紅棗糕, 紅豆水晶糖不甩, 外貌同名稱都好吸引, 平日好少可以食到咁特別嘅甜品, 愛玉凍很清新, 布丁很香滑, 紅棗糕同糖不甩則太甜!!餐廳內別緻嘅装修!!

一行三成人一個兩歲孩子，食中菜揀了這間多笑笑，因為孩子愛吃小籠包。😑😑上海粗炒=䜴油皇沙烏冬，炒得預了多油，但無鑊氣，上碟東丫西倒，似足大排檔大學canteen, 份量少，價格double.😩😩小籠包：又係勁肥膩，湯汁還帶甜味，味精太濃吧。而且有一個是破了皮，跌在台上肥豬肉一舊舊😑。😫😫黑松露炒飯= 油浸炒飯，食到底，油還可以倒得郁😱😕😕菜肉餃子麵：平平無奇，就是餃子和面條。菜都無 一條。🙂🙂炸/蒸銀絲卷：終於有樣可以讚，真是絲狀的可以慢慢撕下吃。但煉奶乾乾的，應是放進雪櫃很久吧.... 點不到... 🙂🙂糖醋骨：正常味道，蚊型份量。😤😤😤😤😤最後，侍應多，人客少（5點半入座），客人叫加水，叫一次加一次，我總共叫了三次，還有隔離台也是不停叫！茶只是微暖不足夠應付油膩至此嘅食物。收碗碟也很久，上菜呢，我這邊台堆滿食物，可放在隔離台吧！就硬要往我這邊堆堆堆，推推推，again, 可否用一點心呢？在照顧孩子還要照顧你們的侍應？😤😤😤😤😤還有，一位普通職位四眼黑框眼鏡男侍應，態度不良，他的言論應該去大排擋當侍應較切合其性格。👎🏻👎🏻👎🏻👎🏻👎🏻👎🏻實在不明白為何這樣多笑笑的食肆，頭不回。

今日同屋企人食飯，聽人講話南小館啲嘢好好味，咁啱去開銅鑼灣就去咗希慎廣場呢間去試吓。我哋嗌左薺菜炒年榚，紅油抄手，老重慶擔擔麵，水煮牛肉同埋小籠包。因為我哋都好住食辣，所以今餐都好啱口味。紅油抄手個汁好正，入面好足料，好食！呢隻擔擔麵同我以前食嗰啲擔擔麵都唔一樣，佢係比較辣，同埋冇花生醬，所以我好鍾意。食完啲辣野，食返啲唔辣有菜的，幾啱，薺菜炒年榚好大份，好抵食。好鍾意呢個水煮牛肉，因為佢啲料好足，辣味十足，啲牛肉比起出邊嗰啲水煮牛肉都多，入面個粉都多。個小籠包好好味，因為佢勁多汁，咬落去成口都係湯汁。

南小館開舖咁耐都係第一次過嚟食飯，大約六點半到了希慎分店的南小館，外面已經幾個人圍住了，大約等了15分鐘左右就叫到我的Number了。睇完本Menu後實在太多野想食了，於是我哋就叫咗鮮肉小籠包（5件）$45、招牌生煎包（4件）$45、老重慶擔擔麵＄45、酥燜紅燒牛肉麵＄58及南國薑蓉雞＄78。由於薑蓉雞是冷盤，所以係率先來的第一味菜，雞舖了滿滿的薑蓉，比少少想像力好似有個小小的心形在雞上面，仲要為薑蓉的味道會辣辣地，連埋雞一起吃別具另一番美味。之後來的是鮮肉小籠包，這個小籠包很熱很熱，食的時候真的要小心燙口，點醋時亦都要慢慢地，因為會很易整穿小籠包外皮，肉汁因此而流失，我咬開半隻小籠包，真的滿滿的肉汁，很好食。招牌生煎包外皮煎得很脆，同樣和小籠包一樣，肉都是充滿了的肉汁，第一口我會就咁咬嚟食，試吓清食的感覺，第二口才會點醋進食，真的不錯！反而老重慶擔擔麵我就有少少失望了，因為可能未食過重慶式的擔擔麵，以為好似四川擔擔麵會有少少麻醬撈落個麵度，有個感覺好似成個麵餅得少少肉碎同埋湯底係辣味，我就不太喜歡吃了，因為食幾口之後就感覺有少少很寡。最後的紅燒牛肉麵味道都唔錯，有少少似台灣牛肉麵，不

呢間嘢不嬲都好多人次次嚟都要等位如果唔係平日佢根本唔會接受你嘅預訂佢嘅口水雞真係咸到嘔涼拌木耳同彩絲都算唔錯健康之選 即係一碟嘢解決咗 四個顏色嘅蔬果問題係幾抵嘅排骨完全冇肉咁樣下次都係叫 全齋算數佢嘅炒飯炒得 唔錯我食到應該有落 豬油炒夠曬惹味入面有海鮮粒 都幾足料炸醬麵 感覺上油膩又唔滑好似好淡口麵條好彈牙嘅佢個松子魚要讚嘅係佢個汁通常外邊有啲酒樓就咁用咕嚕汁就算但係佢用醋呢個就要讚一讚反而我覺得佢厚粉咗少少同埋刀功唔係好好不過咁嘅價錢都係真係要收貨反而佢最主打嘅小籠包真係勁難食個皮重厚過護舒寶入面又冇湯乾到嘔呢間舖嘅樓面哥哥服務都算殷勤星期五六有咁嘅服務都算唔錯總結嚟講呢間嘢嘅上海嘢唔好食反而係其他嘢ok

星期五晚約左朋友係銅鑼灣食飯，心血來潮想食中餐，而且要坐得舒服同方便傾計，好快就諗到不如就食南小館啦！環境：呢度枱與枱之間都有一定距離，傾計唔使同隔離枱鬥大聲，不過都見到有晏少少黎既人要同其他人搭坐大枱，唔介意就得。服務：侍應服務態度好好，我地叫得太多野食想取消d order，雖然發現已經整左，但侍應都幫我地處理左，仲好好態度一d都冇介意。衛生：地方乾淨，每個位都有枱紙，比較衛生。味道：我地叫左成枱野食，最出色係雲吞類（例如鮮蝦雲吞湯，紅油炒手，雲吞雞湯）細細粒得黎夠足料，味道清得黎但好夠味，好鐘意。飯麵類同飲品不過不失，推介黃魚麵！食埋甜品，d糕點好別緻，味道各有特式，適合三五好友一齊share食！抵食：一人二百幾蚊包茶介同加一，由小食同飯麵食到甜品，大家都食得好滿足！

The restaurant was busy and there was a bit of a wait when we arrived. Food was good and tasty. However serviced can be improved. We had to flag down the waiter every time we needed something, as simple as tea. Nonetheless, food is good and located at a convenient location. I’d probably be back.

平時行過都唔會幫襯。唔知點解🤔今日其他餐廳又多人排隊，呢處有位，即入座。真係飢不擇食。坐位舒適，服務員反應都好快速，但不足處係寫明得四十五分鐘進食，壓力。叫 餸罷，時間無多。但又有太多選擇了。。。隨心叫了：生煎包，黑松露小籠包，前菜（四小碟：糖醋骨，秋葵木耳，涼拌三絲，醉雞），鳳尾炸蝦，薰魚，八寶飯。生煎包同小籠包唔錯。勁爆汁。真有松露味。（如我媽媽話：勁臭襪味）鳳尾蝦，薰魚就麻麻啦。（純個人口味。)秋葵木耳，只有兩粒切片秋葵作裝飾八寶飯作結尾，prefect. 飽飽。

約咗朋友喺銅鑼灣行街，行行下差不多快四點，於是行到希慎廣場12樓，想嘆一個下午茶醫肚。酒釀丸子，酒釀是上海人很喜歡的特有的食品，這家做的酒釀小丸子加上了桂花，漂亮又好吃。小丸子香香糯糯，很有咬口。椰汁江南八寶飯，八寶飯底下有滑溜的豆沙，不太甜，八寶飯上面鋪上蓮子和白豆。上台前淋上香濃的椰汁。整個八寶飯香糯不太甜，真心好吃。卜卜脆麻球，麻球外層鋪上黑白芝麻，香口之外更得美覌，麻球裏面藏有香滑微甜的豆沙。正

知道自己要開OT, 於是同同事食定下午茶打底，怕陣間太夜會餓到手震。來到希慎打咗個圈，揀咗藍小館，這是我們頭一次來幫襯。看到點心餐牌，知道這裡的點心很精緻。我很喜歡吃酒釀的食品，這個酒釀丸子做得非常之出色，而且賣相相當漂亮。除了酒釀獨特的香味外，還加了桂花，所以分外好味椰汁江南八寶飯，真的很好吃，糯米飯下面是豆沙，配上椰汁及原粒蓮子，勁正👍🏻卜卜脆麻球，麻球熱辣辣上枱，外層鋪上芝麻後炸到脆卜卜，內裏軟糯再加上豆沙，一啲都不甜，好好吃。

黎到南小館真係無理由唔試佢嘅老重慶擔擔麵，美食黎之前飲下杯麥茶先，味道好特別，好開胃嘅感覺，店內嘅氣氛同裝修都令人好放鬆，等左一陣美食終於來啦先試下啲麵質，夠彈牙又爽口，質感一流，湯底油而不膩，辣度啱啱好，完全啱晒我呢啲鍾意食辣又唔識得太辣嘅人

南小館食過好幾次，感覺一向良好。除左獨特招牌茶水之外，餐廳仿復古簡約文青設計都成功搶到一班年輕客人。不時都要排隊取籌先食到。今日同男友仍舊到銅鑼灣希慎分店食飯。一向鐘情四小拼，隨時搭配又可以一次過滿足4個願望。叫了秋葵木耳、花雕雞、口水雞、排骨，兩人食前菜分量都剛剛好。之後叫了土豆絲，本人不太好，但男友每次食中菜都喜歡叫一大碟。呢個男友真易養，天天食土豆就飽！之後叫了小籠包及炸銀絲卷。二人台真係放唔落咁多野，短短5分鐘就將所有食物都奉上。小籠包都食唔切，放到有一兩隻都涼了。浪費唉！仲有擔擔麵，做得不錯，老干媽的味道點到即止，舌頭感到輕輕麻痺感但又不至於辣至滿頭大汗。湯底香、不會太咸！其實菜飯都好吃，但兩個人實在食唔落了。不過呢個價錢呢個環境，南小館係香港仍然有很大市場發展及空間。

夜晚九點半十點所有野都刪得七七八八又想要輕食?南小館可能喺唔錯嘅選擇呢個喺佢啲甜品嘅set可以任選兩款布丁同埋小食平平地咪以為中餐館整布丁唔好食食落去又滑又好味綠茶、奶味都好濃另外一個芒果布丁都唔錯咖另外就叫左個類似小食拼盤嘅野一百樓下可以食曬四款想食嘅上海小食呢個分別喺醉雞(雞嫩但係酒味未夠濃)口水雞(正呀!夠辣夠入味)仲有馬蘭頭(整成心型都幾有誠意呀)同埋糖醋排骨! ^_^ 酸酸甜甜好開胃有啲後悔! 越食越肚餓呀

已經唔係第一次嚟南小館食飯，就算係唔同分店都依然咁好味，真係難得。等咗20分鐘左右就有位，仲咁啱係窗邊位。好啦，咁等我逐一介紹下今晚嘅餸菜：南國薑蓉雞原來係冷盤嚟架，賣相麻麻地，雞肉比啲薑蓉遮住晒，但味道出奇地令人驚喜！乾扁四季豆純粹想點返個菜，感覺一般唔算特別。鮮肉小籠包（5件）上海菜必食嘅點心，揀咗傳統啲嘅鮮肉口味。的確係皮薄多汁，仲幾欣賞佢用自家製嘅蒸籠上菜。 大良炒飯屬於大廚推介亦好多料，包括蝦仁，豬肉同埋果仁。用咗個小鍋上，仲好好咁保持溫度。玩味咕嚕肉賣相係特別嘅，以菠蘿殼盛載，難怪叫做『玩味咕嚕肉』。桂花蜜拉糕（3件）花花造型好靚呀，嚥嚥靭靭嘅口感我鍾意，但桂花蜜嘅份量可以多番少少。原本仲點咗個『清燉牛展湯』，好彩佢漏咗單，否則真係食唔晒呀！

小籠包皮亦算薄 湯汁都有鮮味依度既小籠包係做吾到一咬落口就爆哂湯既效果不過勝在又平又過得去呀😋如果要求高既朋友就去番鼎泰豐啦😌😌😌-南小館四小拼如果想一次過食幾款 四小拼幫到你😋今次揀左👉🏻糖醋排骨👉🏻口水川雞👉🏻花雕白雞👉🏻涼拌彩絲🙆🏼當然啦份量會少啲 不過可以一次過滿足你幾個願望😄先講講兩款雞花雕白雞酒味適中😘唔會濃到苦😌而口水川雞的確幾濃味😤食到好多配料味但又唔辣🤓而涼拌彩絲都相當岀色👍🏻即使係齋都可以整得好惹味😍最後就到糖醋排骨酸酸甜甜好開胃😘啲肉又唔會太韌咬唔開😋👍🏻最愛依個😛