南山軒 (已結業)

同屋企人揸車嚟食下午茶.好在唔駛等位!朋友推介必試佢嘅茶冰,果然幾過癮.夏熱天時飲住杯冰凍奶茶仲可以食冰冰雪條過口癮.重點係佢支茶冰茶味真係好濃!我叫咗個魚柳包餐,老公食burger.兩樣都係一般般,唔係特別出色.但係個包係有烘過嘅,所以脆脆地幾香口.而且佢全部嘢上枱都係熱嘅,所以令人感覺良好嘅.而且價錢唔算好貴,我諗我地得閒會再幫襯嘅!

以前在元朗附近工作，很喜歡到博愛醫院和yoho 附近的南山軒，南山軒的位置不算當眼，在黃屋村內，如果初初不是朋友介紹，未必會到這裡食飯。下午茶時段，點左炸大雞脾配沙律，配紅豆冰（＄45)，簡直一大享受。佢D雞脾肉質嫩滑，層皮好香脆，食得出係經過特別醃製，但略嫌有D咸。咸咸地食D沙律中和下，個沙律都唔錯....um....咪普通雜果沙律甘既味。個日去到本來想叫杯南山冰茶飲下。。。點知！賣哂！杯南山冰茶真係正！奶茶夠凍夠滑！佢既冰唔係普通冰，係奶茶冰，唔會沖淡杯奶茶，飲極都有奶茶香。我唯有點左杯紅豆杯，有少少失望，D奶有D淡，冰多，紅豆有點硬。。。其實overall 黎講，佢都算係高質下午菜，如果再經過附近，都會想食，好想飲返杯南山冰茶。如果lunch，我會推介梅菜扣肉飯（如果你唔怕佢多肥肉，佢真係好好味架！）

位於一堆村屋內最遠的「南山軒私房菜」, 由三層高的村屋改建而成的餐廳, 用餐地方不在村屋內而是在地下搭建出來的玻璃屋。玻璃屋環境寛敞又冇柱位, 空間感十足。燈光及冷氣非常足夠, 環境跟酒樓餐廳無異。未到8点餐廳已經坐得八八九九, 幸好到來前預先致電訂座。餐牌製作簡單, 但菜式豐富全部都是港式小炒、家常菜及大排檔海鮮。每款菜式(海鮮以外)價格都不超過八十元, 又冇加一服務費, 真抵食!大部份食家都是下午茶幫襯, 因此菜式不能作參考唯有依靠直覺去點菜。筆者想一試這裡的名物《冰條奶茶》, 可惜水吧只營業至下午茶, 無緣一試。唯有叫支特價藍妹$15 解愁。《椒鹽九肚魚 $68》 外皮不夠乾身又不夠脆口, 粉醬太粉又太厚。幸好調味適中而且九肚魚大件厚身, 咬下去啖啖肉又濕潤。《蝦醬蒸豬頸肉 $68》 非常失望的小菜。老實説閉上眼咬下去的話, 筆者完全感受不到這個是豬頸肉, 肉質異常地鬆軟完全沒有豬肉應有的煙韌有咬感的肉質。味道更加沒有豬味, 非常明顯這豬頸肉是雪藏或加了過量的鬆肉粉。這個食材已經不濟, 可是連蝦醬同樣失色, 蝦醬一點咸香都沒有。可能店方用豆腐墊底隔水蒸, 豆腐出色把蝦醬的味道冲淡

去元朗來來去去都係大馬路果邊，今日去左yoho 後面黃屋村呢間私房菜茶居，意想不到咁多人原本諗住叫哂五六日先有嘅下午茶，但因人太多，只好先叫個快炒，搭一個下午茶。1）乾炒牛河，平平，只為頂肚。2）流心芝士炸豬扒沙律不愧為招牌菜，鬆脆嘅炸外皮同流心芝士簡直係天作之合。件豬扒仲厚疊疊，夾左塊火腿喺裏面，仲要食到最後都仲脆卜卜，冇得彈3）南山茶冰，即凍奶茶，同埋一條原條用茶雪成的冰，冰溶都唔會沖淡杯奶茶。奶茶香濃唔澀，齒頰留香，必點！4）紅豆冰，太甜，搞拌後色澤淡紅，有點奇怪，豆硬。可能係人太多關係，整唔切。

滿心歡喜黎試下南山軒～一黎到叫服務員落單，叫左幾次先黎-.-但明明個場又吾爆-.-好啦，叫左牛肉漢堡同美式魚柳包拼沙律附送南山茶冰其實南山茶冰只係普通奶茶，無咩特別！再試下個魚柳包先，個樣好似好ok, 但一咬落個包到，咁硬既～哇！又吾係法國麵包，點解可以咁硬少d牙力都食吾到！！另外，個牛肉漢堡包大大份，但入面既牛肉鞋既。完全失望

下午想搵地方去食嘢，又要泊到車，又想好坐，就會諗起南山軒！響餐廳入少少，有一個專用停車場，夠晒多位！午餐有standard menu，亦有星期一至五餐，我哋兩個人叫咗一個咖喱牛腩飯一個雪菜鴨絲炆米。但係兩個都麻麻地，咖哩, 應該話係咖哩味嘅芡, 冇香味, 飯又硬。 雪菜鴨絲米完全唔入味, D米粉又硬。可能都係食返蒸肉餅或者蒸魚穩陣啲  不過食完之後，可以坐一陣，環境又真係幾好嘅。至於啲侍應又真係麻麻哋，唔係話冇禮貌，不過真係有啲Hea ,係咪因為個環境真係好Hea啊?! 

休閒的星期天，當然要嘆一個休閒的下午茶。想起之前朋友介紹過這裡，便和男友揸車來，有免費車位。讚！一直喜歡奶茶，這個特色南山茶冰，正！就算溶冰，仍然保持到茶味下午茶選了熱狗配洋蔥圈，洋蔥圈好好味，因為粉唔多唔厚，好脆下次有機會仍會再來！

 I went to this restaurant because of the special milk tea they serve. It took us around 10 minutes to get there and the shop was full of people. We needed to share table with others because there were just too many people. We ordered the special milk tea, the hot dog with onion rings and pork chop with cheese.The special milk tea came first, I was amazed because inside this drink, you can find a milk tea ice block, and it was so yummy and great for the summer. Most of the people in this café or

還記得上次到訪正值南山軒被推廣,週末拜訪更是人山人海!!大門都還未到便已見堆滿人潮，打算最多花多少少時間等可是，取籌時店員跟小妹說特色下午茶已售罄 今日是平日，終於可以一嚐南山軒嘅下午茶不用等位，更是沒有甚麼售罄今次難得甚麼都有, 當然甚麼都叫來一試 流心芝士豬扒配沙律(HKD$55)豬扒炸得香脆, 中間夾住火腿同芝士熱烘烘的豬扒切開還有流心效果, 相當吸引BBQ雞翼司華力腸拼西多士(HKD$55)大滿足的一道下午茶, 雞翼腸仔西多好齊全　所有下午茶要見都可以在此找到西多士中間夾住好香嘅花生醬整道菜看很油, 但吃完並不覺膩炸大雞脾配沙律(HKD$45)雞脾皮唔算炸得香脆, 但就很嫩滑經過特別醃製, 另有一番滋味南山特色三文治(HKD$60)三文治好大份好厚身，還有大量薯條，一看就知絕對物超所值三文治材料豐富, 當中夾的竟然是炸魚柳很少見但又果真與其他配料好夾每度下午茶都會附送飲品我們當然要叫南山軒特有的南山茶冰茶香奶滑，　最特別的是有條奶茶冰條能夠保持冰凍, 亦不怕溶了後會影響茶味總括而言,, 今餐又豐富又有特色真是好大份好抵食

約了朋友遊元朗，一行四人。心想去一些特色的餐廳，吃過一次南山軒下午茶，質素不錯，於是重遊此地。之前看食評，大部分都為了流心芝士豬扒而來，上次吃過一次，感覺芝士味不太濃，今次選擇其他。（p.s本人為芝士控）今次叫了雞脾薯條，兩個洋蔥圈熱狗同流心芝士豬扒。所有食物都即叫即整，炸雞脾大小適中，而且肉很juicy ，薯條份量算多，熱辣辣，很脆口。洋蔥圈是有薯仔加洋蔥粒炸，味道都不錯，反而熱狗不太特別，味道較普通。流心芝士豬扒同南山茶冰沒有拍照，因為之前有不少食家介紹過。但總體而言，食物質量不錯，而且服務很好，兩次來到的經驗，侍應都很主動，而且樂意服務。

又係下午茶時間。。華嫂實在太多人。忽然諗起哩間。。見評語不錯！同好朋友叫左芝士火腿豬扒沙律同熱狗炸洋蔥圈。。配南山冰茶同紅豆冰。。每個餐大約50左右。。價錢ok勝在大大份冰茶即係奶茶甘。但有條冰條，有創意味道好！要推介！相對紅豆冰較失色。。紅豆還有點硬！熱狗的包有點硬，但那腸和醬卻很好食！敗筆係那炸洋蔥圈。味道有點苦。而且炸得很死實。下次唔會再叫！這個還不錯！豬扒夠脆，有芝士味又唔會太濃。。佢配既醬係普通沙律醬。。如果係千島醬我會更喜歡！沙律也達要求，推介！不過有一大缺點。。我地被安排坐在廁所旁邊的2人位。。竟然有隻大烏蠅不停甘騷擾我地食野。。全程就係甘不停撥。。希望下次再去不要再發生。。下次希望可以試下佢既晚餐埋單時發現夜晚有好多人已book左枱！晚餐應該不錯！

得知元朗博愛醫院附近新開了一間私房菜其實又不算得是私房菜，似是高檔茶餐廳吧與水爺一於試試~~大部份位置都是戶外的，但有膠幕等蓋著，有風扇，不算很熱的水爺點了火鴨絲炆米粉看起來很不錯，很多材料，而且有穫氣，味道層次分明，也不會太咸煮得很有心思的水太太點了芙蓉蛋飯水太太比較喜歡多蛋汁不太熟的芙蓉蛋，所以略嫌這芙蓉蛋有點乾身但材料很足，也很好味道~~其實兩個午餐份量也很多，超飽哦﹗每人約$50 連飲品

很，久，沒，寫，食，評，啦。這兩年吃很多東西，但一篇也沒有分享過，現在想起覺得有點可惜。話說回來，作為元朗人，即使已經很努力地嘗試新餐廳，也還是沒法吃遍所有元朗美食。周六沒事幹，特地等到兩點才來南山軒私房菜吃下午茶，為的就是這個：流心芝士豬扒，可配沙律或薯條，$55，包一杯飲品，可選茶冰、紅豆冰或雜果冰。份量真的好大，拿起炸豬扒，芝士便源源不絕地湧出來，芝士比較杰，味道不算很香濃，但已掩蓋了豬扒的味道，說實話我吃不到肉味。薯條極多，兩個人最後也吃不完。建議大家選沙律，看到其他客人點的，是傳統港式雜果沙律，看起來吃好好吃，也可以中和一下豬扒的肥膩。接著就是經典牛肉漢堡，$48同樣連飲品一杯，很大一個漢堡，牛肉是手打的，非常厚，其他配料還有芝士、煙肉，蕃茄和生菜絲。把漢堡一分為二也不容易，因為真的很大！我不很喜歡這塊牛肉，因為有很濃的香草味，芝味同樣不香，吃了兩口就給他吃了。問他好不好吃，他說：Not bad啦！然後是人人聞名而來的茶冰，我是從來不喝奶茶的人，但決定一試。奶茶中加入了一條以茶製成的長型冰條，令奶茶的茶味更濃郁，我當那冰條是雪條一樣嘗了一口，很澀，就是濃度極高的茶！這裡的座位

去南生圍郊遊，順便試試呢間出名有奶茶冰既茶記（唔係入開黎都真係好難叫人專程搭車入黎試）😜點半到，完全唔使排隊，可能因為茶餐未夠鐘開始，坐低先知！決定叫住一個豉椒牛肉炒麵同海鮮湯飯share 食住等！水準一般啦、因為醉翁之意不在此。終於等到茶餐時段（兩點喎）,其實都係一般炸雞脾薯條、漢堡，豬扒等等.，比較之下係多左丁點心思既-豬扒有芝士夾心，雞脾係生炸既，奶茶+左支奶茶冰條，同時仍然保留正常冰塊（其實其他任何飲品都可以考慮加丫😁，同埋都無須要再加冰啦，結果都係冲淡左奶茶味。以上純粹個人意見）可惜唔可以當雪條食，好快就溶晒。漢堡扒係自家製，不過略嫌多左啲黑椒。其他都一般般啦。

冰‧茶，聽聞咗好耐，今日入元朗就即去試吓~~由元朗西鐵站行過去都唔近(天氣熱就更加覺得遠)，可能揸車/踩單車路過比較好~~~我地想叫下午茶餐，坐低見到差不多枱枱都有杯茶冰，即問店員跟餐係果杯冰茶係咪就係果杯茶冰，一答係即落單！原條茶冰浸係杯奶茶度，淨係視覺已經贏了，試左一小啖茶冰，果然好濃好澀，就讓它自然溶化啦星洲炒米夠乾身，算夠鑊氣，但只得2隻蝦炸雞脾薯條見到隔離枱，嘩了聲，我地碟雞脾到時都嘩咗聲。一入口，太油，皮都淋左，唔夠乾身，可以油溫唔夠啩？到此，茶冰真係值得一試！完~