影片
電話號碼
93808187
開飯介紹
由擁有逾40經驗的前香港會議展覽中心主廚主理，嚴饌矜貴食材供應「老香港手工粵菜」作招徠，另亦炮製順德宴客菜等特色料理。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
205 瀏覽
中秋過後理應秋風起，只不過依然有炎熱天氣警告，奈何現實與期望總有落差！人生就是這樣，在乎你你如何看待，我們一行八人，冇阻興致，浩浩蕩蕩前往廚藝穩扎的「南華軒」品嚐預訂了秋天至寶，蛇羹、羊腩煲及一些懷舊菜，一樣盡興而回！椒鹽魷魚 $129惹味頭盆，椒鹽之辛香與新鮮魷魚的爽軟結合，總令人停不了口！竹炭豆腐 $98外脆內嫩，非常幼滑，是我近期很喜歡的菜式。舟生海蜇頭 $148爽口。鳳城焗魚腸 $218做得出色的懷舊菜，送上來已經香氣四溢，有種內臟脂肪香，食落又無喎，蛋香腸無異味，好吃。花膠五蛇羹（半份）$1080雞肉、蛇肉與湯汁的比例恰到好處，吃一小碗，已經溫暖在心頭。蟹粉扒時蔬 $298豐富的蟹粉，是為蔬菜提味最奢華的伙伴。古法羊腩煲 $680熱辣辣，羊腩有皮有肉，鬆軟入味，如一般吃法，備以生菜，最後在煲內灼。八珍扒大鴨 $880夠火候，軟透入味，鴨皮滑得不得了，入口即化.薑蔥蠔皇花膠撈生麵 $238矜貴的生麵，骨膠原萬歲，適宜趁熱吃！因為是網球體育館內的餐廳，裝潢及設施比較簡單，確又別樹一格，價錢合理，是與一班朋友或家人食飯相聚的好地方，設有停車場。
繼續閱讀
接近十月尾，香港天氣以乎仍未有轉冷跡象。可是為食人如我，季節變更會帶動當季美食在腦海中不斷搖晃。正如上星期跟朋友到西貢閒遊，陽光正猛、汗水滿身，但禁不住為冬季添了兩隻美麗的油鴨髀存倉，正所謂本地好貨難求，有買趁手！問我冬天最記掛什麼？個人必定是蛇羹和羊腩煲兩大美食，既然已經推出市面，又何解不先嚐為快！ 看到紅燈罩，熟悉我的朋友一定心裡有數，皆因「南華軒」是我喜歡的中菜之一，最難得這裡的雞做得很對我的口味，年中跟家人或朋友都會來好幾趟！不過今次暫且不吃雞，將胃納空間預留給冬令菜式。先來三道輕食，椒鹽魷魚HK$128 是其一 。炸漿細薄，調味撲實自然，儘管是炸物，也讓人吃得輕鬆。無負擔也許是「南華軒」菜式的風格。我們一行九位，一客竹炭豆腐 HK$98 不夠分，就來兩客吧！烏卒卒的竹炭皮脆而不油，一咬即露出豆腐白嫩的真面目，以些少炸蒜點綴，感覺就是健康。再來舟山海蜇頭 HK$148。海蜇頭極緻的爽感，加上青瓜和醋酸，的確十分開胃！主角之一的花膠五蛇羹 HK$1,080/半份出場。不用心急，先放上電爐加熱，直至淡麗的香氣慢慢彌漫一室，然後將蓋子一開，一種思念、溫暖的感覺隨即浮現，而口水分秘亦會馬上失衡。花膠五蛇羮頗足料，入口自然富層次的淡香，與不過份濃稠的質感，實在叫人大滿足！首次享用「南華軒」的鳳城焗魚腸 HK$218，很自然便跟心目中最美的焗魚腸來個比拼。「南華軒」的焗魚腸來得溫柔，魚腸香氣細細的溢出，不會一下子將味蕾俘虜，仿如細水長流的釋放，配合水潤的層次，一點也不膩，反而愈吃愈想吃！從小到大都愛吃羊腩煲，記憶仍藏著老媽帶著小時候的我們吃羊腩煲的畫面。也許以前的冬天真的冷，一鍋羊腩煲不僅暖身，也帶出家人的溫馨！古法扣羊腩煲 HK$680，包含雙冬的冬菇和冬筍，還有馬蹄和枝竹。最愛連皮的羊腩，入口先享煙韌彈牙皮層、然後是入味鬆軟的羊肉，濃香而不過鹹，每件羊腩來得夠大有口感。再以爽脆的生菜沾羊腩汁吃，冬日滋味在心頭，試問冬天又怎可以沒有羊腩煲！「南華軒」的八寶鴨水準不錯，但今回換上同樣功夫多多的八珍扒大鴨 HK$880 一試。待鴨上色後，先炸後蒸，然後將燴好的蝦仁、帶子、叉燒、魷魚、冬菇、花膠等淋上鴨面。由於八珍配料多元化，感覺要比八寶鴨來得更多姿多彩，膩意亦相較下降；而八寶鴨塞滿鴨肚的粟子、糯米、鹹蛋黃、蓮子、瑤柱等，則較有冬日風味，但兩者鴨肉同樣軟腍好吃。所選的蔬菜是蟹粉扒菠菜 HK$288，今趟真的有些微過鹹的狀況出現。大抵是蟹肉和蟹粉來得相當的稠密厚重，無法均勻地散佈於蔬菜之上，所以要不就沒有沾上蟹粉，要不就太多太濃！主食是薑蔥蠔皇花膠撈生麵 HK$238。將花膠配上生麵，達到簡單清雅又養顏的效果。一季又豈止吃一次，蛇羮、羊腩煲，I will be back!
繼續閱讀
近日留意到 社交平台 看見 南華軒 私房菜資料, 於是訂了位約朋友去試試. 由佐敦出發, 行了 15分鐘. 到達京士柏網球中心, 南華軒入口, 簡潔, 門外有等候座位.私房菜館, 主打懷舊手工粵菜, 標注不用味精, 裝修整齊, 地方寬敞無局束感, 紅色吊燈有點似中式紅燈籠高高掛.綠色的磚牆, 掛了木片提供美食推介, 仿如揮春般點綴, 頗美. 更備有美酒給客人選購. 凍桂花蕃茄 ~ 開胃前菜, 夏季消暑小食, 有桂花香, 味道帶點酸甜, 好醒胃.崧子雞頭米炒素粒 ~ 也是夏日爽口小菜, 新鮮 粟米粒, 毛豆, 雞頭米, 崧子, 冬菇, 吃得健康. 鮮仁稔蒸排骨 ~ 蒸排骨熱熱的上檯, 好喜歡子薑, 椒絲, 蔥做配搭. 排骨大件厚肉少骨吾肥, 味道由仁稔醬帶出, 少少酸辣味, 惹味好食. 招牌燉湯, 紫砂茶壺功夫湯 ~ 杏汁燉豬肺湯, 用上紫砂茶壺保暖, 保溫功夫做得好. 一人一壺,杏汁磨得好滑, 味美甜濃, 慢慢細嚐湯料滿滿, 個湯好清甜好潤喉. 豬肺, 瑤柱, 瘦肉, 雲腿, 白菜仔, 連湯渣也感覺好食, 的確是上乘的燉湯. 薑絲米皇魚浸時蔬, 芥蘭苗, 好嫩綠, 經魚湯浸熟, 食得唔油膩又夠健康.黑松露鹹肉帶子炒飯 ~ 炒飯粒粒分明, 帶子鮮美, 鹹肉有肉香, 蛋, 露筍粒, 蔥, 一同炒, 顏色好靚, 加上黑松露, 入口香而不油膩. 非常好食. 餐後送自家制甜品. 今晚系 木瓜雪耳糖水(凍), 好滑. 有益清潤顏.食完晚飯, 可以觀賞網球員球技, 真不錯.回顧今晚我們點的幾個菜, 調味好又無味精, 巧手廚藝, 吃得好味. 食物用料新鮮, 質素好. 下次會再來試下此店的仙鶴神針.
繼續閱讀
朋友仔識飲識食，呢日佢同我講油麻地有間美味懷舊中菜，話要帶我同其他幾個老友試吓，所以大家就約好放工一齊跟佢過去食好嘢。到咗先知原來餐廳位於南華體育會網球中心入面，裝修及音樂都充滿老香港情懷，未食之前就滿足咗視覺享受; 當晚我哋叫咗以下幾款食物: 茶壺功夫湯 - 呢款湯以紫砂茶壺盛載，存熱很好，一送過來就聞到椰汁香味，打開蓋望吓，就見到有雞腳、豬肉、瑤柱、五指毛桃、海底椰等等，唔怪之得飲落咁清甜，呢個湯有齊視覺、嗅覺、味覺嘅享受，飲完湯令我更期待之後的菜式。百花釀蟹鉗 - 呢款真係粵菜經典，以前細個去飲係一道不可缺少嘅菜式，反而大咗去飲只係間唔中先食到，南華軒嘅炸蟹鉗炸得剛剛好，外皮一啲都唔油膩，中間嘅蝦膠不但彈牙，仲食到蝦嘅鮮味，最驚喜食到蟹鉗最裡面有鮮味嘅蟹肉連住，真係好好味，點吓酸酸嗰碟醬汁，即可解膩。菘露醬珊瑚帶子 - 珊瑚蚌及帶子分別食落爽脆鮮嫩，沒有炒過火，西蘭花煮得軟硬適中，菘露醬獨有嘅香味，令整體錦上添花。花菰肉絲脆燘龍躉頭腩 - 估唔到餸如其名，炆龍躉頭腩鮮嫩多汁，個層外皮keep到係脆就算食到最後一啖，都依係脆脆哋，簡單加上花菰及肉絲一齊煮，但食材新鮮上盛，調味拿捏得恰到好處，呢味餸又係深得我心。砂鍋咸肉帶子炒飯 - 送到過嚟職員會再兜勻炒飯，避免砂鍋太熱，令炒飯燶咗，呢啲細心位值得一讚，炒飯炒得粒粒分明，食到底都見到有油，很有穫氣，而且咸肉食落唔會過咸，有少少咸香，帶子鮮嫩，加上菜莖粒及炒蛋，口感豐富，印象難忘。雜果涼粉 - 雖然是贈送的甜品，但感覺唔係求求其其，涼粉食落煙韌彈牙，涼粉味清香，跟街外吃到的有些不同，很熟悉但就係好味進化版，食埋甜品真係大滿足。呢餐果然係高質懷舊粵菜，老友們都很滿意，另外，職員態度殷勤有禮，值得加許; 下次會再約家人嚟試吓餐廳其他懷舊中菜。
繼續閱讀
今日朋友帶領下到油麻地衛理徑南華會南華軒食晚飯。朋友介紹這間乃老香港懷舊粵菜，所以在此安排飯局。到達餐廳店員好快就安排好座位，裝修都好精挑細選好老香港情懷。今日朋友點了茶壺功夫湯，百花釀蟹鉗，菘露醬珊瑚帶子，花菰肉絲脆燜龍躉頭腩，砂窩咸肉帶子炒飯。茶壺功夫湯：有雞，豬肉，龍眼，五指毛桃，海底椰，瑤柱。非常足料，好精緻每人一個茶壺既湯。湯好清甜，肉汁味濃。用茶壺倒出杯仔飲湯，我都係第一次非常有趣。百花釀蟹鉗：蟹肉鮮味可口，炸得金黃外脆內熱。揸住黎食加上酸甜醬汁非常好味道。菘露醬珊瑚帶子：好香菘露醬味道，帶子珊瑚蚌新鮮鮮甜好味道。花菰肉絲脆燜龍躉頭腩：花菰有口感，味道都好好。肉絲肉質好夠淋。走過油既龍躉外面脆口，再用醬汁燜夠晒入味。龍躉肉質好，鮮味十足。砂窩咸肉帶子炒飯：熱辣辣既砂鍋，上枱店員就幫助炒一下以免因過熱燶。炒飯足料，非常乾身好味道。仲有甜品送，甜品係雜果涼粉。真係好耐無食過涼粉，好正。另外，要讚店員服務態度好好。
繼續閱讀