南記粉麵 (域多利皇后街)

營業中

休息中

今日試食南記嘅芫荽蓉湯底米線套餐。自問唔係芫荽控，吸引我嘅唔係個湯底而係套餐配嘅芫荽可樂🤣好奇嘅我真係好想一試。第一啖即試個可樂，我本身唔怕芫荽陣味所以對我來講係唔臭嘅🤣🤣飲落去係有淡淡的青味，好似飲緊五青汁咁。而可樂嘅甜味令佢更加容易入口，我唔反感，不過本身唔係好飲凍嘢嘅我下次就未必會再嗌啦。至於個米線，由於係用芫荽蓉做嘅湯底，芫荽味真係好濃郁，仲有一大堆新鮮嘅芫荽，芫荽控真係一定要試呀！不過個人喜好如果啲芫荽淨係比葉嗰部份，少啲根莖部份就會更好啦。配料方面，除咗豆卜比較硬之外，豬扒皮蛋同芫荽丸味道都唔錯👌🏻同我一樣好奇心重，或者真係好鍾意芫荽的話要試試喇。😄

終於可以堂食返當然出街食挽救香港經濟啦，喺公司無聊篤篤下手機見有一個廣告，立即去試啦，食咩呢？就係芫茜豬扒麵！🎉好得人驚呀！成碗綠色，睇嚟佢張大量芫茜磨成粉做湯底，當然都有正常版一棵棵嘅芫茜，成塊豬排都充滿芫茜味，喜歡芫茜就咪錯過。再叫埋杯芫茜可樂，不得了！呢杯嘢我頂唔順，臭青味重😣可樂加入生拗拗嘅芫茜粉唔係人人飲得到。另外叫咗碗辣豬肉春卷米線都係誠意之作，由其個豬肉，少少辣夠野味👍飲埋杯仙草咖啡，滿足😋

喜歡吃粉麵的我們，今天途經中環南記當然就要來一碗河粉才繼續行程啦！這店的食客很多，要等一會兒才找到座位。下了單，付過錢後，便靜坐等著拿食物。～大雜錦河粉河粉幼滑，配料豐富：計有爽口墨魚丸、牛丸、魚丸、魚皮餃和魚春卷。大雜錦河粉份量頗大，適合男仕吃，相信女仕難吃掉整碗粉呢！～凍豆漿凍豆漿是常溫的，不是冰凍那款，有著淡淡的豆味。～魚春卷、牛丸、魚旦河粉招牌魚春卷好有咬口，味道適中，是我的至愛。牛丸和魚旦質素一般，不是我杯茶。清湯河粉不會膩，加點魚露，味道更佳。～生菜🥬煮得剛好，不會太生又不會過熟，仍然爽口。加了點蠔波，味道更突出。整體而言，這店的食物也是不錯。

聽好多人說南記好味，今日就買來試試，買了招牌番茄牛腩春卷米線外賣🍅🍜除了春卷真的好味彈牙外，其他的真的沒特別😅😅蕃茄湯底感覺不是鮮蕃茄煲出來的（味精），牛腩勁韌咬唔爛，米線正常，食完會有點口喝😳😳不過中環區$46一碗麵，這個質素是否都屬正常😂😂😂

見到佢嘅廣告已經好吸引，今日終於忍唔住要叫番碗試吓。返到公司已經急不及待打開，已聞到酸菜湯嘅香味，口水已經從口腔流出嚟酸菜嘅香味已經遍布整個辦公室，係人行過都問我食咩？咁香先試一啖湯，😱呀！唔會好似出面食到嘅酸菜魚咁樣，好酸，好咸，再食條酸菜，甜甜地，好好味喎。魚🐟唔算多，5-6舊啦，但魚肉好實在，唔會一夾就散晒最後試埋米綫都好好，唔會淥得太淋，整體成碗米綫係真心講：比好多人成日會叫嘅麻辣，酸辣米綫正得多多聲喎！

呢排疫情基本上日日都係要嗌外賣返公司食，我哋成班同事基本上一星期都會食到一兩次米線，南記嘅小窩米線簡直係快靚正平價之選🤣🤣🤣 小窩米線加辣豬肉係絕配，辣豬肉算係幾軟身，今次我揀咗酸辣湯底，有芽菜同埋韭菜仲有腐皮，雖然個樣望落好似好dry，但其實係好入味嘅，因為個湯底夠濃，就算配米粉都唔會話好寡。記得打電話嗌外賣，會仲有九折，以30幾蚊香港地中環基本上買杯咖啡咁嘅價錢，已經可以買到一碗米線做lunch，有呢個質素基本上已經係冇得輸

未試過禁離譜 買左個麵加腩肉返到黎打開得果2塊 加9蚊2塊打去問佢有無份量佢同我講話40g 我濕埋水計都係得30g 打去同佢講話得2塊佢大塊既唔出奇 話下次比多塊我 我係咪要多謝你

繼續外賣系列，今日就到「南記」，前兩日試左麻酸湯底米線，覺得麻麻地，唔知是否我只叫了小辣，所以我覺得又唔麻又唔辣，感覺唔好食囉，所以都不願一提！（或者食酸辣我係揀錯地方）但今日都係食返最普通嘅招牌河加牛筋，一個字「正」囉！其實佢嘅春卷出息，應該食過嘅人都知道。但我今次要讚嘅係牛筋，我食左南記好多次，但牛筋真係第一次。嘩！原來咁好味，牛筋好林，好軟滑，好入味，加埋佢地嘅自家品牌嘅辣醬，真係無得輸！以後牛筋會係我喺「南記」三甲之選

中環閒日中午繁忙時段到門市落單外賣，明白店鋪係多客人，員工都好忙，但收銀員絶對唔應該將忙碌嘅不滿發洩起食客身上（自問只係正常落單，無特別要求亦唔係慢慢諗食乜）。但門口收銀員好無禮貌（短髮，帶眼鏡個位女士），希望貴公司可以留意員工對客人服務態度，以改善客人光顧我體驗。食物性價比高，一直都喜歡食南記。雖然只係幾十蚊一碗麵，但對於光顧嘅客人無啦啦俾收銀員態度好差咁對待，實在係有改善空間。真心希望公司可以多加留意。

今日又要OT,收工都8點半又好肚餓，中環夜晚冇乜好揀，所以去左由細食到大嘅南記，價錢親民，又啱口味，質素有保証。點左我至愛嘅牛筋春卷小煱米線+汽水，只係$52牛筋好林好入味，招牌春卷彈牙，配合酸辣米線，粉量十足，即時補充返一日的疲勞。撕下收據優惠券，仲適用於中午晚添

中環午餐$41有菜有野飲. 算好好嫁啦都食左幾個月$41套餐（雖然原本$40）兩餸配清湯豆漿生菜但每次都超多人排隊就算打電話都要等，唔會一打即通，有時可能打10mins左右先講，實在太過繁忙啦，不過出菜速度系快嘅就算到左店先叫外賣，都系等左5mins左右我今次要左春卷（次次必叫）+魚皮餃不過我再加左辣豬肉啲秘製辣醬真系好正，好辣生菜的量都可以嘅，有蠔油系上面而個麵軟度我好鍾意，再加上啲湯夾埋一齊食雖然每次都比一包小小嘅辣醬另外醬料bar果度有醋/魚露/秘製辣醬（次次都食）我每次都各要左啲倒落湯（自制辛辣湯）

餐廳內部裝修殘舊，冷氣微弱，好熱，食到滿頭大汗。春卷小窩米線加墨丸加生菜55元，有辣味，春卷彈牙，墨丸爽，生菜新鮮。四寶紫菜河粉44元，湯底清甜，魚蛋軟滑，牛丸結實但不靭，紫菜份量足夠。細豆漿8元，味道正常。

一個早餐滿足兩個願望。話說小妹好鍾意食蕃茄肥牛米線，而南記早餐有個蕃茄仔套餐可以滿足我既願望。佢可以配湯再加野飲既。隔離位個同事話想試牛丸紫菜湯，我就俾個湯佢喇，反正完全唔好飲大部份外面既湯品。個麵唔太大。佢既蕃茄係煮得好爛的，小妹較為鍾意一舊舊無咁爛的。肥牛有少少難咬。不過可能係外賣焗得耐左少少。要注意，可能係早餐時段關係，店鋪入面只係得好微弱既冷氣，所以係有啲熱。同埋佢既鋪頭只收現金，八達通都唔得。

好耐好耐都冇幫趁喇，今日放工後，約左人未夠鐘，5點45分左右，諗住食個下午茶，但冇啱心水，經過門前，看到店內不太多人，決定入去試試！此分店座位多，空間大，舒服啊食品種類及配搭，款式很多，花多眼亂，有選擇困難...點選酸辣米線，配招牌春卷及魚片，＄38首次試此店的酸辣湯底，份量不少，佷mild，酸辣味道，層次分明，不嗆喉，不霸道，米缐，滑溜溜的，好好味招牌春卷，保持水準，必食魚片，有魚味，爽，彈牙估吾到咁好味喎，又抵食

喺中環返工咁耐，🥺其實最煩係lunch 時間買飯食。我最怕人多，喺域多利皇后街呢一間南記其實比士丹利街個一間少人好多👍🏻👍🏻👍🏻。呢間鋪頭嘅姐姐做嘢速度超快🤩，好適合我地趕返工嘅人黎一個快飯😆。我最鍾意食佢哋嘅辣豬肉小窩酸辣米線，除咗佢哋好食嘅春卷之外，呢一個係我成日食嘅好食之選😋😋😋😋😋