南記粉麵 (士丹利街)

營業中

休息中

次次經過聞到陣酸辣味,,而且出左個蕃茄湯底想試好耐今晚約埋朋友黎食;招牌辣腩肉酸辣湯底$38 (配菜仲有腐皮,酸菜,芽菜,韮菜)佢既腩肉唔太肥,但好好食;酸辣湯底由細食到大配菜超多,中學時期廿幾蚊碗食到而家出黎做野三十幾蚊碗就知通脹幾大,米線份量都小左,只係依然好味,KEEP到水準都難得既!!蕃茄春卷米線$40 好多地方都出蕃茄湯底既米線,南記都跟上潮流~哈食之前先飲一下個蕃茄湯底,好濃郁既蕃茄味喔!! 食食下搵到有豆腐卜,但就無酸辣湯底咁多配料而且蕃茄湯底貴少少佢地既辣醬超好多，可以無限添加

喺灣仔要食到好嘅早餐唔容易，一係排長龍，一係水準一般，但呢次呢間蠻有名氣的米線店卻讓人覺得是良心食店。早餐時段11點半之前，今日過去叫咗個招牌套餐米線來吃，包一杯豆漿，價錢都只係＄25。米線嘅份量係不管早餐，午餐時段或者晚餐時段份量係一樣嘅，大大碗。清湯湯底配河粉好好食，出名gei香港仔魚蛋爽滑得來又彈牙，好新鮮。牛丸同樣也夠彈牙。春卷更是這裡的一大特色，魚肉配腐皮造的，真的好好味。雖然不是常常來光顧，但是久不久來這裏回味一下也是一個非常之不錯嘅選擇，而且價錢便宜適合大眾！良心無價，香港魂！

公司附近有間南記一星期總會幫襯最少一次午餐晚餐都好中環去邊到可以搵到咁抵既粉麵！！食飯時間得一個鐘平時會打定電話落去叫左先去到就可以即刻攞雖然個個同事都話酸辣湯底好好食好鐘意食但自己唔太食酸辣野同埋比較鐘意清淡既粉麵最常叫既就係招牌河$27貪佢夠平又有幾個餸春卷牛丸魚蛋就算攞到返公司都唔會索哂啲湯食到最後仲會飲埋個湯有時會加個細豆漿$6有時會加個菜生菜$11 菜芯$17 娃娃菜$13娃娃菜最好食有湯架

今日見有時間同朋友嚟咗食返個下午茶，淨係叫咗個春卷肉丸河粉，佢嘅春卷真係冇得彈，可以係話我人生食過最好食嘅春卷，我自己食完個春卷之後仲特登再落柯打，叫多啲春卷食！去外皮好香，唔會好溜，咬落入邊啲肉好正！！價錢十分之便宜，喺中環來講呢個價錢食到下午茶好OK架啦！不過通常中午過嚟都好鬼多人，如果食下午茶嘅時間過嚟我次次都見有位！如果你行開呢頭附近又唔知想食啲咩嘅話～～快啲入嚟試吓佢啲嘢食啦！包你食完鍾意！

本人今天去中環史丹利街南記買春卷魚皮鮫小煱米線外賣，返到去打開...竟然冇春卷及魚皮鮫！打電話去致電，佢叫我自己去攞返d餸，wa...大佬來回4個字，真係食你個小煱等8個字！個經理又唔肯送返比我，話下次比返d餸我！即刻著左，你屋企會唔會今餐食白飯，下一餐補返d餸比你！乜名刀唔留，cut 左我缐！今次真浪費左我一個lunch既時間，真係唔刻哂！我唔介意你漏左，但正常人唔會咁處理law!Late到真係不得了

金鐘屬沙漠地方基本上要食一碗粉都難過登天🤦🏻‍♀️🤦🏻‍♀️🤦🏻‍♀️好彩最近有同事發現左南記有網上外賣平台送外賣😱😱😱😱😱😱成張單total加$20!多人一齊叫的話絕對係抵👍🏻👍🏻👍🏻11點落order11點45分就黎到公司分好晒湯同麵👍🏻👍🏻👍🏻估唔到大開個外賣仲係超熱辣辣🔥🔥🔥🔥同堂食無分別🤤🤤🤤春卷好醒目咁放開左係個米度！！所以完全無淋到♥️♥️♥️

最近去開中環返工成日lunch都唔知食咩好 之後同左同事講話要買大家樂 佢地就話不如食南記喇 PPFood見係佢地推薦 所以一於試一試今次就揀左呢碗蕃茄肥牛米線（$40）👇🏻👇🏻👇🏻👇🏻👇🏻開蓋後聞到幾香 食落都唔錯🤡 米線軟硬度適中👌湯底嘅蕃茄味都幾濃 估唔到仲有真蕃茄🍅 而肥牛份量都唔少！🤤 整體而言算中上🙂🙂 btw 買果時係lunch time， 前面有4,5個人排隊 都算等得快幾快😇 下次應該會再去！🤓🤓🤓

相約幾位同事一齊食晏兼行街街，為了多些時間行街，同事建議去南記食粉麵。我叫了招牌粉，有魚肉春卷2條，魚蛋、牛丸各2粒。同事則分別叫了雙拼河（魚肉春卷及墨魚丸）及小煱米缐！整體味道唔錯，不過，中環店食晏時間太多人，都係叫外賣好過堂食。

很久未到此店，舊式格局已換上新裝。我想各大集團舊式食店裝修已絕跡。用上電子宣傳板。餐牌電子化。加多新款式飲品。我留意的是新的宣傳口號:「食得好，心情好，香港好」。能勾畫此時香港的困局，我們只能以食去慰藉自己疲倦的身心，用食物去傳遞關愛，借飯聚去連繫心和心。希望美食能化解暴戾。這亦是近數月我寫食評的動機。新裝修傳遞舊的訊息，是平價促銷。裝修簡單，比新派冰室樸實。兩大特價餐價格未變。各位須留意各分店優惠時間，價格不同。魚片春卷餐抵食，比大約同價雲吞麵飽腹得多。客家春卷仍然是高質素，冠絕全港，濕潤味鮮。下次應只叫單併春卷。附送的豆漿則淡如水。外賣取回家的春卷魚蛋酸辣小窩米線更誘人，翻熱了客家特別的酸菜，陣陣芳香。份量很多，放滿一小煲。湯底水份則略嫌不足，色澤比以往淡，稀釋。可能是看慣四川湯底呢。最新策略是依照身份證號碼定所得折扣，我還望是改良湯底。

香港地連鎖店愈來愈多，太興、翠華、譚仔、南記⋯⋯以粉麵界角度去看，如果說太興雄霸米粉界，那麼南記一定是河粉界大哥！南記河粉滑溜溜、夠薄身，筷子夾起一群再配一囗湯頭放入口，就是爽！久久沒來，忽然發現南記也加入麻辣戰團，當然得一試！紅紅的湯頭先在視覺上吊起了胃口，首先來一口湯汁，香又辣！辣度大概是人家的三小辣。湯汁中仔細地加入了肉碎、青蔥段、韭黃段和芽菜，難怪香氣足，當中更加了一片腐皮。這個珍寶河粉內容有五款，包括：招牌春卷、魚皮餃、牛丸、墨魚丸和魚片。牛丸有牛丸味；墨丸有墨丸味，所有都保有南記水準，好吃！👍🏻在中環突然想吃辣，以這個價位，以後就有南記這個選擇了。

近年來多了餐廳製作新口味湯底，最為普遍的就是蕃茄濃湯底，難得今日中午搵友人用餐來到了中環南記粉麵，驚喜的是南記粉麵也引入了蕃茄濃湯底近睇仲以為係麻辣湯底，實際是番茄濃湯底，蕃茄味濃郁，酸甜適中，都幾開胃加埋杯豆漿，成個午餐已經好滿足了

見南記地面裝修就上一樓要搭𨋢，今次想食酸辣小窩米線就揀左招牌春卷加墨丸配半份生菜同豆漿，配菜正常係個湯底中哂伏 淡貿貿無咩酸辣之餘色水仲淡 咁耐無食而家搞成咁真係好失望 又唔敢俾返櫃面整過碗 費事加料啦又唔想浪費食物 卒之就加左檯面提供既辣醬同辛辣油先叫做好點 明明個碗又有酸菜又有豬肉碎咁都唔夠味都唔知發生咩事 係咪唔記得落醬？？我見對面既牛腩小窩米線色水對版好多 可能我真係太黑仔啦 如果你地仲想食南記既都係叫返招牌河穩陣⋯

落雨唔想周圍去，走过对面上vip層食比平時少人，唔使点等位，真好少左食南記，冇左冬菜了，有套餐選，我擇了个粉餐可以單或双拼。我擇了春卷，來南記一定要食。好入味。爽口又彈牙，有4大條！套餐拼生菜及豆漿。生菜有成碗，好誇張！豆漿暖的，一般

今日天氣又開始凍反又想食碗麵，一向麵痴嘅我，行過見到南記就試下先，我記得上次係香港仔食過一次，味道不錯價錢又合理，但今次中環間分店就有點失望，湯底滿口味精同雞粉味，魚蛋同墨魚丸魚皮餃同街市貨無咩分別，春卷都算好味亦唔係十分好味，只係好味過其他材料，其實碗麵係中環區幾算係平，個肥收銀姐姐同我講今日飲品半價，我當然叫杯最穩陣豆漿，點知就豆漿無豆漿味，可以話一分錢 一分貨，服務上真係0服務，下次都係去返香港仔食穩陣

譚仔雲南米線是外省粉麪店的霸主，客家粉麪店未被廣為認識。因為南記穩守港島，近年才北擴至九龍部份地區。我十多年前已認識此店，當時覺得它足以與廣州，上海麪鼎立。我找出昔日有關此店的報道，當時標榜春卷，牛丸，魚旦河。始創人魏遠謀跟叔叔魏南學製客家腐皮卷，以腐皮包裹魚肉，簡稱春卷，俘虜不少中環白領的心。當年以人手包春卷，以保持魚漿的濕度和彈力。我有保留當時的單張:可見當年是樸拙的小店。造就小店成長的，是推出酸辣小窩米線。有自製的酸菜和客家辣椒醬，酸辣配合得好（辣度自選）。味道與譚仔的麻辣，糊辣不同，很有特色。當時工人用小窩（故名小窩米線）逐碗煮沸，令米線入味。推薦食辣豬肉，原本用豬腩肉，後來用豬頸肉，並改名。有客家豬肉的咸甘味，以薄片形式，不覺肥膩。春卷辣豬肉酸辣米線賣43元，極大碗。對比新舊價單，可見加入麻辣和蕃茄兩種湯底。我認為酸辣才是鎮店之寶。食厭具湖南，重慶風味的譚仔雲南米線，不妨試試客家風格的雲南米線。新界人可外賣，春卷更是家中火鍋的美食。現在店名已冠上香港仔三字，語帶相關，既指發源香港仔，亦象徵香港人的奮鬥精神。食物上它成功揉合客家菜和雲南滇菜系，以綜合為創造，正是香港重要文化特徵