南記粉麵

營業中

休息中

八點幾收工附近啲餐廳有啲都已經抹緊枱南記做開，所以就入去食魚皮交魚片紫菜粗，有芽菜同豆漿味道正常芽菜，仲好大碟送埋餐飲夾埋都係$57 呢個價錢有呢個質素同份量真係覺得幾抵

平日中午想食米線，於是想起附近既南記米線，當然唔少個最出名既招牌春卷。 麻辣招牌春卷牛腩米線$51：春卷食材新鮮，肉質彈牙果然名不墟傳。牛腩亦煮得淋軟，麻辣湯底叫左小辣，但對食開10小辣既人黎講，就相對辣啲，但5味道好過癮。 四寶招牌紫菜米線$57：入面有牛丸，紫菜，墨魚丸，魚蛋，招牌春卷，紫菜份量多，湯底亦鲜甜，米線煮得唔會過淋的，韌度適中。 麻辣招牌春卷腐皮米線$51：腐皮索哂啲麻辣汁，好夾亦好味! 總括而言，呢間餐廳既米線值得推薦。

上次外賣米線已經俾少左肥牛，成碗野只有米線+湯。今次外賣係一個小鍋牛腩春卷蕃茄米線 ， 另一個係酸辣肥牛米線。拎到返屋企打開，牛腩春卷同湯底無錯呀，但米線變河粉；好啦，另一個本來係肥牛酸辣湯底，可能包外賣個人想我地食清啲啦，俾左一個魚旦魚片牛丸清湯底，再搵下個袋，無米線無河粉。由於佢唔係第一次啦，次次都係咁，於是打電話落去叫佢全份退錢，野食俾返晒佢。上來睇食評啦，原來咁多街坊瀨過野，可以black list了！

今日午餐叫咗一碗雙餸麫，我叫咗墨魚丸加魚餃米線，有三粒墨魚丸及三粒魚餃，湯底有點鹹，加上天氣熱，所以我都冇將麪擺落個湯底度食，淨係肉汁撈埋d麫食已經夠味。生菜也有少少。

食南記就係想食佢嘅春卷，以前都試過堂食，第一次買佢嘅外賣，下午茶$36餐，春卷+炸魚片頭+公仔麵+汽水返到屋企一打開只有一碗公仔麵，一碗炸魚片頭，汽水。春卷不翼而飛。睇返啲評論原來佢唔喺第一次，點解要做到咁，其實係唔小心定係有心，唔通要我次次買外賣都打開黎睇下有冇齊哂野先走最想食春卷點知冇得食，真係冇下次😠

喺附近返工 嘗試下一個另類啲嘅減肥法🤣🤣決定挑戰連續30個工作天 午餐食南記😛😛希望30日之後會有瘦到 哈哈通常去食 ~招牌米粉走青 配生菜走蠔油會落少少 醋 魚露 辣椒油渣(會分一條春卷俾同事 一條80卡🥲)有時會加$8 要紫菜 有啲新鮮感之餘 又卡路里唔高👍🏻👍🏻飲品，通常就凍檸茶走甜少冰//熱豆漿不過豆漿好多糖🤢🤢~其實好想食河粉 不過河粉肥過米粉好多🤣🤣🤣，感覺好似冇咁抵 叫夠個餸仲好 哈哈~~~

樂富呢間分店環境都算幾好，乾淨又唔會太逼。身為酸菜控嘅我，見到南記粉麵推出👉🏻胡椒•酸菜豬肚湯•雞扒米線套餐，就緊係要入去試吓😍一碗米線已經🈶咁多配料，見到都覺得好滿足💕當中嘅黑白胡椒湯配上旋風豆腐串，令整碗米線口感昇華。味道有輕微小辣，加埋酸菜好開胃。厚豬肚食落香滑，雞扒肉質好嫩口。呢個期間限定推出嘅套餐連特飲➡️紅胡椒菠蘿特飲都好特別。飲落唔會辣，仲有啖啖嘅菠蘿肉絲，每一口都帶出水果清香。

比咗$9加春卷 食10次有2次都冇比到仲要返到屋企先知又冇理由特登出返去 要怪就怪自己冇即場chec但除非買好多嘢，否則都唔會check仲有其他餐 同一個餐 有時d丸2粒有時3粒？

平時叫啲米線外賣，如果唔係可以數得出一粒粒/一條條果啲，都預佢啲餸個份量唔會多。但今次食呢間叫雙拼（春卷、牛腩）酸辣湯小窩米線，佢淨係比春卷同埋啲**牛腩絲**俾我……其實俾返應有嘅份量俾個客真係有咁難咩？！…… 如果因為我就嚟到下午茶時段而叫餐所以要扣起我啲餸，咁不如你收返我下午茶嘅價錢……另外，呢間南記嘅酸辣湯係無咩味嘅… 相比起其他南記嘅分店，呢間得蕃茄湯個味係keep得到（不過留意返，但佢嘅蕃茄湯一向都係唔濃，想食蕃茄湯底行多兩步去第二間）……題外話，收銀姐姐收錢收得幾「論盡」。

屋企附近開咗南記就去試下第一次食南記粉麵 原來佢係快餐點形式點餐拎餐所以都快上快落 非常適合打工仔嘅我👍🏻叫咗沙爹肥牛公仔麵 炒蛋餐包 凍檸茶肥牛剝得岩岩好唔柴 雖然肥牛冇調過味不過跟返佢啲沙爹汁係幾好味嘅 唔算好濃 不過可以接受成個麵食落好似出前一丁 炒蛋個度都夠滑又唔會好水 餐包同凍檸茶就正常操作 座位坐得都舒服 價錢貼地 食完又會送張優惠卷來下次免費升級凍飲使用 有機會都會再試 因為見到佢個下午茶都幾抵食 同埋人人都話要試試佢個春卷 唔係唔算食過南記

我們一家都好歡食南記春卷，每次路過旺角定會買一至二份回家煮麵食。聽聞樂富開店，唔駛再在旺角買啦，新店開後，幾次路過，都好多人，昨晚（12/11/2022）來樂富搵食，六點多，可能還早，有位，唔駛等。可能新開，有店員推介各款食物，鄰枱坐着兩位長者，應是第一次來，店員有禮貌耐心介紹，藉得一讚。點了2個餐雙拼清湯套餐~春卷貢丸米線配魚片頭，加上魚露食，清湯底頓時變得鮮味，春卷一如既往，好味。牛魔王小窩套餐，好多料，炆牛腩，好入味，又軟嫩，湯底都幾濃，略嫌油咗些。餐飲點了可樂及豆漿，豆漿唔甜，正

樂富呢間南記係11月新開，今日試吓早餐！$32，有生菜魚皮餃湯+一碗自選單餸米線。我揀咗招牌春卷。配凍飲加$3，埋單$35。先讚一讚速度，係勁快，唔駛三分鐘已出餐。生菜勁多，比好多港式早餐健康好多——仲未計港式通常係配好熱氣嘅多士、好高鹽嘅餐/腸/腿，同埋好油膩嘅公仔麵。招牌春卷名不虛傳，好香嘅外皮（挺身、唔脆、但又唔係軟淋淋）。米線軟硬啱啱好。魚皮餃亦是水準之內。唯一可扣少少分係凍飲嗌咗少冰都仲係頗多冰塊，但整體已完勝附近幾家嘅早餐了。