南記粉麵

營業中

休息中

樂富呢間南記係11月新開，今日試吓早餐！$32，有生菜魚皮餃湯+一碗自選單餸米線。我揀咗招牌春卷。配凍飲加$3，埋單$35。先讚一讚速度，係勁快，唔駛三分鐘已出餐。生菜勁多，比好多港式早餐健康好多——仲未計港式通常係配好熱氣嘅多士、好高鹽嘅餐/腸/腿，同埋好油膩嘅公仔麵。招牌春卷名不虛傳，好香嘅外皮（挺身、唔脆、但又唔係軟淋淋）。米線軟硬啱啱好。魚皮餃亦是水準之內。唯一可扣少少分係凍飲嗌咗少冰都仲係頗多冰塊，但整體已完勝附近幾家嘅早餐了。